Begin typing your search above and press return to search.
exit_to_app
exit_to_app
Homechevron_rightOpinionchevron_rightArticleschevron_rightഅതിജീവനത്തിന്​...

അതിജീവനത്തിന്​ ഇറ്റലിയുടെ ഇതിഹാസയുദ്ധം

text_fields
bookmark_border
അതിജീവനത്തിന്​ ഇറ്റലിയുടെ ഇതിഹാസയുദ്ധം
cancel
camera_alt??????????????? ?????? ???????? ????????? ??????? ?????? (??????:????????????)

രണം 22,170, രോഗികൾ 1,68,949, സുഖപ്പെട്ടവർ 40,164... കോവിഡ്​ പ്രതിരോധത്തിനുള്ള ഇറ്റലിയുടെ ഇതിഹാസയുദ്ധം അതിവേഗം മുന ്നോട്ട്​. ഈ ദൗത്യത്തിൽ 100 ഡോക്​ടർമാരും 30 നഴ്​സുമാരും നഴ്​സിങ്​ അസിസ്​റ്റൻറുമാരും മരിച്ചതായും റിപ്പോർട്ടുണ ്ട്​. അഞ്ച്​ ആഴ്​ച പിന്നിട്ട ദേശീയ ലോക്​ഡൗൺ മേയ്​ മൂന്നുവരെ നീട്ടി, ഇനിയും നീട്ടുമെന്നാണ്​ സൂചന.

നിലക്കാത ്ത പ്രകമ്പനത്തോടെയുള്ള ഒരു ഭൂകമ്പം പോലെയായിരുന്നു​ വൈറസ്​ പടർന്നുപിടിച്ചത്​​. രണ്ടാംലോക യുദ്ധശേഷമുള്ള ഏ റ്റവും വലിയ പരീക്ഷണം എന്നാണ്​ ഇറ്റാലിയൻ പ്രധാനമന്ത്രി ഗെസെപ്പി കോ​​െൻറ ബി.ബി.സി അഭിമുഖത്തിൽ പറഞ്ഞത്​. റോമി​​ െൻറ അതിർത്തി​പ്രദേശത്തുള്ള തവാസുൽ സ​െൻററിലും ഞങ്ങളുടെ വീട്ടിലുമായി ഞാൻ തളച്ചിടപ്പെട്ടിട്ട്​ 40 ദിവസം കഴിഞ്ഞു .​ ആശ്വാസകരമായ കാര്യം, ഡോ. സ​ബ്രീന ലീയുടെ നേതൃത്വത്തിലുള്ള തവാസുൽ ഗവേഷണസംഘം കഴിഞ്ഞ ഒന്നര മാസം കൊണ്ട്​ രണ്ട്​ പുസ്​തകങ്ങളുടെ പരിഭാഷ പൂർത്തിയാക്കി. രാജ്യത്തി​​െൻറ വിവിധ ഭാഗങ്ങളിലേക്ക്​ നിരവധി പുസ്​തകങ്ങൾ അയച്ചുകൊടുത്തു.

സർവകലാശാലയുടെ ഇൻറർഫെയ്​ത്ത്​ പഠനപരിപാടിയുടെ ഭാഗമായി നിരവധി വിദ്യാർഥികളുമായി എനിക്ക്​ വിഡിയോ കോൺഫറൻസ്​ നടത്താൻ കഴിഞ്ഞു. ചുരുക്കത്തിൽ, കഠിനമായ ദുരിതകാലത്താണെങ്കിലും പ്രതീക്ഷയോടെയാണ്​ ഞങ്ങൾ ജീവിക്കുന്നത്. ഊർജസ്വലരായിരിക്കാൻ പുതിയ വഴികൾ ​കണ്ടെത്തിക്കൊണ്ടിരിക്കുന്നു. ലോക്​ഡൗൺ മൂലമുണ്ടായ അകലത്തിലും ആത്മാവുകൊണ്ട്​ ഞങ്ങൾ ഐക്യപ്പെട്ടിരിക്കുന്നു- ഈ മനോഭാവം ഇന്ന്​ ഇറ്റലിയിലെങ്ങും പ്രതിഫലിക്കുന്നു. ഓരോ കാലടിയും ശ്രദ്ധാപൂർവം മുന്നോട്ടുവെക്കുന്ന രാജ്യമാണിന്ന്​ ഇറ്റലി, കോവിഡിനെതിരായ യുദ്ധത്തിൽ ഒരു വിട്ടുവീഴ്​ചക്കും ഇടനൽകാതെ.

