ഇവിടെ, ഭൂഖണ്ഡങ്ങൾക്കപ്പുറത്തുണ്ട് ഹംസനദി

കേ​ര​ള​ത്തി​ലെ ഒ​രു ഗ്രാ​മ​പ്ര​ദേ​ശ​ത്തെ വീ​ടി​നെ​യും കൂ​ട​പ്പി​റ​പ്പു​ക​ളെ​യും കു​റി​ച്ച് ഓ​ർ​ത്തു​ക​ഴി​യു​ന്ന ഒ​രാ​ളു​ണ്ട് അ​ങ്ങ് ബ്ര​സീ​ലി​ൽ. ഭൂ​ഖ​ണ്ഡ​ങ്ങ​ളു​ടെ അ​തി​ർ​വേ​ലി​ക്കി​ട​യി​ലും അ​വ​രു​ടെ ഹൃ​ദ​യം തു​ടി​ക്കു​ന്ന​ത് ആ ​മ​നു​ഷ്യ​ന് കേ​ൾ​ക്കാം. ഇ​ട​ക്ക് ഓ​ർ​മ​യു​ടെ ഞ​ര​മ്പ് പൊ​ട്ടി​പ്പോ​കും. അ​പ്പോ​ൾ ഒ​ന്നും മ​ന​സ്സി​ന്റെ ഫ്രെ​യി​മി​ൽ പ​തി​യി​ല്ല. അ​തു​വ​രെ​യു​ള്ള ചി​ത്ര​ങ്ങ​ളും മാ​ഞ്ഞു​പോ​കും. ഓ​ർ​മ തി​രി​ച്ചു​കി​ട്ടു​മ്പോ​ൾ പ​ഴ​യ ത​റ​വാ​ട്ടു​വീ​ട്ടി​ൽ അ​നി​യ​നൊ​പ്പം കു​സൃ​തി കാ​ണി​ച്ചു ന​ട​ന്ന കു​ട്ടി​യാ​യി മാ​റും. കു​ഞ്ഞ​നി​യ​ൻ രോ​ഗം ബാ​ധി​ച്ചു കി​ട​പ്പാ​ണെ​ന്ന​റി​ഞ്ഞ​പ്പോ​ൾ എ​ങ്ങ​നെ​യെ​ങ്കി​ലും നാ​ട്ടി​ൽ എ​ത്തി​യാ​ൽ മ​തി​യെ​ന്നാ​യി ചി​ന്ത. അ​നി​യ​ന്റെ മ​ര​ണ​വാ​ർ​ത്ത​യ​റി​ഞ്ഞ​പ്പോ​ൾ കാ​ത​ങ്ങ​ൾ​ക്ക​ക​ലെ നി​ന്ന് ക​ര​ച്ചി​ല​ട​ക്കി പ്രാ​ർ​ഥി​ക്കാ​നേ സാ​ധി​ച്ചു​ള്ളൂ...​ഒ​ന്നു കാ​ണാ​ൻ ഒ​രു​പാ​ട് കൊ​തി​ച്ചി​ട്ടും ക​ഴി​ഞ്ഞി​ല്ലെ​ന്നോ​ർ​ക്കു​മ്പോ​ൾ വി​തു​മ്പ​ലാ​ണ്.

പ​റ​ഞ്ഞു​വ​രു​ന്ന​ത് കേ​ര​ള​ത്തി​ന്റെ യ​ശ​സ്സ് ലോ​ക​ത്തി​​ന്റെ നെ​റു​ക​യി​​ലെ​ത്തി​ച്ച ഒ​രാ​ളെ കു​റി​ച്ചാ​ണ്. കോഴിക്കോട് ക​ുന്ദമംഗലം സ്വദേശി ഡോ. ​വ​ലി​യ മ​ണ്ണ​ത്താ​ൾ ഹം​സ. കോ​യാ​മു വ​ലി​യ മ​ണ്ണ​ത്താ​ൾ, ചെ​റി​യ ആ​യി​ഷ വ​ലി​യ മ​ണ്ണ​ത്താ​ൾ ദ​മ്പ​തി​ക​ളു​ടെ 12 മ​ക്ക​ളി​ലൊ​രാ​ൾ. പേ​രി​ൽ ഒ​രു ന​ദി​യു​ണ്ടെ​ന്ന​റി​യു​മ്പോ​ൾ ആ​ളു​ക​ൾ​ക്ക് ആ​ളെ പെ​​ട്ടെ​ന്ന് മ​ന​സ്സി​ലാ​കും. ഹം​സ ന​ദി...​ഏ​താ​ണ്ട് 12 വ​ർ​ഷം മു​മ്പാ​ണ് ഹം​സ ന​ദി​യെ കു​റി​ച്ച് ലോ​ക​മ​റി​ഞ്ഞ​ത്. 2011ൽ. ​അ​ക്കാ​ല​ത്താ​ണ് അ​വ​സാ​ന​മാ​യി ഹം​സ നാ​ട്ടി​​​ൽ വ​ന്ന​ത്. ജ​ന്മ​നാ​ടി​​ന്റെ ആ​ദ​രം ഏ​റ്റു​വാ​ങ്ങാ​നു​ള്ള വ​ര​വാ​യി​രു​ന്നു അ​ത്.

