പാ​തി​യി​ൽ മു​റി​ഞ്ഞ നോ​മ്പി​ന്റെ മ​ധു​രം

1996ലെ​യോ 97ലെ​യോ ഒ​രു നോ​മ്പു​കാ​ലം. വ​ർ​ഷം കൃ​ത്യ​മാ​യി ഓ​ർ​മ​യി​ല്ല. തി​രു​വ​ന​ന്ത​പു​ര​ത്തെ കാ​ര്യ​വ​ട്ടം കാ​മ്പ​സി​ൽ ജേ​ണ​ലി​സം പി.​ജി​ക്കു പ​ഠി​ക്കു​ക​യാ​ണ്. ഹോ​സ്റ്റ​ലി​ൽ നോ​മ്പു​തു​റ​ക്കാ​നും അ​ത്താ​ഴ​ത്തി​നും സൗ​ക​ര്യ​മി​ല്ലാ​ത്ത​തി​നാ​ൽ തൊ​ട്ട​ടു​ത്ത യ​തീം​ഖാ​ന​യി​ലാ​യി​രു​ന്നു ഭ​ക്ഷ​ണം. അ​ന്ന് ശ​നി​യാ​ഴ്ച​യാ​യി​രു​ന്ന​തി​നാ​ൽ ക്ലാ​സു​ണ്ടാ​യി​രു​ന്നി​ല്ല. തി​രു​വ​ന​ന്ത​പു​രം ആ​കാ​ശ​വാ​ണി​യി​ൽ കാ​ഷ്വ​ൽ അ​നൗ​ൺ​സ​റു​ടെ ഒ​ഴി​വി​ലേ​ക്കു​ള്ള ഇ​ന്റ​ർ​വ്യൂ അ​ന്നാ​യി​രു​ന്നു. വ​ഴു​ത​ക്കാ​ട്ടെ ആ​കാ​ശ​വാ​ണി ഓ​ഫി​സി​ൽ ഉ​ച്ച​ക്ക് ര​ണ്ടു മ​ണി​ക്ക് എ​ത്താ​നാ​ണ് പ​റ​ഞ്ഞി​രു​ന്ന​ത്.

ഇ​ന്റ​ർ​വ്യൂ​വി​നു​വേ​ണ്ടി ത​യാ​റെ​ടു​ക്കു​ന്ന​തി​നി​ട​യി​ലാ​ണ് ആ ​ഫോ​ൺ​കാ​ൾ വ​ന്ന​ത്. ഹ​ലോ, റ​ഹീ​മ​ല്ലേ...? അ​പ്പു​റ​ത്തു​നി​ന്ന് പ​തി​ഞ്ഞ സ്വ​രം. ഞാ​ൻ മു​ജീ​ബ് (പേ​ര് ശ​രി​ക്കോ​ർ​മ​യി​ല്ല) ആ​ണ്. ക​ഴി​ഞ്ഞ​യാ​ഴ്ച ട്രെ​യി​നി​ൽ പ​രി​ച​യ​പ്പെ​ട്ടി​ല്ലേ, കു​റു​മ്പ​ത്തൂ​രു​ള്ള... ആ​ളെ പെ​ട്ടെ​ന്ന് പി​ടി​കി​ട്ടി. ക​ഴി​ഞ്ഞ​യാ​ഴ്ച നാ​ട്ടി​ൽ​നി​ന്ന് വ​രു​മ്പോ​ൾ ട്രെ​യി​നി​ലു​ണ്ടാ​യി​രു​ന്ന ആ​ളാ​ണ്. സ​മ​പ്രാ​യ​ക്കാ​ര​ൻ, പു​ള്ളി​യു​ടെ ജ്യേ​ഷ്ഠ​ന്‍റെ ഭാ​ര്യ​യു​ടെ ചി​കി​ത്സ​ക്കാ​യി ആ​ർ.​സി.​സി​യി​ലേ​ക്കു പോ​വു​ക​യാ​ണ്. അ​വ​രും കൂ​ടെ​യു​ണ്ടാ​യി​രു​ന്നു. ബ്ല​ഡ് കാ​ൻ​സ​റാ​ണ്. ഏ​റെ വൈ​കി​യാ​ണ് രോ​ഗം ക​ണ്ടെ​ത്തി​യ​ത​ത്രെ. ആ​ർ.​സി.​സി​യി​ലേ​ക്ക് ഇ​ത് ര​ണ്ടാ​മ​ത്തെ യാ​ത്ര​യാ​ണ്. അ​വ​രു​ടേ​ത് ബി ​നെ​ഗ​റ്റി​വ് ബ്ല​ഡ് ഗ്രൂ​പ് ആ​ണെ​ന്നും കി​ട്ടാ​ൻ പ്ര​യാ​സ​മാ​ണെ​ന്നും പ​റ​ഞ്ഞ​പ്പോ​ഴാ​ണ് എ​ന്റേ​തും അ​തേ ഗ്രൂ​പ് ആ​ണ​ല്ലോ എ​ന്നോ​ർ​ത്ത​ത്. ബേ​ജാ​റാ​വേ​ണ്ട കാ​ര്യ​മി​ല്ലെ​ന്നും എ​ന്റേ​തും അ​തേ ഗ്രൂ​പ്പാ​ണെ​ന്നും വേ​ണ​മെ​ങ്കി​ൽ ന​മു​ക്ക് മ​റ്റു വ​ഴി​ക​ൾ നോ​ക്കാ​മെ​ന്നും ഞാ​ൻ പ​റ​ഞ്ഞ്​ ത​മ്പാ​നൂ​രി​ൽ ഇ​റ​ങ്ങി പി​രി​യാ​ൻ നേ​രം എ​ന്റെ ഹോ​സ്റ്റ​ൽ ന​മ്പ​റും കൈ​മാ​റി. അ​തി​നു​ശേ​ഷം പി​ന്നെ ഇ​പ്പോ​ഴാ​ണ് വി​ളി​ക്കു​ന്ന​ത്.

