രാ​ഷ്ട്ര​പ​തി​യു​ടെ ചോ​ദ്യ​ങ്ങ​ൾ ഭ​ര​ണ​ഘ​ട​ന​യോ​ടോ?

ത​മി​ഴ്‌​നാ​ട് സ​ർ​ക്കാ​ർ ന​ൽ​കി​യ ഹ​ര​ജി​യി​ൽ സു​പ്രീം കോ​ട​തി, രാ​ഷ്ട്ര​പ​തി​ക്കും സം​സ്ഥാ​ന ഗ​വ​ർ​ണ​ർ​മാ​ർ​ക്കും നി​യ​മ​സ​ഭ പാ​സാ​ക്കു​ന്ന ബി​ല്ലു​ക​ൾ​ക്ക് അം​ഗീ​കാ​രം ന​ൽ​കു​ന്ന​തി​ന് സ​മ​യ​പ​രി​ധി നി​ശ്ച​യി​ച്ച് ഒ​രു മാ​സ​ത്തി​നു​ശേ​ഷം ഭ​ര​ണ​ഘ​ട​നാ കോ​ട​തി​ക​ൾ​ക്ക് രാ​ഷ്ട്ര​പ​തി​ക്കും ഗ​വ​ർ​ണ​ർ​മാ​ർ​ക്കും മേ​ൽ സ​മ​യ​പ​രി​ധി ഏ​ർ​പ്പെ​ടു​ത്താ​ൻ ക​ഴി​യു​മോ എ​ന്ന് ചോ​ദ്യം ചെ​യ്ത് പ്ര​സി​ഡ​ന്റ് ദ്രൗ​പ​ദി മു​ർ​മു സു​പ്രീം കോ​ട​തി​ക്ക് ക​ത്തെ​ഴു​തി​യി​രി​ക്കു​ന്നു.

ത​മി​ഴ്നാ​ട് നി​യ​മ​സ​ഭ പാ​സാ​ക്കി​യ പ​ത്ത് ബി​ല്ലു​ക​ൾ​ക്ക് അം​ഗീ​കാ​രം ന​ൽ​കാ​തെ പി​ടി​ച്ചു​വെ​ച്ച ഗ​വ​ർ​ണ​ർ ആ​ർ.​എ​ൻ. ര​വി​യു​ടെ ന​ട​പ​ടി ചോ​ദ്യം ചെ​യ്താ​ണ് ഡി.​എം.​കെ സ​ർ​ക്കാ​ർ നേ​ര​ത്തേ സു​പ്രീം കോ​ട​തി​യെ സ​മീ​പി​ച്ചി​രു​ന്ന​ത്. ഗ​വ​ർ​ണ​റു​ടെ ന​ട​പ​ടി​യെ നി​യ​മ​വി​രു​ദ്ധ​മെ​ന്നാ​ണ് ജ​സ്റ്റി​സു​മാ​രാ​യ ജെ.​ബി. പ​ർ​ദി​വാ​ല​യും ആ​ർ. മ​ഹാ​ദേ​വ​നും അ​ട​ങ്ങു​ന്ന ബെ​ഞ്ച് വി​ശേ​ഷി​പ്പി​ച്ച​ത്. തു​ട​ർ​ന്ന് നി​യ​മ​സ​ഭ ര​ണ്ടാ​മ​തും പാ​സാ​ക്കി​യ ബി​ല്ലു​ക​ൾ പാ​സാ​ക്കാ​ൻ രാ​ഷ്ട്ര​പ​തി​ക്കും ഗ​വ​ർ​ണ​ർ​മാ​ർ​ക്കും മൂ​ന്നു​മാ​സ​ത്തെ സ​മ​യ​പ​രി​ധി സു​പ്രീം കോ​ട​തി നി​ശ്ച​യി​ക്കു​ക​യാ​യി​രു​ന്നു. ഭ​ര​ണ​ഘ​ട​നാ കാ​ര്യ​ങ്ങ​ളി​ൽ രാ​ഷ്ട്ര​പ​തി കോ​ട​തി​ക​ളു​മാ​യി കൂ​ടി​യാ​ലോ​ചി​ക്ക​ണ​മെ​ന്നും വി​ധി​ന്യാ​യം പ​റ​യു​ന്നു. ന​യ​പ​ര​മാ​യ വി​ഷ​യ​ങ്ങ​ളി​ൽ സു​പ്രീം​കോ​ട​തി​ക്ക് അ​ഭി​പ്രാ​യ പ്ര​ക​ട​ന​ത്തി​ൽ​നി​ന്ന് വി​ട്ടു​നി​ൽ​ക്കാ​മെ​ന്നും ബെ​ഞ്ച് വ്യ​ക്ത​മാ​ക്കി​യി​രു​ന്നു.

