Begin typing your search above and press return to search.
proflie-avatar
Login
exit_to_app
exit_to_app
ധർമത്തിനുവേണ്ടിയുള്ള ഒളിയുദ്ധങ്ങൾ
cancel
Homechevron_rightOpinionchevron_rightColumnschevron_rightധർമത്തിനുവേണ്ടിയുള്ള...

ധർമത്തിനുവേണ്ടിയുള്ള 'ഒളിയുദ്ധങ്ങൾ'

text_fields
bookmark_border

ധർമയുദ്ധമാണ്​ ഇപ്പോഴത്തെ ട്രെൻഡ്​. അനന്തപുരിയിൽ എവിടെ നോക്കിയാലും നടക്കുന്നത്​ ധർമ യുദ്ധമാണ്​. ധർമ യുദ്ധത്തിൻെറ മാനിഫെസ്​റ്റോയിൽ ആദ്യ പാരയിൽ ആദ്യ വരിയിൽ ഒന്നാം നമ്പറായി പറയുന്നത്​ യുദ്ധം ജയിക്കാൻ ഒളിക്കേണ്ടത്​ ഒളിക്കാമെന്നും മ​റച്ചുവെക്കേണ്ടത്​ മറച്ചുവെക്കാമെന്നും അത്യാവശ്യം കള്ളം പറയാമെന്നുമൊക്കെയാണ്​.

നേരം വെളുത്താൽ പല തരത്തിലുള്ള ധർമയുദ്ധമാണ്​ ഭരണ കേന്ദ്ര​ത്തിന്​ ചുറ്റുമായി അരങ്ങേറുന്നത്​. അതിരാവിലെ തന്നെ മൂവർണ യുദ്ധ പതാകകളും കാവി യുദ്ധ പതാകകളുമൊക്കെ വഹിച്ച്​ പടയാളികൾ സെക്ര​േട്ടറിയറ്റിന്​ മുന്നി​െലത്തുകയായി. സ്വപ്​നം, സ്വർണം, മതം, ഇൗത്തപ്പഴം എന്നിങ്ങനെ ഒരുപാട്​ കാര്യങ്ങളിലെ സത്യം തെളിയിക്കുന്നതിനുള്ള ധർമയുദ്ധത്തിനാണ്​ പടപ്പുറപ്പാട്​.

അതിരാവിലെ പുറപ്പെട്ടതായതിനാൽ പടയാളികൾക്ക്​ കുളിക്കാനും പല്ല്​ തേക്കാനുമൊന്നും സമയം കിട്ടിക്കാണില്ല എന്നറിയാവുന്നതുകൊണ്ട്​, പടയാളികളെ കുളിപ്പിക്കുന്നതിന് ഭരണകൂടം​ പ്രത്യേക സംവിധാനമൊരുക്കിയിട്ടുണ്ട്​. എന്തൊരു കരുതലാണ്​ ഇൗ ഭരണത്തിന്​. കുറേപേരെ ഒന്നിച്ച്​ കുളി​പ്പിക്കേണ്ടതിനാൽ ബക്കറ്റും കപ്പുമൊന്നും പ്രായോഗികമല്ല. അതിനാൽ ശക്​തിയേറിയ ഷവർ തന്നെയാണ്​ ഏർപ്പെടുത്തിയിരിക്കുന്നത്​. അതിനെ ജലപീരങ്കിയെന്നൊക്കെ പറയുന്നത്​ 'സ്​ഥിരബുദ്ധിയില്ലാത്ത' ചിലരാണ്​. കുളിപ്പിക്കുന്നതിനിടയിൽ സമരഭടന്മാരിൽ ചിലരുടെ ഒളിക്കേണ്ട കാര്യങ്ങൾ പുറത്തുവരുന്നത്​ പകർത്തിയെടുത്ത്​ സോഷ്യൽ മീഡിയയിലിടാൻ വേറൊരു സംഘം ഒളികാമറയുമായി സെക്ര​േട്ടറിയറ്റ്​ പരിസരത്ത്​ ഒളിഞ്ഞിരിപ്പുണ്ട്​. അത്​ ധർമ സംസ്​ഥാപനത്തിനായുള്ള ഒളിയുദ്ധം.


