മെ​ഡി​ക്ക​ൽ കമീഷ​ൻ ബി​ല്ലിന്‍റെ പ്ര​തി​കൂ​ല പ​രി​സ​ര​ങ്ങ​ൾ

nmc-bill-protest

ഉ​ദാ​ര​വ​ത്​ക​ര​ണം ന​ട​പ്പി​ലാ​യ​പ്പോ​ൾ വി​ക​സ​ന​ത്തി​ലു​ണ്ടാ​യ ഊ​ർജം ആ​രോ​ഗ്യ​രം​ഗം അ​തി​വേ​ഗം വി​ക​സി​ക്കാ​നും സ്വ​കാ​ര്യ​മേ​ഖ​ല​യി​ൽ നി​ക്ഷേ​പം വ​ർ​ധി​ക്കാ​നും കാ​ര​ണ​മാ​യി. ഇ​തോ​ടൊ​പ്പം ആ​രോ​ഗ്യ​ത്തെ​പ്പ​റ്റി ന​മ്മു​ടെ കാ​ഴ്ച​പ്പാ​ടി​ലുണ്ടാ​യ ഗു​ണ​ക​ര​മാ​യ മാ​റ്റ​ങ്ങ​ളും ശ്ര​ദ്ധേ​യ​മാ​ണ്. ഉ​ദാ​ഹ​ര​ണ​ത്തി​ന്, ആ​രോ​ഗ്യ​പ​രി​പാ​ല​നം സ്​റ്റേ​റ്റി​​​െൻറ ഉ​ത്ത​ര​വാ​ദി​ത്ത​മാ​ണെ​ന്നും, ജീ​വി​ക്കാ​നു​ള്ള അ​വ​കാ​ശ​ത്തി​നോ​ട് ചേ​ർ​ന്ന് നി​ൽ​ക്കു​ന്നു​വെ​ന്നും നാം ​മ​ന​സ്സിലാ​ക്കു​ന്നു. ഇ​തോ​ടെ ആ​രോ​ഗ്യ​രം​ഗ​ത്തേ​ക്ക് കൂ​ടു​ത​ൽ ഡോ​ക്ട​ർ​മാ​ർ ആ​വ​ശ്യ​മാ​ണെ​ന്ന തി​രി​ച്ച​റി​വു​ണ്ടാ​യി. എന്നാൽ പൊ​തു​മേ​ഖ​ല​യി​ൽ നി​ക്ഷേ​പി​ക്കാ​ൻ സ​ർ​ക്കാറിന് പ​ണ​മി​ല്ലാ​ത്ത അ​വ​സ്ഥ​യി​ൽ മെ​ഡി​ക്ക​ൽ കോ​ളജു​ക​ൾ സ്വ​കാ​ര്യ​മേ​ഖ​ല​ക്ക് തു​റ​ന്നു​കൊ​ടു​ത്തു. എ​ന്നാ​ൽ, വ്യാ​പ​ക​മാ​യ അ​ഴി​മ​തി​യും കെ​ടു​കാ​ര്യ​സ്ഥ​ത​യുമൊ​ക്കെ​യാ​ണ് തു​ട​ർ​ന്ന് സം​ഭ​വി​ച്ച​ത്. പ​രി​ഷ്‌​കാ​ര​ങ്ങ​ൾ ജ​ന​സൗ​ഹാ​ർ​ദ​പ​ര​വു​മാ​യി​ല്ല. സ്വ​കാ​ര്യ​മേ​ഖ​ല​യി​ൽ നി​ക്ഷേ​പ​വു​മാ​യി വ​ന്ന​വ​ർ സാ​മൂ​ഹി​ക രാ​ഷ്​ട്രീ​യ മ​ണ്ഡ​ല​ത്തി​ൽ അ​തി​കാ​യ​രാ​ണ് എ​ന്ന​തു​ത​ന്നെ കാ​ര​ണം.  

