കോട്ടയം സ്വദേശി ഒമാനിലെ സുഹാറിൽ നിര്യാതനായി

സുഹാർ: കോട്ടയം മാഞ്ഞൂർ സൗത്ത് കുഴിപ്പറമ്പിൽ വാവ- കുട്ടിയമ്മ ദമ്പതികളുടെ മകൻ കുട്ടായി ( 72) ഒമാൻ വടക്കൻ ബാത്തിനയിലെ സുഹാറിൽ നിര്യാതനായി. സുഹാറിൽ ഗവ. ആശുപത്രിയിൽ നഴ്‌സ് ആയ മകൾ ശൈത്രമോളുടെ കുടുംബത്തോടൊപ്പം താമസിച്ചു വരികയായിരുന്നു.

ഭാര്യ: ഭവാനി. സുഹാറിലുള്ള മകളടക്കം അഞ്ചു പെൺകുട്ടികളാണ് കുട്ടായി- ഭവാനി ദമ്പതികൾക്ക്. നടപടി ക്രമങ്ങൾക്ക് ശേഷം മൃതദേഹം നാട്ടിലേക്ക് കൊണ്ടുപോകാനുള്ള തയാറെടുപ്പിലാണെന്ന് സുഹാറിലെ കൈരളി പ്രവർത്തകർ അറിയിച്ചു.