വി​ദ്യാ​ധ​നം സ​ർ​വ​ധ​നാ​ൽ പ്ര​ധാ​നം

അധികമാരും ഉയർന്ന വി​ദ്യാ​ഭ്യാ​സം ​നേ​ടാ​തി​രു​ന്ന ഒ​രു കാ​ല​ത്താ​ണ് ഹം​സ​യും സ​ഹോ​ദ​ര​ങ്ങ​ളും മ​തി​യാ​വോ​ളം പ​ഠി​ച്ച​ത്. തന്റെ മ​ക്ക​ൾ​ക്ക് വി​ദ്യാ​ഭ്യാ​സം വേ​ണ​മെ​ന്ന​തി​ൽ മ​റി​ച്ചൊ​ര​ഭി​പ്രാ​യ​മി​ല്ലാ​യി​രു​ന്നു അ​വ​രു​ടെ പി​താ​വ് കോ​യ വ​ലി​യ മ​ണ്ണ​ത്താ​ളി​ന്. പെ​ൺ​കു​ട്ടി​ക​ളെ വി​വാ​ഹം ക​ഴി​ച്ച​യ​പ്പി​ക്കു​ക​യ​ല്ല, ന​ല്ല വി​ദ്യാ​ഭ്യാ​സം ന​ൽ​കു​ക​യാ​ണ് ആ​ദ്യം വേ​ണ്ട​തെ​ന്ന് അ​ദ്ദേ​ഹം ഉ​റ​ച്ചു​വി​ശ്വ​സി​ച്ചു.

കോ​യ വ​ലി​യ മ​ണ്ണ​ത്താ​ളി​​ന്റെ 12 മ​ക്ക​ളി​ൽ ര​ണ്ടു​പേ​ർ നേരത്തേ മരണപ്പെട്ടു. മൂ​ന്നു പെ​ൺ​മ​ക്ക​ളി​ൽ ഒ​രാ​ൾ ഹൈ​സ്കൂ​ൾ ഹെ​ഡ്മി​സ്ട്ര​സാ​യും ഒ​രാ​ൾ ന​ഴ്സി​ങ് സൂ​പ്ര​ണ്ടാ​യും മ​റ്റൊ​രാ​ൾ സൈ​ക്യാ​ട്രി​സ്റ്റാ​യു​മാ​ണ് വി​ര​മി​ച്ച​ത്. മ​ക്ക​ളെ​ല്ലാം സ​ർ​ക്കാ​ർ ​ജോ​ലി​ക്കാ​രാ​യി എ​ന്ന​തി​ൽ കോ​യാ​മു വ​ലി​യ മ​ണ്ണ​ത്താ​ളി​നും ചെ​റി​യ ആ​യി​ഷ​ക്കും അ​ഭി​മാ​ന​മാ​യി​രു​ന്നു. അ​വ​രി​ലെ സൂ​പ്പ​ർ സ്റ്റാ​ർ ഹം​സ ത​ന്നെ.

