കണ്ണൂർ സ്വദേശി ഷാർജയിൽ നിര്യാതനായി

ഷാർജ: കണ്ണൂർ അണ്ടത്തോട്​ സ്വദേശി കൊച്ചിപ്പീടികയിൽ മുഹമ്മദ് ഹാഷിം (72) ഷാർജയിൽ നിര്യാതനായി. അബൂദബിയിലും ദുബൈയിലുമായി 20 വർഷത്തോളം കെ.എം ട്രേഡിങ്ങിൽ വെയർഹൗസ് ഇൻചാർജായി സേവനമനുഷ്ഠിച്ചിരുന്നു.

വിരമിച്ചതിനുശേഷം മക്കളോടൊപ്പം ഷാർജയിൽ താമസിച്ചുവരികയായിരുന്നു. ശനിയാഴ്ച രാത്രി ഷാർജയിലാണ് അദ്ദേഹത്തിന്‍റെ മരണം സംഭവിച്ചത്. വാർധക്യസഹജമായ കാരണങ്ങളാൽ കുറെ നാളുകളായി ചികിത്സയിലായിരുന്നു.

ഖബറടക്കം തിങ്കളാഴ്ച ദുബൈയിൽ നടക്കും. ഭാര്യ: പുതിയാണ്ടി സുഹൈബ വാരം. മക്കൾ: ഫെബിന ഹാഷിം, ഫാദിയ ഹാഷിം, ഫാത്തിമ ഹാഷിം. മരുമക്കൾ: റിനീഷ്, ഷമ്മാസ്