എസ്.ടി.സി.എച്ച് ഹൃദ്രോഗ നിര്‍ണയ ക്യാമ്പ് നാളെ
text_fields
ബംഗളൂരു: എ.ഐ.കെ.എം.സി.സി ബംഗളൂരു സെന്‍ട്രല്‍ കമ്മിറ്റിയും ശിഹാബ് തങ്ങള്‍ സെന്റര് ഫോര്‍ ഹ്യുമാനിറ്റിയും സംഘടിപ്പിക്കുന്ന എട്ടാമത് സമൂഹ വിവാഹത്തിന്‍റെ ഭാഗമായി സൗജന്യ ഹൃദ്രോഗ നിര്‍ണയ ക്യാമ്പ് സംഘടിപ്പിക്കും. ചൊവ്വാഴ്ച രാവിലെ 10ന് സോമേശ്വര നഗറിലെ ഹാബ് തങ്ങള്‍ സെന്‍ററില്‍ നടക്കുന്ന ക്യാമ്പിന് കോഴിക്കോട് മെട്രോ ഇന്‍റര്‍നാഷനല്‍ കാര്‍ഡിയാക് സെന്‍ററിലെ വിദഗ്ധ ഡോക്ടര്‍മാര്‍ നേതൃത്വം നല്‍കും.
രജിസ്റ്റര്‍ ചെയ്ത 100 പേരെയാണ് പരിശോധിക്കുക. മൈക്രോ ഡയഗ്നോസ്റ്റിക് സെന്‍ററും പദ്ധതിയില്‍ പങ്കാളികളാണ്. വൈകീട്ട് ഏഴിന് നടക്കുന്ന ‘ഹൃദയതാളം നമ്മളറിയേണ്ടത്’ ബോധവത്കരണ ക്ലാസിന് മെട്രോ കാര്‍ഡിയാക് സെന്റര് ചീഫ് ഇന്‍റര്‍വെന്‍ഷനല്‍ കാര്‍ഡിയോളജിസ്റ്റ് ഡോ. മുഹമ്മദ് മുസ്തഫ നേതൃത്വം നല്‍കും.