ജ​മീ​ല മാ​ലി​ക്​  ഒ​രു ന​ഷ്​​ടനാ​യി​ക​യാ​യി​രു​ന്നു 

jameela-malik

ന​ഗ​ര​ത്തി​നു​മേ​ൽ ഇ​രു​ൾ പ​ത്തിവി​രി​ക്കു​ന്ന നേ​ര​ങ്ങ​ളി​ൽ കൈ​യി​ലൊ​രു ചെ​റി​യ സ​ഞ്ചി​യും തൂ​ക്കി ഇ​ട​റി ന​ട​ന്നു​പോ​യ​ത്​ ഒ​രു നാ​യി​ക​യാ​യി​രു​ന്നു. ഒ​രു​പാ​ട്​​ ച​ല​ച്ചി​ത്ര​ങ്ങ​ളു​ടെ ഭാ​രി​ച്ച റെ​ക്കോ​ഡു​ക​ൾ ഒ​ന്നു​മി​െ​ല്ല​ങ്കി​ലും ഓ​ർ​ത്തി​രി​ക്കാ​വു​ന്ന ഏ​താ​നും ചി​ത്ര​ങ്ങ​ളു​ടെ മേ​ൽ​വി​ലാ​സം മാ​ത്രം ഉ​ണ്ടാ​യി​രു​ന്ന ന​ടി.​ അ​ങ്ങ​നെ​യൊ​രാ​ൾ ത​ല​സ്​​ഥാ​ന​ ന​ഗ​രി​യി​ൽ ജീ​വി​ച്ചി​രു​ന്നു എ​ന്നു​പോ​ലും അ​റി​യു​ന്ന​വ​ർ ചു​രു​ക്ക​മാ​യി​രു​ന്നു. അ​താ​യി​രു​ന്നു ജ​മീ​ല മാ​ലി​ക്​ എ​ന്ന ന​ടി​യു​ടെ ജീ​വി​ത​ത്തി​ൻെ​റ അ​വ​സാ​ന എ​പ്പി​സോ​ഡ്. സേ​തു​വി​ൻെ​റ നോ​വ​ൽ ‘പാ​ണ്ഡ​വ​പു​രം’ ജി.​എ​സ്. പ​ണി​ക്ക​ർ അ​തേ പേ​രി​ൽ സി​നി​മ​യാ​ക്കി​യ​പ്പോ​ൾ ദേ​വി ടീ​ച്ച​ർ എ​ന്ന നാ​യി​ക​യു​ടെ വേ​ഷ​മി​ട്ട​ത്​ ജ​മീ​ല മാ​ലി​ക്കാ​യി​രു​ന്നു എ​ന്ന​തിനേ​ക്കാ​ൾ, അ​വ​സ​രം ന​ഷ്​​ട​പ്പെ​ട്ട​ സി​നി​മ​ക​ളു​ടെ പേ​രി​ലാ​യി​രി​ക്ക​ണം മ​റ്റ്​ ചി​ല​ർ അ​വ​രെ ഒാ​ർ​മി​ക്കു​ക. ജോ​ൺ എ​ബ്ര​ഹാ​മി​ൻെ​റ നാ​യി​ക​യാ​വാ​ൻ കാ​ത്തി​രു​ന്ന്​  അ​വ​സ​ര​മൊ​ത്ത​പ്പോ​ൾ നി​ർ​ഭാ​ഗ്യം ത​ട്ടി​യ​ക​റ്റി​യ​ത്, ത​മി​ഴി​ൽ എം.​ജി.ആ​റി​ൻെ​റ നാ​യി​ക​യാ​വാ​ൻ കി​ട്ടി​യ അ​വ​സ​രം വ​ഴു​തി​പ്പോ​യ​ത്​, അ​ങ്ങ​നെ​യ​ങ്ങ​നെ...

