Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightOpinionchevron_rightOpen Forumchevron_rightവൻ പ്രഖ്യാപനങ്ങളില്ല;...

വൻ പ്രഖ്യാപനങ്ങളില്ല; ഉള്ളത്​ കൊണ്ട്​ ഓണം പോലെ

text_fields
bookmark_border
വൻ പ്രഖ്യാപനങ്ങളില്ല; ഉള്ളത്​ കൊണ്ട്​ ഓണം പോലെ
cancel

ഇന്ത്യൻ സമ്പദ്​വ്യവസ്ഥ സമാനതകളില്ലാത്ത പ്രതിസന്ധിയെ അഭിമുഖീകരിക്കു​േമ്പാഴാണ്​ ധനമന്ത്രി തോമസ്​ ഐസക്​ സം സ്ഥാന സർക്കാറിൻെറ നാലാമത്തെ ബജറ്റ്​ അവതരിപ്പിക്കുന്നത്​. ഗുരുതരമായ പ്രതിസന്ധി രാജ്യത്ത്​ നില നിൽക്കുന്നുവെ ന്ന മുഖവുരയോടെയാണ്​ ഐസക്​ ബജറ്റവതരണം തുടങ്ങിയത്​. നേട്ടമാകുമെന്ന്​ പ്രതീക്ഷിച്ച ജി.എസ്​.ടി തിരിച്ചടിയായെന് നും പ്രതീക്ഷിച്ച വരുമാന വർധനവ്​ ഉണ്ടായില്ലെന്നും ബജറ്റ്​ പ്രസംഗത്തിൽ ഐസക്​ സമ്മതിക്കുന്നുണ്ട്​. കഴിഞ്ഞ ദിവസ ം സഭക്ക്​ മുമ്പാകെവെച്ച സാമ്പത്തിക അവലോകന റിപ്പോർട്ടിൽ കേരള സമ്പദ്​വ്യവസ്ഥ 7.5 ശതമാനം നിരക്കിൽ വളരുമെന്നാണ് ​ പ്രവചനം. ജി.എസ്​.ടി നടപ്പിലാക്കിയതോടെ കേരളം വലിയ സാമ്പത്തിക പ്രതിസന്ധി നേരിടുന്നുണ്ട്​. ജി.എസ്​.ടി ആദ്യം നടപ ്പിലാക്കു​േമ്പാൾ 30 ശതമാനം നികുതി വരുമാന വർധനവാണ്​ കേരളം ലക്ഷ്യമിട്ടത്​. എന്നാൽ, ഇത്​ 14 ശതമാനത്തിലേക്ക്​ എത്തിക ്കാൻ മാത്രമേ കഴിഞ്ഞിട്ടുള്ളുവെന്ന്​ കണക്കുകൾ വ്യക്​തമാക്കുന്നു. ജി.എസ്​.ടി നഷ്​ടപരിഹാരം ഉൾപ്പടെ കേന്ദ്രസർക് കാർ നൽകാത്തത്​ പ്രതിസന്ധിയുടെ ആക്കം കൂട്ടി. ചെലവും വരവും തമ്മിലുള്ള അന്തരം കുറക്കുകയെന്നതാണ്​ ഐസക്​ അവതരിപ്പ ിച്ച ബജറ്റിൻെറ പ്രധാന ലക്ഷ്യം. ഇതിനുള്ള നിർദേശങ്ങളാണ്​ ബജറ്റിൽ ഉൾപ്പെട്ടിരിക്കുന്നത്​. കിഫ്​ബി വഴിയുള്ള പദ്ധ തികൾക്ക്​ അപ്പുറത്ത്​ വലിയ പദ്ധതി പ്രഖ്യാപനങ്ങളില്ല. കേരളം എല്ലാ കാലത്തും പിന്തുടർന്ന്​ പോകുന്ന സാമൂഹിക സുര ക്ഷാ പദ്ധതികൾക്കുള്ള കരുതൽ ഈ ബജറ്റിലും കാണാം. വലിയ പ്രഖ്യാപനങ്ങളില്ലാതെ പ്രതിസന്ധികാലത്ത്​ ധനമാനേജ്​മ​​െൻറ ്​ എങ്ങനെ നടത്തികൊണ്ട്​ പോകാമെന്നതിൻെറ രൂപരേഖയാണ്​ ബജറ്റ്​.

