ചൂടിലമരുന്ന കേരളം

വേനലായതോടെ സംസ്ഥാനത്ത്​ പകൽ ചൂടിലും രാത്രി ചൂടിലും ഏറ്റം അനുഭവപ്പെട്ടു തുടങ്ങിയിട്ടുണ്ട്​. ഫെബ്രുവരി രണ്ടാം വാരത്തോടെ തന്നെ ചൂട്​ ഉയരുന്നതി​​​െൻറ സൂചനകൾ കാണാമായിരുന്നു. മാർച്ച്​ ആകും മുമ്പുതന്നെ പകൽ ചൂട്​ 37ഡിഗ്രി സ​​െൻറിഗ്രേഡിൽ കൂടുതൽ എത്തി. സംസ്ഥാനത്തെ അന്തരീക്ഷ താപനില വർധനയി​ലേക്കാണ്​ സൂചന നൽകുന്നത്​. മലയോര ജില്ലകളും ചൂടേറുന്നതിൽനിന്ന്​ മുക്തമല്ല. 1987ലായിരുന്നു സംസ്ഥാനത്ത്​ ഏറ്റവും കൂടുതൽ ചൂടനുഭവപ്പെട്ടത്​. കേരളം കണ്ട ഏറ്റവും കഠിനമായ വരൾച്ച അനുഭവപ്പെട്ടത്​ 1982^83ലായിരുന്നു. 1981^90 ഏറ്റവും ചൂടേറിയ ദശകമായി രേഖപ്പെടുത്തപ്പെട്ടു. എന്നാൽ, സമീപ വർഷങ്ങളിലെ താപനില, പ്രവണത പരിശോധിച്ചാൽ 2011^20 ഏറ്റവും ചൂടേറിയ ദശകമായി മാറാനുള്ള സാധ്യത തള്ളിക്കളയാനാകില്ല. ഏറ്റവും ചൂടേറിയ വർഷമെന്ന 1987​​​െൻറ പദവിക്കും മാറ്റം വന്നേക്കാം. മലയോര മേഖലകൾകൂടി ഉൾപ്പെടുത്തി കണക്കാക്കിയാൽ സംസ്ഥാനത്തെ ശരാശരി വാർഷിക പകൽചൂട്​ 30.5 സ​​െൻറിഗ്രേഡ്​​ ആണ്.  വേനലിൽ ഇത്​ 32.8 സ​​െൻറിഗ്രേഡ്​​ വരെ ഉയരാറുണ്ട്​. ശരാശരി രാത്രി താപനില 22.1 സ​​െൻറിഗ്രേഡ്​​ ആണ്. ഇത്​ വേനൽകാലത്ത്​ 23.5 സ​​െൻറിഗ്രേഡ്​​ വരെ ഉയരാറുണ്ട്​. 

പാലക്കാടും പുനലൂരുമാണ്​ സംസ്ഥാനത്ത്​ ഏറ്റവും ഉയർന്ന ചൂട്​ രേഖപ്പെടുത്തുന്ന പ്രദേശങ്ങൾ. ഭൂമിശാസ്​ത്രപരമായി കാരണങ്ങൾ​െകാണ്ടാണിത്​. പാലക്കാട്​ ശരാശരി 35.9 സ​​െൻറിഗ്രേഡ്​​ ചൂടാണ്​ അനുഭവപ്പെടുക. പുനലൂരിൽ 35.2 സ​​െൻറിഗ്രേഡും. പാലക്കാട്​ ജില്ലയിൽ സമീപ വർഷങ്ങളിലായി പകൽ ചൂടിൽ​ ഗണ്യമായ വർധനവ്​ രേഖപ്പെടുത്തിയിട്ടുണ്ട്​. 2016 ഏപ്രിലിൽ പാലക്കാട്​ 41.9​ ഡിഗ്രി സ​​െൻറിഗ്രേഡി​​​െൻറ റെക്കോഡ്​ പകൽ ചൂട്​ രേഖപ്പെടുത്തി. കേരളത്തിൽ രേഖപ്പെടുത്തപ്പെട്ട ഏറ്റവും ഉയർന്ന പകൽചൂടും ഇതുതന്നെ. പാലക്കാട്​ ജില്ലയിൽ പകൽ ചൂട്​ 40.0 സ​​െൻറിഗ്രേഡ്​​ എത്തിയതായി റിപ്പോർട്ടുകളുണ്ട്​. വരും ദിവസങ്ങളിൽ അന്തരീക്ഷ താപനില വർധിക്കാനുള്ള സാധ്യതകളിലേക്കാണ്​ ഇത്​ വിരൽചൂണ്ടുന്നത്​.

