Begin typing your search above and press return to search.
proflie-avatar
Login
exit_to_app
exit_to_app
Homechevron_rightOpinionchevron_rightArticleschevron_right...

ജീ​വ​ൽ​പ്ര​ശ്​​ന​ങ്ങ​ൾ​ അ​വ​ഗ​ണ​ിച്ച തെരഞ്ഞെടുപ്പ്​  

text_fields
bookmark_border
rahul-modi
cancel

രാ​ഷ്​​ട്രീ​യ നേ​താ​ക്ക​ളും അ​വ​താ​ര​ക​രും ബു​ദ്ധി​ജീ​വി​ക​ളും സാ​ധാ​ര​ണ​ക്കാ​രും ഉ​ൾ​പ്പെ​ടെ സ​ർ​വ​രും ഗു​ജ​റാ​ത്ത്​ തെ​ര​ഞ്ഞെ​ടു​പ്പ്​ ഫ​ല​ങ്ങ​ളു​ടെ പ്ര​ത്യാ​ഘാ​ത​ങ്ങ​ൾ ആ​ഴ​ത്തി​ൽ വി​ശ​ക​ല​നം ചെ​യ്​​തു​കൊ​ണ്ടി​രി​ക്കു​ന്നു. ബി.​ജെ.​പി​യു​ടെ വി​ജ​യം സാ​േ​ങ്ക​തി​കം മാ​ത്ര​മാ​ണെ​ന്നും ധാ​ർ​മി​ക വി​ജ​യം ക​ര​സ്​​ഥ​മാ​ക്കാ​ൻ സാ​ധി​ച്ച പാ​ർ​ട്ടി കോ​ൺ​ഗ്ര​സാ​ണെ​ന്നും ഒ​രു​വി​ഭാ​ഗം വി​ല​യി​രു​ത്തു​ന്നു. മ​റു​പ​ക്ഷം ബി.​ജെ.​പി​യു​ടെ വി​ജ​യാ​വ​ർ​ത്ത​ന​ത്തി​ൽ പു​ള​കം പ​ങ്കു​വെ​ച്ച്​ മോ​ദി​യു​ടെ വി​ക​സ​ന വാ​യ്​​ത്താ​രി​ക​ളു​ടെ സാ​ക്ഷാ​ത്​​കാ​ര​മാ​യി തെ​ര​ഞ്ഞെ​ടു​പ്പ്​ ഫ​ല​ത്തെ വാ​ഴ്​​ത്തു​ക​യും ചെ​യ്യു​ന്നു. എ​ന്നാ​ൽ, ഗു​ജ​റാ​ത്തി​ലെ അ​ടി​സ്​​ഥാ​ന പ്ര​ശ്​​ന​ങ്ങ​ളെ ഇ​ത്ത​രം വി​ശ​ക​ല​ന​ങ്ങ​ൾ ത​മ​സ്​​ക​രി​ക്കു​ന്നു.

