പാലക്കാട്​ സ്വദേശി​ അൽഐനിൽ ഹൃദയാഘാതം മൂലം മരിച്ചു

അൽഐൻ: ​പാലക്കാട്​ സ്വദേശി​ അൽഐനിൽ ഹൃദയാഘാതം മൂലം മരിച്ചു. കൊപ്പം തിരുവേഗപ്പുറ പുത്തൻകുഴിയിൽ മുഹ്സിൻ (34) ആണ്​ മരിച്ചത്​. അൽഐൻ ത്വിവിയ്യയിലെ ഇമാറാത്തിയുടെ വീട്ടിൽ ഡ്രൈവറായി ജോലിചെയ്യുകയായിരുന്നു. ഹൃദയാഘാതത്തെ തുടർന്ന്​ കുഴഞ്ഞുവീണ മുഹ്​സിനെ ഉടൻ അൽഐനിലെ ജീമി ആശുപത്രിയിൽ എത്തിച്ചെങ്കിലും ബുധനാഴ്ച പുലർച്ചെ മരിച്ചു.

അബൂദബിയിൽ പ്രവാസിയായ അസൈനാറിന്‍റെയും സാഹിറാബാനുവിന്‍റെയും മകനാണ്. ഭാര്യ: തബ്ഷീറ. നടപടികൾ പൂർത്തിയാക്കി നാട്ടിലേക്ക്​ കൊണ്ടുപോകുന്ന മയ്യിത്ത്​ വെള്ളിയാഴ്ച നാട്ടിൽ ഖബറടക്കുമെന്ന്​ കെ.എം.സി.സി ഭാരവാഹികൾ അറിയിച്ചു.