വരവും ചെലവും തമ്മിലുള്ള അന്തരം കുറക്കുക ലക്ഷ്യം
സംസ്ഥാന ബജറ്റിൻെറ പ്രഖ്യാപിത ലക്ഷ്യങ്ങളിലൊന്ന്​ വരവും ചെലവും തമ്മിലുള്ള അന്തരം കുറക്കുകയെന്നതാണ്​. അധിക ധനസമാഹരണത്തിനുള്ള മാർഗങ്ങൾ നിർദേശിക്കുന്നതിനൊപ്പം കൂടുതൽ കാര്യക്ഷമമായ ​പ്രവർത്തനങ്ങളിലുടെ ചെലവ്​ നിയന്ത്രിക്കാനുള്ള പദ്ധതികളും ബജറ്റിൽ കാണാം. വില്ലേജ്​ ഓഫീസുകളിൽ നിന്ന്​ ലഭിക്കുന്ന സേവനങ്ങൾക്ക്​ അധിക ഫീസ്​ ഏർപ്പെടുത്തിയിട്ടുണ്ട്​. ലോക്കേഷൻ മാപ്പ്​, തണ്ടപ്പേർ പകർപ്പ്​, പോക്കുവരവ്​ നിരക്ക്​ എന്നിവയെല്ലാം വർധിപ്പിച്ചിട്ടുണ്ട്​. ഭൂമിയുടെ ന്യായവില കൂട്ടിയും ആഡംബര വീടുകളുടെ നികുതി കൂട്ടിയും, വാഹനങ്ങളുടെ നികുതി കൂട്ടിയുമെല്ലാം അധിക ധനസമഹാരണം ബജറ്റ്​ ലക്ഷ്യം വെക്കുന്നു. ഡാമുകളിൽ നിന്ന്​ മണൽ വാരുന്നത്​ വഴിയും അധിക പണം ലഭിക്കുമെന്ന്​ സർക്കാർ കണക്ക്​ കൂട്ടുന്നുണ്ട്​. ജീവനക്കാരുടെ പുനർവിന്യാസമാണ്​ ചെലവ്​ കുറക്കുന്നതിനുള്ള പ്രധാന നിർദേശങ്ങളിലൊന്ന്​. ഇതുവഴി 1500 കോടി ലാഭിക്കാമെന്നാണ്​ വിലയിരുത്തൽ. എയഡ്​ഡ്​ സ്​കൂളുകളിലെ നിയമനങ്ങൾ നിയന്ത്രിക്കുമെന്നുള്ള പ്രഖ്യാപനവും സർക്കാറിൻെറ ചെലവ്​ കുറക്കുന്നതിനുള്ള പ്രധാന നിർദേശമാണ്​.

fiscal-deficit

ഭൂമിയുടെ ന്യായവില ഉയർത്താനുള്ള തീരുമാനം റിയൽ എസ്​റ്റേറ്റ്​ മേഖലക്ക്​ തിരിച്ചടിയാവുമെന്ന വിലയിരുത്തലുകളുണ്ട്​. വില്ലേജ്​ ഓഫീസുകളിൽ നിന്ന്​ നൽകുന്ന സേവനങ്ങൾക്കുള്ള ഫീസ്​ കൂട്ടിയത്​ ജനങ്ങൾക്ക്​ അധിക ബാധ്യതയാവും. വാഹനങ്ങളുടെ നികുതി കൂട്ടാനുള്ള തീരുമാനം പ്രതിസന്ധിയിലായ വാഹനമേഖലയിൽ വീണ്ടും തിരിച്ചടിയുണ്ടാക്കും. എയ്​ഡഡ്​ മേഖലകളിലെ തസ്​തിക നിയന്ത്രണം വരും ദിവസങ്ങളിൽ വലിയ കോലാഹലങ്ങൾക്ക്​ കാരണമാകും. എങ്കിലും തരേണ്ട പണം പോലും നൽകാതെ കേന്ദ്രം ബുദ്ധിമുട്ടിക്കു​േമ്പാൾ ഇതല്ലാതെ മറ്റ്​ വഴികളില്ലെന്നാണ്​ തോമസ്​ ഐസക്​ പറയുന്നത്​.