ഇ​തി​നി​ട​ക്ക്​, ഇ​ന്ത്യ​ൻ വ്യ​വ​സാ​യ സ​ഭ (കോൺഫെഡറേഷൻ ഒാഫ്​ ഇന്ത്യൻ ഇൻഡസ്​ട്രി) ര​ണ്ടാ​വ​ർ​ത്തി അ​ന്താ​രാ​ഷ്​ട്ര പ്ര​ശ​സ്തി​യു​ള്ള മ​ക്കി​ൻ​സി ഗ്രൂ​പ്​ മു​ഖാ​ന്ത​രം ഇ​ന്ത്യ​യു​ടെ ആ​രോ​ഗ്യരം​ഗ​ത്തെ നി​ക്ഷേ​പ​സാ​ധ്യ​ത​യും ഭാ​വി വ​ള​ർ​ച്ച​യും പ​ഠി​ച്ചു. ഇ​ന്ത്യ​യു​ടെ ആ​രോ​ഗ്യ​മു​ന്നേ​റ്റം അ​ഭി​ല​ഷ​ണീ​യ​മാ​യ ഉ​യ​ർ​ച്ച കാ​ണി​ക്കു​ന്നി​ല്ല എ​ന്നാ​ണ് 2012ൽ ​അ​വ​ർ ന​ൽ​കി​യ റി​പ്പോ​ർ​ട്ട്. മെഡിക്കൽ കൗ​ൺ​സി​ൽ ര​ജി​സ്ട്രേ​ഷ​നുള്ള​വ​രി​ൽ ഗ​ണ്യ​മാ​യ അ​ള​വി​ൽ ഡോ​ക്ട​ർ​മാർ ചി​കി​ത്സാ​രം​ഗ​ത്തു കാ​ണു​ന്നി​ല്ല. ര​ജി​സ്​റ്ററി​ൽ പേ​രു​ള്ള​വ​രി​ൽ 90 ശതമാനം പേ​രെ​ങ്കി​ലും പ്രാ​ക്ടീസ് ചെ​യ്യു​മെ​ങ്കി​ലേ പു​രോ​ഗ​തി കൈ​വ​രി​ക്കാ​നാ​കൂ. ഇ​ന്ന​ത്തെ ചു​റ്റു​പാ​ടി​ൽ മ​ക്കി​ൻ​സി പ​റ​യു​ന്ന പരിഹാരം ആ​യു​ഷ്, ഗ്രാ​മീ​ണ മെ​ഡി​ക്ക​ൽ പ്രാ​ക്​ടി​ഷ​ന​ർ​മാ​ർ എ​ന്നി​വ​രെ മു​ഖ്യ​ധാ​ര​യി​ലേ​ക്ക് കൊ​ണ്ടു​വ​രി​ക എ​ന്ന​തു​മാ​ത്ര​മാ​ണ്. ഇ​ത് ശ​രി​യാ​യ ന​യമ​ല്ലെ​ങ്കി​ൽ ക​ണ​ക്കു​ക​ൾ വെ​ച്ച് ബ​ദ​ൽ പ​ദ്ധ​തി മു​ന്നോ​ട്ടു​വെ​ക്കാ​ൻ ബ​ന്ധ​പ്പെ​ട്ട​വ​ർ ശ്ര​മിക്കണം. മ​റ്റൊ​രു മേ​ഖ​ല, ആ​രോ​ഗ്യ​രം​ഗ​ത്തെ ഗു​ണ​നി​ല​വാ​രം ഉ​റ​പ്പി​ക്ക​ലാ​ണ്. രോ​ഗി കേ​ന്ദ്രീ​കൃ​ത ചി​കി​ത്സ​ക​ൾ, പ്രോ​ട്ടോ​കോ​ൾ അ​ടി​സ്ഥാ​ന​പ്പെ​ടു​ത്തി​യ ചി​കി​ത്സ, ശീ​ഘ്രം ന​ട​ക്കു​ന്ന പ​രാ​തി പ​രി​ഹാ​രം, ഫ​ല​പ്ര​ദ​മാ​യ കേ​സു​തീ​ർ​പ്പാ​ക്ക​ൽ എ​ന്നി​വ അ​തി​ൽപെ​ടു​ന്നു.

