പു​തു​താ​ര​ങ്ങ​ളു​ടെ ക്ല​ബ് ലോ​ക​ക​പ്പ്

അ​മേ​രി​ക്ക​ൻ മൈ​താ​ന​ങ്ങ​ളി​ൽ ക്ല​ബ് ലോ​ക​ക​പ്പ് ഫു​ട്ബാ​ൾ ടൂ​ർ​ണ​മെ​ന്റ് നോ​ക്കൗ​ട്ട് ആ​വേ​ശ​ത്തി​ലേ​ക്ക് ക​ട​ക്കാ​നൊ​രു​ങ്ങു​ക​യാ​ണ്. ലോ​ക​ത്തെ മി​ക​ച്ച ക്ല​ബു​ക​ളി​ൽ പ​ല​തും പ​ന്തു​ത​ട്ടു​ന്ന ക്ല​ബ് മാ​മാ​ങ്ക​ത്തി​ൽ അ​ത്ര​യൊ​ന്നും അ​റി​യ​പ്പെ​ടാ​ത്ത ടീ​മു​ക​ളും അ​ങ്കം​വെ​ട്ടു​ന്നു​ണ്ട്. അ​തി​നാ​ൽ, പ്ര​ശ​സ്ത​രാ​യ താ​ര​ങ്ങ​ൾ​ക്കൊ​പ്പം വ​ള​ർ​ന്നു​വ​രു​ന്ന താ​ര​ങ്ങ​ളു​ടെ കൂ​ടി അ​ങ്ക​ത്ത​ട്ടാ​ണി​ത്. പ്രാ​ഥ​മി​ക റൗ​ണ്ട് മ​ത്സ​ര​ങ്ങ​ൾ പി​ന്നി​ടു​മ്പോ​ൾ ശ്ര​ദ്ധേ​യ​രാ​യ 10 പു​തു​മു​ഖ താ​ര​ങ്ങ​ളി​ലൂ​ടെ ഒ​രു ഓ​ട്ട​പ്ര​ദ​ക്ഷി​ണം.

ഇ​ഗോ​ർ ജെ​സ്യൂ​സ് (ബോ​ട്ട​ഫോ​ഗോ)

കേ​ളി​ശൈ​ലി കൊ​ണ്ട് ലാ​റ്റി​ന​മേ​രി​ക്ക​യി​ലെ ദി​ദി​യ​ർ ദ്രോ​ഗ്ബ എ​ന്ന വി​ശേ​ഷ​ണ​മു​ള്ള ഇ​ഗോ​ർ ജെ​സ്യൂ​സ് 2024ൽ ​ക്ല​ബി​ലെ​ത്തി​യ​തു​മു​ത​ൽ ബോ​ട്ട​ഫോ​ഗോ​യു​ടെ ന​ട്ടെ​ല്ലാ​ണ്. ക​ഴി​ഞ്ഞ സീ​സ​ണി​ൽ ലീ​ഗ്, കോ​പ ലി​ബ​ർ​ട്ട​ഡോ​റ​സ് കി​രീ​ട​ങ്ങ​ൾ സ്വ​ന്ത​മാ​ക്കാ​ൻ ബോ​ട്ട​ഫോ​ഗോ​യെ സ​ഹാ​യി​ച്ച ജെ​സ്യൂ​സി​നെ ക്ല​ബ് ലോ​ക​ക​പ്പി​ന് തൊ​ട്ടു​മു​മ്പ് നോ​ട്ടി​ങ്ഹാം ഫോ​റ​സ്റ്റ് 17 ദ​ശ​ല​ക്ഷം പൗ​ണ്ടി​ന് സ്വ​ന്ത​മാ​ക്കി​യ​താ​യാ​ണ് റി​പ്പോ​ർ​ട്ട്.

ആ​ദ്യ ര​ണ്ടു മ​ത്സ​ര​ങ്ങ​ളി​ലും ഗോ​ൾ നേ​ടി​യ ജെ​സ്യൂ​സി​ന്റെ ബൂ​ട്ടു​ക​ളി​ൽ ത​ന്നെ​യാ​ണ് ബോ​​ട്ട​ഫോ​ഗോ​യു​ടെ നോ​ക്കൗ​ട്ട് പ്ര​തീ​ക്ഷ​ക​ളും. ബ്ര​സീ​ൽ ദേ​ശീ​യ ടീ​മി​ലും ഇ​ടം​പി​ടി​ച്ചു​ക​ഴി​ഞ്ഞി​ട്ടു​ണ്ട് ഈ 24​കാ​ര​ൻ.

