ഗുരുഗ്രാമിൽ വെട്ടുക്കിളി ആക്രമണം രൂക്ഷം; ഡൽഹിയിൽ കനത്ത ജാ​ഗ്രത

ഗുരുഗ്രാം: ഹരിയാനയി​െല ഗുരുഗ്രാമിൽ വെട്ടുക്കിളി ആക്രമണം രൂക്ഷം. ശനിയാഴ്​ച രാവിലെ മുതൽ ഗുരുഗ്രാമിലെ ആകാശം വെട്ടുക്കിളികളെകൊണ്ട്​ നിറഞ്ഞു. ഇതോടെ ഡൽഹിയിലും കനത്ത ജാഗ്രത നിർദേശം നൽകി.

ഗുരുഗ്രാമിലെ റസിഡൻഷ്യൽ മേഖലകളടക്കം വെട്ടുക്കിളി​ ആക്രമണത്തിനിരയായി. ഉയർന്ന കെട്ടിടങ്ങളിലെ താമസക്കാർ കൂട്ട​േത്താടെ പറന്നുനടക്കുന്ന വെട്ടുക്കിളികളുടെ വിഡിയോ ദൃശ്യങ്ങൾ പകർത്തി ​സാമൂഹമാധ്യമങ്ങളിൽ പ്രചരിപ്പിച്ചു. പാകിസ്​താനിൽ നിന്നുള്ള വെട്ടുക്കിളികളുടെ കൂട്ടമാണ്​ ഉത്തരേ​ന്ത്യൻ കൃഷിയിടങ്ങളിൽ നാശം വിതക്കുന്നത്​. കൃഷിയിടങ്ങളിൽ കീടനാശിനി തളിക്കലാണ്​ ഇവയെ നേരിടാനുള്ള ഫലപ്രദമായ മാർഗം.

Locusts in Gurgaon (Video courtesy my son)#Locust #LocustsAttack pic.twitter.com/omniJteuSG

— Anurag Vohra (@anuragv1) June 27, 2020

ഗുരുഗ്രാമിലെ തിരക്കേറിയ എം.ജി റോഡടക്കം വെട്ടുക്കിളികളാൽ നിറഞ്ഞു. ഡി.എൽ.എഫ്​ ഫേസ്​, ചക്കർപൂർ, സിക്കന്തർപൂർ, സുഖരാലി ഏരിയ എന്നിവിടങ്ങളിലാണ്​ വെട്ടുക്കിളി ആക്രമണം കൂടുതൽ.

ഗുരുഗ്രാമിൽ വെട്ടുക്കിളി ആക്രമണം രൂക്ഷമായതോടെ ഡൽഹിയിലെ തെക്കുപടിഞ്ഞാറൻ ജില്ലകളിലെ ഗ്രാമീണർക്ക്​ ഇവയെ നേരിടാൻ പരിശീലനം നൽകിയിരുന്നു. പാട്ടകൊട്ടിയും പടക്കം​ പൊട്ടിച്ചും ഗുരുഗ്രാമിലെ ജനങ്ങൾ വെട്ടുക്കിളികളെ തുരത്താൻ ശ്രമിക്കുകയാണ്​. ശക്തമായ കാറ്റിനെ തുടർന്ന്​ ​വെട്ടുക്കിളികൾക്ക്​ മറ്റെവിടേക്കും പോകാൻ കഴിയാത്തതിനാൽ ഗുരുഗ്രാമിൽ വരും മണിക്കൂറുകളിലും ആക്രമണം തുടരുമെന്നാണ്​ വിവരം.

Did locust reach Gurgaon?@gurgaonpolice pic.twitter.com/YR3pLeU8Hl

— Praneeta (@Praneeta_Gupta) June 27, 2020