രാവിലെയുള്ള പടമുട്ട്​ കഴിഞ്ഞാലാണ്​ നഗരമൊന്ന്​ സജീവമാവുക. അപ്പോഴാണ്​, മരണവ്യാപാരമടക്കമുള്ള മുഴുവൻ വ്യാപാരവും നടക്കുക. അതിൻെറ കണക്കുകൾ വൈകുന്നേരം പടത്തലവൻതന്നെ സഭവിളിച്ച്​ പുറത്തുവിടുകയും ചെയ്യും. ക്ഷാമ കാലമല്ലേ, എല്ലാത്തിനുമെന്ന പോലെ ചോദ്യത്തിനുമുണ്ട്​ റേഷൻ. ബി.പി.എൽ പത്രക്കാർക്ക്​ രണ്ട്​ ചോദ്യവും മുൻഗണനാ പട്ടികയിലുള്ളവർക്ക്​ ഒരു​ ചോദ്യവും. അതിനപ്പുറം പാടില്ല.

പടമു​െട്ടാക്കെ കഴിഞ്ഞ്​ പടക്കളമൊന്ന്​ ശാന്തമായാൽ സെക്ര​േട്ടറിയറ്റ്​ പരിസരത്ത്​ പ്രത്യ​ക്ഷപ്പെടുന്ന കുറേപ്പേരുണ്ട്​. പണ്ടൊക്കെ പരിചയമില്ലാത്തവരെ സെക്ര​േട്ടറിയറ്റ്​ പരിസരത്ത്​ കണ്ടാൽ മന്ത്രിമാരെയും ഉദ്യോഗസ്​ഥരെയും കണ്ട്​ കാര്യം സാധിക്കാൻ വടക്കൻ കേരളത്തിൽനിന്ന്​ വന്ന ആരോ ആണ്​ എന്നാണ്​ തിരോന്തോരത്ത്​കാർ കരുതിയിരുന്നത്​. ഇപ്പോൾ പരിചയമില്ലാത്തവരെ കണ്ടാൽ വടക്കേ ഇന്ത്യയിൽനിന്ന്​ വന്ന അന്വേഷണോദ്യോഗസ്​ഥാരാണ്​ എന്ന്​ ഉറപ്പിക്കാം. എൻഫോഴ്​സ്​മെൻറ്​, കസ്​റ്റംസ്​, എൻ.​െഎ.എ, സി.ബി.​െഎ.... എന്നു​വേണ്ട ഒരുവിധപ്പെട്ട അന്വേഷണ ഏജൻസികളെല്ലാം ആസ്​ഥാനം അനന്തപുരിയിലേക്ക്​ മാറ്റിക്കഴിഞ്ഞു.


ഇനി, റോയും സി.​െഎ.എയും കൂടിയേ വരാനുള്ളൂ. സ്വർണം മുതൽ ഇൗത്തപ്പഴംവരെ വന്ന വഴിയും പോയ വഴിയും രുചിനോക്കിയവരെയുമൊക്കെ കണ്ടെത്താനുള്ള ധർമ യുദ്ധത്തിലാണ്​ അവരും.

നാട്ടിൽ ഇത്രയുമൊക്കെ നടക്കു​േമ്പാൾ, പടത്തലവൻെറ വിശ്വസ്​ത പടനായകർ ​െവറുതെയിരിപ്പാണ്​ എന്ന്​ തെറ്റിദ്ധരിക്കരുത്​. രാവെന്നോ പകലെന്നോ നോക്കാതെ വിശ്രമമില്ലാതെ അവർ തേരോട്ടം നടത്തുകയാണ്​; തിരുവനന്തപുരത്തുനിന്ന്​ എറണാകുളത്തേക്ക്​. തേരോട്ടം പുലർച്ചെയൊക്കെയാവു​േമ്പാൾ മഞ്ഞ്​ കൊള്ളാതിരിക്കാൻ തലയിൽ മുണ്ടി​ട്ട്​ എന്നൊക്കെയിരിക്കും. അല്ലെങ്കിലും 'ഇൗമാനുള്ള മന്ത്രി' തലമറക്കരുതെന്ന്​ നിയ​മത്തിൻെറ ഏത്​ കിത്താബിലാണ്​ പറഞ്ഞിട്ടുള്ളത്​. സംശയമുള്ളവർക്ക്​ നിയമ മന്ത്രിയോട്​ തന്നെ ചോദിച്ച്​ സംശയ നിവൃത്തി വരുത്താവുന്നതാണ്​.