ഏപ്രിൽ മാസത്തിലാണ്​ സംസ്ഥാനത്ത്​ പൊതുവെ ഏറ്റവും കൂടിയ ശരാശരി താപനില രേഖപ്പെടുത്താറുള്ളത്​ (ശരാശരി: 29.5 സ​​െൻറിഗ്രേഡ്​​); മാർച്ചിൽ ശരാശരി 29.2 സ​​െൻറിഗ്രേഡ്​​. എന്നാൽ, പകൽ ചൂട്​ മാത്രമെടുത്താൽ ഏറ്റവും കൂടുതൽ താപനില അനുഭവപ്പെടേണ്ടത്​ മാർച്ചിലാണ്​. (34.1 സ​​െൻറിഗ്രേഡ്​​). ഏപ്രിലിൽ 34.0 സ​​െൻറിഗ്രേഡും. എന്നാൽ, രാത്രി ചൂട്​ കൂടുതലായി രേഖപ്പെടുത്തപ്പെട്ടത്​ ഏപ്രിലിലും (25.1 സ​​െൻറിഗ്രേഡ്​​) മേയ്​ മാസത്തിലുമാണ്​ (24 .9 സ​​െൻറിഗ്രേഡ്​​).​േവനൽ മാസങ്ങളിൽ ഒരു പരിധിവിട്ട്​ ചൂട്​ വർധിക്കുന്ന സാഹചര്യങ്ങളിൽ അന്തരീക്ഷത്തിലെ സംവഹനപ്രകിയ ശക്തിപ്രാപിക്കുന്നതു വഴി മ​ഴ മേഘങ്ങളുടെ രൂപവത്​കരണം നടക്കുകയും മഴ ലഭിക്കുകയും ചെയ്യാറുണ്ട്​. തൻമൂലം അസഹനീയമാം വിധം ചൂട്​ കൂടുന്ന സാഹചര്യം ഒഴിവാക്കപ്പെടാം. എന്നാൽ, ചില വർഷങ്ങളിൽ ഇപ്രകാരം മഴ ലഭ്യമാകണമെന്നില്ല. അത്തരം അവസരങ്ങളിൽ കേരളം അക്ഷരാർഥത്തിൽ ചുട്ടു​െപാള്ളുകത​െന്ന ചെയ്യും. 1983, 1987, 2004, 2016 വർഷങ്ങളിൽ ഇത്​ സംഭവിച്ചു. 

സംസ്ഥാനത്തെ കഴിഞ്ഞ ആറ്​ ദശകത്തിനുള്ളിൽ ശരാശരി 0.65 ഡിഗ്രി സ​​െൻറിഗ്രേഡി​​​െൻറ വർധനവാണ്​ ഉണ്ടായിട്ടുള്ളത്; പ്രതിവർഷ വർധനവ്​ 0.011ഡിഗ്രി സ​​െൻറി ഗ്രേഡ്​ എന്ന തോതിൽ, പകൽ ചൂടിൽ 0.99 ഡി​ഗ്രി സ​​െൻറി ഗ്രേഡി​​​െൻറ വർധനവാണുണ്ടയത്​. രാത്രി താപനിലയിലാക​െട്ട 0.31ഡി​ഗ്രി സ​​െൻറിഗ്രേഡി​​​െൻറയും. വ്യത്യസ്​ത ​ഋതുക്കൾ പരിശോധിച്ചാൽ ഏറ്റവും കൂടിയ താപനില വർധന തുലാവർഷക്കാലത്തായിരുന്നു; കഴിഞ്ഞ ആറ്​ ദശകത്തിനുള്ളിൽ 0.75 ​ഡിഗ്രി സ​​െൻറി ഗ്രേഡി​​​െൻറ വർധനവ്​. കാലവർഷത്തിലാക​െട്ട, ചൂടിലുണ്ടായ വർധനവ്​ 0.73ഡിഗ്രി സ​​െൻറി ഗ്രേഡ്​ ആയിരുന്നു.
കേരളത്തിലെ തീര​ദേശ​ മേഖലകളിലാണ്​ താപനില വർധനയുടെ കാര്യത്തിൽ മുന്നിട്ട്​ നിൽക്കുന്നത്​- പകൽ ചൂടിൽ കഴിഞ്ഞ 60 വർഷത്തിനുള്ളിൽ 1.29 ഡിഗ്രി സ​​െൻറി​ഗ്രേഡി​​​െൻറ വർധന.