‘‘ചി​ല അ​സാ​ധാ​ര​ണ സാ​ഹ​ച​ര്യ​ങ്ങ​ളി​ൽ, ബി​ൽ ജ​നാ​ധി​പ​ത്യ ത​ത്ത്വ​ങ്ങ​ൾ​ക്ക് ഹാ​നി​ക​ര​മാ​ണെ​ന്ന് ക​ണ്ടാ​ൽ അ​ത്ത​രം നി​യ​മ​നി​ർ​മാ​ണ​ത്തി​ന് അ​നു​മ​തി ന​ൽ​ക​ണ​മോ വേ​ണ്ട​യോ എ​ന്ന് ഉ​റ​പ്പാ​ക്കാ​ൻ ഭ​ര​ണ​ഘ​ട​നാ വ്യാ​ഖ്യാ​നം ആ​വ​ശ്യ​മാ​ണെ​ന്ന​ത് ക​ണ​ക്കി​ലെ​ടു​ത്ത് ഗ​വ​ർ​ണ​ർ​ക്ക് ബി​ൽ രാ​ഷ്ട്ര​പ​തി​യു​ടെ പ​രി​ഗ​ണ​ന​ക്കാ​യി മാ​റ്റി​വെ​ക്കാം. ഭ​ര​ണ​ഘ​ട​നാ ത​ത്ത്വ​ങ്ങ​ളു​മാ​യി പൊ​രു​ത്ത​പ്പെ​ടാ​ത്ത​തി​നാ​ലും ഭ​ര​ണ​ഘ​ട​നാ സാ​ധു​ത​യെ​ക്കു​റി​ച്ചു​ള്ള ചോ​ദ്യ​ങ്ങ​ൾ ഉ​ള്ള​തി​നാ​ലും ഒ​രു ബി​ൽ മാ​റ്റി​വെ​ച്ചി​രി​ക്കു​ന്ന ഘ​ട്ട​ത്തി​ൽ, എ​ക്സി​ക്യൂ​ട്ടി​വ് നി​യ​ന്ത്ര​ണം പാ​ലി​ക്കേ​ണ്ട​തു​ണ്ട്’’ -ഉ​ത്ത​ര​വി​ൽ പ​റ​യു​ന്നു.

‘‘ബി​ല്ലി​ന്റെ സാ​ധു​ത നി​ശ്ച​യി​ക്കു​ന്ന​തി​ൽ കോ​ട​തി​ക​ളു​ടെ പ​ങ്ക് കേ​ന്ദ്ര എ​ക്സി​ക്യൂ​ട്ടി​വ് ഏ​റ്റെ​ടു​ക്ക​രു​ത്. ഒ​രു പ്രാ​യോ​ഗി​ക വി​ഷ​യ​മെ​ന്ന നി​ല​യി​ല്‍, അ​നു​ച്ഛേ​ദം 143 പ്ര​കാ​രം അ​ത്ത​രം ചോ​ദ്യ​ങ്ങ​ള്‍ സു​പ്രീം കോ​ട​തി​യി​ലേ​ക്ക് റ​ഫ​ര്‍ ചെ​യ്യ​ണം. ഒ​രു ബി​ല്ലി​ല്‍ നി​യ​മ​പ​ര​മാ​യ പ്ര​ശ്ന​ങ്ങ​ള്‍ മാ​ത്രം കൈ​കാ​ര്യം ചെ​യ്യു​മ്പോ​ള്‍ എ​ക്സി​ക്യൂ​ട്ടി​വി​ന്റെ കൈ​ക​ള്‍ ബ​ന്ധി​ത​മാ​ണെ​ന്നും ബി​ല്ലി​ന്റെ ഭ​ര​ണ​ഘ​ട​നാ സാ​ധു​ത​യെ​ക്കു​റി​ച്ച് പ​ഠി​ക്കാ​നും ശി​പാ​ര്‍ശ​ക​ള്‍ ന​ല്‍കാ​നു​മു​ള്ള അ​വ​കാ​ശം ഭ​ര​ണ​ഘ​ട​നാ കോ​ട​തി​ക​ള്‍ക്ക് മാ​ത്ര​മാ​ണെ​ന്നും പ്ര​സ്താ​വി​ക്കു​ന്ന​തി​ല്‍ ഞ​ങ്ങ​ള്‍ക്ക് ഒ​രു മ​ടി​യു​മി​ല്ല’’ എ​ന്നും ഉ​ത്ത​ര​വ് വ്യ​ക്ത​മാ​ക്കി.