നാം ​ദേ​ശീ​യ മെ​ഡി​ക്ക​ൽ കമീഷ​ൻ ബി​ൽ കാ​ണേ​ണ്ട​ത് ഈ ​പ​ശ്ചാ​ത്ത​ല​ത്തി​ൽ കൂ​ടി​യാ​ണ്. ഇ​ന്ന് ഇ​ന്ത്യ​യാ​കെ ഡോ​ക്ട​ർ​മാ​രെ അ​സ്വ​സ്ഥ​രാ​ക്കു​ന്ന​ത് മാ​ന​വ​ശേ​ഷി വി​ക​സ​ന​വു​മാ​യി ബ​ന്ധ​പ്പെ​ട്ട് ബി​ല്ലി​ൽ ചേ​ർ​ത്തി​ട്ടു​ള്ള 32ാം ​വ​കു​പ്പാണ്​. ഇ​തു​ ആ​ധു​നി​ക വൈ​ദ്യ​ശാ​സ്ത്ര ബി​രു​ദ​മി​ല്ലാ​ത്ത​വ​ർ​ക്കും പ​രി​മി​ത​മാ​യ തോ​തി​ൽ ചികിത്സിക്കാ​ൻ അ​വ​സ​ര​മു​ണ്ടാ​ക്കു​ന്നു. പി​ൻവാ​തി​ലി​ൽ കൂ​ടി അ​വ​ശ്യം വേ​ണ്ട യോ​ഗ്യ​ത​യി​ല്ലാ​ത്ത​വ​രെ വൈ​ദ്യ​ശാ​സ്ത്ര​ത്തി​ലേ​ക്ക് ക​ട​ത്തി​വി​ടാ​നാണിതെ​ന്ന സം​ശ​യം ശ​ക്ത​മാ​ണ്. എ​ന്നാ​ൽ, 32ാം ​വ​കു​പ്പ് ചി​ല ക​ർ​ശ​ന ഉ​പാ​ധി​ക​ൾ ഇ​തോ​ടൊ​ത്തു വെ​ച്ചി​ട്ടു​ണ്ട്. സാ​മൂ​ഹി​കാ​രോ​ഗ്യ സേ​വ​ന​ദാ​താ​വ് എ​ന്ന ​പേ​രി​ൽ അ​റി​യ​പ്പെ​ടു​ന്ന ഇ​ത്ത​ര​ക്കാ​ർ മ​ധ്യത​ല ചി​കി​ത്സ​ക​രാ​യി​രി​ക്കും. ഒ​രു മേ​ഖ​ല​യി​ലെ മൊ​ത്തം ചി​കി​ത്സ​ക​രു​ടെ മൂ​ന്നി​ലൊ​ന്നു സം​ഖ്യക്ക്​ താ​ഴെ​യാ​യി ഇ​ത്ത​രം ര​ജി​സ്ട്രേ​ഷ​ൻ പ​രി​മി​ത​പ്പെ​ടു​ത്തും. പ്രാ​ക്ടിസ് ചെ​യ്യാ​നു​ള്ള അ​നു​വാ​ദം എ​ത്ര​കാ​ല​ത്തേ​ക്ക്​, എ​ന്ത് സാ​ഹ​ച​ര്യ​ത്തിൽ ന​ൽ​കു​ന്നുവെ​ന്നും എ​ത്ര​യ​ള​വി​ൽ ചി​കി​ത്സ ന​ൽ​കാ​മെ​ന്നും ലൈ​സ​ൻ​സി​ൽ വ്യ​ക്ത​മാ​യി പ​റ​യേ​ണ്ട​തു​ണ്ട്. മാ​ത്ര​മ​ല്ല, പ്ര​തി​രോ​ധചി​കി​ത്സ​യി​ലും പ്രാ​ഥ​മി​ക ചി​കി​ത്സ​യി​ലും മാ​ത്ര​മേ അ​വ​ർ​ക്ക് സ്വ​ത​ന്ത്ര​മാ​യി പ്ര​വ​ർ​ത്തി​ക്കാ​നാ​കൂ.   

