You are here

നിഗൂഢത ഒളിപ്പിച്ച് അതിരൻ--Review

വിഷ്​ണു.ജെ
20:41 PM
12/04/2019
athiran-movie

കാടിന്​ നടുവിലുള്ള ഒരു മനോരോഗാശുപത്രി അവിടേക്ക്​ ഡോക്​ടറായി തിരുവനന്തപുരം മെഡിക്കൽ കോളജിലെ കണ്ണൻ നായർ(ഫഹദ്​ ഫാസിൽ) എത്തുന്നതും തുടർന്നുണ്ടാവുന്ന സംഭവങ്ങളുമാണ്​ നവാഗതനായ വിവേക്​ സംവിധാനം ചെയ്യുന്ന അതിര​​െൻറ പ്രമേയം. ആദ്യ ​ഫ്രെയിം മുതൽ നിഗൂഢത ഒളിപ്പിച്ചാണ്​ അതിരൻ കഥ പറയുന്നത്​. ശ്വാസമടക്കി പിടിച്ചിരുന്ന്​ പ്രേക്ഷകർക്ക്​ കാണാവുന്ന ലക്ഷണമൊത്തൊരു ത്രില്ലർ സിനിമയാണ്​ അതിരൻ. സിനിമ തുടങ്ങുന്നത്​ മുതൽ പ്രേക്ഷക​​െൻറ മനസിൽ നിരവധി ചോദ്യങ്ങൾ ഉയരും. അവസാന സീനും കഴിയു​േമ്പാൾ പ്രേക്ഷക​​െൻറ ​േചാദ്യങ്ങൾക്കെല്ലാം ഉത്തരം നൽകുന്ന മികച്ചൊരു സൈക്കോ  ത്രില്ലറാണ്​ അതിരൻ.

ഫഹദ്​ ഫാസിലി​​െൻറ എൻട്രിയിൽ തന്നെ സിനിമ ത്രില്ലർ സ്വഭാവം പുലർത്തുന്നതാണ്​ സൂചനകൾ സംവിധായകൻ നൽകുന്നുണ്ട്​. പിന്നീട്​ അയാളെത്തിപ്പെടുന്ന മനോരോഗ ആശുപത്രിയും അവിടത്തെ അന്തേവാസികളുമെല്ലാം ചില രഹസ്യങ്ങളുമായി ജീവിക്കുന്നവരാണ്​. മനോരോഗ ആശുപത്രിയിലെ ഒരോ കഥാപാത്രത്തിനും ഒരു നിഗൂഢതയുണ്ട്​. ഫഹദ്​ ഫാസി​ലി​​െൻറ കണ്ണൻ നായർ എന്ന കഥാപാത്രം പിന്നീട്​ സഞ്ചരിക്കുന്നത്​ മനോരോഗ ആശുപത്രിയിലെ ഒാരോ വ്യക്​തികളിലേക്കുമാണ്​. ഡോക്​ടറുടെ ഇൗ സഞ്ചാരം ചെന്നെത്തുന്നത്​ ആശുപത്രിയിൽ ഒറ്റക്കൊരു സെല്ലിൽ കഴിയുന്ന നിത്യ(സായ്​ പല്ലവി) എന്ന കഥാപാത്രത്തിലേക്കാണ്​. പിന്നീട്​ നിത്യയുടെ ജീവിതത്തെ കുറിച്ചാവുന്ന​ു കണ്ണൻ നായരുടെ അന്വേഷണം. ഇതിനിടെ അയാൾ നേരിടുന്ന അപകടങ്ങളും പ്രതിസന്ധികളുമായാണ്​ സിനിമ മുന്നേറുന്നത്​. നിത്യയിലേക്ക്​ എത്തു​ന്നതോടെ എന്തും സംഭവിക്കാവുന്ന അവസ്ഥയിലാണ്​ ഫഹദി​​െൻറ കഥാപാത്രം പിന്നീട്​ സിനിമയുടെ ഒാരോ സീനുകളിലും ജീവിക്കുന്നത്​. പ്രേക്ഷക​​െൻറ ഹൃദയമിടിപ്പ്​ ഉയർത്താൻ പോന്ന രീതിയിൽ തന്നെയാണ് ഒാരോ സീനുകളിലും​ സംവിധായകൻ സിനിമ അണിയിച്ചൊരുക്കിയിരിക്കുന്നത്​.

athiran-malayalam-movie-23

ത്രില്ലറുകളായി തുടങ്ങി ഇടക്ക്​ ആ സ്വഭാവം നഷ്​ടപ്പെട്ട അവസാനം സാധാരണ ചിത്രമായി മാത്രമായി അവസാനിക്കുന്ന നിരവധി സിനിമകളുണ്ട്​. പ്രേക്ഷകർക്ക്​ മടുപ്പുളവാക്കുന്ന അനുഭവമായിരിക്കും ഇത്തരം ചിത്രങ്ങൾ സമ്മാനിക്കുക. ഇതിൽ നിന്ന്​ തീർത്തും വ്യത്യസ്​തമായിട്ടാണ്​ അതിരൻ ഒരുക്കിയിരിക്കുന്നത്​. ​സൈക്കോ ത്രില്ലറി​​െൻറ സ്വഭാവം ആദ്യാവസാനം വരെ നില നിർത്താൻ അതിരന്​ കഴിയുന്നുണ്ട്​. ഇത്​ തന്നെയാണ്​ സിനിമയുടെ വിജയവും. നിഗൂഢതയുടെയും സൈക്കോ ത്രില്ലറി​​െൻറയും സൗന്ദര്യം പ്രേക്ഷകരിലേക്ക്​ എത്തിക്കുന്ന തരത്തിൽ തന്നെയാണ്​ സിനിമയുടെ പ്രമേയ ഭൂമിക ഒരുക്കിയിരിക്കുന്നത്​. ഇതിനൊപ്പം കഥാപാത്രങ്ങളുടെ സ്വഭാവ സവിശേഷതകളിലും ഇത്​ വ്യക്​തമാണ്​. പ്രേക്ഷകന്​ ഒരിക്കലും പിടികൊടുക്കാത്ത പ്രവചനാതീതരാണ്​ അതിരനിലെ ഒരോ കഥാപാത്രങ്ങളും.