രാത്രികാല താപനിലയിൽ ഇത്രത്തോളമില്ല - 0.34 ഡിഗ്രി സ​​െൻറിഗ്രേഡ്​ മാത്രം. കഴിഞ്ഞ ആറ്​ പതിറ്റാണ്ടിനിടയിൽ ശരാശരി താപനിലയിൽ 0.81 ഡിഗ്രി സ​​െൻറിഗ്രേഡി​​​െൻറ വർധനയാണ്​ ഇൗ മേഖലയിൽ ഉണ്ടായിട്ടുള്ളത്​.കേരളത്തിലെ ഹൈറേഞ്ച്​ മേഖലകളിലും ചൂടേറുന്നുണ്ട്​. പകൽ ചൂടിലും രാത്രി താപനിലയിലും വർധന പ്രകടമാണ്​. കഴിഞ്ഞ മൂന്നര പതിറ്റാണ്ടിൽ ശരാശരി താപനില 0.44 ഡിഗ്രി സ​​െൻറിഗ്രേഡ്​ വരെ വർധിച്ചിട്ടുണ്ട്​. തൽപ്രദേശങ്ങളിലെ സസ്യ ജന്തുജാലങ്ങളുടെ നിലനിൽപുതന്നെ പ്രതിസന്ധിയിലാക്കാൻ താപനിലയിലെ വ്യതിയാനങ്ങൾക്കായേക്കാം. പുതിയ കൃമി-കീട-രോഗസാധ്യതകൾ പൊട്ടിപ്പുറപ്പെടുന്നതിനും ഇപ്പോൾ നിലവിലുള്ളവ അപ്രത്യക്ഷമാകുന്നതിനും സാധ്യതയുണ്ട്​. വയനാട്ടിലെ താപനിലയിലുണ്ടായ വർധനവും ലഭിക്കുന്ന മഴയിലെ ഗണ്യമായ കുറവും ആ ഭൂപ്രദേശത്തി​​​െൻറ തനതു കാലാവസ്ഥയും ഭൂപ്രകൃതിയും തന്നെ പ്രകടമായി മാറിക്കൊണ്ടിരിക്കുന്നു.

ഇടനാട്​ മേഖലയിലാക​െട്ട, അത്ര പ്രകടമായ താപവർധന ഇല്ലെന്ന്​ പറയാം. എന്നാൽ, കേരളത്തിലെ ഏറ്റവും ചൂടനുഭവപ്പെടുന്ന രണ്ടിടങ്ങൾ -പാലക്കാട്​, പുനലൂർ- ഇടനാട്ടിലാണെന്നത്​ കൗതുകകരമായ വൈരുധ്യമാണ്​. ഒരുപക്ഷേ, ഇൗ പ്രദേശങ്ങളെ ചുറ്റി നിൽക്കുന്ന പർവതങ്ങളും ചുരങ്ങളുടെ സാന്നിധ്യവുമാകാം ഇൗ പ്രവേഗതക്ക്​ കാരണം.കനത്ത കാലവർഷം ലഭിക്കുന്നയിടമാണ്​ കേരളം. എന്നിട്ടും, മഴയൊന്നു പിന്നാക്കം നിന്നാൽ വന്നുഭവിക്കുന്ന കെടുതികളേറെ. കാലവർഷവും തുലാവർഷവും സമീപവർഷങ്ങളിൽ പെയ്​തൊഴിയുന്നത്​ സമൃദ്ധമായി മഴ നൽകിയിട്ടല്ല. തന്മൂലം വേനലാരംഭത്തോടെ തന്നെ സംസ്ഥാനത്തെ ജലാശയങ്ങൾ വറ്റിവരളുന്നു. കിഴക്കുനിന്ന്​ പടിഞ്ഞാ​േറക്ക്​ വ്യക്തമായി ചരിഞ്ഞുകിടക്കുന്ന കേരളത്തി​​​െൻറ പ്രത്യേക ഭൂപ്രകൃതിമൂലം പൊതുവെ വെള്ളം കടലിലേക്ക്​ ഒഴുകിത്തീരുന്ന അവസ്ഥയാണുണ്ടാകുന്നത്​. കുടിവെള്ളം പോലും ദുർലഭമാകുന്ന അവസ്ഥയിലേക്കാണ്​ കാര്യങ്ങൾ നീങ്ങുന്നത്​. മാർച്ച്​, ഏപ്രിൽ മാസങ്ങളിൽ ഇടമഴ കിട്ടാത്ത സാഹചര്യങ്ങളിൽ സംസ്​ഥാനം വറചട്ടിയിലേക്ക്​ എടുത്തെറിയുന്ന പ്രതീതിയോടെ ചുട്ടുപൊള്ളും. 2016ൽ ഇതനുഭവിച്ചതാണ്​. ഇക്കുറി ഇടമഴ പെയ്​തില്ലെങ്കിൽ കാര്യങ്ങൾ കൈവിട്ടുപോകും. അത്യുഷ്​ണത്തി​​​െൻറയും കൊടുംചൂടി​​​െൻറയും ദിനങ്ങൾ മഴക്കാലം തുടങ്ങുന്നതുവരെ സഹിക്കേണ്ടിവരും.