2002ൽ ​ന​ട​ന്ന മു​സ്​​ലിം വം​ശ​ഹ​ത്യ​പോ​ലെ രാ​ജ്യ​ത്തി​​​െൻറ മ​നഃ​സാ​ക്ഷി​യെ മ​ര​വി​പ്പി​ച്ച നി​ഷ്​​ഠു​ര​ത​ക​ൾ​ക്ക്​ മൂ​ടു​പ​ട​മ​ണി​യി​ക്കു​ന്ന വി​ശ​ക​ല​ന​ങ്ങ​ളും തെ​ര​ഞ്ഞെ​ടു​പ്പ്​ പ്ര​ചാ​ര​ണ രീ​തി​യും ഒ​രു ഉ​ദാ​ഹ​ര​ണം മാ​ത്രം. തീ​പ്പൊ​രി ചി​ത​റു​ന്ന ആ​ക്​​ടി​വി​സ്​​റ്റു​ക​ളു​ടെ വാ​ക്​​ധോ​ര​ണി​ക​ൾ ഇ​ത്ത​വ​ണ ശ്ര​വി​ക്കാ​ൻ സാ​ധ്യ​മാ​യി​ല്ല. വി​മ​ർ​ശ​ക​രു​ടെ വാ​യ് ​മൂ​ടി​ക്കെ​ട്ടാ​നും പ​ല​രെ​യും നി​ശ്ശ​ബ്​​ദ​രാ​ക്കാ​നു​മു​ള്ള പ​ദ്ധ​തി​ക​ൾ ര​ഹ​സ്യ​മാ​യി ന​ട​പ്പാ​ക്ക​പ്പെ​ട്ടി​രു​ന്നു. ‘ഭ​യ​മാ​ണ്​ സ​ർ​വ ദി​ക്കി​ലും പ​ട​ർ​ന്നു കൊ​ണ്ടി​രി​ക്കു​ന്ന വി​കാ​രം’ എ​ന്നാ​യി​രു​ന്നു ഒ​രു ഗ്ര​ന്ഥ​കാ​ര​ൻ ക​ഴി​ഞ്ഞ​യാ​ഴ്​​ച ഞാ​നു​മാ​യി ന​ട​ത്തി​യ സം​ഭാ​ഷ​ണ വേ​ള​യി​ൽ ആ​ത്മ​രോ​ഷ​ത്തോ​ടെ പ്ര​തി​ക​രി​ച്ച​ത്. ‘‘ന​രേ​ന്ദ്ര മോ​ദി​യെ​ക്കു​റി​ച്ച്​ എ​ഴു​താ​നും സം​സാ​രി​ക്കാ​നും സ​ർ​വ​രും ഭ​യ​പ്പെ​ടു​ന്ന ദു​ര​വ​സ്​​ഥ ബോ​ധ​പൂ​ർ​വം സൃ​ഷ്​​ടി​ക്ക​പ്പെ​ട്ട​താ​യും അ​ദ്ദേ​ഹം വി​ശ​ദീ​ക​രി​ച്ചു. ഗു​ജ​റാ​ത്തി​​​െൻറ പൂ​ർ​ണ നി​യ​ന്ത്ര​ണം ആ​ർ.​എ​സ്.​എ​സ്​ പ്ര​വ​ർ​ത്ത​ക​രു​ടെ ക​ര​ങ്ങ​ളി​ല​മ​ർ​ന്നി​രി​ക്കു​ന്നു.

അ​തി​നാ​ൽ സം​സ്​​ഥാ​ന ഭ​ര​ണ​കൂ​ട​ത്തെ തു​റ​ന്നു വി​മ​ർ​ശി​ക്കാ​ൻ ജ​ന​ങ്ങ​ൾ പേ​ടി​ക്കു​ന്നു. അ​തു​കൊ​ണ്ട്​ സ്വ​ന്തം പ്ര​തി​സ​ന്ധി​ക​ൾ വി​ശ​ദീ​ക​രി​ക്കാ​നാ​കാ​തെ ഗു​ജ​റാ​ത്തി​ലെ മു​സ്​​ലിം​ക​ൾ നി​സ്സ​ഹാ​യ​രാ​യി​ത്തീ​രു​ന്നു. തെ​ര​ഞ്ഞെ​ടു​പ്പ്​ റാ​ലി​ക​ളി​ൽ ബി.​ജെ.​പി സ്​​ഥാ​നാ​ർ​ഥി​ക​ൾ മു​സ്​​ലിം​ക​ളെ പ​ര​സ്യ​മാ​യി അ​ധി​ക്ഷേ​പി​ച്ചു​പോ​ന്നെ​ങ്കി​ലും അ​തി​നെ​തി​രെ ശ​ബ്​​ദ​മു​യ​ർ​ത്താ​ൻ പ്ര​തി​യോ​ഗി​ക​ൾ ത​യാ​റാ​യി​ല്ല. തെ​ര​ഞ്ഞെ​ടു​പ്പ്​ കാ​ല​ത്തു​പോ​ലും മു​സ്​​ലിം​ക​ൾ മാ​റ്റി​നി​ർ​ത്തേ​ണ്ട വി​ഭാ​ഗ​ങ്ങ​ളാ​ണെ​ന്നാ​കാം ഇ​തു ന​ൽ​കു​ന്ന സ​ന്ദേ​ശം. ഭ​ര​ണ​ക​ർ​ത്താ​ക്ക​ളു​ടെ ക്രൂ​ര​ത​ക​ളാ​ൽ പ്രാ​ന്ത​വ​ത്​​ക​രി​ക്ക​പ്പെ​ടേ​ണ്ട​വ​ർ മാ​ത്ര​മാ​ണ​വ​ർ !

