മലപ്പുറം സ്വദേശി ജിദ്ദയിൽ ഹൃദയാഘാതം മൂലം നിര്യാതനായി

ജിദ്ദ: മലപ്പുറം മമ്പാട് ഓടായ്ക്കൽ കരിക്കാട്ടുമണ്ണയിലെ പട്ടാമ്പി മുഹമ്മദ് ഷാജി (49) ജിദ്ദയിൽ ഹൃദയാഘാതം മൂലം നിര്യാതനായി. ജിദ്ദ കിലോ പത്തിൽ താമസക്കാരനായിരുന്ന 12 വർഷമായി ഹെവി ഡ്രൈവറായി ജോലിചെയ്തുവരികയായിരുന്നു.

പിതാവ്: പട്ടാമ്പി ഉമ്മർ. ഭാര്യ: നെട്ടിക്കുളം താഹിറ. മക്കൾ: അഖിൽ റോഷൻ, അമീൻ, അൻഹ, അദാൻ. സഹോദരങ്ങൾ: ഹനീഫ, ആയിശ, സലീന. ജിദ്ദ കിംഗ് അബ്‌ദുൽ അസീസ് ആശുപത്രി മോർച്ചറിയിലുള്ള മൃതദേഹം നിയമനടപടികൾ പൂർത്തിയാക്കി നാട്ടിലെത്തിച്ച് ഖബറടക്കുമെന്ന് ബന്ധുക്കൾ അറിയിച്ചു. നടപടിക്രമങ്ങൾ പൂർത്തിയാക്കുന്നതിനു മറ്റു സഹായങ്ങൾക്കും കെ.എം.സി.സി ജിദ്ദ വെൽഫയർ വിങ് പ്രവർത്തകർ രംഗത്തുണ്ട്.