1969ൽ  ​പ​തി​നാ​റാ​ം വ​യ​സ്സി​ൽ പുണെ ഫി​ലിം ഇ​ൻ​സ്​​റ്റി​റ്റ്യൂ​ട്ടി​ൽ അ​ഭി​ന​യം പ​ഠി​ക്കാ​ൻ ചേ​രു​​മ്പോ​ൾ ദ​ക്ഷി​ണേ​ന്ത്യ​യി​ൽ​നി​ന്ന്​ ആ ​കോ​ഴ്​​സി​ന്​ ചേ​രു​ന്ന ആ​ദ്യ വ​നിത​യാ​യി​രു​ന്നു അ​വ​ർ. മ​ല​യാ​ള സി​നി​മ​യി​ലെ മാ​സ്​​റ്റേ​ഴ്​​സി​​െൻറ ഒ​രു വ​ലി​യ നി​ര​യു​ണ്ടാ​യി​രു​ന്നു ജ​മീ​ല​ക്ക്​ അ​വി​ടെ സീ​നി​യ​ർ​മാ​രാ​യി. കെ.​ജി. ജോ​ർ​ജ്​, രാ​മ​ച​ന്ദ്ര​ ബാ​ബു, കെ.​ആ​ർ. മോ​ഹ​ന​ൻ, ഷാ​ജി ​എ​ൻ. ക​രു​ൺ, ജോ​ൺ എ​ബ്ര​ഹാം, ആ​സാ​ദ്... സീ​നി​യ​റാ​യി ജ​യ​ ബ​ച്ച​നും ജൂ​നി​യ​റാ​യി മി​ഥു​ൻ ച​ക്ര​ബ​ർ​ത്തി​യു​മൊ​ക്കെ. 

കെ.​ജി. ജോ​ർ​ജി​​​െൻറ ആ​ദ്യ നാ​യി​ക ജ​മീ​ല​യാ​യി​രു​ന്നു. ത​ൻെ​റ ഡി​പ്ലോ​മ ചി​ത്ര​മാ​യ ‘ഫെ​യ്സ​സി’​ൽ ജോ​ർ​ജ്​ അ​വ​രെ നാ​യി​ക​യാ​ക്കി. കാമ​റ, അ​ടു​ത്തി​ടെ അ​ന്ത​രി​ച്ച രാ​മ​ച​ന്ദ്ര​ ബാ​ബു. ആ​ദ്യ​മാ​യി രാ​മ​ച​ന്ദ്ര​ ബാ​ബു കാ​മ​റ തു​റ​ന്ന​ത്​ ജ​മീ​ല മാ​ലി​ക്കി​ൻെ​റ മു​ഖത്തേക്കാ​ണ്. ജോ​ൺ ‘അ​ഗ്ര​ഹാ​ര​ത്തി​ൽ ക​ഴു​തൈ’​യി​ൽ നാ​യി​ക​യാ​യി തീ​രു​മാ​നി​ച്ച​ത്​ ജ​മീ​ല​യെ​യാ​യി​രു​ന്നു. ജോ​ൺ സി​നി​മ​ക​ളു​ടെ ​അ​പ്ര​വ​ച​നീ​യ​ത​യി​ൽ ആ ​അ​വ​സ​രം പൊ​ലി​ഞ്ഞു. ‘മ​ധു​രൈ മീ​ട്ട സു​ന്ദ​ര​പാ​ണ്ഡ്യ​ൻ’ എ​ന്ന എം.​ജി.​ആ​ർ ചി​ത്ര​ത്തി​െ​ല നാ​യി​ക​വേ​ഷം ന​ഷ്​​ട​മാ​യ​തും അ​ങ്ങ​നെ​യൊ​രു ദൗ​ർ​ഭാ​ഗ്യം. പ്ര​ശ​സ്​​ത കാമ​റ​ാമാ​ൻ അ​ഴ​ക​പ്പ​ൻ അ​ഡ​യാ​ർ ഫി​ലിം ഇ​ൻ​സ്​​റ്റി​റ്റ്യൂ​ട്ടി​ൽ പ​ഠി​ക്കു​​മ്പോ​ൾ ആ​ദ്യം കാ​മ​റ തി​രി​ച്ച​തും ജ​മീ​ല മാ​ലി​ക്കി​നു നേരെ. 