അവഗണിക്കപ്പെട്ട പ്രശ്​നങ്ങൾ
സം​സ്​​ഥാ​നം അ​ഭി​മു​ഖീ​ക​രി​ക്കു​ന്ന ജീ​വ​ൽ​പ്ര​ശ്​​ന​ങ്ങ​ൾ​ക്കു പ​ക​രം ജ​ന​ങ്ങ​ൾ​ക്കു മു​മ്പാ​കെ വ്യാ​ജ വി​ഷ​യ​ങ്ങ​ളാ​യി​രു​ന്നു ബി.​ജെ.​പി നേ​താ​ക്ക​ൾ വി​ശ​ക​ല​നം ചെ​യ്​​ത​ത്. ഗു​ജ​റാ​ത്ത്​ തെ​ര​ഞ്ഞെ​ടു​പ്പ്​ ഫ​ലം അ​ട്ടി​മ​റി​ക്കാ​ൻ കോ​ൺ​ഗ്ര​സും മു​ൻ പ്ര​ധാ​ന​മ​ന്ത്രി മ​ൻ​മോ​ഹ​ൻ സി​ങ്ങും പാ​കി​സ്താ​നു​മാ​യി ഗൂ​ഢാ​ലോ​ച​ന ന​ട​ത്തി​യെ​ന്ന വ്യാ​ജ പ്ര​ചാ​ര​ണ​ത്തി​ലൂ​ടെ നേ​ട്ടം കൊ​യ്യാ​നു​ള്ള ശ്ര​മ​ങ്ങ​ൾ എ​ത്ര അ​പ​ല​പ​നീ​യ​മാ​ണെ​ന്നോ​ർ​ക്കു​ക. മ​ണി​ശ​ങ്ക​ർ അ​യ്യ​രു​ടെ വാ​ക്കു​ക​ൾ വ​ക്രീ​ക​രി​ച്ചും രാ​ഹു​ൽ ഗാ​ന്ധി​യു​ടെ ക്ഷേ​ത്ര​പ​ര്യ​ട​ന​ത്തെ പ​രി​ഹ​സി​ച്ചു​മു​ള്ള ത​രം​താ​ണ പ്ര​ചാ​ര​ണ ഫോ​ർ​മു​ല​യാ​യി​രു​ന്നു പാ​ർ​ട്ടി​യു​ടെ പ്ര​ചാ​ര​ണ ആ​യു​ധ​ങ്ങ​ൾ. ഇ​ത്ത​രം നി​സ്സാ​ര​ത​ക​ളെ കേ​ന്ദ്രീ​ക​രി​ച്ചാ​ണ്​ ടെ​ലി​വി​ഷ​ൻ ച​ർ​ച്ച​ക​ൾ മു​ന്നേ​റി​യ​തും. പ​രു​ഷ യാ​ഥാ​ർ​ഥ്യ​ങ്ങ​ൾ ഒ​രി​ക്ക​ലും വെ​ളി​ച്ചം കാ​ണ​രു​തെ​ന്ന ദു​ഷ്​​ട​ലാ​ക്കോ​ടെ മാ​ധ്യ​മ​ങ്ങ​ൾ ജ​ന​ങ്ങ​ളെ അ​ന്തഃ​സാ​ര ശൂ​ന്യ​ത​യി​ൽ ത​ള​ച്ചി​ട്ടു. ഗു​ജ​റാ​ത്തി​ൽ കു​ത്തു​പാ​ള​യെ​ടു​ത്ത ക​ർ​ഷ​ക​രെ സം​ബ​ന്ധി​ച്ച്​ എ​ന്തു​കൊ​ണ്ട്​ ബി.​ജെ.​പി നേ​താ​ക്ക​ൾ മൗ​നം ദീ​ക്ഷി​ച്ചു? തൊ​ഴി​ൽ​ര​ഹി​ത​രാ​യ ചെ​റു​പ്പ​ക്കാ​രു​ടെ​യും നൈ​രാ​ശ്യം ബാ​ധി​ച്ച ക​ച്ച​വ​ട​ക്കാ​രു​ടെ​യും പ്ര​തി​സ​ന്ധി​ക​ൾ​ക്കു നേ​രെ അ​വ​ർ എ​ന്തു​കൊ​ണ്ട്​ ക​ണ്ണ​ട​ച്ചു? പ​ല മ​ണ്ഡ​ല​ങ്ങ​ളി​ലും പാ​ർ​ട്ടി​ക്ക്​ നേ​രി​യ ഭൂ​രി​പ​ക്ഷം മാ​ത്ര​മാ​ണ്​ നേ​ടാ​ൻ സാ​ധി​ച്ച​ത്. നോ​ട്ട പ​ലേ​ട​ത്തും മി​ക​ച്ച പ്ര​ക​ട​നം കാ​ഴ്​​ച​വെ​ച്ചു ! മോ​ദി​യു​ടെ​യും പ​ല സ​മു​ന്ന​ത നേ​താ​ക്ക​ളു​ടെ​യും ത​ട്ട​ക​ങ്ങ​ളി​ൽ പാ​ർ​ട്ടി തോ​റ്റ്​ തു​ന്നം പാ​ടു​ക​യു​ണ്ടാ​യി. എ​ന്നാ​ൽ ഇ​വ​യൊ​ന്നും വി​ശ​ക​ല​ന വി​ദ​ഗ്​​ധ​രു​ടെ ദൃ​ഷ്​​ടി​പ​ഥ​ങ്ങ​ളി​ൽ പ​തി​യാ​തെ തി​രോ​ഭ​വി​ക്കു​ന്നു. കോ​ൺ​ഗ്ര​സ്​ മി​ക​ച്ച വെ​ല്ലു​വി​ളി​യാ​ണു​യ​ർ​ത്തി​യ​ത്. രാ​ഹു​ൽ ഒ​രു മി​ക​ച്ച നേ​താ​വി​​​െൻറ പ​ക്വ​ത സ്വാം​ശീ​ക​രി​ച്ച​ത്​ പ്ര​തീ​ക്ഷ​ക​ൾ​ക്ക്​ ക​രു​ത്ത്​ പ​ക​ർ​ന്നു. രാ​ജ്യ​ത്തെ ധ്രു​വീ​ക​രി​ക്കാ​നു​ള്ള നീ​ക്ക​ത്തി​ലാ​ണ്​ ബി.​ജെ.​പി എ​ന്ന്​ തി​രി​ച്ച​റി​യു​ന്ന​വ​ർ​ക്ക്​ രാ​ഹു​ൽ ആ​വേ​ശ​മാ​യി​ത്തീ​ർ​ന്നു. ഇ​ന്ത്യ​ൻ രാ​ഷ്​​ട്രീ​യ​ത്തി​ന്​ പു​തി​യ ദി​ശാ​മു​ഖം ല​ഭി​ക്കാ​ൻ യു​വ​ര​ക്തം വേ​ണം എ​ന്നാ​ഗ്ര​ഹി​ച്ച​വ​ർ അ​ദ്ദേ​ഹ​ത്തി​ൽ വി​ശ്വാ​സ​മ​ർ​പ്പി​ച്ചു.

gujarat

എ​ന്നാ​ൽ, സ്വ​ന്തം പോ​രാ​ട്ട​പാ​ത​യി​ൽ മു​ന്നേ​റാ​ൻ പ്രാ​പ്​​തി ന​ൽ​കു​ന്ന പ്ര​ത്യ​യ​ശാ​സ്​​ത്ര​ത്തി​​​െൻറ അ​ഭാ​വ​മാ​ണ്​ കോ​ൺ​ഗ്ര​സ്​ അ​ഭി​മു​ഖീ​ക​രി​ക്കു​ന്ന ഏ​റ്റ​വും വ​ലി​യ വെ​ല്ലു​വി​ളി. ഇ​ട​തു​പ​ക്ഷ​ത്തി​ന്​ സ്വ​കീ​യ​മാ​യൊ​രു പ്ര​ത്യ​യ ശാ​സ്​​ത്ര പി​ൻ​ബ​ല​വു​മു​ണ്ടെ​ന്ന്​ വ്യ​ക്തം. വ​ല​തു​പ​ക്ഷ​ത്തി​നും സ്വ​ന്ത​മാ​യൊ​രു പ്ര​ത്യ​യ ശാ​സ്​​ത്ര​മു​ണ്ട്​. ജ​ന​ങ്ങ​ളെ ആ​ക​ർ​ഷി​ക്കു​ന്ന സ​ജീ​വ​മാ​യൊ​രു പ്ര​ത്യ​യ ശാ​സ്​​ത്രം വി​ക​സി​പ്പി​ക്കാ​ൻ ​കോ​ൺ​ഗ്ര​സി​നു ഇ​പ്പോ​ഴും സാ​ധ്യ​മാ​യി​ട്ടി​ല്ലെ​ന്നു സാ​രം. കാ​ര​ണം അ​ത്ഭു​ത​ക​ര​മാ​യ മാ​റ്റ​ങ്ങ​ൾ​ക്കു കാ​ത്തി​രി​ക്കു​ന്ന ജ​ന​ത​യെ ശൂ​ന്യ​ഹ​സ്​​ത​ങ്ങ​ളാ​ൽ വ​ര​വേ​ൽ​ക്കാ​നാ​കി​ല്ല.