‘ഉഷ്ണത്തുരുത്തുകൾ’ കൂടുന്നു
സംസ്​ഥാനത്ത്​ നാട്ടിൻപുറങ്ങൾ നഗരങ്ങളായി ദ്രുതഗതിയിൽ മാറിക്കൊണ്ടിരിക്കുകയാണല്ലോ? കോൺക്രീറ്റ്​ കെട്ടിടങ്ങളുടെ ബാഹുല്യം, ടാറിട്ട റോഡുകൾ, വാഹനപ്പെരുപ്പം, വ്യവസായങ്ങൾ, സുഗമ വായുസമ്പർക്കം തടയുന്ന നിർമാണ ​പ്രക്രിയകൾ എന്നിവ മൂലം സാധാരണഗതിയിൽ സമീപസ്​ഥങ്ങളായ ഗ്രാമീണ മേഖലകളെ അപേക്ഷിച്ച്​ നഗരത്തിനുള്ളിൽ ചൂട്​ കൂടുതലാണ്​; പ്രത്യേകിച്ച്​  രാത്രി. വ്യവസായവത്​കരണം വർധിക്കുന്നതോടെ ഇൗയവസ്​ഥ വ്യാപകമാകുന്നു. ഗ്രാമീണ മേഖലകളെ അപേക്ഷിച്ച്​ ഉഷ്​ണം അനുഭവപ്പെടുന്ന നഗരങ്ങൾ ‘ഉഷ്​ണത്തുരുത്തുകൾ’ എന്നാണ്​ വിശേഷിപ്പിക്കപ്പെടുന്നത്​. സംസ്​ഥാനത്ത്​ ഉഷ്​ണത്തുരുത്തുകൾ വ്യാപകമാകുന്നത്​ പൊതുവെ താപവർധനവിന്​ ഒരു കാരണമാണ്​.ഒരു കാലത്ത്​ മഴക്കാലത്ത്​ പെയ്​ത വെള്ളം സംഭരിച്ച്​ സൂക്ഷിച്ചിരുന്ന പാടശേഖരങ്ങളും തണ്ണീർത്തടങ്ങളും നാം ഉന്മൂലനം ചെയ്​തു. വേനലിൽ ജല​സ്രോതസ്സുകളായി വർത്തിച്ചിരുന്ന തണ്ണീർത്തടങ്ങളുടെ നശീകരണം സംസ്​ഥാനത്തെ പ്രാദേശിക കാലാവസ്​ഥയിൽ പ്രകടമായ മാറ്റങ്ങൾ വരുത്തിയിട്ടുണ്ട്. ഹൈറേഞ്ചുകളിലെയും മറ്റിടങ്ങളിലെയും വ്യാപകമായ വനനശീകരണം, ഭൂവിനിയോഗ ക്രമത്തിലുണ്ടായ മാറ്റം, ജലാശയങ്ങളുടെയും തണ്ണീർതടങ്ങളുടെയും ശോഷണം തുടങ്ങിയ കാരണങ്ങളും പ്രാദേശിക തലത്തിൽ താപനില നിയന്ത്രണ ഘടകങ്ങളാണ്​.