‘നി​ങ്ങ​ൾ​ക്ക് ഇ​ന്ന് ഉ​ച്ച​ക്ക് ആ​ർ.​സി.​സി​യി​ൽ എ​ത്താ​ൻ പ​റ്റു​മോ? താ​ത്താ​ക്ക് കു​റ​ച്ചു ര​ക്തം വേ​ണം അ​ത്യാ​വ​ശ്യ​മാ​ണ്...’ ഞാ​നെ​ന്താ​ണ് പ​റ​യു​ക. ഏ​റെ കാ​ത്തി​രു​ന്നു​കി​ട്ടി​യ ജോ​ലി അ​വ​സ​ര​മാ​ണീ ഇ​ന്റ​ർ​വ്യൂ, അ​തും ഉ​ച്ച​ക്കാ​ണ്. ര​ക്തം കൊ​ടു​ക്കാ​ൻ പോ​യാ​ൽ ഇ​ന്റ​ർ​വ്യൂ ന​ഷ്ട​പ്പെ​ടും. ഈ ​ജോ​ലി അ​ന്നേ​രം ഏ​റെ അ​ത്യാ​വ​ശ്യ​മാ​യി​രു​ന്നു​താ​നും. ഞാ​നൊ​ന്നും മി​ണ്ടി​യി​ല്ല. ബു​ദ്ധി​മു​ട്ടു​ണ്ടോ...? എ​ന്റെ നി​ശ്ശ​ബ്ദ​ത ക​ണ്ടി​ട്ടാ​ക​ണം അ​ങ്ങേ ത​ല​ക്ക​ൽ​നി​ന്ന് ചോ​ദി​ച്ചു. ഇ​ല്ല, ബു​ദ്ധി​മു​ട്ടൊ​ന്നും ഇ​ല്ല, ആ​ർ.​സി.​സി​യു​ടെ മു​ന്നി​ലെ​ത്തി​ക്കോ​ളാം’ ഞാ​ൻ മ​റു​പ​ടി പ​റ​ഞ്ഞു.

