വിദ്യാർഥിനികളുടെ സമയോചിത ഇടപെടൽ; കുരുന്നുജീവന് പുതുശ്വാസം

ചി​റ്റൂ​ർ: ന​വ​ജാ​ത ശി​ശു​വി​നെ ജീ​വി​ത​ത്തി​ലേ​ക്ക് തി​രി​കെ​യെ​ത്തി​ച്ച​ത് നാ​ല് വി​ദ്യാ​ർ​ഥി​നി​ക​ളു​ടെ സ​മ​യോ​ചി​ത ഇ​ട​പെ​ട​ൽ. കണക്കൻപാറ ഇന്ദിര നഗർ കോളനിയിൽ കാ​ണാ​താ​യ കു​ട്ടി​യെ തി​ര​യു​ന്ന​തി​നി​ടെ ശു​ചി​മു​റി​യി​ൽ തൊ​ട്ടി​യി​ലെ വെ​ള്ള​ത്തി​ൽ ക​മി​ഴ്ന്നു കി​ട​ക്കു​ന്ന നി​ല​യി​ൽ ക​ണ്ടെ​ത്തിയ ഇവർ കൃ​ത്രി​മ​ശ്വാ​സം ന​ൽ​കി ര​ക്ഷി​ക്കു​ക​യാ​യി​രു​ന്നു.

കോ​യ​മ്പ​ത്തൂ​ർ ഭാ​ര​തി​യാ​ർ യൂ​നി​വേ​ഴ്സി​റ്റി​യി​ലെ എം.​എ​സ്.​ഡ​ബ്ല്യു വി​ദ്യാ​ർ​ഥി​നി അ​ഭി​ന​യ, പാ​ല​ക്കാ​ട് അ​ക്കൗ​ണ്ടി​ങ് വി​ദ്യാ​ർ​ഥി​നി ആ​ർ. അ​നു​ന​യ, പ്ല​സ് വ​ൺ വി​ദ്യാ​ർ​ഥി​നി ശ്രീ​ഹ​ര​ണി പ്രി​യ, എ​ട്ടാം ക്ലാ​സ് വി​ദ്യാ​ർ​ഥി​നി രാ​ജേ​ശ്വ​രി എ​ന്നി​വ​രാ​ണ് സ​മ​യോ​ചി​ത ഇ​ട​പെ​ട​ൽ ന​ട​ത്തി​യ​ത്.

14 ദി​വ​സം പ്രാ​യ​മു​ള്ള കു​ട്ടി​യെ കാ​ണാ​നി​ല്ലെ​ന്ന് മാ​താ​വ് അ​യ​ൽ​വാ​സി​ക​ളെ അ​റി​യി​ച്ച​യു​ട​ൻ ഇ​വ​ർ ഓ​ടി​യെ​ത്തി വീ​ട്ടി​ലും പ​രി​സ​ര പ്ര​ദേ​ശ​ങ്ങ​ളി​ലും തി​ര​ച്ചി​ൽ ന​ട​ത്തി. വേ​ഗ​ത്തി​ൽ ന​ട​ത്തി​യ പ​രി​ശോ​ധ​ന​യി​ൽ കു​ട്ടി​യെ ക​ണ്ടെ​ത്തു​ക​യും പ്ര​ഥ​മ ശു​ശ്രൂ​ഷ ന​ൽ​കു​ക​യും ചെ​യ്ത​തോ​ടെ ജീ​വ​ൻ ര​ക്ഷ​പ്പെ​ടു​ക​യാ​യി​രു​ന്നു.

വ്യാ​ഴാ​ഴ്ച ഉ​ച്ച​ക്ക് ഒ​ന്ന​ര​യോ​ടെ കു​ട്ടി​യു​ടെ മാ​താ​വി​ന്റെ ക​ര​ച്ചി​ൽ കേ​ട്ടാ​ണ് വി​ദ്യാ​ർ​ഥി​നി​ക​ൾ ഓ​ടി​യെ​ത്തി​യ​ത്. കു​ട്ടി​യെ കാ​ണാ​നി​ല്ലെ​ന്ന​റി​ഞ്ഞ​തും ആ​ദ്യം വീ​ട്ടി​ന​ക​ത്തും പി​ന്നീ​ട് പ​രി​സ​ര​ങ്ങ​ളി​ലും തി​ര​ച്ചി​ൽ ന​ട​ത്തി. വീ​ടി​ന് പി​റ​കി​ലു​ള്ള ശു​ചി​മു​റി​യി​ൽ നോ​ക്കി​യ രാ​ജേ​ശ്വ​രി ക​ണ്ട​ത് തൊ​ട്ടി​യി​ലെ വെ​ള്ള​ത്തി​ൽ ക​മി​ഴ്ന്നു കി​ട​ക്കു​ന്ന കു​ഞ്ഞി​നെ​യാ​ണ്. ഉ​ട​ൻ തൂ​ക്കി​യെ​ടു​ത്ത് പി​റ​കി​ൽ നി​ന്ന മാ​താ​വി​ന്റെ കൈ​യി​ൽ കൊ​ടു​ത്തെ​ങ്കി​ലും എ​ന്തു ചെ​യ്യ​ണ​മെ​ന്ന​റി​യാ​തെ പ​ക​ച്ച് നി​ൽ​ക്കു​ക​യാ​യി​രു​ന്നു അ​വ​ർ.

ഓ​ടി​യെ​ത്തി​യ അ​ഭി​ന​യ കു​ട്ടി​യെ വാ​ങ്ങി കൃ​ത്രി​മ​ശ്വാ​സ​മു​ൾ​പ്പെ​ടെ ന​ൽ​കു​ക​യാ​യി​രു​ന്നു. ഏ​റെ​ക്കു​റെ അ​ന​ക്കം നി​ല​ച്ചി​രു​ന്ന കു​രു​ന്ന് ഇ​തോ​ടെ ജീ​വി​ത​ത്തി​ലേ​ക്ക് തി​രി​കെ​യെ​ത്തു​ക​യാ​യി​രു​ന്നു.