കഴിഞ്ഞ ചിത്രങ്ങളിലൂടെ മലയാള സിനിമയെ ഞെട്ടിച്ച താരമാണ്​ ഫഹദ്​ ഫാസിൽ. അതിരനിലും ത​​െൻറ അസാധ്യമായ അഭിനയപാടവം ഫഹദ്​ പിന്തുടരുന്നുണ്ട്​. കണ്ണുകൾ ഉപയോഗിച്ചുള്ള ഫഹദി​​െൻറ അഭിനയം അതിരന്​ നൽകുന്ന ജീവൻ ചെറുതല്ല. ഒാട്ടിസം ബാധിച്ച പെൺകുട്ടിയായി സായ്​ പല്ലവിയും നല്ല അഭിനയം കാഴ്​ചവെച്ചിരിക്കുന്നു. മനോരോഗ ആശുപത്രിയിലെ കഥാപാത്രങ്ങളാ​യെത്തിയ അതുൽ കുൽക്കർണി, ലെന, സുരഭി, നന്ദു, സുദേവ്​ നായർ എന്നിവരും അവർ പേറുന്ന നിഗൂഢത പ്രേക്ഷകനിലേക്ക്​ സന്നിവേശിപ്പിക്കുന്നതിൽ വിജയിച്ചിരിക്കുന്നു. ഇത്​ അതിരനെ മികച്ചൊരു ദൃ​ശ്യാനുഭാവുമാക്കി മാറ്റുന്നുണ്ട്​.

athiran-54

പി.എഫ്​ മാത്യൂസി​​െൻറ കെട്ടുറപ്പുള്ള തിരക്കഥ തന്നെയാണ്​ അതിര​​െൻറ കരുത്ത്​. ഇൗ.മ.യൗവിൽ റിയലസ്​റ്റിക്​ പരിസരത്ത്​ നിന്നാണ്​ മാത്യൂസ്​ കഥ പറഞ്ഞതെങ്കിലും ഇക്കുറി ഫിക്​ക്ഷനെ കൂട്ടുപിടിച്ച്​ സൈക്കോ ത്രില്ലർ ഒരുക്കാനാണ്​ മാത്യൂസ്​ ശ്രമിച്ചിട്ടുള്ളത്​. അതിൽ അദ്ദേഹം പൂർണ്ണമായും വിജയിച്ചിരിക്കുന്നു​. മാത്യൂസി​​െൻറ തിരക്കഥ സെല്ലുലോയ്​ഡിലേക്ക്​ പകർത്തുന്നതിൽ സംവിധായകൻ വിവേകിനും പിഴവുകൾ സംഭവിച്ചിട്ടില്ല. പിന്നെ എടുത്ത്​ പറയേണ്ട ഒരാൾ ഛായഗ്രാഹകൻ അനുമുത്തേടത്താണ്​ സിനിമയിലെ നിഗൂഢത കാമറയിലേക്ക്​ പകർത്തുന്നതിൽ ഛായാഗ്രാഹകൻ പൂർണ്ണമായും വിജയിച്ചിരിക്കുന്നു. പശ്​ചാത്തല സംഗീതമൊരുക്കിയ ജിബ്രനും അഭിനന്ദനം അർഹിക്കുന്നു. 

റിയലിസത്തിനൊപ്പം ലക്ഷണമൊത്തൊരു സൈക്കോ ത്രില്ലർ ഒരുക്കാനും മലയാളത്തിലെ ന്യൂ ജനറേഷൻ സിനിമക്ക്​ സാധിക്കുമെന്ന്​ തെളിയിക്കുകയാണ്​ അതിരൻ. ഒരോ സീനിലും പ്രേക്ഷകരെ ത്രില്ലടിപ്പിക്കുന്ന ഇത്തരം ചിത്രങ്ങൾ ഹോളിവുഡിൽ ഇതിന്​ മു​മ്പ്​ കണ്ടിട്ടുണ്ട്​. ആ രീതിയിൽ ചിത്രമൊരുക്കാനാണും വിവേകും കൂട്ടരും ശ്രമിച്ചിരിക്കുന്നത്​. ഒരു പരിധി വരെ ഇൗ ശ്രമത്തിൽ അവർ വിജയിച്ചിട്ടുണ്ട്​. അവധിക്കാലത്ത്​ ശ്വാസമടക്കി കാണാവുന്ന ലക്ഷണമൊത്തൊരു സൈക്കോ ത്രില്ലറാണ്​ അതിരൻ.

Loading...
COMMENTS