കു​ന്ദ​മം​ഗ​ല​ത്തു​നി​ന്ന് ബ്ര​സീ​ലി​ലേ​ക്കു​ള്ള ദൂ​രം

കു​ട്ടി​ക്കാ​ലം തൊ​ട്ടേ വ​ലി​യ ശാ​സ്ത്ര​കു​തു​കി​യാ​യി​രു​ന്നു ഹം​സ. എ​ന്തും അ​​ന്വേ​ഷി​ച്ചു ന​ട​ക്കു​ന്ന പ്ര​കൃ​തം. കോ​ഴി​ക്കോ​ട് കു​ന്ദ​മം​ഗ​ല​ത്തെ 11ാം മൈ​ലി​ൽ​നി​ന്ന് ബ്ര​സീ​ലി​ലെ സാ​വോ പോ​ളോ സ​ർ​വ​ക​ലാ​ശാ​ല​യി​ൽ പ്ര​ഫ​സ​റാ​യി എ​ത്തി​യ​താ​ണ് ഹം​സ​യു​ടെ ജീ​വി​തം മാ​റ്റി​മ​റി​ച്ച​ത് എ​ന്നു പ​റ​യാം. കു​ന്ദ​മം​ഗ​ലം ഹൈ​സ്കൂ​ളി​ലാ​യി​രു​ന്നു പ​ഠ​നം. ദേ​വ​ഗി​രി സെ​ന്റ് ജോ​സ​ഫ്സ് കോ​ള​ജി​ൽ നി​ന്ന് ഫി​സി​ക്സി​ൽ ബി​രു​ദം നേ​ടി. പാ​ല​ക്കാ​ട് വി​ക്ടോ​റി​യ കോ​ള​ജി​ൽ നി​ന്ന് എം.​എ​സ് സി​യും ക​ര​സ്ഥ​മാ​ക്കി. 1963ൽ ​ഹൈ​ദ​രാ​ബാ​ദി​ലെ നാ​ഷ​ന​ൽ ജി​യോ​ഗ്ര​ഫി​ക്ക​ൽ റി​സ​ർ​ച്ച് ഇ​ൻ​സ്റ്റി​റ്റ്യൂ​ട്ടി​ൽ ജൂ​നി​യ​ർ സ​യ​ന്റി​ഫി​ക് അ​സി​സ്റ്റ​ന്റാ​യി ചേ​ർ​ന്ന​താ​ണ് വ​ഴി​ത്തി​രി​വാ​യ​ത്.

ഏ​താ​നും വ​ർ​ഷ​ങ്ങ​ൾ​ക്കു​ള്ളി​ൽ സ്കോ​ള​ർ​ഷി​പ്പോ​ടെ ഗ​വേ​ഷ​ണം ന​ട​ത്താ​ൻ കാ​ന​ഡ​യി​ലെ ഓ​ട്ട​വ സ​ർ​വ​ക​ലാ​ശാ​ല​യി​ൽ അ​വ​സ​രം ല​ഭി​ച്ചു. അ​വി​ടെ​നി​ന്നാ​ണ് ബ്ര​സീ​ലി​ലെ സാ​വോ പോ​ളോ സ​ർ​വ​ക​ലാ​ശാ​ല​യി​ൽ എ​ത്തി​യ​ത്. അ​വി​ടെ ജി​യോ​ഫി​സി​ക്ക​ൽ ആ​ൻ​ഡ് ആ​സ്ട്രോ​ണ​മി ഡി​പ്പാ​ർട്മെ​ന്റ് മേ​ധാ​വി​യാ​യി​രു​ന്നു. ഇ​പ്പോ​ൾ സ​കു​ടും​ബം ബ്ര​സീ​ലി​ലെ റി​യോ ഡെ ​ജ​നീ​റോ​യി​ൽ സ്ഥി​ര​താ​മ​സം.

‘റി​യോ ഹം​സ’ അ​ഥ​വ ഹം​സ ന​ദി

കോ​ടാ​നു​കോ​ടി വ​ർ​ഷം ന​മ്മു​ടെ ക​ണ്ണ​ക​ല​ത്തി​ൽ പെ​ടാ​തെ ഒ​ഴു​കി​നീ​ങ്ങു​ന്ന ന​ദി​ക​ളെ എ​ങ്ങ​നെ​യാ​ണ് ക​ണ്ടെ​ത്തു​ക? ആ ​ചോ​ദ്യ​ത്തി​​ന്റെ ഉ​ത്ത​ര​മാ​ണ് ഹം​സ.