ക്ഷേമപദ്ധതികൾക്ക്​ ഊന്നൽ
കേന്ദ്രബജറ്റുകളിൽ നിന്ന്​ വിഭിന്നമായി ക്ഷേമ പദ്ധതികൾക്ക്​ കേരളം കൂടുതൽ പ്രാധാന്യം നൽകുന്നത്​ കഴിഞ്ഞ കുറേ വർഷങ്ങളായുള്ള രീതിയാണ്​. ഇക്കുറിയും ഒരു പരിധി വരെ അത്​ നില നിർത്താൻ ഐസകിന്​ സാധിച്ചിട്ടുണ്ട്​. എല്ലാവരും പ്രതീക്ഷിച്ചത്​ പോലെ ക്ഷേമ പെൻഷൻ 100 രൂപ വർധിപ്പിച്ചു. സർക്കാറിൻെറ അഭിമാന പദ്ധതിയായ ലൈഫ്​ മിഷനിലൂടെ ഒരു ലക്ഷം വീടുകളാണ് അടുത്ത വർഷം​ നിർമ്മിക്കുക. പട്ടികജാതി-പട്ടിക വർഗ വിഭാഗങ്ങളുടെ ഭവനം, വിദ്യാഭ്യാസം എന്നിവക്കെല്ലാം ബജറ്റ്​ ഊന്നൽ നൽകുന്നുണ്ട്​. ആശ, പ്രീപ്രൈമറി ടീച്ചർമാർ എന്നിവരുടെ വേതനം വർധിപ്പിക്കാനും ബജറ്റിൽ തീരുമാനമായിട്ടുണ്ട്​. 'വിശപ്പുരഹിത കേരളം' എന്ന പദ്ധതിയുമായി ബന്ധപ്പെട്ട പ്രഖ്യാപനങ്ങളും ശ്രദ്ധേയമാണ്​. വരും വർഷങ്ങളുടെ തുടർച്ചയായി സ്​ത്രീശാക്​തീകരണത്തിന്​ കുടുംബശ്രീക്കുള്ള പദ്ധതികളും ഉൾപ്പെട്ടിട്ടുണ്ട്​.

pensons

ഇത്തരത്തിൽ പരിമിതമായ വിഭവങ്ങൾ ഉപയോഗിച്ച് നിലവിലുള്ള​ ക്ഷേമപദ്ധതികൾ നടപ്പാക്കാനുള്ള നിർദേശങ്ങളാണ്​ ബജറ്റിൽ ഉൾപ്പെടുന്നത്​. സാമ്പത്തിക മാന്ദ്യം അതിരൂക്ഷമായ സാഹചര്യത്തിലും ജനങ്ങളിലേക്ക്​ പണമെത്തിക്കാനുള്ള വലിയൊരു പദ്ധതി ബജറ്റിൽ ഇടംപിടിച്ചിട്ടില്ല. ജനക്ഷേമത്തിനായി പുതിയ പദ്ധതികളൊന്നും സർക്കാർ പ്രഖ്യാപിച്ചിട്ടില്ലെന്നതും പോരായ്​മയാണ്​.

വലിയ പദ്ധതികളില്ല
പുതുതായി വൻകിട പദ്ധതികളൊന്നും ബജറ്റിൽ പ്രഖ്യാപിച്ചിട്ടില്ല. നിലവിലുള്ള തുടരുക മാത്രമാണ്​ ചെയ്യുന്നത്​. മെട്രോ റെയിലിൻെറ ദീർഘിപ്പിക്കലും അതിവേഗ റെയിൽവേയുമാണ്​ വൻ പദ്ധതികളെന്ന്​ പറയാവുന്നവ. കൊച്ചിയുടെ സമഗ്രവികസനത്തിനായി 6000 കോടി ചെലവഴിക്കുമെന്നും ബജറ്റിൽ വ്യക്​തമാക്കുന്നുണ്ട്​. എന്നാൽ, കൂടുതൽ തൊഴിൽ സൃഷ്​ടിക്കാൻ പര്യാപ്​തമായ പദ്ധതികൾ ഇടംപിടിച്ചിട്ടില്ല. തൊഴിലില്ലായ്​മ രൂക്ഷമായ സാഹചര്യത്തിൽ അത്തരമൊന്ന്​ ഉണ്ടാവുമെന്ന്​ സാമ്പത്തിക വിദഗ്​ധർ പ്രതീക്ഷച്ചിരുന്നു. എങ്കിലും പുതിയ സംരഭകർക്കുള്ള ഇളവുകളും ഈസ്​ ഓഫ്​ ഡുയിങ്​ ബിസിനസിനായുള്ള നിർദേശങ്ങളും ബജറ്റിൽ ഉൾപ്പെട്ടിട്ടുണ്ട്​.

