Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightവഖഫ് ബോർഡ് നിയമനങ്ങൾ...

വഖഫ് ബോർഡ് നിയമനങ്ങൾ എന്തിന്​  പി.എസ്​.സിക്കു വിടണം?  

text_fields
bookmark_border
Kerala-Waqaf-Board
cancel

പൊ​തു​ന​ന്മ​യും ദൈ​വ​പ്രീ​തി​യും കാം​ക്ഷി​ച്ച് സ്​​ഥാ​വ​ര ജം​ഗ​മ വ​സ്​​തു​ക്ക​ൾ സ്വ​മേ​ധ​യാ ദാ​ന​മാ​യി മ​ത​പ​ര​മാ​യ ആ​വ​ശ്യ​ങ്ങ​ൾ​ക്ക് വി​ശ്വാ​സി​സ​മൂ​ഹം നൂ​റ്റാ​ണ്ടു​ക​ളാ​യി വി​ട്ടു​കൊ​ടു​ത്ത​താ​ണ് വ​ഖ​ഫ് സ്വ​ത്തു​ക്ക​ൾ. ഇ​സ്​​ലാ​മി​ക വി​ധി​വി​ല​ക്കു​ക​ൾ അ​നു​സ​രി​ച്ച് അ​ത്​ സൂ​ക്ഷി​ച്ച് കൈ​കാ​ര്യം ചെ​യ്യു​ക​യാ​ണ്  കൈ​കാ​ര്യ ക​ർ​ത്താ​ക്ക​ളു​ടെ ക​ട​മ. രാ​ജ്യ​ത്തെ വ​ഖ​ഫ് സ്വ​ത്തു​ക്ക​ൾ സം​ര​ക്ഷി​ക്കു​ക എ​ന്ന ല​ക്ഷ്യ​ത്തോ​ടെ രൂ​പ​വ​ത്​​കൃ​ത​മാ​യ സ്വ​യം​ഭ​ര​ണാ​ധി​കാ​ര​മു​ള്ള സ്​​ഥാ​പ​ന​മാ​ണ് വ​ഖ​ഫ് ബോ​ർ​ഡ്. 1995ലെ ​പ​രി​ഷ്​​ക​രി​ച്ച സെ​ൻ​ട്ര​ൽ വ​ഖ​ഫ് ആ​ക്​​ട്​ ഏ​റ്റ​വും അ​വ​സാ​ന​മാ​യി ഭേ​ദ​ഗ​തി ചെ​യ്യ​പ്പെ​ട്ട​ത് 2013ലാ​ണ്. ഇ​ത​നു​സ​രി​ച്ചാ​ണ് രാ​ജ്യ​ത്ത് വ​ഖ​ഫ്ബോ​ർ​ഡു​ക​ൾ പ്ര​വ​ർ​ത്തി​ക്കു​ന്ന​ത്. ബോ​ർ​ഡി​ലെ ഉ​ദ്യോ​ഗ​സ്​​ഥ​രു​ടെ നി​യ​മ​നം പി.​എ​സ്.​സി.​ക്ക് വി​ടാ​നു​ള്ള തീ​രു​മാ​നം കേ​ര​ള സ​ർ​ക്കാ​ർ പ്ര​ഖ്യാ​പി​ക്കു​ന്ന​ത് 2017 ഫെ​ബ്രു​വ​രി​യി​ലെ ബ​ജ​റ്റ് സ​മ്മേ​ള​ന​ത്തി​ലാ​ണ്. അ​തി​നു​മു​മ്പു​ത​ന്നെ ദേ​വ​സ്വം ബോ​ർ​ഡി​നു കീ​ഴി​ൽ വ​രു​ന്ന സ്​​ഥാ​പ​ന​ങ്ങ​ളി​ലെ നി​യ​മ​ന​വും പി.​എ​സ്.​സി​ക്കു വി​ടു​മെ​ന്ന് സ​ർ​ക്കാ​ർ പ്ര​ഖ്യാ​പി​ച്ചി​രു​ന്നു.