പു​തി​യ ‘സ്വ​രാ​ജ്’​ അ​നി​വാ​ര്യം
ആ​ശ​യ​പ​ര​മാ​യി സ്വ​യം ന​വീ​ക​രി​ക്കാ​ൻ കോ​​ൺ​ഗ്ര​സ്​ ത​യാ​റാ​യേ മ​തി​യാ​കൂ. സ​ർ​വ മ​ത​ങ്ങ​ളും ജ​ന​ക്ഷേ​മം വി​ഭാ​വ​നം ചെ​യ്യു​ന്നു എ​ന്ന യാ​ഥാ​ർ​ഥ്യ​ത്തി​ന്​ പാ​ർ​ട്ടി അം​ഗീ​കാ​രം ന​ൽ​ക​ണം. 

സ്വാ​ത​ന്ത്ര്യ​പൂ​ർ​വ ഘ​ട്ട​ത്തി​ൽ കോ​ൺ​ഗ്ര​സ്​ ഉ​യ​ർ​ത്തി​യ ‘സ്വ​രാ​ജ്​’ ജ​ന​ങ്ങ​ളെ  ഏ​കീ​ക​രി​ക്കു​ന്ന ആ​ദ​ർ​ശ​മാ​യി ക​ലാ​ശി​ച്ചു. വ​ർ​ത്ത​മാ​ന ഘ​ട്ട​ത്തി​ലെ സ്വാ​ത​ന്ത്ര്യ​ത്തി​ന്​ പു​തി​യ ‘സ്വ​രാ​ജ്​’ പ്ര​ഖ്യാ​പി​ക്ക​പ്പെ​ട​ണം. വ​ർ​ഗീ​യ ശ​ക്തി​ക​ളി​ൽ​നി​ന്നും, അ​ഴി​മ​തി​ക്കാ​രി​ൽ​നി​ന്നും​ സ്വ​ത​ന്ത്ര​മാ​യ രാ​ജ്യ​മാ​യി​രി​ക്ക​ണം പു​തി​യ ല​ക്ഷ്യം. രാ​ഷ്​​ട്രീ​യ മ​ലി​നീ​ക​ര​ണ​ത്തി​ൽ​നി​ന്ന്​ ജ​ന​ങ്ങ​ളെ മു​ക്ത​രാ​ക്കു​ന്ന ന​വ സ്വാ​ത​ന്ത്ര്യം.