ക്ലോ​ഡി​യോ എ​ച്ചെ​വെ​റി (മാ​ഞ്ച​സ്റ്റ​ർ സി​റ്റി)

ക​ഴി​ഞ്ഞ​വ​ർ​ഷം ജ​നു​വ​രി​യി​ൽ റി​വ​ർ​പ്ലേ​റ്റി​ൽ​നി​ന്ന് ടീ​മി​ലെ​ത്തി​ച്ച അ​ർ​ജ​ന്റീ​ന താ​ര​ത്തെ പ​ക്ഷേ ഒ​രു വ​ർ​ഷം കൂ​ടി പ​ഴ​യ ക്ല​ബി​ൽ തു​ട​രാ​ൻ അ​നു​വ​ദി​ച്ച മാ​ഞ്ച​സ്റ്റ​ർ സി​റ്റി ഈ ​ജ​നു​വ​രി​യി​ലാ​ണ് തി​രി​ച്ചു​കൊ​ണ്ടു​വ​ന്ന​ത്. സി​റ്റി നി​ര​യി​ൽ ഇ​തു​വ​രെ കാ​ര്യ​മാ​യ അ​വ​സ​രം ല​ഭി​ക്കാ​തി​രു​ന്ന 19കാ​ര​ൻ പ​ക്ഷേ ക്ല​ബ് ലോ​ക​ക​പ്പി​ൽ കി​ട്ടി​യ ചാ​ൻ​സ് മു​ത​ലാ​ക്കു​ക​യാ​ണ്. അ​ൽ ഐ​നി​നെ​തി​രാ​യ ആ​ദ്യ ക​ളി​യി​ൽ ഇ​ട​തു​വിം​ഗ​റാ​യി ആ​ദ്യ ഇ​ല​വ​നി​ൽ ത​ന്നെ​യി​റ​ങ്ങി​യ എ​ച്ചെ​വെ​റി ഫ്രീ​കി​ക്കി​ലൂ​ടെ ഗോ​ൾ നേ​ടു​ക​യും ചെ​യ്തു. ‘അ​വി​ശ്വ​സ​നീ​യ താ​രം, ഗം​ഭീ​ര ഗോ​ൾ’ എ​ന്നാ​യി​രു​ന്നു കോ​ച്ച് പെ​പ് ഗ്വാ​ർ​ഡി​യോ​ള​യു​ടെ പ്ര​ശം​സ. ടൂ​ർ​ണ​മെ​ന്റി​ൽ മി​ക​ച്ച ഫോം ​തു​ട​ർ​ന്നാ​ൽ വ​രും സീ​സ​ണി​ൽ ടീ​മി​ൽ കാ​ര്യ​മാ​യ അ​വ​സ​രം ല​ഭി​ച്ചേ​ക്കു​മെ​ന്ന പ്ര​തീ​ക്ഷ​യി​ലാ​ണ് എ​ച്ചെ​വെ​റി.

ജോ​ൺ അ​രി​യാ​സ് (ഫ്ലു​മി​നീ​സ്)

കൊ​ളം​ബി​യ​ക്കാ​ര​നാ​യ താ​രം ലാ​റ്റി​ന​മേ​രി​ക്ക​ക്ക് പു​റ​ത്തു​ക​ളി​ച്ചി​ട്ടി​ല്ലെ​ന്ന​ത് അ​ടു​ത്തു​ത​​ന്നെ തി​രു​ത്ത​പ്പെ​ടാ​നാ​ണ് സാ​ധ്യ​ത. ഫ്ലു​മി​നീ​സി​ന്റെ ആ​ദ്യ ര​ണ്ടു ക​ളി​ക​ളി​ലും പ്ലേ​മേ​ക്ക​ർ റോ​ളി​ൽ മി​ന്നി​ത്തി​ള​ങ്ങി​യ 27കാ​ര​ൻ ഒ​രു ഗോ​ളും നേ​ടി. കൊ​ളം​ബി​യ​ക്കാ​യി 31 മ​ത്സ​ര​ങ്ങ​ൾ ക​ളി​ച്ചി​ട്ടു​ള്ള അ​രി​യാ​സ് മൂ​ന്നു ഗോ​ളു​ക​ളും സ്കോ​ർ ചെ​യ്തി​ട്ടു​ണ്ട്. വിം​ഗ​റാ​യും അ​റ്റാ​ക്കി​ങ് മി​ഡ്ഫീ​ൽ​ഡ​റാ​യും മാ​റി​മാ​റി​ക്ക​ളി​ക്കു​ന്ന താ​ര​ത്തെ ക്രി​സ്റ്റ​ൽ പാ​ല​സ് നോ​ട്ട​മി​ട്ടി​ട്ടു​ണ്ട്.