രോഗബാധിതരുടെ എണ്ണത്തിൽ ഇപ്പോൾ കുറവുവന്നിട്ടുണ്ട്​. രാജ്യത്തി​​െൻറ വടക്കുഭാഗത്തുനിന്ന്​ മറ്റിടങ്ങളിലേക്ക്​ രോഗം പടരുന്നത്​ തടയാൻകഴിഞ്ഞു. കനത്ത ജനസാന്ദ്രതയുള്ള റോം- ചതുരശ്ര മൈലിൽ 5800 പേർ- പൂർണമായും തുടച്ചുനീക്കപ്പെടുമായിരുന്നു, കർശന ലോക്​ഡൗണും സാമൂഹിക അകലം പോലുള്ള നടപടികളും നടപ്പാക്കിയിരുന്നില്ലെങ്കിൽ.

സാമൂഹിക അകലത്തി​​െൻറ വ്യവസ്​ഥ ലഘൂകരിച്ചും വൈറസ്​ സാഹചര്യം നേരിടാൻ ജനങ്ങളെ ​പഠിപ്പിച്ചും സ്​ഥിതി സാധാരണനിലയിലാക്കാൻ ഘട്ടംഘട്ടമായുള്ള നടപടികളാണ്​ ഇറ്റാലിയൻ സർക്കാർ സ്വീകരിച്ചത്​. മേയ്​ ആദ്യം ചില ബിസിനസ്​ നടപടികൾ പുനരാരംഭിക്കും. എന്നാൽ, സ്​കൂളുകൾ ​െസപ്റ്റംബറിലേ തുറക്കൂ. ഇത്തവണ ഇറ്റലിക്കാർക്ക്​ യാത്രകളില്ലാത്ത വേനലായിരിക്കും.
ഇറ്റാലിയൻ ഭരണവർഗത്തി​​െൻറ പരീക്ഷണകാലം കൂടിയായി ഇത്​, രാഷ്​ട്രീയ നയതന്ത്രജ്​ഞത തെളിയിച്ച്​ അവർ അവസരത്തിനൊത്തുയരുകയും​ ചെയ്​തു. ചൈനക്കാരായ ചില സഞ്ചാരികളിൽ രോഗലക്ഷണം കണ്ടയുടൻ ചൈനക്കാർക്കെതിരെ മൊത്തത്തിൽ വിദ്വേഷപ്രചാരണത്തിന്​ നീക്കമുണ്ടായി. ഉടൻ പ്രധാനമന്ത്രി അതിനെ അപലപിച്ചു, ‘നിങ്ങളുടെ ചൈനീസ്​ അയൽക്കാരനെ ആലിംഗനം ചെയ്യുക’ എന്നൊരു പ്രതീകാത്മക കാമ്പയിൻതന്നെ തുടങ്ങി.

