തമിഴ്​നാട്​ സ്വദേശി നഴ്സ് ജുബൈലിൽ നിര്യാതയായി; മൃതദേഹം നാട്ടിലെത്തിച്ചു

ജുബൈൽ: തമിഴ്‌നാട് വെല്ലൂർ സ്വദേശിനി മോണിക്ക പ്രിയദർശിനി സോളമൻ രാജ് (53) ജുബൈലിൽ നിര്യാതയായി. അസുഖബാധിതയായി ദമ്മാം കിങ്​ ഫഹദ് സ്പെഷ്യലിസ്​റ്റ്​ ആശുപത്രിയിൽ ചികിത്സയിലിരിക്കവെയാണ് മരണം. ജുബൈൽ റോയൽ കമീഷൻ ആശുപത്രിയിൽ ദീർഘകാലം നഴ്സായി ജോലിചെയ്തിരുന്നു.

സോളമൻ രാജി​െൻറയും സുഗുണഭായിയുടെയും മകളാണ്. ജുബൈലിലെ കിംസ് ആശുപത്രിയിൽ ലാബ് ടെക്നീഷ്യനായ നാരായണമൂർത്തിയാണ് ഭർത്താവ്. ജുബൈൽ ഇന്ത്യൻ സ്കൂളിലെ എട്ടാം ക്ലാസ് വിദ്യാർത്ഥിയായ മെൽവിൻ ഏക മകനാണ്. മരണാനന്തരമുള്ള നിയമനടപടികൾ ദമ്മാമിലെ പ്രമുഖ സാമൂഹിക പ്രവർത്തകൻ നാസ് വക്കത്തി​െൻറ നേതൃത്വത്തിൽ പൂർത്തിയാക്കി. തുടർന്ന് മൃതദേഹം വിമാനമാർഗം നാട്ടിലേക്ക് കൊണ്ടുപോയി. സംസ്കാര ചടങ്ങുകൾ പിന്നീട് വെല്ലൂരിൽ നടക്കും.