നി​യ​മം ഇ​ങ്ങ​നെ​യൊ​ക്കെ​യാ​ണെ​ങ്കി​ലും ബി​ൽ പാ​സായി സം​സ്ഥാ​ന​ത​ല​ത്തി​ൽ ച​ട്ട​ങ്ങ​ൾ രൂ​പ​പ്പെ​ടു​മ്പോ​ൾ ഇ​തെ​ല്ലാം നേ​ർ​ത്തു​വ​രു​മെ​ന്ന സം​ശ​യം അ​സ്ഥാ​ന​ത്ത​ല്ല. മൂ​ന്നി​ലൊ​ന്നി​ൽ അ​വി​ദ​ഗ്‌​ധ ചി​കി​ത്സ​ക​രെ  നി​യ​ന്ത്രി​ക്കാ​നാ​കു​മോ, ലൈ​സ​ൻ​സ് റ​ദ്ദാ​ക്കു​ന്ന മു​റ​ക്ക് അ​വ​ർ പ്രാ​ക്ടീസ് നി​ർ​ത്തു​മോ എ​ന്നൊ​ന്നും ആ​ർ​ക്കും പ​റ​യാ​നാ​വി​ല്ല. ആ​രോ​ഗ്യ​രം​ഗ​ത്തു പൊ​തു​വെ മു​മ്പന്തി​യി​ലു​ള്ള കേ​ര​ള​ത്തി​ൽപോ​ലും ‘നി​പ’ പ​നി ചൂ​ടു​വെ​ള്ള​വും എ​നി​മ​യും കൊ​ണ്ട് ചി​കി​ത്സ​ിച്ചാ​ൽ മ​തി​യെ​ന്ന് പ്ര​ഖ്യാ​പി​ക്കാ​ൻ വ്യാ​ജ​ചി​കി​ത്സ​ക​ർ​ക്കാ​കു​ന്നു. നി​യ​മം കാ​രാ​ഗൃ​ഹ​ത്തി​ൽ ക​ണ്ണ​ട​ച്ച് നി​ൽ​ക്കു​ക​യും ചെ​യ്യു​ന്നു. കാ​ൻ​സ​റി​നും പ്ര​മേ​ഹ​ത്തി​നും ഒ​റ്റ​മൂ​ലി​യു​മാ​യി വ​രു​ന്ന​വ​രെ ത​ട​യു​ന്നി​ല്ലെ​ന്ന​തു പോ​ട്ടെ, പ​ല​ർ​ക്കും വ്യാ​പ​ക​മാ​യ മാ​ധ്യ​മ​ശ്ര​ദ്ധ​യും നി​യ​മ​വി​രു​ദ്ധ പ​ര​സ്യ​ങ്ങ​ളും നി​ർ​ബാ​ധം ല​ഭ്യ​വു​മാ​ണ്. 