ലോക്​ഡൗണും സാമൂഹിക അകലവും നടപ്പാക്കുന്നതിൽ പൊലീസ്​ മാനുഷിക സമീപനമാണ്​ സ്വീകരിച്ചത്​. ലോകത്ത്​ ഏറ്റവും മാനുഷികമായ ആരോഗ്യസുരക്ഷാസംവിധാനമുള്ള രാജ്യങ്ങളിൽ ഒന്നാണ്​ ഇറ്റലി. അത്​ എല്ലാ പൗരന്മാർക്കും രാജ്യത്ത്​ താമസിക്കുന്ന മറ്റുള്ളവർക്കും പൂർണമായും സൗജന്യവും ഫലപ്രദവുമായ ആരോഗ്യസുരക്ഷ ഉറപ്പുനൽകുന്നു. സ്വകാര്യ മെഡിക്കൽ മാഫിയ രാജ്യത്ത്​ ഇല്ലെന്നുതന്നെ പറയാം. വ്യക്തിപരമായ ധാർമിക പ്രതിബദ്ധതയോടെയാണ്​ ഭൂരിപക്ഷം ഡോക്​ടർമാരും മറ്റ്​ ആരോഗ്യപ്രവർത്തകരും ഈ സംവിധാനത്തിൽ​ പ്രവർത്തിക്കുന്നത്​, ഇത്​ എ​​െൻറ അനുഭവത്തിൽനിന്ന്​ ഉറപ്പിച്ചുപറയാൻ കഴിയും. കോവിഡിനെതിരായ പോരാട്ടത്തിൽ വിരമിച്ച നിരവധി ഡോക്​ടർമാരാണ്​ സന്നദ്ധപ്രവർത്തനത്തിന്​ എത്തിയത്​. ഇവർതന്നെയാണ്​ മരണത്തിന്​ കീഴടങ്ങിയവരിൽ ഏറെയും എന്നത്​ വേദനാജനകമാണ്​. സമൂഹമാധ്യമങ്ങളിലെ വ്യാജപ്രചാരണത്തിന്​ വിരുദ്ധമായിട്ടായിരുന്നു ഇറ്റാലിയൻ പ്രധാനമന്ത്രിയും മറ്റ്​ അധികൃതരും കോവിഡ്​ വിരുദ്ധയുദ്ധത്തിൽ അവരുടെ പങ്ക്​ നിർവഹിച്ചത്​.

ഇറ്റാലിയൻ സത്തയുടെ കാമ്പിന്​ ഒരു ഉദാഹരണം പറയാം: എ​​െൻറ അടുത്ത സുഹൃത്തായി​ 93കാരനായ ​റിട്ട. കേണലുണ്ട്​. കോവിഡ്​ പടരുന്നതിനുമു​െമ്പന്ന പോലെ ഇപ്പോഴും​ ഒന്നിടവിട്ട ദിവസങ്ങളിൽ എ​​െൻറ ഓഫിസിനടുത്തുള്ള അദ്ദേഹത്തി​​െൻറ ചെറിയ ഫാമി​ൽ വണ്ടിയോടിച്ചെത്തും, അവിടുത്തെ ജോലികൾ ചെയ്യും, അദ്ദേഹത്തി​​െൻറ കൂട്ടായി മാറിയ എ​​െൻറ പൂച്ചക്ക്​ ഭക്ഷണവും നൽകിയശേഷമാണ്​ മടക്കം.
ഇറ്റലി തീർച്ചയായും നിരവധി വെല്ലുവിളികൾ നേരിടുന്നുണ്ട്​. ജനസംഖ്യയുടെ 22 ശതമാനത്തിലേറെ 65നുമേൽ​ പ്രായമുള്ളവരാണ്​, ശരാശരി പ്രതീക്ഷിത ആയുർദൈർഘ്യം 84 വയസ്സാണ്​, ലോകത്തിലെ തന്നെ ഏറ്റവും ഉയർന്ന ഒന്ന്​. എന്തുകൊണ്ട്​ കോവിഡ്​ മരണം ഇത്രയും കൂടി എന്നതിനുള്ള ഉത്തരം കൂടി ഇൗ കണക്കുകളിലുണ്ട്​. ഒന്നുപറയാം; കോവിഡിനെതിരെ പോരാടുന്ന രാജ്യങ്ങൾക്കെല്ലാം ഇറ്റലിയിൽനിന്ന്​ പഠിക്കാൻ നിരവധി പാഠങ്ങളുണ്ട്​, തുടക്കത്തി​​െൻറ അലംഭാവം മുതൽ വേദനജനകമായ അനുഭവങ്ങളിലൂടെ നേടിയ വിജയത്തിൽനിന്നുവരെ.
(തവാസുൽ യൂറോപ്​ സ​െൻറർ ഫോർ ഡയലോഗ് അഡ്വൈസറാണ്​ ലേഖകൻ)

Show Full Article
TAGS:covid 19 covid in italy opinion 
News Summary - struggling of italy in covid times
Next Story