സ്വാ​ത​ന്ത്ര്യ സ​മ​ര സേ​നാ​നി​ക​ളാ​യി​രു​ന്ന ത​ങ്ക​മ്മ​യു​ടെ​യും മാ​ലി​ക്​ മു​ഹ​മ്മ​ദി​ൻെ​റ​യും നാ​ലു​ മ​ക്ക​ളി​ൽ മൂ​ന്നാ​മ​ത്തെ​യാ​ളാ​യ ജ​മീ​ല മാ​ലി​കി​നെ അ​ഭി​ന​യ​ത്തി​ലേ​ക്ക്​ പി​ച്ചവെ​പ്പി​ച്ച​ത്​ ന​ട​ൻ മ​ധു​വാ​ണ്. തി​രു​വി​താം​കൂ​ർ രാ​ജാ​വി​ൻെ​റ പി​റ​ന്നാ​ളി​ന്​ മ​ധു​വി​ൻെ​റ നേ​തൃ​ത്വ​ത്തി​ൽ കൊ​ട്ടാ​ര​ത്തി​ൽ അ​വ​ത​രി​പ്പി​ച്ച ‘കൃ​ഷ്​​ണ’ എ​ന്ന നാ​ട​ക​ത്തി​ലെ ബു​ദ്ധി​യു​റ​ക്കാ​ത്ത കു​ട്ടി​യു​ടെ വേ​ഷം അ​ഭി​ന​യം ത​ൻെ​റ വ​ഴി​യാ​ണെ​ന്ന ചി​ന്ത അ​വ​രി​ലു​റ​പ്പി​ച്ചു. പി​ന്നീ​ട്​ മ​ധു​വി​ൻെ​റ പ്ര​ഫ​ഷ​ന​ൽ സം​ഘ​ത്തി​നൊ​പ്പം യാ​ദൃ​ച്ഛി​ക​മാ​യി തൃ​ശൂ​ർ പൂ​ര​ത്തി​ന്​ ‘ലു​ബ്​​ധ​ൻ ലൂ​േ​കാ​സ്​’ എ​ന്ന നാ​ട​ക​ത്തി​ൽ വേ​ഷ​മി​ട്ട​തോ​ടെ ആ വി​ശ്വാ​സം വേ​രു​റ​ച്ചു. അ​ങ്ങ​നെ​യാ​യി​രു​ന്നു ത​ങ്ക​മ്മ പ​തി​നാ​റു​കാ​രി​യാ​യ മ​ക​ളെ അ​ഭി​ന​യം പ​ഠി​പ്പി​ക്കാ​ൻ പുണെ​യി​ലേ​ക്ക്​ അ​യ​ച്ച​ത്. 