കെ​നാ​ൻ യി​ൽ​ദി​സ് (യു​വ​ന്റ​സ്)

ബ​യേ​ൺ മ്യൂ​ണി​ക് അ​ക്കാ​ദ​മി​യി​ൽ​നി​ന്ന് ബാ​ഴ്സ​ലോ​ണ​യെ മ​റി​ക​ട​ന്ന് 2022ൽ ​കെ​നാ​ൻ യി​ൽ​ദി​സി​നെ യു​വ​ന്റ​സ് സ്വ​ന്ത​മാ​ക്കി​യ​ത് ഏ​റെ പ്ര​തീ​ക്ഷ​ക​ളോ​​ടെ​യാ​ണ്. ക്ല​ബ് പ്ര​തീ​ക്ഷി​ച്ച ക​ളി​മി​ക​വ് സ്ഥി​ര​ത​യോ​ടെ പു​റ​ത്തെ​ടു​ക്കാ​ൻ ഇ​തു​വ​രെ 20കാ​ര​നാ​യി​ട്ടി​ല്ലെ​ങ്കി​ലും ക്ല​ബ് ലോ​ക​ക​പ്പി​ലെ ഫോം ​ക​രി​യ​റി​ൽ നി​ർ​ണാ​യ​ക​മാ​യേ​ക്കും. ആ​ദ്യ ര​ണ്ടു ക​ളി​ക​ളി​ലും സ്കോ​ർ ചെ​യ്യു​ക മാ​ത്ര​മ​ല്ല, ഗം​ഭീ​ര ക​ളി പു​റ​ത്തെ​ടു​ക്കു​ക​യും ചെ​യ്തു ഈ ​തു​ർ​ക്കി​യ അ​ന്ത​ർ​ദേ​ശീ​യ താ​രം. തു​ർ​ക്കി​യ ജ​ഴ്സി​യി​ൽ 21 വ​ട്ടം ക​ളി​ച്ചു​ക​ഴി​ഞ്ഞ യി​ൽ​ദി​സ് ര​ണ്ടു ഗോ​ളു​ക​ളും നേ​ടി​യി​ട്ടു​ണ്ട്.

ഒ​ബെ​ദ് വെ​ർ​ഗാ​സ് (സി​യാ​റ്റി​ൽ സൗ​ണ്ടേ​ഴ്സ്)

ടീ​മി​ന്റെ എ​ൻ​ജി​ൻ റൂ​മാ​ണ് ഈ ​മെ​ക്സി​ക്ക​ൻ മി​ഡ്ഫീ​ൽ​ഡ​ർ. 2021 മു​ത​ൽ ക്ല​ബി​ലു​ള്ള വെ​ർ​ഗാ​സി​ന്റെ ക്ല​ബ് ലോ​ക​ക​പ്പി​ലെ പ്ര​ക​ട​നം യൂ​റോ​പ്യ​ൻ ക്ല​ബു​ക​ളു​ടെ ശ്ര​ദ്ധ​യാ​ക​ർ​ഷി​ച്ച​താ​യാ​ണ് റി​പ്പോ​ർ​ട്ടു​ക​ൾ. സി​യാ​റ്റി​ൽ സൗ​ണ്ടേ​ഴ്സ് മൂ​ന്നു ക​ളി​ക​ളും തോ​റ്റ് പു​റ​ത്താ​യെ​ങ്കി​ലും വേ​റി​ട്ടു​നി​ൽ​ക്കു​ന്ന ക​ളി​യാ​യി​രു​ന്നു 19കാ​ര​ന്റേ​ത്. ദേ​ശീ​യ ടീ​മി​നാ​യും അ​ര​ങ്ങേ​റി​ക്ക​ഴി​ഞ്ഞ വെ​ർ​ഗാ​സ് ക​ളി മി​ക​വി​നൊ​പ്പം അ​ധ്വാ​ന​വും മ​ത്സ​ര​ബു​ദ്ധി​യും ഒ​ത്തി​ണ​ങ്ങി​യ ക​ളി​ക്കാ​ര​നാ​യാ​ണ് വി​ശേ​ഷി​പ്പി​ക്ക​പ്പെ​ടു​ന്ന​ത്.