ഇ​തോ​ടൊ​പ്പം ചേ​ർ​ത്തു​വാ​യി​ക്കേ​ണ്ട മ​റ്റു ചി​ല സ​മാ​ന്ത​ര ഇ​ട​പെ​ട​ലു​ക​ൾ ഉ​ണ്ട്. ആ​യു​ഷ് പ്ര​കാ​രം ത​ദ്ദേ​ശീ​യ ചി​കി​ത്സ​കൾക്കും ഹോ​മി​യോപ്പതി​ക്കും നി​യ​മ​സാ​ധു​ത​യു​ണ്ട്. അ​ടു​ത്ത​കാ​ല​ത്താ​യി തി​ബ​ത്തൻ ആ​രോ​ഗ്യ​വി​ദ്യ, അ​ക്യൂ​പ​ങ്​ച​ർ എ​ന്നി​വ​യും നി​യ​മ​സാ​ധു​ത​യു​ള്ള ചി​കി​ത്സ ​പ​ദ്ധ​തി​യാ​യി കേ​ന്ദ്ര​ം അം​ഗീ​ക​രി​ച്ചു​ക​ഴി​ഞ്ഞു. ലോക വ്യാ​പ​ക​മാ​യ​തോ​ടെ യോ​ഗ​ചി​കി​ത്സ എ​ന്നൊ​രു പു​തി​യ സ​മ്പ്ര​ദാ​യം കൂ​ടി ​വ​രു​ന്നു. സ്പോ​ർ​ട്സി​ൽ സാ​ക്ഷ്യ​പ​ത്രം ഉ​ള്ള​വ​ർ​ക്ക് യോ​ഗ പ്രാ​ക്ടിസ് ചെ​യ്യാ​മെ​ന്ന നി​ല​യു​ണ്ടാ​യി​വ​രു​ന്നു. ഇ​ങ്ങ​നെ​യൊ​ക്കെ ന​ട​ക്കു​ന്ന സാ​ഹ​ച​ര്യ​ത്തി​ൽ മെ​ഡി​ക്ക​ൽ കമീഷ​ൻ ബി​ല്ലി​ലെ 32ാം ​വ​കു​പ്പ് ശ്ര​ദ്ധ​യോ​ടെ ന​ട​പ്പാ​ക്കു​മെ​ന്ന് എ​ന്താ​ണു​റ​പ്പ്?

കൂ​ടു​ത​ൽ ഡോ​ക്ട​ർ​മാരെ ​സൃ​ഷ്​ടി​ക്കു​ന്ന​തി​ന് പ​ക​രം അ​വി​ദ​ഗ്‌​ധ​രാ​യ അ​സം​ഖ്യം ആ​ൾ​ക്കാ​രെ ഡോ​ക്ട​ർ വേ​ഷ​ത്തി​ൽ ഗ്രാ​മ​ങ്ങ​ളി​ലേ​ക്ക​യ​ക്കു​ന്ന​ത് ഗ്രാ​മ​ജീ​വി​തം ര​ണ്ടാം​കി​ടയാ​യ​തു ​കൊ​ണ്ടാ​കു​മോ? ഗ്രാ​മ​ത്തി​ലെ​ത്തി​യ​വ​ർ ലൈ​സ​ൻ​സു​മാ​യി പ​ട്ട​ണ​ത്തി​ലേ​ക്കു ചേ​ക്കേ​റി​യാ​ൽ ആ​രാ​ണ് ത​ടു​ക്കു​ക? ന​മ്മെ ചി​കി​ത്സിക്കു​ന്ന​വ​രു​ടെ ലൈ​സ​ൻ​സ് പ​രി​ശോ​ധി​ക്കാ​നാണോ നാം ​ചി​കി​ത്സ​ക്ക് വി​ധേ​യ​രാ​കു​ന്ന​ത്? ഡോ​ക്ട​ർ​മാ​രു​ടെ എ​ണ്ണം വ​ർധി​ക്കു​ന്ന ​മു​റ​ക്ക്​ ഗ്രാ​മചി​കി​ത്സ​ക​രു​ടെ ലൈ​സ​ൻ​സ് റ​ദ്ദു​ചെ​യ്യാ​നാ​കും എ​ന്നു​ക​രു​താ​ൻ എ​ന്താ​യാ​ലും സാ​ധ്യ​മ​ല്ല. പ്രാ​യോ​ഗി​ക​മ​ല്ലാ​ത്ത കു​രു​ക്കു​ക​ളി​ലേ​ക്ക് നാം ​സ്വ​യം ന​യി​ക്ക​പ്പെ​ടു​ന്നു എ​ന്നു​മാ​ത്രം.

