Begin typing your search above and press return to search.
proflie-avatar
Login
exit_to_app
exit_to_app
Ritwika Bhattacharya
cancel

നുരാഗമേ, മഴനൂലിനാൽ തഴുകാൻ വരൂ ചാരെ...പൂനിലാവിൻ ജാലകങ്ങളിലൂടെ തേടുവതാരെ... യൂട്യൂബിൽ ഈ പാട്ട്​ കേൾക്കു​േമ്പാൾ ഒരു ബംഗാളി പെൺകുട്ടിയാണ്​ പാടിയതെന്ന്​ വിശ്വസിക്കാനാവില്ല. അത്ര​ക്കുണ്ട്​ അക്ഷരസ്​ഫുടതയും ആലാപന ചാരുതയും. സംഗീതത്തിന്​ അതിരുകളില്ല എന്നത്​ ഈണവും ശ്രുതിയും നൽകി അരക്കിട്ടുറപ്പിക്കുകയാണ്​ ​ഋതിക ഭട്ടാചാര്യ എന്ന ബംഗാളി ഗായിക. ഋതികയുടെ സ്വന്തം ക​ംപോസിഷൻ കൂടിയാണിത്​. ലോക്​ഡൗൺ സമയത്ത്​ വീട്ടിൽനിന്ന്​ ക​ംപോസ്​ ചെയ്​ത്​ പാടിയ പാട്ട്​. തൃശൂർ സ്വദേശിയും കവിയുമായ അലി കടുകശ്ശേരിയുടെതാണ്​ വരികൾ. ഓൺലൈൻ വഴിയായിരുന്നു പാട്ടി​െൻറ ചർച്ചകൾ പുരോഗമിച്ചത്​.

വിരസത മാറ്റാൻ കവർ വേർഷൻ

കഴിഞ്ഞവർഷം ലോക്​ഡൗൺ സമയത്ത്​ വീട്ടിൽ തന്നെ അടച്ചിട്ട അവസ്​ഥയിൽ മനസ്സി​െൻറ അസ്വസ്​ഥത മാറ്റാനാണ്​ ഹിന്ദി, ബംഗാളി പാട്ടുകളുടെ കവർ വേർഷൻ ചെയ്​തു​തുടങ്ങിയതെന്ന്​ ​ഋതിക പറയുന്നു. മലയാളം പാട്ടുകൾ ചെയ്യണമെന്ന്​ വലിയ മോഹമുണ്ടായിരുന്നെങ്കിലും പല വാക്കുകളുടെയും ഉച്ചാരണം പ്രശ്​നമായിരുന്നു.


ഇഷ്​ടംപോലെ മലയാളം പാട്ടുകൾ കേൾക്കാറുണ്ട്​. പ്രത്യേകിച്ച്​ സലിൽ ചൗധരിയു​ടെ പാട്ടുകൾ. കുട്ടിക്കാലത്ത്​ അ​േദ്ദഹത്തി​െൻറ ബംഗാളി പാട്ടുകൾ കേട്ടാണ്​ എല്ലാ ദിവസവും ഉറങ്ങിയിരുന്നത്. അദ്ദേഹം മലയാളത്തിൽ പാട്ടുകൾ ചെയ്​തിട്ടുണ്ടെന്നറിഞ്ഞപ്പോൾ അതും കേൾക്കാൻ തുടങ്ങി. അനുരാഗിണീ... എന്നത്​ മലയാള സിനിമയിൽ ജോൺസൺ മാഷി​െൻറ നിത്യഹരിത ഗാനം​ ആണല്ലോ. കുറച്ചു കഷ്​ടപ്പെട്ടാ​െണങ്കിലും ആ പാട്ട്​ പഠിച്ച്​ പാടി​ ഫേസ്​ബുക്കിൽ ഷെയർ ചെയ്​തു. സംഗീതത്തെ സ്​നേഹിക്കുന്ന കുറെ പേർ അതങ്ങ്​​ ഏറ്റെടുത്തു. പാട്ടു​ കേട്ട്​ ഗായകൻ ഹരീഷ്​ ശിവരാമകൃഷ്​ണൻ വിളിച്ചു. അദ്ദേഹത്തി​െൻറ എഫ്​.ബി പേജിലും പാട്ട്​ ഷെയർ ചെയ്​തു. പാട്ടിന്​​ കുറെക്കൂടി റീച്ച്​ കിട്ടി. ആരാണ്​ പാടിയതെന്ന്​ പലരും അന്വേഷിച്ചു. അങ്ങനെയാണ്​ മലയാളത്തിലെ കുറച്ചു പാട്ടുകൾ കൂടി പാടാമെന്ന ധൈര്യം വരുന്നത്​.