സാമ്പത്തിക പ്രതിസന്ധിയായിരിക്കാം വലിയ പദ്ധതികൾ നടപ്പാക്കുന്നതിൽ നിന്ന്​ തോമസ്​ ഐസക്കിനെ പിന്നോട്ട്​ വലിക്കുന്നത്​.
വയനാട്​, കാസർകോഡ്​, ഇടുക്കി, കുട്ടനാട്​, തീരദേശ പാക്കേജുകളും ബജറ്റിൻെറ പ്രത്യേകതയാണ്​. ഇതിൽ പലതും മുമ്പ്​ തന്നെ പ്രഖ്യാപിക്കപ്പെട്ടിട്ടുള്ളതാണ്​. അതിൻെറ തുടർച്ച മാത്രമാണ്​ 2020-21 ബജറ്റിൽ ഉൾപ്പെട്ടിരിക്കുന്നത്​. ഈ രീതിയിലുള്ള വിമർശനം പ്രതിപക്ഷത്തിൻെറ ഭാഗത്ത്​ നിന്ന്​ ഇപ്പോൾ തന്നെ ഉയർന്നിട്ടുണ്ട്​.

kochi-metro

കുതിപ്പിന്​​ കിഫ്​ബി
സംസ്ഥാനത്തിൻെറ വികസനത്തിന്​ ഇന്ധനമേകുന്നത്​ ഇക്കുറിയും കിഫ്​ബിയാണ്​. സാമ്പത്തിക മാന്ദ്യം അതിജീവിക്കാനുള്ള ഊർജം കിഫ്​ബിയിൽ നിന്ന്​ സ്വരൂപിക്കുമെന്നാണ്​ ഐസക്​ വ്യക്​തമാക്കുന്നത്​. കിഫ്​ബിയെ സംശയിച്ചവരെ പോലും മസാല ബോണ്ട്​ നിശബ്​ദമാക്കിയെന്നാണ്​​ ധനമന്ത്രിയുടെ അവകാശവാദം. 85 ലക്ഷം ചതുരശ്രയടി കെട്ടിട നിർമ്മാണം കിഫ്​ബി ഫണ്ട്​ ഉപയോഗിച്ച്​ പൂർത്തിയാക്കിയെന്നും 8000 കിലോ മീറ്റർ റോഡ്​ പാലം നിർമ്മാണം നടത്തിയെന്നു​മാണ്​ ബജറ്റ്​ പറയുന്നത്​. കിഫ്​ബിയുടെ കാര്യത്തിൽ പ്രഖ്യാപിച്ച പദ്ധതികളെല്ലാം തുടങ്ങിയെന്ന്​ ബജറ്റ്​ രേഖ വിശ്വാസത്തിലെടുക്കുകയെ തരമുള്ളു. വരും വർഷങ്ങളിൽ കിഫ്​ബി പദ്ധതികൾ എത്രത്തോളം നടപ്പിലാകുമെന്നതിനെ ആശ്രയിച്ചിരിക്കും കേരളത്തിൻെറ വികസന കുതിപ്പ്​.