എ​ന്നാ​ൽ, ദേ​വ​സ്വം നി​യ​മ​ന​ങ്ങ​ളി​ൽ എ​ക്കാ​ല​വും മേ​ധാ​വി​ത്വ​വും മേ​ൽ​ക്കൈ​യും നേ​ടി തൊ​ണ്ണൂ​റ് ശ​ത​മാ​ന​ത്തോ​ളം കൈ​യ​ട​ക്കി​െ​വ​ച്ചി​രി​ക്കു​ന്ന​വ​രു​ടെ സ​മ്മ​ർ​ദ​ങ്ങ​ൾ​ക്കും ഭീ​ഷ​ണി​ക്കും മു​മ്പി​ൽ മു​ട്ടു​മ​ട​ക്കി​യ സ​ർ​ക്കാ​ർ പി.​എ​സ്.​സി.​ക്കു വി​ടാ​തെ ദേ​വ​സ്വം റി​ക്രൂ​ട്ട്മ​െൻറ് ബോ​ർ​ഡി​നു​ത​ന്നെ മു​ഴു​വ​ൻ നി​യ​മ​നാ​ധി​കാ​ര​വും ന​ൽ​കി മു​ന്നാ​ക്ക​വി​ഭാ​ഗ​ങ്ങ​ളെ പ്രീ​ണി​പ്പി​ച്ചു. അ​തേ​സ​മ​യം, വ​ഖ​ഫ് കൈ​കാ​ര്യം ചെ​യ്യു​ന്ന മ​ന്ത്രി​യു​ടെ നി​ർ​ബ​ന്ധ​ബു​ദ്ധി​ക്കും പി​ടി​വാ​ശി​ക്കും മു​മ്പി​ൽ മു​ഖ്യ​മ​ന്ത്രി​യും ഇ​ട​തു​മു​ന്ന​ണി​യും തെ​റ്റി​ദ്ധ​രി​പ്പി​ക്ക​പ്പെ​ട്ട്  ന​വം​ബ​ർ പ​കു​തി​യോ​ടെ വ​ഖ​ഫ് നി​യ​മ​നം പി.​എ​സ്.​സി.​ക്ക് വി​ടു​ന്ന​തി​നു​ള്ള ഓ​ർ​ഡി​ന​ൻ​സ്​ മ​ന്ത്രി​സ​ഭ അം​ഗീ​ക​രി​ക്കു​ക​യാ​ണു​ണ്ടാ​യ​ത്. നി​യ​മ​വ​കു​പ്പ് ഉ​ദ്യോ​ഗ​സ്​​ഥ​രു​ടെ അ​ഭി​പ്രാ​യം പ​രി​ഗ​ണി​ക്കാ​തെ വ​കു​പ്പു​മ​ന്ത്രി​യും സ​ർ​ക്കാ​റും ന​വം​ബ​ർ അ​വ​സാ​നം ഓ​ർ​ഡി​ന​ൻ​സ്​ ഗ​വ​ർ​ണ​റു​ടെ അം​ഗീ​കാ​ര​ത്തി​ന് അ​യ​ച്ചി​രി​ക്കു​ക​യാ​ണ്.
വ​ഖ​ഫ്ബോ​ർ​ഡി​ലെ നി​യ​മ​ന​ങ്ങ​ൾ പി.​എ​സ്.​സി.​ക്കു വി​ടു​ന്ന​ത് ന​ല്ല​ത​ല്ലേ, ഉ​യ​ർ​ന്ന യോ​ഗ്യ​ത​യും കാ​ര്യ​ക്ഷ​മ​ത​യു​മു​ള്ള​വ​രെ നി​യ​മി​ക്കാ​ൻ സാ​ധി​ക്കു​മ​​ല്ലോ, നി​യ​മ​ന​ങ്ങ​ളി​ൽ സ്വ​ജ​ന​പ​ക്ഷ​പാ​ത​വും അ​ഴി​മ​തി​യും ഇ​ല്ലാ​താ​വു​ക​യി​ല്ലേ എ​ന്നെ​ല്ലാ​മാ​ണ് പൊ​തു​വാ​യ ചോ​ദ്യം. പൊ​തു​സ​മൂ​ഹ​ത്തി​ന് അ​ങ്ങ​നെ മാ​ത്ര​മേ ചി​ന്തി​ക്കാ​നാ​വൂ. ഒ​റ്റ​നോ​ട്ട​ത്തി​ൽ എ​ല്ലാം ശ​രി​യാ​ണെ​ന്ന് തോ​ന്നും. കേ​ര​ള സം​സ്​​ഥാ​ന വ​ഖ​ഫ് ബോ​ർ​ഡി​െൻറ പ്ര​വ​ർ​ത്ത​ന​ങ്ങ​ൾ നി​രീ​ക്ഷി​ക്കു​ന്ന ആ​ർ​ക്കും ന്യാ​യ​മാ​യും തോ​ന്നാ​വു​ന്ന​താ​ണ്​ ഇൗ ​സം​ശ​യ​ങ്ങ​ൾ. ബോ​ർ​ഡി​ൽ കേ​ര​ള​ത്തി​ലാ​കെ​യു​ള്ള​ത് 150ൽ ​താ​ഴെ ത​സ്​​തി​ക​ക​ളാ​ണ്. എ​ന്നാ​ൽ, ദേ​വ​സ്വം ബോ​ർ​ഡു​ക​ളി​ലേ​ക്ക് പ​തി​നാ​യി​ര​ത്തി​ല​ധി​കം ത​സ്​​തി​ക​ക​ളി​ലാ​ണ് നി​യ​മ​നം ന​ട​ക്കു​ന്ന​ത് എ​ന്ന​തും പ്ര​ത്യേ​കം പ​രാ​മ​ർ​ശി​ക്കേ​ണ്ട​താ​ണ്.