********

കഴിഞ്ഞ ജന്മത്തിൽ ഗുരുതര പാപം ചെയ്​തവർ ഇൗ ജന്മത്തിൽ മുന്നണി കൺവീനറായും ഭരണമുന്നണിയി​െല കൊച്ചേട്ടനായും ജനിക്കുമെന്നൊക്കെ വിശ്വസിക്കുന്നവരുണ്ട്​. അല്ലെങ്കിൽ, ഇങ്ങനെ ഒരു ഗതി വരുമോ? എന്തായിരുന്ന അഞ്ചുവർഷം മുമ്പുള്ള പുകില്​. ബാർ കോഴ, കസേരയേറ്​, മൈക്ക്​ വലിച്ചേറ്​, ഉന്ത്​, തള്ള്​, സ്​പീക്കറുടെ മേശപ്പുറത്ത്​ ബോധംകെട്ട്​ വീഴൽ, നിയമസഭയിൽ ഉറക്കം, ഇഷ്​​ടപ്പെട്ട ലഡുപോലും വേണ്ടെന്ന്​ വെക്കൽ........നിയമസഭാ വാർത്ത കൊടുക്കാൻ സ്​ഥലം തികയാതെ പത്രങ്ങൾ ഇരുപതും ഇരുപ്പത്തിനാലുമൊക്കെ പേജുകളിലേക്ക്​ വികസിച്ച കാലം. പത്രക്കാർക്ക്​ മാത്രമല്ല, പോസ്​റ്റൽ ജീവനക്കാർക്കും ഒാവർലോഡായിരുന്നു.


'എൻെറ വകയും അഞ്ഞൂറ്​' തപാലിൽ അയക്കലായിരുന്നു സിനിമാക്കാരുടെയടക്കം പണി. അന്ന്​ 'സ്വപ്​നത്തിലും സ്വർണത്തി'ലും കരുതിയില്ല, ഇൗ കോടാലിയൊക്കെ മുന്നണിയിലേക്ക്​ പടികടന്ന്​ വരുമെന്ന്​. വരാനുള്ളത്​ വഴിയിൽ തങ്ങില്ലെന്ന്​ മുമ്പുള്ളവർ പറയുന്നതെത്ര ശരി. ഇനിയിപ്പോൾ അന്നത്തെ സമരത്തെ തള്ളിപ്പറയലേ വഴിയുള്ളൂ. 'പറ്റിച്ചേ' എന്ന്​ നാട്ടുകാരെ നോക്കി ഒരു ചിരി. കഴിഞ്ഞു.

മുന്നണി കൺവീനർക്ക്​ അങ്ങനെയെങ്കിലും രക്ഷപ്പെടാം. പക്ഷേ ഭരണമുന്നണിയിലെ ​'കൊ​േച്ചട്ടൻ' എന്ത്​ ചെയ്യും. പണ്ട്​ മുതലേ എല്ലാം താത്വികമായി പറഞ്ഞേ ശീലമുള്ളൂ. നാട്ടുകാർക്ക്​ മനസിലാകുന്ന ഭാഷയിൽ പറഞ്ഞ്​ പരിചയവുമില്ല. അന്ന്​ ഞങ്ങൾ തമ്മിൽ പുറമേക്ക്​ ശത്രുതയായിരുന്നുവെങ്കിലും അന്തർ ധാര ശക്​തമായിരുന്നു. അതിനാൽ, ജോസ്​മോൻ നിലപാട്​ വ്യക്​തമാക്ക​െട്ട. അതിനുശേഷം പതിവ​ുപോലെ പ്രതിഷേധിച്ചുകൊണ്ട്​ കീഴടങ്ങാം.

********

വാൽമുറി: 'ധർമയുദ്ധത്തിൽ മറ​യ്​ക്കേണ്ട​​െതാക്കെ മറയ്​ക്കുകയും ഒളിക്കേണ്ടതൊക്കെ ഒളിക്കുകയും ചെയ്യാം'. വചനം ഭരണപക്ഷത്തെ പടനായക​േൻറതാണെങ്കിലും നല്ലതാണെങ്കിൽ ഉൾക്കൊള്ളണമല്ലോ. ഉൾക്കൊണ്ടു. എതിർപക്ഷത്തെ യുവപോരാളി. ഒളിച്ചതും മറച്ചതും ആരോഗ്യ പ്രവർത്തകരോടാണെന്ന്​ മാത്രം. അതും, സ്വന്തം പേരും ഫോൺ നമ്പറും മാത്രം. അയിനാണ്​, കേസും പത്രസമ്മേളന വധവുമൊക്കെ. കഷ്​ടമുണ്ട്​േട്ടാ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:SecretariatTrivandrum Gold SmugglingNIAEnforcement Directorate
Next Story