നടപ്പ്​ സാമ്പത്തിക വർഷത്തിൽ സംസ്ഥാനത്തിൻെറ പൊതുകടം 15 ശതമാനം വർധിപ്പിക്കുമെന്നാണ്​ ബജറ്റ്​ രേഖ വ്യക്​തമാക്കുന്നത്​. റവന്യു കമ്മി 1.5 ശതമാനവും ധനകമ്മി മൂന്ന്​ ശതമാനവുമാണ്​. അനുദിനം വർധിച്ച്​ വരുന്ന ചെലവുകളും അതിന്​ ആനുപാതികമായി വർധിക്കാത്ത വരുമാനവും സംസ്ഥാനത്ത്​ വലിയ തിരിച്ചടിയാണ്​ ഉണ്ടാക്കുന്നത്​. ഇതിനെ പരമാവധി കുറച്ച്​ സാമ്പത്തിക അച്ചടക്കം ഉണ്ടാക്കുകയെന്ന ദൗത്യമാണ്​ ധനമന്ത്രി തോമസ്​ ഐസക്​ ഏറ്റെടുത്തിട്ടുള്ളത്​. 1703 കോടിയുടെ അധിക വിഭവസമാഹരണം ലക്ഷ്യമിടുന്നതാണ്​ ബജറ്റ്​. ഇതിൻെറ ബാധ്യതയിൽ വലിയൊരു ശതമാനവും ജനങ്ങളുടെ തലയിൽവെക്കാൻ തന്നെയാണ്​ ബജറ്റിൻെറ തീരുമാനം. മറ്റ്​ ധനസമാഹരണ മാർഗങ്ങൾക്ക്​ ബജറ്റ്​ ഊന്നൽ നൽകുന്നില്ല.

KIIFB

ജീവനക്കാരുടെ പുനർവിന്യാസവും എയ്​ഡഡ്​ സ്​കൂളിലെ നിയമനങ്ങളുടെ നിയന്ത്രണവും വരും ദിവസങ്ങളിൽ വലിയ ചർച്ചകൾക്ക്​ ഇടയാക്കും. തൊഴിലില്ലായ്​മ രൂക്ഷമാകുന്ന സാഹചര്യത്തിൽ ജീവനക്കാരുടെ പുനർവിന്യാസം തസ്​തികകൾ നഷ്​ടപ്പെടുത്തുമോയെന്ന ആശങ്ക ഉദ്യോഗാർഥികളിൽ ഉയരുക സ്വാഭാവികമാണ്​. ഉന്നത വിദ്യാഭ്യാസ 1000 അധ്യാപകരുടെ തസ്​തിക സൃഷ്​ടിക്കുമെന്ന പ്രഖ്യാപനം പ്രതീക്ഷക്ക്​ വക നൽകുന്നതാണ്​. എയ്​ഡഡ്​ സ്​കൂളുകളിലെ നിയമനം പി.എസ്​.സിക്ക്​ വിടണമെന്നുള്ള ആവശ്യം കാലങ്ങളായി ഉള്ളതാണ്​. ഇത്തരത്തിലുള്ള കടുത്ത നടപടികളിലേക്ക്​ കടന്നില്ലെങ്കിലും നിയമനങ്ങളിൽ നിയന്ത്രണമേർപ്പെടുത്തുമെന്ന്​ സംസ്ഥാന ബജറ്റ്​ പ്രഖ്യാപിക്കുന്നുണ്ട്​. വരും ദിവസങ്ങളിൽ ഏറ്റവും കൂടുതൽ വിവാദമാവുക ഈ തീരുമാന​മായേക്കും.

ഉള്ളത്​ കൊണ്ട്​ ഓണം പോലെ എന്ന പ്രയോഗമാവും തോമസ്​ ഐസക്കിൻെറ ബജറ്റ്​ ഏറ്റവും അനുയോജ്യമാവുക. സാമ്പത്തിക പ്രതിസന്ധിയും കേന്ദ്രസർക്കാറിൻെറ ചിറ്റമ്മനയവും കേരളത്തെ വലിയ പ്രതിസന്ധിയിലേക്ക്​ നയിക്കുന്നുണ്ട്​. ഈയൊരു സാഹചര്യത്തിൽ പരിമിതമായ വിഭവങ്ങളുപയോഗിച്ച്​ തരക്കേടില്ലാത്ത സദ്യയൊരുക്കാനാണ്​ ബജറ്റ്​ ശ്രമിച്ചിട്ടുള്ളത്​. തൊഴിലില്ലായ്​മ, ഉപഭോഗത്തിലുണ്ടാവുന്ന കുറവ്​ എന്നിവ പരിഹരിക്കാൻ ക്രിയാത്​മകമായി ഒന്നും കേരള ബജറ്റും നൽകുന്നില്ല.



Show Full Article
TAGS:Kerala Budget 2020 State Budget 2020 Thomas Issac opinion openforum malayalam news 
Next Story