എ​സ്റ്റാ​വോ വി​ല്യ​ൻ (പാ​ൽ​മീ​റാ​സ്)

പ്രീ​മി​യ​ർ ലീ​ഗ് ആ​രാ​ധ​ക​ർ ക്ല​ബ് ലോ​ക​ക​പ്പി​ൽ ഏ​റെ ശ്ര​ദ്ധ​യോ​ടെ പി​ന്തു​ട​രു​ന്ന താ​ര​മാ​ണ് ഈ 18​കാ​ര​ൻ. കാ​ര​ണം, അ​ടു​ത്ത സീ​സ​ൺ തു​ട​ക്ക​ത്തി​ൽ താ​രം ചെ​ൽ​സി​യി​ലെ​ത്തു​ന്നു എ​ന്ന​തു​ത​​ന്നെ. 56 ദ​ശ​ല​ക്ഷം പൗ​ണ്ടി​നാ​ണ് പാ​ൽ​മീ​റാ​സി​ൽ​നി​ന്ന് ചെ​ൽ​സി വി​ല്യ​നെ ടീ​മി​ലെ​ത്തി​ക്കു​ന്ന​ത്. മി​ക​ച്ച പ​ന്ത​ട​ക്ക​വും ഡി​ഫ​ൻ​ഡ​ർ​മാ​രെ വെ​ട്ടി​യൊ​ഴി​ഞ്ഞ് മു​ന്നേ​റാ​നു​ള്ള ക​ഴി​വും പ്ര​ക​ട​മാ​ക്കു​ന്ന താ​രം ഗ്രൂ​പ് റൗ​ണ്ടി​ലെ ര​ണ്ടു ക​ളി​ക​ളി​ലും മി​ക​ച്ച പ്ര​ക​ട​ന​മാ​ണ് പു​റ​ത്തെ​ടു​ത്ത​ത്. ബ്ര​സീ​ൽ ദേ​ശീ​യ ടീ​മി​നാ​യും ബൂ​ട്ട​ണി​ഞ്ഞു​തു​ട​ങ്ങി​യി​ട്ടു​ണ്ട് വി​ല്യ​ൻ.

ഫ്രാ​ങ്കോ മ​സ്റ്റ​ന്റൗ​നോ (റി​വ​ർ​പ്ലേ​റ്റ്)

40 ദ​ശ​ല​ക്ഷം യൂ​റോ​ക്കാ​ണ് യൂ​റോ​പ്യ​ൻ ചാ​മ്പ്യ​ന്മാ​രാ​യ പി.​എ​സ്.​ജി​യെ മ​റി​ക​ട​ന്ന് റ​യ​ൽ മ​ഡ്രി​ഡ് അ​ർ​ജ​ന്റീ​ന താ​ര​ത്തെ അ​ടു​ത്തി​ടെ ടീ​മി​ലെ​ത്തി​ച്ച​ത്. റി​വ​ർ​പ്ലേ​റ്റി​നാ​യി വി​ട​വാ​ങ്ങ​ൽ ടൂ​ർ​ണ​മെ​ന്റ് ക​ളി​ക്കു​ന്ന 17കാ​ര​ൻ എ​ന്തു​കൊ​ണ്ട് റ​യ​ൽ ത​ന്നെ തേ​ടി​യെ​ത്തി​യെ​ന്ന് ലോ​ക​ത്തി​ന് കാ​ണി​ച്ചു​കൊ​ടു​ക്കു​ന്ന ക​ളി​യാ​ണ് പു​റ​ത്തെ​ടു​ക്കു​ന്ന​ത്.