1995ലെ ​സെ​ൻ​ട്ര​ൽ വ​ഖ​ഫ് ആ​ക്​​ടും സം​സ്​​ഥാ​ന​ങ്ങ​ൾ രൂ​പം​ന​ൽ​കു​ന്ന വ​ഖ​ഫ് ച​ട്ട​ങ്ങ​ളു​മ​നു​സ​രി​ച്ചാ​ണ് വ​ഖ​ഫ് ബോ​ർ​ഡ് പ്ര​വ​ർ​ത്തി​ക്കേ​ണ്ട​ത്. സെ​ൻ​ട്ര​ൽ വ​ഖ​ഫ് ആ​ക്​​ടി​ലെ 24ാം വ​കു​പ്പ് പ്ര​കാ​രം ബോ​ർ​ഡി​െൻറ പ്ര​വ​ർ​ത്ത​ന​ത്തി​നാ​വ​ശ്യ​മാ​യ ജീ​വ​ന​ക്കാ​രെ നി​യ​മി​ക്കു​ന്ന​തി​ന് വ്യ​വ​സ്​​ഥ​ക​ളും ച​ട്ട​ങ്ങ​ളും നി​യ​ന്ത്ര​ണ​ങ്ങ​ളു​മു​ണ്ടാ​ക്കി സ​ർ​ക്കാ​റി​​െൻറ ക​ൺ​സ​ൽ​ട്ടേ​ഷ​നോ​ടെ ബോ​ർ​ഡി​നു​ത​ന്നെ നി​യ​മ​ന​ങ്ങ​ൾ ന​ട​ത്താ​ൻ അ​ധി​കാ​ര​വും അ​വ​കാ​ശ​വു​മു​ണ്ട്. 24 ാം വ​കു​പ്പ് പ്ര​കാ​രം സ​ർ​ക്കാ​റു​മാ​യി ക​ൺ​സ​ൽ​ട്ടേ​ഷ​ൻ മാ​ത്രം മ​തി. സ​ർ​ക്കാ​റി​െൻറ ക​ൺ​ക​റ​ൻ​സോ ക​ൺ​സ​േ​ൻ​റാ ആ​വ​ശ്യ​മി​ല്ല. കേ​​ന്ദ്ര​നി​യ​മ​ത്തി​നു വി​രു​ദ്ധ​മാ​യ ന​ട​പ​ടി​യെ​ന്ന നി​ല​ക്ക് തീ​രു​മാ​നം ഭ​ര​ണ​ഘ​ട​ന​വി​രു​ദ്ധ​വു​മാ​ണ്.