പൊ​തു​താ​ൽ​പ​ര്യ​മു​ള്ള നി​ർ​ണാ​യ​ക വി​ഷ​യ​ങ്ങ​ളി​ൽ സു​പ്രീം​കോ​ട​തി​യു​ടെ അ​ഭി​പ്രാ​യം തേ​ടാ​ൻ രാ​ഷ്ട്ര​പ​തി​ക്ക് അ​ധി​കാ​രം ന​ൽ​കു​ന്ന അ​നു​ച്ഛേ​ദം 143 (1) പ്ര​കാ​രം 14 നി​യ​മ​പ്ര​ശ്ന​ങ്ങ​ളാ​ണ് രാ​ഷ്ട്ര​പ​തി ദ്രൗ​പ​ദി മു​ർ​മു ഉ​ന്ന​യി​ച്ചി​രി​ക്കു​ന്ന​ത്. ഭ​​​ര​​​ണ​​​ഘ​​​ട​​​ന​​​യു​​​ടെ 200-ാം അ​​​നു​​​ച്ഛേ​​​ദ പ്ര​​​കാ​​​രം ഒ​​​രു ബി​​​ൽ ഗ​​​വ​​​ർ​​​ണ​​​ർ​​​ക്ക് മു​​​ന്നി​​​ലെ​​​ത്തി​​​യാ​​​ൽ അ​​​ദ്ദേ​​​ഹ​​​ത്തി​​​ന് മു​​​ന്നി​​​ലു​​​ള്ള വ​​​ഴി​​​ക​​​ളെ​​​ന്തൊ​​​ക്കെ​​​യാ​​​ണ്? അ​​​തി​​​ൽ തീ​​​രു​​​മാ​​​ന​​​മെ​​​ടു​​​ക്കു​​​മ്പോ​​​ൾ ഗ​​​വ​​​ർ​​​ണ​​​ർ മ​​​ന്ത്രി​​​സ​​​ഭ​​​യു​​​ടെ ഉ​​​​പ​​​ദേ​​​ശ​​​ത്താ​​​ലും സ​​​ഹാ​​​യ​​​ത്താ​​​ലും പ്ര​​​വ​​​ർ​​​ത്തി​​​ക്കാ​​​ൻ ബാ​​​ധ്യ​​​സ്ഥ​​​നാ​​​ണോ? ഭ​​​ര​​​ണ​​​ഘ​​​ട​​​ന​​​യു​​​ടെ 200-ാം അ​​​നു​​​​ച്ഛേ​​​ദ​​​മ​​​നു​​​സ​​​രി​​​ച്ചു​​​ള്ള ഗ​​​വ​​​ർ​​​ണ​​​റു​​​ടെ ഭ​​​ര​​​ണ​​​ഘ​​​ട​​​നാ​​​പ​​​ര​​​മാ​​​യ വി​​​വേ​​​ച​​​നാ​​​ധി​​​കാ​​​രം ​കോ​​​ട​​​തി​​​യു​​​ടെ പ​​​രി​​​ശോ​​​ധ​​​ന​​​ക്ക് വി​​​ധേ​​​യ​​​മാ​​​ക്കാ​​​മോ? രാ​ഷ്ട്ര​പ​തി​ക്ക് ന​ട​പ​ടി​യെ​ടു​ക്കാ​ൻ ഭ​ര​ണ​ഘ​ട​ന സ​മ​യ​പ​രി​ധി നി​ശ്ച​യി​ച്ചി​ട്ടി​ല്ലെ​ന്നി​രി​ക്കെ കോ​ട​തി​ക്ക് അ​ത്ത​ര​മൊ​രു ഉ​ത്ത​ര​വി​റ​ക്കാ​നാ​കു​മോ? ഗ​വ​ർ​ണ​റു​ടെ​യോ രാ​ഷ്ട്ര​പ​തി​യു​ടെ​യോ ഭ​ര​ണ​ഘ​ട​നാ​ദ​ത്ത അ​ധി​കാ​ര​ങ്ങ​ൾ​ക്കും ഉ​ത്ത​ര​വു​ക​ൾ​ക്കും ഏ​തെ​ങ്കി​ലും ത​ര​ത്തി​ൽ പ​ക​ര​മാ​വാ​ൻ 142-ാം അ​നു​ച്ഛേ​ദ പ്ര​കാ​ര​മു​ള്ള സു​പ്രീം​കോ​ട​തി​യു​ടെ അ​ധി​കാ​ര​ത്തി​ന് ക​ഴി​യു​മോ? എ​ന്നി​ങ്ങ​നെ പോ​കു​ന്നു രാ​ഷ്ട്ര​പ​തി ഉ​ന്ന​യി​ച്ച ചോ​ദ്യ​ങ്ങ​ൾ.

ഭ​ര​ണ​ഘ​ട​ന അ​നു​സ​രി​ച്ച് ഭ​ര​ണ​വു​മാ​യി ബ​ന്ധ​പ്പെ​ട്ട സ​ർ​വ കാ​ര്യ​ങ്ങ​ളി​ലും ഗ​വ​ർ​ണ​ർ​മാ​ർ മ​ന്ത്രി​സ​ഭ​യു​ടെ ഉ​പ​ദേ​ശം സ്വീ​ക​രി​ക്കാ​ൻ ബാ​ധ്യ​സ്ഥ​രാ​ണെ​ന്ന് ഏ​തൊ​രു നി​യ​മ വി​ദ്യാ​ർ​ഥി​ക്കും അ​റി​യാം. എ​ന്നി​രു​ന്നാ​ലും അ​ടു​ത്ത​കാ​ല​ത്ത് ചി​ല ഗ​വ​ർ​ണ​ർ​മാ​ർ ബ്രി​ട്ടീ​ഷ് രാ​ജി​ന്റെ പ്ര​തി​നി​ധി​ക​ളെ​ന്ന മ​ട്ടി​ൽ പെ​രു​മാ​റു​ന്നു​ണ്ട് എ​ന്ന​ത് മ​റ്റൊ​രു കാ​ര്യം.

ഗ​വ​ർ​ണ​റു​ടെ ഭ​ര​ണ​ഘ​ട​നാ വി​വേ​ച​നാ​ധി​കാ​രം പ്ര​യോ​ഗി​ക്കു​ന്ന​ത് നീ​തി​യു​ക്ത​മാ​ണോ എ​ന്നും രാ​ഷ്ട്ര​പ​തി ചോ​ദി​ക്കു​ന്നു​ണ്ട്. ഗ​വ​ർ​ണ​ർ​മാ​രു​ടെ തീ​രു​മാ​ന​ങ്ങ​ൾ ഭ​ര​ണ​ഘ​ട​നാ വി​രു​ദ്ധ​മാ​ണെ​ന്ന് ക​ണ്ടെ​ത്തി​യ നി​ര​വ​ധി കേ​സു​ക​ൾ ഹൈ​കോ​ട​തി​ക​ളി​ലും സു​പ്രീം കോ​ട​തി​യി​ലു​മു​ണ്ട് എ​ന്ന​ത് കാ​ണാ​തി​രി​ക്കാ​നാ​വി​ല്ല. സം​സ്ഥാ​ന​ത്തെ ചി​ല സ​ർ​വ​ക​ലാ​ശാ​ല​ക​ളു​ടെ വൈ​സ് ചാ​ൻ​സ​ല​ർ​മാ​രെ പി​രി​ച്ചു​വി​ടാ​നു​ള്ള കേ​ര​ള ഗ​വ​ർ​ണ​റു​ടെ തീ​രു​മാ​നം കേ​ര​ള ഹൈ​കോ​ട​തി റ​ദ്ദാ​ക്കി​യ​ത് ര​ണ്ടു​വ​ർ​ഷം മു​മ്പാ​ണ്.

