പ്ര​കാ​ശം പ​ര​ത്തി​യ വ​ർ​ഷ​ങ്ങ​ൾ

വിശ്വാസ്യതയും ആർജവവും കൈമുതലാക്കി മുന്നേറിയ മാധ്യമം ക​ുറഞ്ഞ കാലത്തെ പ്രവർത്തനങ്ങൾ വഴി വാർത്താമാധ്യമങ്ങളിൽ ഒരു വഴിത്തിരിവ്​ തന്നെ എന്ന്​ അക്ഷരാർഥത്തിൽ തെളിയിച്ചു കഴിഞ്ഞു

'വെ​ള്ളി​മാ​ട്​ കു​ന്നി​ൽ വെ​ള്ളി​ന​ക്ഷ​ത്ര​മു​ദി​ച്ചു'-1987 ജൂ​ൺ ഒ​ന്നി​ന്​ ഒ​ത്തു​കൂ​ടി​യ നൂ​റു​ക​ണ​ക്കി​ന്​ ശു​ഭ​കാം​ക്ഷി​ക​ളെ സാ​ക്ഷി​യാ​ക്കി മാ​ധ്യ​മം ദി​ന​പ​ത്ര​ത്തി​​ന്‍റെ വ​ര​വ​റി​യി​ച്ച്​ വൈ​ക്കം മു​ഹ​മ്മ​ദ്​ ബ​ഷീ​ർ ന​ട​ത്തി​യ പ്ര​ഖ്യാ​പ​ന​മാ​ണി​ത്. വി​ശ്വ​സാ​ഹി​ത്യ​കാ​ര​​ന്‍റെ പ്ര​വ​ച​നം ഫ​ലി​ക്കു​ക ത​ന്നെ ചെ​യ്​​തു. മു​ൻ​നി​ര-​മു​ഖ്യ​ധാ​രാ പ​ത്ര​ങ്ങ​ൾ മേ​ധാ​വി​ത്വം പു​ല​ർ​ത്തി​യി​രു​ന്ന കേ​ര​ള​ത്തി​​ന്‍റെ മാ​ധ്യ​മ മ​ണ്ഡ​ല​ത്തി​ൽ ​നേ​രി​​ന്‍റെ ക​രു​ത്തു​മാ​യി വെ​ളി​ച്ചം പ​ര​ത്തി ഈ ​പ​ത്രം ക​ട​ന്നുക​യ​റി.

കു​റ​ഞ്ഞ കാ​ലം കൊ​ണ്ട്​ മ​ല​യാ​ള​ത്തി​ലെ ഏ​റ്റ​വു​മ​ധി​കം നി​റ​പ്പ​കി​ട്ടാ​ർ​ന്ന പ​ത്ര​മാ​കാ​നൊ​ന്നും ക​ഴി​ഞ്ഞി​ട്ടി​ല്ല, പ​ക്ഷേ വി​ശ്വാ​സ്യ​ത​യേ​റി​യ പ​ത്ര​ങ്ങ​ളു​ടെ ഗ​ണ​ത്തി​ൽ ഒ​ന്നാം പ​ട്ടി​ക​യി​ലാ​ണ്​ ന​മ്മു​ടെ മാ​ധ്യ​മം. ശ​ബ്​​ദ​മി​ല്ലാ​ത്ത സ​മൂ​ഹ​ങ്ങ​ളു​ടെ നീ​തി​ക്കു​വേ​ണ്ടി വാ​ദി​ക്കാ​ൻ എ​ന്നും മാ​ധ്യ​മം മു​ന്നി​ൽ നി​ന്നു. അ​നീ​തി ചെ​യ്യു​ന്ന അ​ധി​കാ​രി​ക​ൾ​ക്ക്​ മു​ന്നി​ൽ സ​ത്യം തു​റ​ന്നുപ​റ​യാ​ൻ ത​രി​മ്പും ഭ​യ​പ്പെ​ട്ടി​ല്ല.