ഭ​ര​ണ​ഘ​ട​ന​യു​ടെ 320 ാം വ​കു​പ്പു പ്ര​കാ​രം സ്​​ഥാ​പി​ത​മാ​യ ഒ​രു റി​ക്രൂ​ട്ട്മെ​ൻ്റ് ബോ​ർ​ഡാ​ണ് പി.​എ​സ്.​സി. ദേ​വ​സ്വം നി​യ​മ​ന​ങ്ങ​ളി​ൽ ഹി​ന്ദു വി​ഭാ​ഗ​ങ്ങ​ളി​ൽ​നി​ന്നു​മാ​ത്രം അ​പേ​ക്ഷ ക്ഷ​ണി​ച്ച് നി​യ​മ​നം ന​ട​ത്താ​ൻ പി.​എ​സ്.​സി.​ക്ക് സാ​ധി​ക്കി​ല്ല. ജാ​തി, മ​തം, ലിം​ഗം, വ​ർ​ഗം എ​ന്നി​വ​യു​ടെ അ​ടി​സ്​​ഥാ​ന​ത്തി​ൽ ഏ​തൊ​രു ഉ​ദ്യോ​ഗാ​ർ​ഥി​ക്കും നി​ശ്ചി​ത യോ​ഗ്യ​ത​യും മാ​ന​ദ​ണ്ഡ​ങ്ങ​ളും പാ​ലി​ക്കു​ന്ന​പ​ക്ഷം നി​യ​മ​ന​ത്തി​ന് അ​പേ​ക്ഷി​ക്കാം. ദേ​വ​സ്വം ബോ​ർ​ഡി​ലെ മി​നി​സ്​​റ്റീ​രി​യ​ൽ വി​ഭാ​ഗം, എ​ൻ​ജി​നീ​യ​റി​ങ്​ വി​ഭാ​ഗം, വി​ദ്യാ​ഭ്യാ​സ സ്​​ഥാ​പ​ന​ങ്ങ​ൾ എ​ന്നി​വ​യി​ലേ​ക്ക് അ​പേ​ക്ഷി​ക്കാ​ൻ യോ​ഗ്യ​ത​യു​ള്ള മു​സ്​​ലി​മി​നും ക്രി​സ്​​ത്യാ​നി​ക്കും ഒ​രു മ​ത​ത്തി​ലും പെ​ടാ​ത്ത​യാ​ൾ​ക്കും അ​പേ​ക്ഷി​ക്കാം. ആ ​ഒ​റ്റ​ക്കാ​ര​ണം കൊ​ണ്ടു​ത​ന്നെ​യാ​ണ് ദേ​വ​സ്വം നി​യ​മ​ന​ങ്ങ​ൾ പി.​എ​സ്.​സി.​ക്കു വി​ടു​ന്ന​തി​നെ ഭ​ര​ണ​ഘ​ട​നാ​പ​ര​മാ​യും മ​റ്റു നി​യ​മ​ങ്ങ​ളും ച​ട്ട​ങ്ങ​ളു​മ​നു​സ​രി​ച്ചും എ​തി​ർ​ത്ത​ത്. ദേ​വ​സ്വം ബോ​ർ​ഡ് നി​യ​മ​ന​ങ്ങ​ളി​ൽ സ്വ​ജ​ന​പ​ക്ഷ​പാ​ത​വും അ​ഴി​മ​തി​യും മ​റ്റു നി​ക്ഷി​പ്ത താ​ൽ​പ​ര്യ​ങ്ങ​ളും കൂ​ടി​യാ​യ​പ്പോ​ൾ നി​യ​മ​പ​ര​മാ​യ പ​രി​ര​ക്ഷ ല​ഭി​ക്കി​ല്ലെ​ന്ന വാ​ദ​ത്തി​ലാ​ണ് പി.​എ​സ്.​സി.​ക്ക് വി​ടാ​തി​രു​ന്ന​ത് എ​ന്ന​താ​ണ് യ​ഥാ​ർ​ഥ വ​സ്​​തു​ത. സ​ത്യ​ത്തി​ൽ അ​താ​ണ് പ്രാ​യോ​ഗി​ക​മാ​യ പ​രി​ഹാ​ര​വും.