ഗ​വ​ർ​ണ​​റെ ഉ​പ​യോ​ഗി​ച്ച് സം​സ്ഥാ​ന സ​ർ​ക്കാ​റി​നെ ഞെ​രി​ക്കാ​നു​ള്ള യൂ​നി​യ​ൻ ഭ​ര​ണ​കൂ​ട​ത്തി​ന്റെ നീ​ക്ക​ത്തെ നി​യ​മ​പോ​രാ​ട്ട​ത്തി​ലൂ​ടെ ചെ​റു​ത്ത ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ന്റെ ന​ട​പ​ടി പ്ര​തി​പ​ക്ഷ സം​സ്ഥാ​ന​ങ്ങ​ൾ​ക്ക് വ​ലി​യ ഊ​ർ​ജ​മാ​ണ് പ​ക​ർ​ന്നു ന​ൽ​കി​യി​രു​ന്ന​ത്. അ​ത് തി​രി​ച്ച​റി​ഞ്ഞാ​ണ് കേ​ന്ദ്രം ഇ​ത്ത​ര​മൊ​രു അ​പ്ര​തീ​ക്ഷി​ത നീ​ക്കം ന​ട​ത്തി​യ​ത് എ​ന്നു​വേ​ണം അ​നു​മാ​നി​ക്കാ​ൻ. സു​പ്രീം​കോ​ട​തി ഇ​തി​ന​കം ത​ന്നെ വ്യ​ക്ത​ത വ​രു​ത്തി​യ ഭ​ര​ണ​ഘ​ട​നാ സ്ഥി​തി​യെ അ​ട്ടി​മ​റി​ക്കാ​നു​ള്ള കേ​ന്ദ്ര​സ​ർ​ക്കാ​ർ നീ​ക്ക​മാ​ണ് ഈ ​ക​ത്ത് എ​ന്ന് സ്റ്റാ​ലി​ൻ പ്ര​തി​ക​രി​ക്കു​ക​യും ചെ​യ്തി​ട്ടു​ണ്ട്. നി​യ​മ​ത്തി​ന്റെ മ​ഹ​ത്വ​ത്തി​നും ഭ​ര​ണ​ഘ​ട​ന​യു​ടെ അ​ന്തി​മ വ്യാ​ഖ്യാ​താ​വ് എ​ന്ന നി​ല​യി​ൽ സു​പ്രീം കോ​ട​തി​ക്കു​ള്ള അ​ധി​കാ​ര​ത്തെ​യും ഭ​ര​ണ​കൂ​ടം വെ​ല്ലു​വി​ളി​ക്കു​ന്നു. ജ​ന​വി​ധി​യെ ദു​ർ​ബ​ല​പ്പെ​ടു​ത്താ​ൻ ബി.​ജെ.​പി​യു​ടെ നി​ർ​ദേ​ശ​പ്ര​കാ​രം ത​മി​ഴ്‌​നാ​ട് ഗ​വ​ർ​ണ​ർ പ്ര​വ​ർ​ത്തി​ച്ചു എ​ന്ന വ​സ്തു​ത വെ​ളി​പ്പെ​ട്ടി​രി​ക്കു​ന്നു​വെ​ന്നും ജ​നാ​ധി​പ​ത്യ​പ​ര​മാ​യി തെ​ര​ഞ്ഞെ​ടു​ക്ക​പ്പെ​ട്ട സം​സ്ഥാ​ന സ​ർ​ക്കാ​റു​ക​ളെ കേ​ന്ദ്ര സ​ർ​ക്കാ​റി​ന്റെ ഏ​ജ​ന്റു​മാ​രാ​യി പ്ര​വ​ർ​ത്തി​ക്കു​ന്ന ഗ​വ​ർ​ണ​ർ​മാ​രു​ടെ നി​യ​ന്ത്ര​ണ​ത്തി​ലാ​ക്കി ദു​ർ​ബ​ല​പ്പെ​ടു​ത്താ​നു​ള്ള ശ്ര​മ​മാ​ണി​തെ​ന്നും അ​ദ്ദേ​ഹം തു​റ​ന്ന​ടി​ക്കു​ന്നു.