അ​നി​ഷേ​ധ്യ ശ​ക്തി ആ​യി ഉ​യ​രാ​ൻ പാ​ർ​ട്ടി​ക്ക്​ സാ​ധി​ക്കും എ​ന്ന​തി​​​െൻറ ല​ക്ഷ​ണ​ങ്ങ​ൾ കോ​ൺ​ഗ്ര​സി​​​െൻറ പ്ര​ക​ട​ന​ങ്ങ​ൾ കാ​ഴ്​​ച​വെ​ക്കാ​ൻ തു​ട​ങ്ങി​യി​രി​ക്കു​ന്നു. ജ​ന​ങ്ങ​ൾ പാ​ർ​ട്ടി​യെ പു​തി​യ പ്ര​ത്യാ​ശ​യോ​ടെ വീ​ക്ഷി​ക്കാ​ൻ തു​ട​ങ്ങി​യി​രി​ക്കു​ന്നു. എ​ന്നാ​ൽ, കീ​ഴ്​​ത്ത​ട്ടി​ലെ അ​ണി​ക​ളെ ശ​ക്തി​പ്പെ​ടു​ത്തു​ന്ന​തി​ലൂ​ടെ മാ​ത്ര​മേ പാ​ർ​ട്ടി​ക്ക്​ യ​ഥാ​ർ​ഥ ശ​ക്തി തി​രി​ച്ചു​കി​ട്ടൂ. അ​ടി​ത്ത​ട്ടി​ലെ ജ​ന​ങ്ങ​ളെ ഉ​ണ​ർ​ത്താ​നു​ള്ള ത​ന്ത്ര​ങ്ങ​ളാ​ക​ണം പാ​ർ​ട്ടി ആ​വി​ഷ്​​ക​രി​ക്കേ​ണ്ട​ത്. ഭ​ര​ണ​കൂ​ട ഭീ​ക​ര​ത​യാ​ലും വ​ർ​ഗീ​യ ബ്രി​ഗേ​ഡു​ക​ളാ​ലും കൊ​ല്ല​പ്പെ​ടു​ന്ന നി​ര​പ​രാ​ധി​ക​ൾ​ക്കു​വേ​ണ്ടി ശ​ബ്​​ദി​ക്കാ​ൻ അ​ത്ത​ര​ക്കാ​ർ​ക്കു​മാ​ത്ര​മാ​ണ്​ സാ​ധി​ക്കു​ക. ഭ​ക്ഷ​ണം, വ​സ്​​ത്രം, വീ​ട്​ എ​ന്ന പ​ഴ​യ മു​ദ്രാ​വാ​ക്യ​ത്തി​ലു​പ​രി​യാ​ണ്​​ നീ​തി, സ​മ​ത്വം എ​ന്നീ ല​ക്ഷ്യ​ങ്ങ​ൾ​ക്കു വേ​ണ്ടി​യു​ള്ള മു​റ​വി​ളി​ക​ൾ. ഇ​വ രാ​ജ്യ​മെ​മ്പാ​ടും ഉ​യ​ർ​ന്നു​കൊ​ണ്ടി​രി​ക്കെ നി​ഷ്​​ക്രി​യ​ത കോ​ൺ​ഗ്ര​സി​നു എ​ങ്ങ​നെ ഭൂ​ഷ​ണ​മാ​കും? കൊ​ല​യാ​ളി​ക​ളും ഫാ​ഷി​സ്​​റ്റു​ക​ളും ആ​രാ​ണെ​ന്ന യാ​ഥാ​ർ​ഥ്യം ജ​ന​ങ്ങ​ൾ​ക്ക്​ വ്യ​ക്ത​മാ​യി അ​റി​യാ​ൻ ക​ഴി​യും. പ​ക്ഷേ, അ​വ​രെ അ​ഭി​മു​ഖീ​ക​രി​ക്കാ​നാ​കാ​ത്ത നി​സ്സ​ഹാ​യാ​വ​സ്​​ഥ ജ​ന​ങ്ങ​ളെ അ​സ്വ​സ്​​ഥ​രാ​ക്കു​ന്നു.

ക​ടു​ത്ത പ്ര​തി​സ​ന്ധി​ക​ളു​ടെ ഘ​ട്ട​മാ​ണി​ത്. അ​പ്ര​ഖ്യാ​പി​ത അ​ടി​യ​ന്ത​രാ​വ​സ്​​ഥ. പു​തി​യ മാ​റ്റ​ത്തി​നു​വേ​ണ്ടി ദാ​ഹി​ക്കു​ന്ന ജ​ന​ങ്ങ​ൾ ജ​ന​കീ​യ സ​മ്പ​ർ​ക്കം സ്​​ഥാ​പി​ക്കാ​നു​ള്ള വ​ഴി​ക​ളി​ലൂ​ടെ രാ​ഹു​ൽ ബ​ഹു​ദൂ​രം മു​ന്നേ​റു​ക​യു​ണ്ടാ​യി. ജ​ന​കീ​യ ബ​ന്ധ​ങ്ങ​ളു​ടെ പ്രാ​ധാ​ന്യം വി​ളം​ബ​രം ചെ​യ്യു​ന്ന​താ​യി​രു​ന്നു അ​ദ്ദേ​ഹ​ത്തി​​​െൻറ പ്ര​ഭാ​ഷ​ണ​ങ്ങ​ൾ. ഇൗ ​അ​നു​സ്യൂ​തി നി​ല​നി​ർ​ത്താ​ൻ സാ​ധി​ക്കു​ന്ന​പ​ക്ഷം അ​ദ്ദേ​ഹ​ത്തി​​​െൻറ സാ​ര​ഥ്യം ന​ഷ്​​ട​പ്ര​താ​പം വീ​ണ്ടെ​ടു​ക്കാ​ൻ പാ​ർ​ട്ടി​ക്ക്​ തു​ണ​യാ​കും.

ഒ​രു ജ​ന​ത​യെ​ന്ന നി​ല​യി​ൽ ന​മ്മു​ടെ വ​ർ​ത്ത​മാ​ന ദു​ര്യോ​ഗം വി​ശ​ദീ​ക​രി​ക്കാ​ൻ ഒാ​രോ പൗ​ര​നും ത​യാ​റാ​കു​ക​യും വേ​ണം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:articleopinionhumra khureshigujarat electionmalayalam news
News Summary - Gujarat Election Article by Humra Khureishi-Opinion
Next Story