പി.​എ​ൻ. പി​ഷാ​ര​ടി​യു​ടെ ‘റാ​ഗി​ങ്​’ എ​ന്ന സി​നി​മ​യി​ലൂ​ടെ​യാ​യി​രു​ന്നു വെ​ള്ളി​ത്തി​ര​യി​ൽ തെ​ളി​ഞ്ഞു​തു​ട​ങ്ങി​യ​ത്. ലൈ​ൻ ബ​സ്, ആ​ദ്യ​ത്തെ ക​ഥ, ഏ​ണി​പ്പ​ടി​ക​ൾ, രാ​ജ​ഹം​സം, നി​റ​മാ​ല, ചോ​റ്റാ​നി​ക്ക​ര അ​മ്മ, സൊ​ൈ​സ​റ്റി ലേ​ഡി, അ​വ​കാ​ശം, ക​ഴു​ക​ൻ, ഒ​രു മെ​യ്​​മാ​സ പു​ല​രി​യി​ൽ തു​ട​ങ്ങി മു​പ്പ​തോ​ളം സി​നി​മ​ക​ളി​ൽ അ​ഭി​ന​യി​ച്ചു. അ​പ്പോ​ഴും ‘പാ​ണ്ഡ​വ​പു​ര’​ത്തി​ലെ ദേ​വി ടീ​ച്ച​ർ വേ​റി​ട്ടു നി​ന്നു. ത​മി​ഴ്​​നാ​ട്​ മു​ഖ്യ​മ​ന്ത്രി​യാ​യ ജ​യ​ല​ളി​ത അ​വ​സാ​ന​മാ​യി അ​ഭി​ന​യി​ച്ച ‘ന​ദി​യെ തേ​ടി​വ​ന്ത ക​ട​ൽ’ തു​ട​ങ്ങി ഏ​താ​നും ത​മി​ഴ്​ ചി​ത്ര​ങ്ങ​ളി​ലും വേ​ഷ​മി​ട്ടു. 1990ൽ ​റി​ലീ​സ്​ ചെ​യ്​​ത ‘ഉ​ണ്ണി​ക്കു​ട്ട​ന്​ ജോ​ലി കി​ട്ടി’ എ​ന്ന ചി​ത്ര​മാ​യി​രു​ന്നു ഒ​ടു​വി​ല​ത്തേ​ത്.  അ​തി​നി​ട​യി​ൽ ആ​കാ​ശ​വാ​ണി​ക്കാ​യി നാ​ട​ക​ങ്ങ​ൾ ര​ചി​ക്കു​ക​യും അ​ഭി​ന​യി​ക്കു​ക​യു​​ം​ ചെ​യ്​​തു. ‘ക​യ​ർ’ സീ​രി​യ​ലി​ലും വേ​ഷ​മി​ട്ടു. 

വി​വാ​ഹം ന​ട​ന്നെ​ങ്കി​ലും അ​ധി​ക​കാ​ലം നീ​ണ്ടി​ല്ല. മ​ക​ൻ അ​ൻ​സാ​ർ മാ​ലി​കു​മാ​യി പി​ന്നെ വാ​ട​ക വീ​ടു​ക​ളി​ലാ​യി​രു​ന്നു താ​മ​സം. ഗാ​ന്ധി​യി​ൽ ആ​കൃ​ഷ്​​ട​യാ​യി വാ​ർ​ധ​യി​ൽ​ പോ​യി ഹി​ന്ദി പ​ഠി​ച്ച​യാ​ളാ​യി​രു​ന്നു ത​ങ്ക​മ്മ. അ​മ്മ​യി​ൽനി​ന്നു കി​ട്ടി​യ ഹി​ന്ദി​യാ​യി​രു​ന്നു അ​വ​സാ​ന കാ​ല​ത്ത്​ ആ​ശ്ര​യം. തി​രു​വ​ന​ന്ത​പു​രം ന​ഗ​ര​ത്തി​ലെ വീ​ടു​ക​ളി​ൽ​ പോ​യി കു​ട്ടി​ക​ൾ​ക്ക്​ ഹി​ന്ദി ട്യൂ​ഷ​നെ​ടു​ത്തും ഹോ​സ്​​റ്റ​ൽ വാ​ർ​ഡ​ൻെ​റ ജോ​ലിചെ​യ്​​തു​മാ​യി​രു​ന്നു സു​ഖ​മി​ല്ലാ​ത്ത മ​ക​നെ​യും കൂ​ട്ടി  ജീ​വി​തം ത​ള്ളി നീ​ക്കി​യ​ത്.