സ​മാ​ന​മാ​യ പ്ര​ശ്ന​മാ​ണ് വ​ഖ​ഫ് ബോ​ർ​ഡ് നി​യ​മ​ന​ത്തി​ലും സ്വീ​ക​രി​ക്കേ​ണ്ട​ത്. പി.​എ​സ്.​സി.​ക്ക് മു​സ്​​ലിം​ക​ളി​ൽ​നി​ന്നു മാ​ത്ര​മാ​യി വ​ഖ​ഫ് നി​യ​മ​ന​ങ്ങ​ൾ വി​ജ്ഞാ​പ​ന​ത്തി​ലൂ​ടെ അ​പേ​ക്ഷ ക്ഷ​ണി​ച്ച് പ​രീ​ക്ഷ ന​ട​ത്തി നി​യ​മ​നം ന​ട​ത്താ​ൻ ഭ​ര​ണ​ഘ​ട​ന​പ​ര​മാ​യും കേ​ര​ള സ്​​റ്റേ​റ്റ്​ ആ​ൻ​ഡ്​ സ​ബോ​ർ​ഡി​നേ​റ്റ് സ​ർ​വി​സ്​ റൂ​ൾ​സ്​ പ്ര​കാ​ര​വും സാ​ധ്യ​മ​ല്ല. പി.​എ​സ്.​സി  സ്വീ​ക​രി​ച്ച നി​യ​മ​ന ച​ട്ട​പ്ര​കാ​രം മു​സ്​​ലിം​ക​ൾ​ക്ക് മാ​ത്ര​മാ​യി സ്​​പെ​ഷ​ൽ റൂ​ൾ​സ്​ അം​ഗീ​ക​രി​ക്കാ​നും സാ​ധ്യ​മ​ല്ല.   ദേ​​വ​​സ്വം ബോ​​ർ​​ഡിെ​ൻ​റ നി​യ​മ​നം പി.​​എ​​സ്.​​സി​​ക്ക് വി​​ടാ​​തി​​രു​ന്ന​​തി​​നു​ പി​ന്നി​ലു​ള്ള അ​തേ ന്യാ​യ​ത്തിെ​ൻ​റ​യും യു​ക്തി​യു​ടെ​യും അ​ടി​സ്ഥാ​ന​ത്തി​ൽ വ​ഖ​ഫ്​ മേ​ഖ​ല​യി​ലെ നി​യ​മ​ന​ത്തി​ന്​ ‘വ​​ഖ​​ഫ് റി​​ക്രൂ​​ട്ട്മെ​ൻ​റ്​ ബോ​​ർ​​ഡ്’ എ​ന്ന വേ​ദി രൂ​​പ​​വ​​ത്​​​ക​​രി​​ക്കു​​ക​​യാ​​ണ് അ​ടി​യ​ന്ത​ര​മാ​യി വേ​ണ്ട​ത്. 

ഇ​നി പി.​എ​സ്.​സി​യും സ​ർ​ക്കാ​റും വ​ഖ​ഫ് നി​യ​മ​നം പി.​എ​സ്.​സി.​ക്ക് വി​ടാ​മെ​ന്ന് തീ​രു​മാ​നി​ച്ചു​റ​പ്പി​ച്ച് സ്​​പെ​ഷ​ൽ റൂ​ൾ​സും മ​റ്റും ത​യാ​റാ​ക്കി ബ​ന്ധ​പ്പെ​ട്ട​വ​രു​ടെ ആ​ക്ഷേ​പ​വും പ​രാ​തി​ക​ളും പ​രി​ഗ​ണി​ച്ച് വ​ഖ​ഫ് നി​യ​മ​നം നൂ​റു​ശ​ത​മാ​ന​വും മു​സ്​​ലിം​ക​ൾ​ക്ക് മാ​ത്ര​മാ​യി ഉ​റ​പ്പു​വ​രു​ത്താ​ൻ നി​യ​മ​പ​ര​മാ​യി സാ​ധി​ക്കി​ല്ല. ഏ​ത് സാ​ഹ​ച​ര്യ​ത്തി​ലും കോ​ട​തി​യി​ൽ ചോ​ദ്യം ചെ​യ്യ​പ്പെ​ടാ​നി​ട​യു​ണ്ട്. ഇ​സ്​​ലാം മ​ത​വി​ശ്വാ​സി​ക​ളും ശ​രീ​അ​ത്ത് നി​യ​മ​വും വ​ഖ​ഫ് നി​യ​മ​ന​ങ്ങ​ളും അ​റി​യു​ന്ന മു​സ്​​ലിം​ക​ൾ​ക്ക് യോ​ഗ്യ​ത​യു​ടെ മാ​ത്രം അ​ടി​സ്​​ഥാ​ന​ത്തി​ൽ പി.​എ​സ്.