ഡീ​പ് ല​യി​ങ് പ്ലേ​മേ​ക്ക​ർ, അ​റ്റാ​ക്കി​ങ് മി​ഡ്ഫീ​ൽ​ഡ​ർ, വിം​ഗ​ർ റോ​ളു​ക​ളി​ലൊ​ക്കെ അ​നാ​യാ​സം പ​ന്തു​ത​ട്ടാ​നാ​വു​ന്നു എ​ന്ന​തു​ത​ന്നെ​യാ​ണ് മ​സ്റ്റ​ന്റൗ​നോ​യു​ടെ പ്ല​സ് പോ​യ​ന്റ്. സൂ​പ്പ​ർ താ​ര​ങ്ങ​ൾ അ​ര​ങ്ങു​വാ​ഴു​ന്ന റ​യ​ൽ നി​ര​യി​ൽ ക​ളി​ക്കാ​ൻ അ​വ​സ​രം ല​ഭി​ക്കു​ക പ്ര​യാ​സ​ക​ര​മാ​ണെ​ങ്കി​ലും പു​തു​കോ​ച്ച് സാ​ബി അ​ലോ​ൺ​സോ​യു​ടെ വി​ശ്വാ​സം നേ​ടു​ന്ന ക​ളി​യാ​ണ് മ​സ്റ്റ​ന്റൗ​നോ​യു​ടേ​ത് എ​ന്നാ​ണ് വി​ല​യി​രു​ത്ത​പ്പെ​ടു​ന്ന​ത്.

ഓ​സ്ക​ർ ഗ്ലൗ​ഖ് (റെ​ഡ്ബു​ൾ സാ​ൽ​സ്ബ​ർ​ഗ്)

ഓ​സ്ട്രി​യ​ൻ ക്ല​ബാ​യ റെ​ഡ്ബു​ൾ സാ​ൽ​സ്ബ​ർ​ഗി​ൽ എ​ർ​ലി​ങ് ഹാ​ല​ൻ​ഡി​ന്റെ പി​ൻ​ഗാ​മി​യാ​യി വി​ശേ​ഷി​പ്പി​ക്ക​പ്പെ​ടു​ന്ന താ​ര​മാ​ണ് ഈ ​ഇ​സ്രാ​യേ​ൽ സ്ട്രൈ​ക്ക​ർ. ആ​ദ്യ ക​ളി​യി​ൽ പ​ചൂ​ക​ക്കെ​തി​രെ മ​നോ​ഹ​ര​മാ​യ ഗോ​ൾ നേ​ടി​യ 21കാ​ര​ൻ അ​ൽ​ഹി​ലാ​ലി​നെ​തി​രെ​യും മി​ക​ച്ച ക​ളി കെ​ട്ട​ഴി​ച്ചു. നോ​ർ​വേ സ്ട്രൈ​ക്ക​റു​ടെ​യ​ത്ര ഗോ​ള​ടി​മി​ക​വ് ഇ​തു​വ​രെ പ്ര​ക​ട​മാ​ക്കി​യി​ട്ടി​ല്ലെ​ങ്കി​ലും ഓ​രോ ക​ളി​യി​ലും മെ​ച്ച​പ്പെ​ട്ടു​വ​രു​ന്ന താ​ര​മാ​ണ് ഗ്ലൗ​ഖ് എ​ന്ന​ത് നി​സ്ത​ർ​ക്ക​മാ​ണ്.

ലൂ​കാ​സ് റി​ബെ​യ്റോ (മ​മെ​ലോ​ഡി സ​ൺ​ഡൗ​ൺ​സ്)

നോ​ക്കൗ​ട്ട് റൗ​ണ്ട് കാ​ണാ​തെ പു​റ​ത്താ​യെ​ങ്കി​ലും ടൂ​ർ​ണ​​മെ​ന്റി​നെ ഞെ​ട്ടി​ച്ച ടീ​മാ​യി​രു​ന്നു ദ​ക്ഷി​ണാ​ഫ്രി​ക്ക​ൻ ചാ​മ്പ്യ​ന്മാ​രാ​യ മ​മെ​ലോ​ഡി സ​ൺ​ഡൗ​ൺ​സ്. അ​വ​രു​ടെ തു​രു​പ്പു​ചീ​ട്ടാ​വ​ട്ടെ ലൂ​കാ​സ് റി​ബെ​യ്റോ​യും. ആ​ദ്യ ക​ളി​യി​ൽ ഉ​ൽ​സാ​നെ 1-0ത്തി​ന് തോ​ൽ​പി​ച്ച സ​ൺ​ഡൗ​ൺ​സ് ര​ണ്ടാം മ​ത്സ​ര​ത്തി​ൽ ​ജ​ർ​മ​ൻ ക​രു​ത്ത​രാ​യ ബൊ​റൂ​സി​യ ഡോ​ർ​ട്ട്മു​ണ്ടി​നെ വി​റ​പ്പി​ച്ചാ​ണ് 3-4ന് ​കീ​ഴ​ട​ങ്ങി​യ​ത്. ആ ​ക​ളി​യി​ൽ റി​ബെ​യ്റോ നേ​ടി​യ ഗോ​ൾ കാ​ണി​ക​ളെ കോ​രി​ത്ത​രി​പ്പി​ച്ചു.