രണ്ടാമതായി നീ എൻ സർഗസൗന്ദര്യമേ... നീ എ​ൻ സത്യ സംഗീതമേ... ഈ പാട്ട്​ ഷെയർചെയ്​ത്​ കഴിഞ്ഞപ്പോൾ ചില ടെലിവിഷൻ ചാനലുകളിൽനിന്ന്​ അ​േന്വഷണം വന്നു. മലയാളം പാട്ടുകൾ പാടുന്നതറിഞ്ഞ്​ എ​െൻറ അയൽക്കാർപോലും അത്ഭുതം കൂറി. ലോക്​ഡൗണിൽ കൂടുതൽ സമയം കിട്ടിയതിനാൽ മലയാളത്തിൽ പരീക്ഷണം തുടർന്നു. സ്വന്തമായി ക​ംപോസ്​ ചെയ്യാനും ശ്രമം നടത്തി. സുഹൃത്തുക്കൾ പരിചയപ്പെടുത്തിയ അലി കടുകശ്ശേരിയുടെ വരികൾക്ക്​ സംഗീതം ചെയ്​ത്​ പാടിയതാണ്​ അനുരാഗമേ മഴനൂലിനാൽ എന്ന പാട്ട്​.​ പാട്ടി​െൻറ വഴികളെ കുറിച്ച്​ ഋതിക തുടരുന്നു.

അടിസ്​ഥാനം ഹിന്ദുസ്​ഥാനിയിൽ

പിതാവ്​ പി.കെ. ഭട്ടാചാര്യയാണ്​ ഹിന്ദുസ്​ഥാനി സംഗീതത്തിൽ ഋതികയുടെ ഗുരു. പണ്ഡിറ്റ്​ ഇന്ദ്രനീൽ ഭട്ടാചാര്യയുടെ അനുയായി ആണ്​ അദ്ദേഹം. പിതാവ്​ സിതാർ വായിക്കും. കുഞ്ഞുന്നാളിൽ അതെല്ലാം കണ്ടാണ്​ വളർന്നത്​. മാതൃസഹോദരി കണ ഘോഷും സംഗീതജ്​ഞയായിരുന്നു. കൊൽക്കത്ത ഓൾ ഇന്ത്യ റേഡിയോ ആർട്ടിസ്​റ്റായിരുന്നു അവർ. മുതിർന്നപ്പോൾ റാഞ്ചിയിൽ ശെഫാലി റോയിയുടെ കീഴിൽ രബീന്ദ്രസംഗീതം പഠിച്ചു. റാഞ്ചിയി​ൽ മിസിസ്​ മാധവി ബിശ്വസ്, ഛായ ചൗധരി എന്നിവരാണ്​ സംഗീതത്തിലെ മറ്റു ഗുരുക്കൻമാർ. ബംഗാളിലാണ്​ കുടുംബത്തി​െൻറ വേരുകൾ എങ്കിലും ഋതിക ​​ജനിച്ചതും വളർന്നതും​ റാഞ്ചിയിലാണ്​. എൻജിനീയർമാരായിരുന്നു മാതാപിതാക്കൾ. ജോലിയാവശ്യാർഥം റാഞ്ചിയിലായിരുന്നു ഇരുവരും താമസം.

റാഞ്ചിയിലെ പഠനത്തിനു ശേഷം, ഋതികയുടെ ബിരുദ പഠനം ബംഗ്ലൂർ യൂനിവേഴ്​സിറ്റിയിൽ ആയിരുന്നു. തുടർപഠനം യു.കെയിലെ മാഞ്ചസ്​റ്റർ, യു.എസ്​.എയിലെ കാലിഫോർണിയ യൂനിവേഴ്​സിറ്റികളിൽ. തെർമോ ഫിഷർ സയൻറിഫിക്​ കമ്പനിയിൽ പ്രൊഡക്​ട്​ മാനേജരാണ്​ ഋതിക. കോവിഡ്​ ടെസ്​റ്റിങ്​ കിറ്റുകളുടെ വികസനത്തിന്​ പ്രധാന പങ്കുവഹിച്ച കമ്പനിയാണിത്​​. കോവിഡ്​ ആയതിനാൽ പൂർണമായും ജോലി വീട്ടിൽനിന്നാണ്​. അല്ലാത്തപ്പോൾ ആഴ്​ചയിൽ അഞ്ചുദിവസം ജോലിക്കും രണ്ടുദിവസം സംഗീതത്തിനുമായി മാറ്റിവെക്കുന്നു.

'സജ്​ന സജ്​ന'യുമായി മലയാളത്തിൽ

2013ൽ ഇന്ത്യൻ പ്രണയ കഥ എന്ന സിനിമയിൽ സജ്​ന സജ്​ന എന്നു തുടങ്ങുന്ന ഹിന്ദി പാ​ട്ടി​െൻറ വരികൾ എഴുതിയാണ്​​ ഋതികയുടെ മലയാള സിനിമ രംഗപ്രവേശം. വിദ്യാസാഗർ ആയിരുന്നു സംഗീതം. രാജസ്​ഥാനി ചുവയുള്ള ഹിന്ദി പാട്ടിന്​ വരികളെഴുതാൻ ആളെ തേടിയുള്ള അദ്ദേഹത്തി​െൻറ അന്വേഷണം എത്തിയത്​ ഋതികയിലാണ്. പാട്ടിന്​ വരികളെഴുതു​േമ്പാൾ എല്ലാ കാര്യങ്ങളും വിദ്യാജിയുമായി ഫോണിലൂടെയും ഇ-മെയിൽ വഴിയുമാണ്​ ചർച്ച ചെയ്​തത്​.

