ബ്രി​ട്ടീ​ഷു​കാ​ല​ത്തെ അ​ഞ്ച​ൽ ഓ​ട്ട​ക്കാ​ര​ൻ അ​ണ്ണ​ൻ വി​ട പ​റ​ഞ്ഞു

വെ​ള്ള​മു​ണ്ട: പഴയ കാലത്ത്​ ത​പാ​ൽ ഉ​രു​പ്പ​ടി​ക​ൾ ത​ല​ച്ചു​മ​ടാ​യി ഗ്രാ​മ​ങ്ങ​ളി​ലെ ത​പാ​ൽ ഓ​ഫി​സു​ക​ളി​ലേ​ക്ക് എ​ത്തി​ച്ച അ​ഞ്ച​ലോ​ട്ട​ക്കാ​ര​നാ​യി​രു​ന്ന (ത​പാ​ൽ വാ​ഹ​ക​ൻ) അ​ണ്ണ​ൻ പി​ട്ട​ൻ (86) നി​ര്യാ​ത​നാ​യി. അ​ഞ്ച​ലോ​ട്ട​ക്കാ​രി​ൽ വ​യ​നാ​ട് ജി​ല്ല​യി​ലെ അ​വ​സാ​ന​ത്തെ ക​ണ്ണി​യാ​യി​രു​ന്നു പ​തി​യേ​ട​ത്ത് കോ​മ്പി​ൽ അ​ണ്ണ​ൻ പി​ട്ട​ൻ.

യു​വാ​വാ​യി​രു​ന്ന കാ​ല​ത്ത് മ​ണി​കി​ലു​ക്കി തൊ​ണ്ട​ർ​നാ​ട് പ​ഞ്ചാ​യ​ത്തി​ലെ കു​ഞ്ഞോ​ത്ത് കാ​ട്ടി​യേ​രി മു​ത​ൽ വെ​ള്ള​മു​ണ്ട പ​ഞ്ചാ​യ​ത്തി​ലെ വെ​ള്ള​മു​ണ്ട സ​ബ് പോ​സ്​​റ്റ്​ ഓ​ഫി​സ് വ​രെ നാ​ൽ​പ​തി​ല​ധി​കം കി​ലോ​മീ​റ്റ​ർ ഓ​ടി​യും ന​ട​ന്നു​മാ​യി ത​പാ​ൽ ഉ​രു​പ്പ​ടി​ക​ൾ എ​ത്തി​ക്കു​ന്ന ജോ​ലി ചെ​യ്തി​രു​ന്നു.

മ​ക്കി​യാ​ട്, തൊ​ണ്ട​ർ​നാ​ട്, കു​ഞ്ഞോം ത​പാ​ൽ ഓ​ഫി​സു​ക​ളി​ലേ​ക്കു​ള്ള ബാ​ഗു​ക​ൾ പ്ര​ത്യേ​കം കെ​ട്ടി ഒ​ന്നി​ച്ച് എ​ടു​ത്ത് എ​ത്തി​ക്കു​ന്ന ജോ​ലി​യാ​ണ് അ​ണ്ണ​ൻ പി​ട്ട​ൻ ചെ​യ്തി​രു​ന്ന​ത്. ആ ​കാ​ല​ഘ​ട്ട​ങ്ങ​ളി​ൽ ഫോ​ൺ സൗ​ക​ര്യ​മി​ല്ലാ​ത്ത​തി​നാ​ൽ ക​മ്പി എ​ന്ന​റി​യ​പ്പെ​ട്ടി​രു​ന്ന ടെ​ലി​ഗ്രാം സ​ന്ദേ​ശ​ങ്ങ​ൾ എ​ത്തി​ച്ച് കൊ​ടു​ക്കേ​ണ്ട ജോ​ലി​യും ഇ​ദ്ദേ​ഹ​ത്തി​നാ​യി​രു​ന്നു. അ​തി​രാ​വി​ല​ത്തെ കൊ​ടും ത​ണു​പ്പും ക​ന​ത്ത മ​ഴ​യും കാ​റ്റും സ​ഹി​ച്ചു​മാ​യി​രു​ന്നു ഓ​ട്ടം.

ഓ​ല​ക്കു​ട​യും തൊ​പ്പി​ക്കു​ട​യും അ​ണി​ഞ്ഞ്​ അ​ഞ്ച​ലോ​ട്ടം ന​ട​ത്തി​യ അ​ണ്ണ​ൻ വ​ട​ക്കേ വ​യ​നാ​ട്ടു​കാ​ർ​ക്ക് സു​പ​രി​ചി​ത​നാ​യി​രു​ന്നു. തു​ച്ഛ​മാ​യ വേ​ത​ന​മാ​യി​രു​ന്നു കു​ടും​ബ​ത്തി​െൻറ വ​രു​മാ​നം. പെ​ൻ​ഷ​ൻ ല​ഭി​ച്ചി​രു​ന്നി​ല്ല. ദു​രി​ത​പൂ​ർ​ണ​മാ​യ ജീ​വി​ത​മാ​യി​രു​ന്നു. ഭാ​ര്യ: തേ​യി. മ​ക്ക​ൾ: കേ​ളു, വെ​ള്ള​ൻ, രാ​മ​ൻ, ലീ​ല, അ​മ്മു.