ഗ​വ​ർ​ണ​ർ​മാ​രെ ഇ​റ​ക്കി സം​സ്ഥാ​ന ഭ​ര​ണ​ങ്ങ​ളെ അ​ല​ങ്കോ​ല​പ്പെ​ടു​ത്താ​ൻ ശ്ര​മി​ച്ചു​പോ​രു​ന്ന കേ​ന്ദ്ര​സ​ർ​ക്കാ​ർ ഒ​രു​പ​ടി കൂ​ടി ക​ട​ന്നി​രി​ക്കു​ന്നു. രാ​ഷ്ട്ര​പ​തി അ​യ​ച്ച ചോ​ദ്യ​ങ്ങ​ൾ കോ​ട​തി​യെ​യാ​ണ് സം​ബോ​ധ​ന ചെ​യ്യു​ന്ന​തെ​ങ്കി​ലും അ​ത് ചെ​ന്നു ത​ട്ടു​ന്ന​ത് ഭ​ര​ണ​ഘ​ട​ന​യി​ലാ​ണ്. ഭ​ര​ണ​ഘ​ട​നാ മൂ​ല്യ​ങ്ങ​ളി​ലൂ​ന്നി പ​ര​മോ​ന്ന​ത നീ​തി​പീ​ഠം ന​ട​ത്തി​യ ഇ​ട​പെ​ട​ലു​ക​ളാ​ണ് ചോ​ദ്യം ചെ​യ്യ​പ്പെ​ടു​ന്ന​ത്. ഇ​തി​ന്റെ ശ​രി​തെ​റ്റു​ക​ൾ കാ​ലം വി​ല​യി​രു​ത്തു​ക ത​ന്നെ ചെ​യ്യും. ഓ​പ​റേ​ഷ​ൻ സി​ന്ദൂ​റി​ന് ശേ​ഷം രാ​ജ്യ​ത്ത് രൂ​പ​പ്പെ​ട്ട​താ​യി ഭ​ര​ണ​പ​ക്ഷം ക​രു​തു​ന്ന ചോ​ദ്യം ചെ​യ്യ​പ്പെ​ടാ​ത്ത സാ​ഹ​ച​ര്യം മു​ത​ലാ​ക്കി​യാ​ണ് സു​പ്രിം​കോ​ട​തി​ക്ക് നേ​രെ ഈ ​ചോ​ദ്യ​ശ​ര​ങ്ങ​ളെ​യ്യു​ന്ന​ത് എ​ന്ന് ശ്ര​ദ്ധി​ക്കു​ക. അ​പ്ര​തീ​ക്ഷി​ത ക​രു​നീ​ക്കം പ്ര​തി​പ​ക്ഷ സം​സ്ഥാ​ന​ങ്ങ​ളു​ടെ ഐ​ക്യ​ത്തെ​യും ​സ​മ​ര​വീ​ര്യ​ത്തെ​യും ശ​ക്തി​പ്പെ​ടു​ത്തു​മോ അ​തോ അ​ട്ടി​മ​റി​ക്കു​മോ എ​ന്നാ​ണ് രാ​ജ്യം ഇ​പ്പോ​ൾ ഉ​റ്റു​നോ​ക്കു​ന്ന​ത്.