ഇ​ന്ന്​ ഇ​ന്ത്യ​യി​ൽ ആ​റുല​ക്ഷം ഡോ​ക്ട​ർ​മാ​രു​ടെ​യും 12 ല​ക്ഷം ന​ഴ്‌​സു​മാ​രു​ടെ​യും കു​റ​വു​ണ്ട്. ഇ​ത് നി​ക​ത്ത​ണ​മെ​ങ്കി​ൽ ആ​വ​ശ്യ​മാ​യ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ ഉ​യ​ർ​ന്നു​വ​ര​ണം. പു​തി​യ ആ​ശു​പ​ത്രി​ക​ളും. ഉ​ള്ള​വ​യി​ൽ കൂ​ടു​ത​ൽ ത​സ്തി​ക​ക​ളു​ണ്ടാ​ക​ണം. പ്ര​തി​വ​ർ​ഷം 2.6 കോ​ടി ജ​ന​സം​ഖ്യാ ​വ​ർ​ധ​ന​വു​ണ്ടാ​കു​ന്ന ഇ​ന്ത്യ​യി​ൽ ഡോ​ക്ട​ർ​മാ​രു​ടെ എ​ണ്ണം താ​ൽക്കാ​ലി​ക​മാ​യി വ​ർ​ധി​പ്പി​ക്കു​ന്ന​ത് ഫ​ലം ചെ​യ്യി​ല്ല. അ​താ​യ​ത്, ഇ​പ്ര​കാ​രം ആ​രോ​ഗ്യ​രം​ഗം വി​ക​സി​ക്ക​ണ​മെ​ങ്കി​ൽ ഉ​യ​ർ​ന്ന നി​ക്ഷേ​പം അ​ടി​യ​ന്തര​മാ​യി ഉ​റ​പ്പാ​ക്കേ​ണ്ട​തു​ണ്ട്. നിതി ആ​യോ​ഗി​​​െൻറ പു​തി​യ ക​ണ​ക്ക​നു​സ​രി​ച്ചു കേ​ന്ദ്രം ഇ​പ്പോ​ൾ ചി​ല​വി​ടു​ന്ന​ത് ജി.ഡി.പി​യു​ടെ ഒരു ശതമാനം മാ​ത്ര​മാ​ണ്. ഇ​ത് അ​ടി​യ​ന്ത​ര​മാ​യി മൂന്ന്​ ശതമാനം ആ​ക്കി​യേ​തീ​രൂ എ​ന്നാ​ണ് നിതി ആ​യോ​ഗ് അ​ഭി​പ്രാ​യ​പ്പെ​ടു​ന്ന​ത്. ന​മു​ക്കു​ചു​റ്റു​മു​ള്ള വി​ക​സ്വ​ര രാ​ജ്യ​ങ്ങ​ളും എ​ല്ലാ വി​ക​സി​ത രാ​ജ്യ​ങ്ങ​ളും ആ​രോ​ഗ്യ​ത്തി​ന് ​െചല​വാ​ക്കു​ന്ന​ത് 3.5 മു​ത​ൽ 10 ശതമാനം വ​രെ​യാ​ണ്. തൊ​ട്ട​ടു​ത്ത്‌ ശ്രീല​ങ്ക ഇ​തി​ന​കം മാ​തൃ​മ​ര​ണ​നി​ര​ക്ക് ന​മ്മളേ​ക്കാ​ൾ മെ​ച്ച​പ്പെ​ടു​ത്തി. മ​ലേ​റി​യ​യും അ​ഞ്ചാം​പ​നി​യും നി​ർമാ​ർജനം ചെ​യ്‌​തു. നി​സ്സാര​മ​ല്ല, ഈ ​നേ​ട്ട​ങ്ങ​ൾ. പ​ത്തു വർഷം മു​മ്പ് ആ​ഭ്യ​ന്ത​ര യു​ദ്ധ​ത്തെ തു​ട​ർ​ന്ന് ത​ക​ർ​ന്ന സ​മ്പ​ദ്ഘ​ട​ന​യി​ൽ​നിന്നാ​ണ് ഇൗ ഉ​യി​ർ​ത്തെഴുന്നേ​ൽപ്​ എ​ന്ന​ത് ശ്ര​ദ്ധേ​യം.

