സെലക്​ടർ പോസ്​റ്റിന്​ അപേക്ഷിച്ച്​ അഗാർക്കർ; തെരഞ്ഞെടുക്കപ്പെട്ടാൽ ചെയർമാൻ

ന്യൂഡൽഹി: ഇന്ത്യൻ ക്രിക്കറ്റ്​ ടീം സെലക്​ടർമാരാവാൻ കളത്തിലിറങ്ങി മുൻ താരങ്ങൾ. അജിത്​ അഗാർക്കർ , മനീന്ദർ സിങ്​, ചേതൻ ശർമ, ശിവസുന്ദർ ദാസ്​ എന്നിവരാണ്​ ഒഴിവുവന്ന മൂന്നു​ സെലക്​ഷൻ കമ്മിറ്റി പോസ്​റ്റിലേക്ക്​ അപേക്ഷ സമർപ്പിച്ചത്​.

നേരത്തെ അഗാർക്കർ സെലക്​ടർ പോസ്​റ്റിനായി അപേക്ഷിച്ചിരുന്നെങ്കിലും ബി.സി.സി.ഐയുടെ മേഖല തിരിച്ച്​ അംഗത്വം നൽകാനുള്ള നയത്തി​െൻറ ഭാഗമായി പുറത്താവുകയായിരുന്നു. നിയമം അല്ലെങ്കിലും കാലങ്ങളായി ബി.സി.സി.ഐ തുടർന്ന്​ വരുന്ന രീതിയാണിത്​.

231 രാജ്യാന്തര മത്സരങ്ങളുടെ പരിചയസമ്പത്തുള്ള അഗാർക്കറിനെ തിരഞ്ഞെടുത്താൽ, സെലക്​ഷൻ കമ്മിറ്റി ചെയർമാനും അദ്ദേഹമാവും. ചട്ടങ്ങൾ പ്രകാരം സെലക്ഷൻ പാനലിൽ ഏറ്റവും കൂടുതൽ ടെസ്​റ്റ്​ മത്സരം കളിച്ച അംഗമാണ്​ തലവനായി വരിക. 26 ടെസ്​റ്റുകളിലാണ്​ അഗാർക്കർ ഇന്ത്യക്കായി കളിച്ചത്​.

മനീന്ദർ ശർമ (35 ടെസ്​റ്റ്​), ശർമ (23 ടെസ്​റ്റ്​), എസ്​.എസ്​ ദാസ്​ (23 ടെസ്​റ്റ്​) എന്നിങ്ങനെയാണ്​ മറ്റ്​ അപേക്ഷകരുടെ ടെസ്​റ്റിലെ പരിചയ സമ്പത്ത്​. ലോകകപ്പിൽ ഇന്ത്യക്കായി ഹാട്രിക്​ നേടിയ ആദ്യ താരമാണ്​ ശർമ.

ശരൺദീപ്​ സിങ്​, ജതിൻ പരൻജ്​പേ, ദേവാങ്​ ഗാന്ധി എന്നിവർ നാലു വർഷ കാലാവധി പൂർത്തിയാക്കിയ വേളയിലാണ്​ മൂന്ന്​ സെലക്​ടർമാരുടെ ഒഴിവ്​ വന്നത്​. ഇൗ വർഷം ആദ്യം എം.എസ്​.കെ പ്രസാദും ഗഗൻ ഖോഡയും കാലാവധി പൂർത്തിയാക്കിയിരുന്നു. സുനിൽ ജോഷിയും ഹർവീന്ദർ സിങ്ങുമാണ്​ ഇരുവർക്കും പകരക്കാരായി എത്തിയത്​.

ജോഷിയാണ്​ നിലവിൽ ചെയർമാൻ. അഗാർക്കറോ മറ്റ്​ മുൻ ക്രിക്കറ്റർമാരോ വന്നാൽ ജോഷിയുടെ ചെയർമാൻ സ്​ഥാനം നഷ്​ടമാകും.