​സി. നി​യ​മ​നം ന​ട​ത്താ​മെ​ന്നു​റ​പ്പി​ച്ചാ​ലും സം​വ​ര​ണ വ്യ​വ​സ്​​ഥ​ക​ളും മ​റ്റും ചോ​ദ്യം ചെ​യ്യ​പ്പെ​ടു​ക​യും പ്രാ​യോ​ഗി​ക​മാ​യി നി​യ​മ​ന ന​ട​പ​ടി​ക​ൾ പ്ര​തി​സ​ന്ധി​യി​ലാ​ക്കാ​നും ഭാ​വി​യി​ൽ സാ​ധ്യ​ത​യേ​റെ​യാ​ണ്. ഇ​നി പി.​എ​സ്.​സി.​ക്കു​ത​ന്നെ നി​യ​മ​നം ന​ട​ത്താ​മെ​ന്ന് അം​ഗീ​ക​രി​ച്ചാ​ൽ​ത​ന്നെ മെ​റി​റ്റി​ലെ 50 ശ​ത​മാ​ന​വും മു​സ്​​ലിം​ക​ൾ​ക്ക് നി​ല​വി​ലു​ള്ള 10-12 ശ​ത​മാ​നം സം​വ​ര​ണ​വും ഉ​ൾ​പ്പ​ടെ പ​ര​മാ​വ​ധി 62 ശ​ത​മാ​നം മാ​ത്ര​മേ പി.​എ​സ്.​സി​ക്ക് നി​യ​മ​നം ന​ട​ത്താ​ൻ ക​ഴി​യൂ. അ​ങ്ങ​നെ സം​ഭ​വി​ച്ചാ​ൽ നൂ​റു ശ​ത​മാ​ന​വും മു​സ്​​ലിം​ക​ൾ​ക്ക് മാ​ത്രം ല​ഭി​ക്കേ​ണ്ട​തും മു​സ്​​ലിം​ക​ൾ മാ​ത്രം കൈ​കാ​ര്യം ചെ​യ്യു​വാ​ൻ യോ​ഗ്യ​രു​മാ​യ പ​വി​ത്ര​വും പ​രി​പാ​വ​ന​വു​മാ​യ വ​ഖ​ഫ് സ്​​ഥാ​പ​ന​ങ്ങ​ളി​ലെ അ​ഡ്മി​നി​സ്​േ​ട്ര​റ്റ​ർ/​മു​ത​വ​ല്ലി​മാ​ർ മു​ത​ൽ ഓ​ഫി​സ്​ ജോ​ലി​യും ക​ണ​ക്കെ​ഴു​ത്തും ഉ​ൾ​െ​പ്പ​ടെ ഇ​ത​ര മ​ത​വി​ഭാ​ഗ​ങ്ങ​ളി​ൽ​നി​ന്നും യോ​ഗ്യ​ത​യു​ടെ അ​ടി​സ്​​ഥാ​ന​ത്തി​ൽ നി​യ​മി​ക്ക​പ്പെ​ടേ​ണ്ട സാ​ഹ​ച​ര്യം സം​ജാ​ത​മാ​കു​മെ​ന്നു​റ​പ്പാ​ണ്.

മ​ന്ത്രി​സ​ഭ​യി​ലെ ഒ​രം​ഗ​മെ​ന്ന നി​ല​യി​ൽ വ​ഖ​ഫ് മ​ന്ത്രി​കൂ​ടി ഉ​ൾ​പ്പെ​ട്ട മ​ന്ത്രി​സ​ഭ തീ​രു​മാ​ന​പ്ര​കാ​ര​മാ​ണ് ദേ​വ​സ്വം നി​യ​മ​നം പി.​എ​സ്.​സി​ക്ക് വി​ടാ​തെ ദേ​വ​സ്വം റി​ക്രൂ​ട്ട്മ​െൻറ്​ ബോ​ർ​ഡി​നു വി​ട്ട​ത്. അ​തേ ലോ​ജി​ക്കും പ്രാ​യോ​ഗി​ക സ​മീ​പ​ന​വു​മാ​ണ് വ​ഖ​ഫ് ബോ​ർ​ഡി​ലേ​ക്കു​ള്ള നി​യ​മ​ന കാ​ര്യ​ത്തി​ലും സ്വീ​ക​രി​ക്കേ​ണ്ട​തെ​ന്നാ​ണ് നി​ർ​ദേ​ശി​ക്കാ​നു​ള്ള പ​രി​ഹാ​രം.
‘മെ​ക്ക’ ജ​ന​റ​ൽ സെ​ക്ര​ട്ട​റി​യാ​ണ്​ ലേ​ഖ​ക​ൻ

Show Full Article
TAGS:Kerala Wqaf Board waqf board opinion article malayalam news 
News Summary - Waqaf Board Appointments through PSC-Opinion
Next Story