ഉഷ്ണത്തിനൊപ്പം ഇൗർപ്പവും; ചൂടിന് കാഠിന്യമേറും
കേരളം ആർദ്രോഷ്​ണ മേഖലയിൽ സ്​ഥിതിചെയ്യുന്ന സംസ്​ഥാനമാണ്​. ഉയർന്ന ചൂടിനൊപ്പം ഇൗർപ്പവും പൂരിതമായ വായുവും കൂടി ചേരു​േമ്പാൾ അത്​ ദുസ്സഹമായ അവസ്​ഥ സൃഷ്​ടിക്കും. അന്തരീക്ഷ താപനിലയിൽ ഇൗർപ്പത്തി​​​െൻറ സാന്നിധ്യം ഉളവാക്കുന്ന അവസ്​ഥ കണക്കാക്കാൻ ‘ഇൗർപ്പ^താപമന്യ സൂചികമൂല്യം’ ഉപയോഗപ്പെടുത്താവുന്നതാണ്​. യഥാർഥത്തിലുള്ള അന്തരീക്ഷ താപനിലയിൽ ഇൗർപ്പത്തി​​​െൻറ സാന്നിധ്യം മൂലം അനുഭവവേദ്യമാകുന്ന താപനില യഥാർഥത്തിൽഉള്ള താപനിലയേക്കാൾ അധികമായിരിക്കും. ഉദാഹരണത്തിന്​ അന്തരീക്ഷ താപനില 35 ഡിഗ്രി സ​​െൻറിഗ്രേഡും ഇൗർപ്പമാനം 70 ശതമാനവുമാണെന്നിരിക്ക​െട്ട. തത്​ പരിസ്​ഥിതിയിൽ അനുഭവവേദ്യമാകുന്ന താപനില 50 ഡിഗ്രി സെൻ​റിഗ്രേഡ്​ ആയിരിക്കും. യഥാർഥ അന്തരീക്ഷ താപനില കുറവ്​ ആണെങ്കിൽപോലും അന്തരീക്ഷ ഇൗർപ്പമാനം കൂടുതലാണെങ്കിൽ ചൂട്​ കൂടുതൽ കടുക്കും. യഥാർഥ താപനില 32 ഡിഗ്രി സ​​െൻറി​േ​ഗ്രഡ്​ മാത്രവും. എന്നാൽ, ഇൗർപ്പമാനം 95 ശതമാനവുമാണെങ്കിൽ അനുഭവവേദ്യമാകുന്ന ചൂട്​ 51 ഡിഗ്രി സ​​െൻറിഗ്രേഡ്​ ആയിരിക്കും. ‘പുഴുക്ക്​’ എന്ന്​ നാം പൊതുവെ പറയാറുള്ള ഇൗ അവസ്​ഥാവിശേഷം കേരളത്തിലെ തീരദേശ ജില്ലകളിൽ അനുഭവപ്പെടാറുണ്ട്​. ഇടനാട്​^മലനാട്​ പ്രദേശങ്ങളിൽ ഇത്തരം അവസ്​ഥ ഉണ്ടാകാനിടയില്ല.