ആ​ർ.​സി.​സി​യി​ൽ എ​ത്തു​മ്പോ​ൾ മു​ന്നി​ൽ​ത​ന്നെ മു​ജീ​ബ് കാ​ത്തി​രി​ക്കു​ന്നു​ണ്ടാ​യി​രു​ന്നു. നോ​മ്പു​ണ്ടോ? മു​ജീ​ബ് ചോ​ദി​ച്ചു. ഉം, ​ഞാ​ൻ മൂ​ളി. ര​ക്തം കൊ​ടു​ക്ക​ണേ​ൽ നോ​മ്പ് മു​റി​ക്കേ​ണ്ടി​വ​രി​ല്ലേ? അ​വ​ന്റെ ചോ​ദ്യ​ത്തി​ന് ഒ​രു ക്ഷ​മാ​പ​ണ​ത്തി​ന്റെ സ്വ​ര​മു​ണ്ടാ​യി​രു​ന്നു. സാ​ര​ല്ല്യ, ഒ​രു ന​ല്ല കാ​ര്യ​ത്തി​ന​ല്ലേ... ഞാ​ൻ പ​റ​ഞ്ഞു. ര​ക്തം കൊ​ടു​ക്കാ​ൻ പി​ന്നെ​യും കു​റ​ച്ചു​നേ​രം കാ​ത്തി​രി​ക്കേ​ണ്ടി​വ​ന്നു. ബ്ല​ഡ് എ​ടു​ക്കു​മ്പോ​ൾ സ്പോ​ഞ്ചു​ബാ​ളും ഞെ​ക്കി കി​ട​ക്കേ ഞാ​ൻ വാ​ച്ചി​ലേ​ക്ക് നോ​ക്കി, ര​ണ്ടു മ​ണി... ഇ​പ്പോ​ൾ ഇ​ന്റ​ർ​വ്യൂ ന​ട​ക്കു​ക​യാ​കും. മ​ന​സ്സ് തേ​ങ്ങി. അ​തി​ന​ധി​കം ആ​യു​സ്സു​ണ്ടാ​യി​ല്ല.

മ​ന​സ്സി​ൽ പ​തി​യെ വ​ല്ലാ​ത്ത ഒ​രു അ​നു​ഭൂ​തി പ​ട​ർ​ന്നു. വ​ല്ലാ​ത്ത ഒ​രു ആ​ത്മ​സം​തൃ​പ്തി, ന​ഷ്ട​പ്പെ​ട്ട​തി​നേ​ക്കാ​ൾ വ​ലു​താ​ണ് ഞാ​ൻ നേ​ടി​യ​തെ​ന്ന് ആ​രോ ഉ​ള്ളി​ൽ​നി​ന്ന് പ​റ​യു​ന്ന​പോ​ലെ. ര​ക്തം കൊ​ടു​ത്ത് അ​വി​ട​ന്നു കി​ട്ടി​യ ഫ്രൂ​ട്ടി​യും കു​ടി​ച്ച് മു​ജീ​ബി​നോ​ടും അ​വ​ന്റെ ബ​ന്ധു​ക്ക​ളോ​ടും യാ​ത്ര പ​റ​ഞ്ഞ് നേ​രെ ഹോ​സ്റ്റ​ലി​ലേ​ക്കു​ത​ന്നെ മ​ട​ങ്ങി. പി​ന്നെ മു​ജീ​ബി​ന്റെ വി​ളി​യൊ​ന്നും വ​ന്നി​ല്ല. നാ​ല​ഞ്ചു മാ​സ​ങ്ങ​ൾ ക​ഴി​ഞ്ഞു നോ​ട്ടു​ബു​ക്ക് മ​റി​ക്കു​ന്ന​തി​നി​ട​യി​ലാ​ണ് മു​ജീ​ബി​ന്റെ നാ​ട്ടി​ലെ ന​മ്പ​ർ ക​ണ്ട​ത്. വൈ​കു​ന്നേ​രം തൊ​ട്ട​ടു​ത്ത ടെ​ലി​ഫോ​ൺ ബൂ​ത്തി​ൽ പോ​യി വി​ളി​ച്ചു. ഹ​ലോ, മു​ജീ​ബി​ന്റെ വീ​ട​ല്ലേ? അ​തേ... ഒ​രു പെ​ണ്ണാ​ണ് ഫോ​ൺ എ​ടു​ത്ത​തെ​ന്ന് ശ​ബ്ദം കൊ​ണ്ട് മ​ന​സ്സി​ലാ​യി. ഞാ​ൻ മു​ജീ​ബി​ന്റെ ഒ​രു പ​രി​ച​യ​ക്കാ​ര​നാ​ണ്. തി​രു​വ​ന​ന്ത​പു​ര​ത്ത് അ​വ​ന്റെ മൂ​ത്ത​ച്ചി​ക്കു ര​ക്തം കൊ​ടു​ക്കാ​ൻ വ​ന്നി​രു​ന്നു. എ​ങ്ങ​നെ​യു​ണ്ട് ഇ​പ്പോ​ൾ...? കു​റ​ച്ചു നേ​രം ഒ​ന്നും കേ​ട്ടി​ല്ല. ര​ണ്ടാ​ഴ്ച മു​മ്പ് അ​വ​രു പോ​യി മോ​നെ... മ​റു​ത​ല​ക്ക​ൽ​നി​ന്നു​ള്ള സ്വ​ര​ത്തി​ൽ ക​ണ്ണീ​രി​ന്റെ ന​ന​വു​ണ്ടാ​യി​രു​ന്നു.