ഒഴുക്കിൽപ്പെട്ട മൂന്നര വയസുകാര​ൻ മരിച്ച നിലയിൽ

കൊട്ടാരക്കര:ഒഴുക്കിൽപ്പെട്ട മൂന്നര വയസുകാര​െൻറ മൃതദേഹം കണ്ടെത്തി. നാടോടി സംഘത്തിൽപ്പെട്ട കുട്ടിയാണ്​ അപകടത്തിൽ മരിച്ചത്​. ഉമ്മന്നൂർ നെല്ലിക്കുന്നം എന്ന സ്ഥലത്തു ക്യാമ്പ് ചെയ്തിരുന്ന മൈസൂർ സ്വദേശികളായ നാടോടി സംഘത്തിൽ പെട്ട വിജയ് -മഞ്ജു ദമ്പതികളുടെ മകനായ രാഹുലി​െൻറ മൃത​ദേഹമാണ്​ കണ്ടെത്തിയത്​.

കഴിഞ്ഞ ദിവസം രാത്രിയിൽ കനത്ത മഴയെ തുടർന്ന് നിറഞ്ഞു കവിഞ്ഞൊഴുകിയ തോടിന് സമീപം വച്ച് കാണാതാവുകയായിരുന്നു.

പൊലീസ്,ഫയർ ഫോഴ്​സ്​, നാട്ടുകാർ എന്നിവരുടെ സഹായത്തോടെ നടത്തിയ തെരച്ചിലിലാണ കുട്ടിയുടെ മൃതദേഹം ഇന്ന് രാവിലെ ഓടനാവട്ടത്തിന്​ സമീപത്തെ തോട്ടിൽ കണ്ടെത്തിയത്​.