സാ​മൂ​ഹി​ക ശോ​ഷ​ണ​ങ്ങ​ൾ​ക്കും വെ​ല്ലു​വി​ളി​ക​ൾ​ക്കു​മെ​തി​രെ, സാ​മ്പ​ത്തി​ക ചൂ​ഷ​ണ​ങ്ങ​ൾ​ക്കെ​തി​രെ ജ​ന​ത​ക്ക്​ മു​ന്ന​റി​യി​പ്പ്​ ന​ൽ​കാ​ൻ മാ​ധ്യ​മം മു​ന്നി​ലു​ണ്ടാ​യി. അ​തി​ശ​ക്​​ത​രാ​യി​രു​ന്നു എ​തി​രാ​ളി​ക​ൾ, ഭീ​ഷ​ണി മു​ഴ​ക്കി​യും ഭ​യ​പ്പെ​ടു​ത്തി​യു​മെ​ല്ലാം ഇ​ല്ലാ​താ​ക്കാ​മെ​ന്ന്​ വ്യാ​മോ​ഹി​ക്കു​ക​യും ചെ​യ്​​തു. നേ​രി​​ന്‍റെ മാ​ർ​ഗ​ത്തി​ൽ സ​ത്യം വി​ളി​ച്ചോ​തു​ന്ന​തി​ൽ നി​ന്ന്​ ക​ടു​കി​ട പി​ന്നോ​ട്ട്​ പോ​യി​ല്ല. ​പ്രി​യ​പ്പെ​ട്ട വാ​യ​ന​ക്കാ​രും അ​ഭ്യു​ദ​യ​കാം​ക്ഷി​ക​ളും മാ​ധ്യ​മ​ത്തി​നൊ​പ്പം ഉ​റ​ച്ചു​നി​ന്നു. പ​രി​സ്ഥി​തി, മാ​ലി​ന്യ​പ്ര​ശ്നം, അ​ഴി​മ​തി, സാ​മ്പ​ത്തി​ക ത​ട്ടി​പ്പു​ക​ൾ, വിശ്വാ​സചൂ​ഷ​ണ​ങ്ങ​ൾ, അ​ന്ധ​വി​ശ്വാ​സ​ങ്ങ​ൾ, മ​നു​ഷ്യാ​വ​കാ​ശ ലം​ഘ​ന​ങ്ങ​ൾ, രോ​ഗാ​തു​രമാ​യ ആ​രോ​ഗ്യ​രം​ഗം എ​ല്ലാം 'മാ​ധ്യ​മം' ഗൗ​രവ​മാ​യി​ത​ന്നെ സ​മീ​പി​ച്ച വി​ഷ​യ​ങ്ങ​ളാ​ണ്.

ഭ​ര​ണ​കൂ​ടം ചെ​യ്​​ത ന​ന്മക​ളെ മു​ന്ന​ണി​ഭേ​ദ​മ​ന്യേ ഞ​ങ്ങ​ൾ അം​ഗീ​ക​രി​ച്ചു, അ​വ സാ​ധ്യ​മാ​ക്കാ​ൻ ആ​വും​വി​ധ​മെ​ല്ലാം ഒ​പ്പം നി​ന്നു. ജ​ന​വി​രു​ദ്ധ ന​യ​ങ്ങ​ളെ​ടു​ക്കു​ന്ന​വ​ർ​ക്കു മു​ന്നി​ൽ അ​തി​ശ​ക്​​ത പ്ര​തി​പ​ക്ഷ​മാ​യും മാ​റി. ചാ​ലി​യാ​റി​നേ​യും തീ​ര​വാ​സി​ക​ളെ​യും മ​ര​ണ​ത്തി​ലേ​ക്ക്​ ത​ള്ളി​വി​ട്ട മാ​വൂ​ർ ഗ്വാ​ളി​യോ​ർ റ​യോ​ൺ​സി​​ന്‍റെ പ​രി​സ്​​ഥി​തി ചൂ​ഷ​ണ​ത്തി​നെ​തി​രെ പ്ര​സി​ദ്ധീ​ക​രി​ച്ച റി​പ്പോ​ർ​ട്ടു​ക​ൾ​ക്കാ​യി​രു​ന്നു മാ​ധ്യ​മ​ത്തി​ന്​ ല​ഭി​ച്ച ആ​ദ്യ പു​ര​സ്കാ​രം. നാ​ളി​തു​വ​രെ ഉ​ൽ​കൃ​ഷ്​​ട മാ​ധ്യ​മപ്ര​വ​ർ​ത്ത​ന​ത്തി​നു​ള്ള അ​ന്ത​ർ​ദേ​ശീ​യ-​ദേ​ശീ​യ പു​ര​സ്​​കാ​ര​ങ്ങ​ളു​ൾ​പ്പെ​ടെ നാ​നൂ​റി​ലേ​റെ അ​വാ​ർ​ഡു​ക​ൾ മാ​ധ്യ​മ​ത്തെ തേ​ടി​യെ​ത്തി.