സെ​ന്റ​ർ സ​ർ​ക്കി​ളി​ൽ​നി​ന്ന് കി​ട്ടി​യ പ​ന്തു​മാ​യി കു​തി​കു​തി​ച്ച 26കാ​ര​ൻ മൂ​ന്നു ട​ച്ചി​ന​കം ഡോ​ർ​ട്ട്മു​ണ്ട് പ്ര​തി​രോ​ധ​ത്തെ ഒ​ന്ന​ട​ങ്കം നി​ഷ്പ്ര​ഭ​മാ​ക്കി ഗോ​ൾ​കീ​പ്പ​ർ ഗ്രി​ഗോ​ർ കോ​ബ​ലി​നെ​യും മ​റി​ക​ട​ന്ന് സ്കോ​ർ ചെ​യ്ത​പ്പോ​ൾ അ​വി​ശ്വ​സ​നീ​യ ഗോ​ളാ​യി അ​ത്. മു​മ്പ് യൂ​റോ​പ്പി​ൽ ക​ളി​ച്ച് പ​രി​ച​യ​മു​ള്ള ബ്ര​സീ​ലു​കാ​ര​നെ തേ​ടി വീ​ണ്ടും യൂ​റോ​പ്പി​ൽ​നി​ന്ന് വി​ളി​യെ​ത്തി​യേ​ക്കു​മെ​ന്നാ​ണ് സൂ​ച​ന.

ഗോ​ൺ​സാ​ലോ ഗാ​ർ​ഷ്യ (റ​യ​ൽ മ​ഡ്രി​ഡ്)

സൂ​പ്പ​ർ സ്ട്രൈ​ക്ക​ർ കി​ലി​യ​ൻ എം​ബാ​പെ​ക്ക് അ​സു​ഖം ബാ​ധി​ച്ച​തോ​ടെ ​ക്ല​ബ് ലോ​ക​ക​പ്പി​ൽ റ​യ​ൽ മ​ഡ്രി​ഡ് ആ​ക്ര​മ​ണം ന​യി​ക്കാ​ൻ വി​നീ​ഷ്യ​സ് ജൂ​നി​യ​ർ, ജൂ​ഡ് ബെ​ല്ലി​ങ്ഹാം, റോ​ഡ്രി​ഗോ, അ​ർ​ദ ഗു​ലെ​ർ എ​ന്നി​വ​രി​ലൊ​രാ​ളെ കോ​ച്ച് സാ​ബി ​അ​ലോ​ണ​സോ ​നി​യോ​ഗി​ച്ചേ​ക്കു​മെ​ന്നാ​യി​രു​ന്നു ക​രു​ത​പ്പെ​ട്ടി​രു​ന്ന​ത്.

എ​ന്നാ​ൽ പു​തു​പ​രി​ശീ​ല​ക​ൻ പ്ര​തീ​ക്ഷ​യ​ർ​പ്പി​ച്ച​ത് 21കാ​ര​നാ​യ സ്ട്രൈ​ക്ക​ർ ഗോ​ൺ​സാ​ലോ ഗാ​ർ​ഷ്യ​യി​ലാ​ണ്. ആ​ദ്യ ക​ളി​യി​ൽ ത​ന്നെ ഗോ​ളു​മാ​യി സ്പെ​യി​ൻ​കാ​ര​ൻ കോ​ച്ചി​ന്റെ വി​ശ്വാ​സം കാ​ക്കു​ക​യും ചെ​യ്തു. 2014ൽ ​റ​യ​ൽ അ​ക്കാ​ദ​മി​യി​ലെ​ത്തി​യ താ​ര​ത്തി​ന് ഫ​സ്റ്റ് ടീ​മി​ൽ ഇ​ട​മു​റ​പ്പി​ക്കാ​നു​ള്ള ശ്ര​മ​ത്തി​ന് ​ക്ല​ബ് ലോ​ക​ക​പ്പി​ലെ പ്ര​ക​ട​നം തു​ണ​യാ​യേ​ക്കും.