കു​ടി​വെ​ള്ളം കി​ട്ടാ​ക്ക​നി​യാ​കു​മ്പോ​ൾ ന​മു​ക്ക് ഭൂ​മി​ക്ക​ടി​യി​ലെ ന​ദി​ക​ളെ ആ​ശ്ര​യി​ക്കേ​ണ്ടി വ​രും. ജ​ല​ത്തെ ക​ട​ത്തി​വി​ടാ​ത്ത പാ​റ​ക്കൂ​ട്ട​ങ്ങ​ൾ ഭൂ​മി​ക്ക​ടി​യി​ലു​ള്ള​തു​കൊ​ണ്ടാ​ണ് ന​ദി​ക​ൾ ഗ​തി​മാ​റി ഒ​ഴു​കു​ന്ന​ത്. ന​ദീ പ്ര​ത​ല​ത്തി​ലെ ഊ​ഷ്മാ​വ് അ​ള​ന്നാ​ണ് ഭൂ​മി​ക്ക​ടി​യി​ലെ ന​ദി​യെ ക​​ണ്ടെ​ത്തു​ന്ന​തെ​ന്നാ​ണ് ഹം​സ​യു​ടെ നി​ഗ​മ​നം. ഊ​ഷ്മാ​വ് കു​റ​വാ​ണെ​ങ്കി​ൽ ഭൂ​മി​ക്ക​ടി​യി​ൽ ന​ദി​യു​ണ്ടെ​ന്ന് ക​ണ​ക്കാ​ക്കാം.

വ​ർ​ഷ​ങ്ങ​ൾ നീ​ണ്ട പ​രി​ശ്ര​മ​ത്തി​നൊ​ടു​വി​ലാ​ണ് ഹം​സ​യും സം​ഘ​വും ആ​മ​സോ​ണി​ന് സ​മാ​ന്ത​ര​മാ​യി ഒ​ഴു​കു​ന്ന ന​ദി ക​ണ്ടെ​ത്തി​യ​ത്. ആ​മ​സോ​ണി​ന് സ​മാ​ന​രൂ​പ​ത്തി​ലു​ള്ള ഈ ​ന​ദി​യി​ലെ ജ​ല​പ്ര​വാ​ഹം സെ​ക്ക​ൻ​ഡി​ൽ 3000 ക്യൂ​ബി​ക് മീ​റ്റ​റാ​ണെ​ന്നാ​ണ് ക​രു​തു​ന്ന​ത്. പ​ടി​ഞ്ഞാ​റു​നി​ന്ന് കി​ഴ​ക്കോ​ട്ട് ഒ​ഴു​കു​ന്ന ന​ദി ആ​ക്രേ മേ​ഖ​ല​യി​ൽ​നി​ന്ന് ഉ​ത്​ഭ​വി​ച്ച് സാ​ലി​മോ​സ്, ആ​മ​സോ​ണ, മ​രാ​ജോ ത​ടാ​ക​ങ്ങ​ളി​ലൂ​ടെ ഒ​ഴു​കി ഫോ​സ്ഡോ ആ​മ​സോ​ണാ​സി​ൽ​വെ​ച്ച് ക​ട​ലി​ൽ ചേ​രു​ന്നു. ആ​മ​സോ​ണി​​ന്റെ മു​ഖ​ഭാ​ഗ​ത്തെ ജ​ല​ത്തി​ന് ല​വ​ണ​ത്വം കു​റ​വാ​ണ്. അ​തി​നു കാ​ര​ണം ഒ​രു ന​ദി​യാ​ണ്. അ​തു​മൂ​ലം ആ ​ന​ദി​ക്ക് ഉ​പ്പി​ന്റെ അം​ശം കൂ​ടു​ത​ലാ​ണ്. വ​ലു​പ്പം കൊ​ണ്ട് ലോ​ക​ത്തെ ര​ണ്ടാ​മ​ത്തെ ന​ദി​യാ​യ ആ​മ​സോ​ണി​​ന്റെ നീ​ള​ത്തോ​ളം വ​രും ഹംസ നദി.