2016ൽ പാലക്കാട്ടും കോഴിക്കോട്ടും ഉഷ്​ണതരംഗം അനുഭവപ്പെട്ടു. കൊടുംവേനലിൽ ഉഷ്​ണതരംഗ സാധ്യത തള്ളിക്കളയാനാവില്ല. ഇടമഴ ചതിച്ചാൽ വേനൽ കനക്കും. ഇത്തരം സാഹചര്യങ്ങളിൽ വീണ്ടും ചൂട്​ കൂടാം. കാലാവസ്​ഥ വകുപ്പാണ്​ ഉഷ്​ണതരംഗ സാധ്യത അറിയിക്കുന്നതും സ്​ഥിരീകരിക്കുന്നതും.സൂര്യാതപം, സൂര്യാഘാതം എന്നിവയോടൊപ്പം ഉൗഷരപ്രദേശങ്ങളിൽ മാത്രം കാണപ്പെട്ടിരുന്ന അന്തരീക്ഷ പ്രതിഭാസങ്ങളായ പൊടിച്ചുഴലികളുടെ വർധിച്ച സാന്നിധ്യം സംസ്​ഥാനത്ത്​ ഏറിവരുന്നത്​ കേരളത്തി​​​െൻറ പ്രകൃതി ജലദൗർലഭ്യത്തിലേക്ക്​ നീങ്ങുന്നതി​​​െൻറ സൂചനയാണ്​ നൽകുന്നത്​. ആർദ്രോഷ്​ണ മേഖല വിഭാഗത്തിൽപെടുന്ന താരതമ്യേന കൂടുതൽ ഇൗർപ്പാംശമുള്ള (B4) പ്രകൃതിയിൽനിന്ന്​ ഇൗർപ്പമാനം താരതമ്യേന കുറഞ്ഞ വിഭാഗത്തിലേക്ക്​ (B3) നീങ്ങുന്ന പ്രവണത കാണപ്പെടുന്നു. ഉൗഷരപ്രദേശങ്ങളിൽ മാത്രം കണ്ടുവരുന്ന സസ്യജാലങ്ങളും ജന്തുവർഗങ്ങളും സംസ്​ഥാനത്ത്​ കാണപ്പെടുന്ന സാഹചര്യം ഇക്കാര്യം ശരിവെക്കുന്നു.

ചില മുൻകരുതലുകൾ
മാരകമായ അൾട്രാവയലറ്റ്​ ബി വികിരണൾ കൂടുതലായി അന്തരീക്ഷത്തിൽ പ്രവേശിക്കുന്ന രാവിലെ 11 മണി മുതൽ വൈകീട്ട്​ 3.30 വരെയുള്ള സമയത്ത്​ സൂര്യാതപം, സൂര്യാഘാതം എന്നിവക്ക്​ സാധ്യതയേറുന്നു. അതിനാൽ മേൽസമയത്ത്​ പുറംപണികൾ എടുക്കുന്നവർ ആവശ്യമായ മുൻകരുതലുകൾ എടുക്കേണ്ടതുണ്ട്​. പുറത്തുപോകുന്നവർ കുടചൂടി നടക്കുന്നത്​ നന്നായിരിക്കും. മാർച്ച്​ 21ന്​ സൂര്യൻ ഭൂമധ്യരേഖക്ക്​ നേരെ വരുന്ന സമയമാണല്ലോ. ഏറ്റവുമധികം സൗരവികിരണങ്ങൾ ഭൂമിയിലെത്തുന്നതും ആ സമയത്താണ്​. ആകാശം തെളിഞ്ഞ്​, മേഘമില്ലാത്ത അവസ്​ഥാവിശേഷം ചൂടി​​​െൻറ കാഠിന്യമേറ്റുകയും ചെയ്യും. മാർച്ചിലും ഏപ്രിലിലുമാണ്​ സൂര്യാതപം, സൂര്യാഘാതം കൂടുതലായി റിപ്പോർട്ട്​ ചെയ്യപ്പെടുന്നതും. ജില്ലാഭരണകൂടങ്ങൾ ​േജാലിസമയത്തിൽ ക്രമീകരണം നടത്തി ഉത്തരവുകൾ പുറപ്പെടുവിച്ചിട്ടുണ്ട്​. അയഞ്ഞ പരുത്തി വസ്​ത്രങ്ങൾ ധരിക്കുക, ധാരാളം ശുദ്ധജലം ഇടവിട്ട്​ കുടിക്കുക, ആവശ്യത്തിന്​ വിശ്രമിക്കുക, പുറത്തുപോകുന്നവർ കുട ചൂടുക, ശാരീരികാസ്വസ്​ഥത അനുഭവപ്പെട്ടാൽ വൈദ്യസഹായം തേടുക എന്നീ മുൻകരുതലുക​ളെടുക്കേണ്ടതാണ്​.

കേരള കാർഷിക സർവകലാശാല കാലാവസ്​ഥ വ്യതിയാന പഠന കേന്ദ്രത്തിലെ ശാസ്​ത്രജ്​ഞനാണ്​ ലേഖകൻ