ആ​രോ​ഗ്യ​രം​ഗ​ത്തെ പോ​രാ​യ്​മ​ക​ൾ​ക്ക് അ​യോ​ഗ്യ​രെ നി​യ​മംമൂ​ലം യോ​ഗ്യ​രാ​ക്കു​ന്ന പ​ദ്ധ​തി ഗു​ണ​മേ​ന്മ ഉ​യ​ർ​ത്തു​കയി​ല്ല എ​ന്ന് നി​ശ്ച​യം. ഓ​രോ പ​ക​ർ​ച്ച​വ്യാ​ധി വ​രു​മ്പോ​ഴും ഓ​രോ പ്ര​തി​രോ​ധ പ​ദ്ധ​തി ആ​വി​ഷ്ക​രി​ക്കു​മ്പോ​ഴും ഇ​വ​ർ​ക്ക് ഫ​ല​പ്ര​ദ​മാ​യ പ​രി​ശീ​ല​നം ന​ൽ​ക​ണം. അ​തി​​​െൻറ സ​ന്നാ​ഹ​ങ്ങ​ളും ചെ​ല​വു​ക​ളും ബി​ൽ പ​രി​ഗ​ണി​ക്കു​ന്നി​ല്ല. അ​യോ​ഗ്യ​രാ​യ ഇ​വ​ർ പ്ര​തി​രോ​ധ ചി​കി​ത്സ, വാ​ക്സി​നേ​ഷ​ൻ, പോ​ഷ​കാ​ഹാ​രം, വ്യാ​യാ​മം എ​ന്നി​വ​യി​ലൊ​ക്കെ അ​ന്ധ​മാ​യ വി​ശ്വാ​സ​ങ്ങ​ൾ പി​ന്തു​ട​രു​ന്ന​വ​രാ​കാ​ൻ ഇ​ട​യു​ണ്ട്. എ​ത്ര​ത​ന്നെ പ​ഠി​പ്പി​ച്ചാ​ലും വാ​ക്സി​നേ​ഷ​ൻ വേ​ണ്ടെ​ന്നും പ്ര​മേ​ഹ​ത്തി​ന് അ​ന്ന​ജം ഉ​ത്ത​മ​മെ​ന്നു പ​റ​യു​ന്ന​വ​രും ധാ​രാ​ള​മാ​യി നി​ല​നി​ൽ​ക്കും. ഇ​തെ​ല്ലാം ആ​രോ​ഗ്യ​മേ​ഖ​ല​യി​ൽ പു​തി​യ സം​ഘ​ർ​ഷ​ത്തി​ന് കാ​ര​ണ​മാ​കും.

മെ​ഡി​ക്ക​ൽ കമീഷ​ൻ ബി​ൽ പ​രി​ഗ​ണി​ക്കു​മ്പോ​ൾ പാ​ർ​ല​മെ​ൻ​റ്​ ഇ​ത് ഡോ​ക്ട​ർ​മാ​രു​ടെ വി​ഷ​യ​മാ​യ​ല്ല, പാ​വ​പ്പെ​ട്ട ഗ്രാ​മീ​ണ ജ​ന​ത​യു​ടെ കാ​ത​ലാ​യ പ്ര​ശ്ന​മാ​യി പ​ഠി​ക്കുമെ​ന്ന്​​ ​ക​രു​തു​ന്നു. ഇ​തേ​ക്കു​റി​ച്ചു​ള്ള ആ​ശ​ങ്ക​ക​ൾ ഈ ​മേ​ഖ​ല​യി​ൽ പ​രി​ച​യ​മു​ള്ള​വ​ർ പ​റ​യു​ന്നു എ​ന്നു​മാ​ത്രം.

Loading...
COMMENTS