ആ​ട്, തേ ​ക്ക്, മാ​ഞ്ചി​യം തു​ട​ങ്ങി​യ ത​ട്ടി​പ്പു നി​ക്ഷേ​പ ക​മ്പ​നി​ക​ൾ​ക്കെ​തി​രെ 'മാ​ധ്യ​മം' പ്ര​സി​ദ്ധീ​ക രി​ച്ച അ​ന്വേ​ഷ​ണ പ​ര​മ്പ​ര ച​തി​ക്കു​ഴി​ൽ​നി ന്ന് ​ര​ക്ഷി​ച്ച​ത് പ​തി​നാ​യി​ര​ക്ക​ണ​ക്കി​നാ​ളു​ക​ളെ​യാ​ണ്.

മ​ത​വി​ശ്വാ​സ​ത്തിെ​ൻ​റ പേ​രി​ൽ ന​ട​ത്തു​ന്ന ചൂ​ഷ​ണ​ങ്ങ​ൾ, ആ​ൾദൈ​വ​ങ്ങ​ൾ, അ​ന്ധ​വി​ശ്വാ​സ കേ​ന്ദ്ര​ങ്ങ​ൾ എ​ന്നി​വ​ക്കെ​തി​രെ ശ​ക്ത​മാ​യ നി​ല​പാ​ടാ​ണ് എ​ന്നും സ്വീ​ക​രി​ച്ച​ത്. കാ​സ​ർ​കോ​ട് മേ​ഖ​ല​യി​ൽ പ്ലാേ​ൻ​റ​ഷ​ൻ കോ​ർ​പ​റേ​ഷ​ൻ തോ​ട്ട​ങ്ങ​ളി​ൽ ത​ളി​ച്ച കൊടും​വി​ഷം എ​ൻ​ഡോ​സ​ൾ​ഫാ​ൻ താ​മ​സ​ക്കാ​രി​ൽ വ​രു​ത്തി​വെ​ച്ച മാ​ര​ക ആ​രോ​ഗ്യ​പ്ര​ശ്ന​ങ്ങ​ൾ പു​റ​ത്തു​കൊ​ണ്ടു​വ​രു​ന്ന​തി​ലും ഇ​ര​ക​ൾ​ക്ക് മ​തി​യാ​യ ന​ഷ്ട​പ​രി​ഹാ​രം നേ​ടിക്കൊ​ടു​ക്കു​ന്ന​തി​ലും വ​ലി​യ പ​ങ്കു​വ​ഹി​ച്ചു. ചി​കി​ത്സാ​രം​ഗ​ത്തെ വ്യാ​ജ​ന്മാ​ർ, വ​ന്ധ്യ​ത ചി​കി​ത്സ​യി​ലെ ച​തി​ക്കു​ഴി​ക​ൾ, മ​രു​ന്നു ക​മ്പനി-​ഡോ​ക്ട​ർ അ​വി​ഹി​ത​കൂ​ട്ടു​കെ​ട്ട്, വാ​ട​ക ഗ​ർ​ഭ​പാ​ത്രം തു​ട​ങ്ങി മ​റ്റാ​രും എ​ത്തി​പ്പെ ടാ​ത്ത മേ​ഖ​ല​ക​ളി​ൽ​വ​രെ 'മാ​ധ്യ​മം' ക​ട​ന്നു ചെ​ന്നു. മ​ല​യാ​ള​ത്തി​ലെ ഏ​റ്റ​വും ച​ർ​ച്ച ചെ​യ്യ​പ്പെ​ടു​ന്ന സാം​സ്​​കാ​രി​ക പ്ര​സി​ദ്ധീ​ക​ര​ണ​മാ​ണ്​ മാ​ധ്യ​മം ആ​ഴ്​​ച​പ്പ​തി​പ്പ്. കെ.​ആ​ർ. മീ​ര​യു​ടെ 'ആ​രാ​ച്ചാ​ർ' ഉ​ൾ​പ്പെ​ടെ സാ​ഹി​ത്യ ഭൂ​പ​ട​ത്തി​ൽ മ​ല​യാ​ള​കൊ​ടി​യ​ട​യാ​ള​മാ​യി മാ​റി​യ നി​ര​വ​ധി സാ​ഹി​ത്യ​കൃ​തി​ക​ൾ പ്ര​സി​ദ്ധീ​ക​രി​ക്ക​പ്പെ​ട്ട​ത്​ മാ​ധ്യ​മം ആ​ഴ്​​ച​പ്പ​തി​പ്പി​ലാ​ണ്. ഡി​ജി​റ്റ​ൽ മാ​ധ്യ​മ ലോ​ക​ത്ത്​ അ​തി​ശ​ക്​​ത​മാ​യ സാ​ന്നി​ധ്യ​മാ​ണ്​ www.madhyamam.com ചു​രു​ങ്ങി​യ കാ​ലം കൊ​ണ്ട്​ മ​ല​യാ​ള​ത്തി​ലെ ഏ​റ്റ​വും ശ്ര​ദ്ധേ​യ​മാ​യ കു​ടും​ബ പ്ര​സി​ദ്ധീ​ക​ര​ണ​മാ​യി മാ​റി​ക്ക​ഴി​ഞ്ഞു ക​ു​ടും​ബം മാ​ഗ​സി​ൻ.