ആ പാ​ട്ടെഴുത്തിനു ശേഷം മലയാള സിനിമകൾ കാണാനും പാട്ടുകൾ ശ്രദ്ധിക്കാനും കൂടുതൽ സമയം കണ്ടെത്തി. വീട്ടിൽ റെക്കോഡിങ്ങിനു സൗകര്യമുള്ളതിനാൽ ലോക്​ഡൗൺ സമയത്ത്​ പല സംഗീത സംവിധായകരുമായി വെർച്വൽ വഴി ബന്ധമുണ്ടാക്കിയാണ്​ പാട്ടുകൾ ചെയ്​തത്. ഇങ്ങനെ വിവിധ ഭാഷകളിലെ സംഗീതജ്​ഞരുമായി ഒന്നിച്ച്​ ജോലിചെയ്യാൻ കഴിഞ്ഞു. ആൽബങ്ങൾക്കൊപ്പം ജിംഗിൽസും ചെയ്​തു​.

അതിരുകളില്ലാത്ത സംഗീതം

ഇപ്പോൾ മലയാളം കുറച്ചൊക്കെ കേട്ടാൽ മനസ്സിലാകും. എന്നാലും സംസാരിക്കാൻ ബുദ്ധിമുട്ടാണ്​. ജോലിയുടെ ഭാഗമായി തമിഴ്​നാട്ടിൽ പോകു​േമ്പാൾ അമ്മ തമിഴ്​പാട്ടുകളുടെ സീഡികൾ വാങ്ങിക്കൊണ്ടു​വരുമായിരുന്നു. മുതിർന്നപ്പോൾ പഠനത്തിനായി ബംഗ്ലൂരിലെത്തിയപ്പോൾ കന്നഡ പാട്ടുകൾ കേട്ടുപഠിച്ചു. മെലോഡിയസ്​ ആയ പഴയ മലയാളം സിനിമ പാട്ടുകൾക്ക്​ ബംഗാളി ഗാനങ്ങളുമായി ഒരുപാട്​ സാമ്യം തോന്നിയിട്ടുണ്ട്​.

മലയാളത്തിൽ അസാധ്യ കഴിവുള്ള ഒരുപാട്​ സംഗീത സംവിധായകരുണ്ട്​. ജോൺസൺ മാഷ്, ദേവരാജൻ മാസ്​റ്റർ, ബാബു രാജ്​ സർ... ബിജിബാൽ സർ... മലയാളത്തിലെ പ്രിയപ്പെട്ട സംഗീതസംവിധായകരുടെ പട്ടിക നീണ്ടുകിടക്കുകയാണ്​. ഇവരിൽ ഒരാളെ തെരഞ്ഞെടുക്കാൻ ബുദ്ധിമുട്ടാണ്​. ഇപ്പഴും പലരെയും അറിഞ്ഞുവരുകയാണ്​​. എന്നാലും ജോൺസൺ മാഷി​െൻറ പാട്ടുകൾ ഹൃദയത്തോടു കൂടുതൽ ചേർന്നുകിടക്കുന്നു. അദ്ദേഹത്തി​െൻറ അനുരാഗിണീ, മധുരം ജീവാമൃതബിന്ദു എന്നീ പാട്ടുകൾ വലിയ ഇഷ്​ടമാണ്​.

ബംഗാളിയല്ലാത്ത ഭാഷയിൽ ഒരു പാട്ടുകേൾക്കു​േമ്പാൾ വരികളുടെ അർഥം അറിയാൻ ശ്രമിക്കും. സംഗീതത്തിന്​ അതിരുകളില്ലെന്നാണ്​ വിശ്വാസം. ഹിന്ദി, ബംഗാളി, കന്നഡ ഭാഷകളിൽ നിരവധി ആൽബങ്ങൾ ചെയ്​തിട്ടുണ്ട്. നിർഭയ സംഭവം ആസ്​പദമാക്കി ആവാസ്​ എന്ന പേരിൽ പാ​ട്ടെഴുതി. 2014ൽ ഗ്ലോബൽ മ്യൂസിക്​ മത്സരത്തിൽ അതിന്​​ മൂന്നാംസ്​ഥാനം ലഭിച്ചു.

ഹിന്ദി സിനിമയിൽ മൂന്ന്​ പാട്ടുകൾ പാടി. മലയാളത്തിലും ഒരു പാട്ട്​ പാടാനിരിക്കുന്നു. സ്വതന്ത്രമായി സംഗീതം ചെയ്യാനാണ്​ താൽപര്യം. ജോലി തുടരുന്നതിനൊപ്പം സംഗീതവും കൊണ്ടുപോകണമെന്നാണ്​ ആഗ്രഹമെന്ന്​ ഋതിക പറയുന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:MusicRitwika Bhattacharya
News Summary - Music Without Borders Ritwika Bhattacharya music
Next Story