2011ൽ ​റി​യോ ഡെ ​ജ​നീ​റോ​യി​ൽ ന​ട​ന്ന ജി​യോ​ഫി​സി​ക്ക​ൽ യോ​ഗ​ത്തി​ലാ​ണ് ഈ ​ന​ദി​യെ കു​റി​ച്ച് ഔ​ദ്യോ​ഗി​ക​മാ​യി പ്ര​ഖ്യാ​പി​ച്ച​ത്. ഹം​സ​യും ആ​മ​സോ​ണും ആ​മ​സോ​ൺ ന​ദീ​ത​ട​ത്തി​ലെ ര​ണ്ട് പ്ര​ധാ​ന ഡ്രെ​യി​നേ​ജ് സം​വി​ധാ​ന​ങ്ങ​ളാ​ണ്. ഇ​ത് ഭൂ​മി​യു​ടെ ഉ​പ​രി​ത​ല​ത്തി​ൽ നി​ന്ന് ഏ​താ​ണ്ട് 4000 കി.​മീ താ​ഴെ​യാ​യി പ​ടി​ഞ്ഞാ​റു നി​ന്ന് കി​ഴ​ക്കോ​​ട്ട് ഒ​ഴു​കു​ന്നു. ആ​മ​സോ​ണി​ന് സ​മാ​ന്ത​ര​മാ​യി ത​ന്നെ.

ഒ​രു ന​ദി​യെ തി​രി​ച്ച​റി​യു​ന്നു

ബ്ര​സീ​ലി​ലെ സ​ർ​ക്കാ​ർ എ​ണ്ണ​ക്ക​മ്പ​നി​യാ​യ പെ​ട്രോ​ബാ​സ് 1970ക​ളി​ൽ കു​ഴി​ച്ച 241 നി​ർ​ജീ​വ എ​ണ്ണ​ക്കി​ണ​റു​ക​ളി​ലെ താ​പ​വ്യ​തി​യാ​നം നി​രീ​ക്ഷി​ച്ചാ​ണ് ഗ​വേ​ഷ​ക​ർ ഭൂ​ഗ​ർ​ഭ​ന​ദി​യു​​ടെ സാ​ന്നി​ധ്യം തി​രി​ച്ച​റി​ഞ്ഞ​ത്. 40 വ​ർ​ഷ​ത്തി​ലേ​റെ​യാ​യി ഈ ​ന​ദി​യു​ടെ സ്ഥാ​നം ക​ണ്ടെ​ത്താ​ൻ ബ്ര​സീ​ലി​ലെ നാ​ഷ​ന​ൽ ഒ​ബ്സ​ർ​വേ​റ്റ​റി​യി​ലെ ശാ​സ്ത്ര​ജ്ഞ​നാ​യി​രു​ന്ന ഹം​സ​യു​ടെ നേ​തൃ​ത്വ​ത്തി​ൽ പ​ഠ​നം ന​ട​ക്കു​ക​യാ​യി​രു​ന്നു. ഹം​സ​യു​ടെ പ്ര​യ​ത്ന​ത്തി​നു​ള്ള അം​ഗീ​കാ​ര​മാ​യാ​ണ് അ​ദ്ദേ​ഹ​ത്തി​​ന്റെ പേ​ര് ബ്ര​സീ​ൽ സ​ർ​ക്കാ​ർ ഈ ​ന​ദി​ക്ക് ന​ൽ​കി​യ​ത്. ആ​മ​സോ​ൺ ന​ദി​ക്ക് 13,000 അ​ടി താ​ഴെ​യാ​ണ് ഹം​സ ന​ദി. ആ​മ​സോ​ൺ ന​ദി​യി​ലെ മ​​റ്റൊ​രു ന​ദി​യെ ക​ണ്ടെ​ത്താ​ൻ പ്ര​ത്യേ​ക ഉ​പ​ക​ര​ണ​ങ്ങ​ൾ ത​ന്നെ വി​ക​സി​പ്പി​ച്ചെ​ടു​ത്തി​ട്ടു​ണ്ട്.