വി​ദ്യ, ഗൃ​ഹം, രു​ചി, ആ​രോ​ഗ്യം പ്ര​ത്യേ​ക പ​തി​പ്പു​ക​ളെ​ല്ലാം ഏ​റ്റ​വും മി​ക​വു​റ്റ പ്ര​സി​ദ്ധീ​ക​ര​ണ​ങ്ങ​ളാ​യി. ന​വ​കേ​ര​ളം കെ​ട്ടി​പ്പ​ടു​ക്കാ​ൻ പ്ര​വാ​സ​പ്പെ​ട്ട മ​നു​ഷ്യ​രു​ടെ അ​വ​കാ​ശ​ങ്ങ​ൾ​ക്കാ​യി നാം ​ശ​ക്​​ത​മാ​യി വാ​ദി​ച്ചു. മ​ല​യാ​ള​ക്ക​ര​യി​ൽ മാ​ത്ര​മ​ല്ല, മ​ല​യാ​ളി​യു​ടെ ര​ണ്ടാം​വീ​ടാ​യി മാ​റി​യ മ​രൂ​ഭൂ രാ​ജ്യ​ങ്ങ​ളി​ലും ന​മ്മു​ടെ സാ​ന്നി​ധ്യ​മെ​ത്തി. ആ​ദ്യ അ​ന്ത​ർ​ദേ​ശീ​യ ഇ​ന്ത്യ​ൻ ദി​ന​പ​ത്ര​മാ​യ ഗ​ൾ​ഫ്​ മാ​ധ്യ​മം നാ​ടി​​ന്‍റെ മി​ടി​പ്പും പ്ര​വാ​സ​ത്തി​​ന്‍റെ തു​ടി​പ്പു​മാ​യി മാ​റി, ഇ​ന്ത്യ​ൻ പ്ര​വാ​സി​യു​ടെ മു​ഖ​പ​ത്ര​മാ​യി. ജി.​സി.​സി​യി​ൽ പ്ര​ചാ​ര​ത്തി​ൽ ഒ​ന്നാം​നി​ര​യി​ലു​ള്ള 'ഗ​ൾ​ഫ് മാ​ധ്യ​മം' നി​ല​വി​ൽ സൗ​ദി അ​റേ​ബ്യ (റി​യാ​ദ്, ജി​ദ്ദ, ദ​മാം), യു.​എ.​ഇ, ബ​ഹ്റൈ​ൻ, ഖ​ത്ത​ർ, കു​വൈ​ത്ത്, ഒ​മാ​ൻ എ​ന്നീ രാ​ജ്യ​ങ്ങ​ളി​ൽ​നി​ന്ന്​ ​പുറ​ത്തി​റ​ങ്ങു​ന്ന ഏ​ക ഇ​ന്ത്യ​ൻ പ​ത്ര​മാ​ണ്.