‘മാ​ധ്യ​മ’​വും മ​ല​യാ​ള സി​നി​മ അ​ഭി​നേ​താ​ക്ക​ളു​ടെ സം​ഘ​ട​ന​യാ​യ ‘അ​മ്മ’​യും ​യൂനിമണിയും ചേ​ർ​ന്ന്​ ന​ട​പ്പാ​ക്കു​ന്ന ‘അ​ക്ഷ​ര​വീ​ട്’​ പ​ദ്ധ​തി​യി​ലെ ‘ആ’ ​എ​ന്ന വീ​ട്​ സ​മ​ർ​പ്പി​ച്ച​ത്​ ജ​മീ​ല മാ​ലി​ക്കി​നാ​യി​രു​ന്നു. ജ​മീ​ല പുണെ​യി​ൽ പ​ഠി​ക്കു​ന്ന കാ​ല​ത്ത്​ പാ​പ്പ​നം​കോ​ടുനി​ന്ന്​ അ​ഭി​ന​യം പ​ഠി​ക്കാ​നെ​ത്തി​യ ബ​ഷീ​റി​ൻെ​റ സ്​​മ​ര​ണ​ക്കാ​യി കു​ടും​ബാം​ഗ​ങ്ങ​ൾ പാ​ലോ​ട്​ ഗ്രാ​മ​ത്തി​ൽ ന​ൽ​കി​യ സ്​​ഥ​ല​ത്താ​യി​രു​ന്നു ‘ആ’ ​ഉ​യ​ർ​ന്ന​ത്. വീ​ടി​ൻെ​റ ശി​ലാ​സ്​​ഥാ​പ​നം നി​ർ​വ​ഹി​ച്ച​താ​ക​​ട്ടെ, അ​ഭി​ന​യ​ത്തി​ലേ​ക്ക്​ കൈ​പി​ടി​ച്ച ന​ട​ൻ മ​ധു​വും. അ​ക്ഷ​​ര​വീ​ടി​നു ത​റ​ക്ക​ല്ലി​ട്ട്​ ഞ​ങ്ങ​ൾ ന​ഗ​ര​ത്തി​ൽ മ​ട​ങ്ങി​യെ​ത്തു​മ്പോ​ൾ ഇ​രു​ട്ട്​ വീ​ണി​രു​ന്നു. ത​മ്പാ​നൂ​രി​ന​ടു​ത്ത്​ ഒ​രു വ​നി​ത ഹോ​സ്​​റ്റ​ലി​ൻെ​റ ഇ​ട​വ​ഴി​യി​ലെ ഇ​രു​ട്ടി​ലേ​ക്ക്​ അ​വ​ർ ആ​രോ​ടൊ​ക്കെ​യോ ന​ന്ദിനി​റ​ഞ്ഞ ക​ണ്ണു​ക​ളു​മാ​യി ക​യ​റി​പ്പോ​കു​ന്ന​ത്​ ഇ​പ്പോ​ഴും ഓ​ർ​മ​യി​ലു​ണ്ട്. പ്ര​തി​ഭ​യു​ണ്ടാ​യി​രു​ന്നി​ട്ടും എ​ന്തു​കൊ​ണ്ട്​ വ​ലി​യൊ​രു ന​ടി​യാ​യി​ല്ല എ​ന്ന ചോ​ദ്യ​ത്തി​ന്​ അ​വ​ർ പ​റ​ഞ്ഞ മ​റു​പ​ടി​യി​ൽ അ​വ​രു​ടെ ജീ​വി​ത​ത്തി​ൻെ​റ നി​ർ​ഭാ​ഗ്യ​ങ്ങ​ളെ ആ​റ്റി​ക്കു​റു​ക്കി​യി​രു​ന്നു. ‘ഞാ​ൻ ത​ങ്ക​മ്മ മാ​ലി​ക്കി​ൻെ​റ മ​ക​ളാ​ണ്.. സി​നി​മ​യി​ലെ പ​ല​തും എ​നി​ക്ക്​ വ​ശ​മി​ല്ലാ​യി​രു​ന്നു...’

Loading...
COMMENTS