നാ​ടും വീ​ടും എ​ന്നും പ്രി​യ​ങ്ക​രം

ജ​പ്പാ​നി​ൽ​നി​ന്ന് ബ്ര​സീ​ലി​ലേ​ക്ക് കു​ടി​യേ​റി​യ സാ​വോ പോ​ളോ സ​ർ​വ​ക​ലാ​ശാ​ല​യി​ലെ അ​ധ്യാ​പി​ക നൂ​ർ ആ​ണ് ഹം​സ​യു​ടെ ജീ​വി​ത പ​ങ്കാ​ളി. മൂ​ന്ന് മ​ക്ക​ളു​ണ്ട്. ഇ​തി​ൽ മ​ക​ളാ​യ ക​വി​ത മാ​ത്ര​മാ​ണ് ഉ​പ്പ​ക്കൊ​പ്പം നാ​ട്ടി​ൽ വ​ന്നി​ട്ടു​ള്ള​ത്. മകൻ സ​ന്തോ​ഷ് ഹം​സ എ​യ​ർ​ക്രാ​ഫ്റ്റ് ടെ​ക്നോ​ള​ജി​യി​ൽ മെ​ക്കാ​നി​ക്ക​ൽ എ​ൻ​ജി​നീ​യ​റാ​ണ്. ക​വി​ത ഹം​സ സാ​വോ പോ​ളോ ഫെ​ഡ​റ​ൽ യൂ​നി​വേ​ഴ്സി​റ്റി​യി​ൽ പ്ര​ഫ​സ​റാ​ണ്. ഇ​ള​യ മ​ക​ൻ സ​ഞ്ജീ​വ് ഹം​സ ബ്രി​സ്റ്റാ​ൾ നേ​യ​ർ മ​ൾ​ട്ടി നാ​ഷ​ന​ൽ ക​മ്പ​നി​യി​ൽ ക്ലി​നി​ക്ക​ൽ റി​സ​ർ​ച്ച് കോ​ഓ​ഡി​നേ​റ്റ​റാ​ണ്.

കാ​ത​ങ്ങ​ൾ അ​ക​ലെ​യാ​ണെ​ങ്കി​ലും ഹം​സ​യു​ടെ മ​ന​സ്സ് ഇ​പ്പോ​ൾ നാ​ട്ടി​ലാ​ണ്. പ​തി​മം​ഗ​ല​ത്തെ ത​റ​വാ​ടി​ന​ടു​ത്ത് വീ​ടു​ണ്ടാ​ക്കി താ​മ​സി​ക്ക​ണ​മെ​ന്നാ​യി​രു​ന്നു ഹം​സ​യു​ടെ ആ​ഗ്ര​ഹം. എ​ന്നാ​ൽ, ഗ​വേ​ഷ​ണം തു​ട​ര​ണ​മെ​ന്നു​ള്ള അ​ട​ങ്ങാ​ത്ത ത്വ​ര​യ​ട​ക്കാ​ൻ സ്വ​ന്തം നാ​ടു​പേ​ക്ഷി​ക്കേ​ണ്ടി വ​ന്നു. വ​ള​രെ ചെ​റു​പ്പ​ത്തി​ലേ നാ​ടു​വി​ട്ടു​പോ​യി​ട്ടും മ​ല​യാ​ള ഭാ​ഷ​യോ​ടു​ള്ള സ്നേ​ഹം മ​റ​ന്നി​ല്ല. നാ​ട്ടി​ൽ വ​ന്നു​പോ​യ​ത് വി​ര​ലി​ലെ​ണ്ണാ​വു​ന്ന വ​ർ​ഷ​ങ്ങ​ൾ മാ​ത്രം. സ​ഹോ​ദ​ര​ങ്ങ​ളു​മാ​യി മി​ക്ക​പ്പോ​ഴും ഫോ​ണി​ൽ സം​സാ​രി​ക്കും. ആ ​വി​ളി ചി​ല​പ്പോ​ൾ ഒ​രു സ​മ​യം നീ​ളും. നാ​ട്ടു​കാ​രെ​യും കൂ​ട്ടു​കാ​രെ​യും കു​റി​ച്ച് പ്ര​ത്യേ​കം തി​ര​ക്കും. ഒ​രി​ക്ക​ൽ കൂ​ടി നാ​ട്ടി​​ലെ​ത്തി എ​ല്ലാ​വ​രെ​യും കാ​ണ​ണ​മെ​ന്നാ​ണ് ആ​ഗ്ര​ഹം. എന്നാൽ ഓർമക്കുറവ് ഇടക്കിടെ അലട്ടുന്നതിനാലും ആ​രോ​ഗ്യ​സ്ഥി​തി മോ​ശ​മാ​യ​തി​നാ​ലും അ​തി​ന് സാ​ധി​ക്കു​മോ​യെന്ന​റി​യി​ല്ല.