പശ്ചിമ ബംഗാൾ സ്വദേശി ജുബൈലിൽ നിര്യാതനായി

ജുബൈൽ: പശ്ചിമ ബംഗാൾ സ്വദേശി മുഹമ്മദ് ഷംഷീർ അൻസാരി (48) ജുബൈലിൽ നിര്യാതനായി. കടുത്ത നെഞ്ചുവേദനയെത്തുടർന്ന് ജുബൈലിലെ അൽ മന ജനറൽ ആശുപത്രിയിൽ പ്രവേശിപ്പിച്ചെങ്കിലും ചികിത്സയിലിരിക്കെ മരിക്കുകയായിരുന്നു. ജുബൈലിലെ ഒരു സ്വകാര്യ കമ്പനിയിൽ ജീവനക്കാരനാണ്.

പിതാവ്:മുഹമ്മദ് ഷഫീഖ് അൻസാരി. മാതാവ്: മൈമൂൻ നിഷ. ഭാര്യ: ഇസ്രത്ത് പർവീണാ. മക്കൾ: മുഹമ്മദ് റിഹാൻ, രിഫാത് ഫിർദൗസ്, ആലിയ ഫിർദൗസ്. നിലവിൽ അൽ മന ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം, നിയമനടപടികൾ പൂർത്തിയാക്കിയ ശേഷം സൗദി അറേബ്യയിൽ തന്നെ ഖബറടക്കുമെന്ന് പ്രവാസി വെൽഫെയർ ജുബൈൽ ജനസേവന വിഭാഗം കൺവീനർ സലീം ആലപ്പുഴ അറിയിച്ചു.