മാ​ധ്യ​മം കു​ടും​ബ​ത്തി​ൽ​നി​ന്ന് പി​റ​വി​യെ​ടു​ത്ത മീ​ഡി​യവ​ൺ സെ​ൻ​സേ​ഷ​ന​ലി​സം നി​റ​ഞ്ഞ വാ​ർ​ത്താചാ​ന​ൽ ദൃ​ശ്യ​മാ​ധ്യ​മ രം​ഗ​ത്ത്​ തി​രു​ത്തി​​ന്‍റെ ക​രു​ത്താ​യി. അ​ക്ഷ​ര​ങ്ങ​ളി​ലൊ​തു​ങ്ങി​യി​ല്ല മാ​ധ്യ​മ​ത്തി​​ന്‍റെ സേ​വ​ന​വൃ​ത്തം. മ​ഹാ​രാ​ഷ്​​ട്ര​യി​ലെ ലാ​ത്തൂ​രി​ലും ഗു​ജ​റാ​ത്തി​ലെ ഭു​ജി​ലും ഭൂ​ക​മ്പ​വേ​ള​യി​ൽ ആ​ശ്വാ​സ-​സ​ന്ന​ദ്ധ​സേ​വ​ന പ്ര​വ​ർ​ത്ത​ന​ങ്ങ​ളൊ​രു​ക്കി. മാ​ര​ക രോ​ഗ​ങ്ങ​ളി​ൽ വ​ല​യു​ന്ന​വ​ർ​ക്ക്​ ആ​ശ്വാ​സ​മേ​കി വ​രു​ന്ന മാ​ധ്യ​മം ഹെ​ൽ​ത്​​കെ​യ​ർ അ​സു​ഖ​ക്കി​ട​ക്കി​ലാ​യി​രു​ന്ന ആ​യി​ര​ക്ക​ണ​ക്കി​നാ​ളു​ക​ൾ​ക്ക്​ സ​മാ​ധാ​നം പ​ക​ർ​ന്നു .

കാ​യി​കം, സി​നി​മ, സാ​ഹി​ത്യം, സാ​മൂ​ഹി​ക സേ​വ​നം തു​ട​ങ്ങി വി​വി​ധ രം​ഗ​ങ്ങ​ളി​ലെ പ്ര​തി​ഭ​ക​ൾ​ക്കാ​യി മ​ല​യാ​ള​ത്തി​ലെ 51 അ​ക്ഷ​ര​ങ്ങ​ളെ പ്ര​തി​നി​ധാ​നം ചെ​യ്യു​ന്ന 'അ​ക്ഷ​ര​വീ​ടു'​ക​ൾ പൂ​ർ​ത്തി​യാ​യി വ​രു​ന്നു. കെ.​സി. അ​ബ്ദു​ല്ല മൗ​ല​വി, വൈ​ക്കം മു​ഹ​മ്മ​ദ് ബ​ഷീ​ർ, പി.​കെ.​ബാ​ല​കൃ​ഷ്ണ​ൻ, കെ.​എ.​കൊ​ടു​ങ്ങ​ല്ലൂ​ർ, പ്ര​ഫ.​ സി​ദ്ദീ​ഖ്​ ഹ​സ്സ​ൻ... മാ​ധ്യ​മ​ത്തി​ന്​ വി​ത്തി​ട്ട്​ വെ​ള്ള​മൊ​ഴി​ച്ച്​ പ​രി​പോ​ഷി​പ്പി​ച്ച മ​ഹാ​മ​നു​ഷ്യ​രി​ൽ പ​ല​രും യാ​ത്ര​യാ​യി​രി​ക്കു​ന്നു. പ​ക്ഷേ, അ​വ​ർ ക​ണ്ട സ്വ​പ്​​നം സാ​ക്ഷാ​ത്​​ക​രി​ച്ച്​ ത​ല​യു​യ​ർ​ത്തി നി​ൽ​ക്കു​ന്നു നി​ങ്ങ​ളു​ടെ പ്രി​യ​പ​ത്രം, ന​മ്മു​ടെ മാ​ധ്യ​മം.