റമദാൻ കാഴ്ചയൊരുക്കി ശൈഖ് സായിദ് മോസ്ക്

അ​റ​ബ് പാ​ര​മ്പ​ര്യ​ത്ത​നി​മ വി​ളി​ച്ചോ​തി റ​മ​ദാ​ൻ പ​ക​ലി​ര​വു​ക​ളി​ലെ പീ​ര​ങ്കി വെ​ടി​ക​ൾ​ക്കാ​യി ഒ​രു​ങ്ങി​ക്ക​ഴി​ഞ്ഞു അ​ബൂ​ദ​ബി​യി​ലെ ശൈ​ഖ് സാ​യി​ദ് മോ​സ്ക്ക്. ആ​ധു​നി​ക സ​ജ്ജീ​ക​ര​ണ​ങ്ങ​ൾ ഏ​റ്റ​വും അ​നു​യോ​ജ്യ​മാ​യി സ​ന്നി​വേ​ശി​പ്പി​ക്കു​മ്പോ​ഴും അ​റ​ബ് പാ​ര​മ്പ​ര്യ​ത്തി​ന്‍റെ പ്ര​തീ​ക​മാ​യി ആ ​പീ​ര​ങ്കി​ക​ൾ നോ​മ്പി​ന്‍റെ തു​ട​ക്ക​ത്തി​ലും ഇ​ഫ്താ​ർ നേ​ര​മാ​വു​മ്പോ​ഴും മു​ഴ​ങ്ങി​ക്കൊ​ണ്ടേ​യി​രി​ക്കും. ഇ​ത്ത​വ​ണ​യും റ​മ​ദാ​ന് മു​ന്നോ​ടി​യാ​യി എ​ല്ലാ​വി​ധ ഒ​രു​ക്ക​ങ്ങ​ളും അ​ധി​കൃ​ത​ര്‍ പൂ​ര്‍ത്തി​യാ​ക്കി വ​രി​ക​യാ​ണ്. ഇ​ഫ്താ​ര്‍, ത​റാ​വീ​ഹ്, ഇ​അ്തി​ക്കാ​ഫ് തു​ട​ങ്ങി വി​ശ്വാ​സി​ക​ളു​ടെ തി​ര​ക്ക് കൂ​ടു​ത​ലു​ള്ള സാ​ഹ​ച​ര്യ​ങ്ങ​ളി​ല്‍ ഇ​വ നി​യ​ന്ത്രി​ക്കു​ന്ന​തി​നും പാ​ര്‍ക്കി​ങ്ങി​ലും റോ​ഡു​ക​ളി​ലെ ഗ​താ​ഗ​ത​ക്കു​രു​ക്ക് ഒ​ഴി​വാ​ക്കു​ന്ന​തി​നു​മു​ള്ള ന​ട​പ​ടി​ക​ള്‍ പു​രോ​ഗ​മി​ക്കു​ക​യാ​ണ്. അ​ബൂ​ദ​ബി​യി​ലെ പ്ര​ധാ​ന ആ​ക​ര്‍ഷ​ണ​ങ്ങ​ളി​ലൊ​ന്നാ​യി അ​തി​വേ​ഗം മാ​റി​യ ശൈ​ഖ് സാ​യി​ദ് മോ​സ്‌​കി​ല്‍ റ​ദ​മാ​നി​ല്‍ വി​ശ്വാ​സി​ക​ളും സ​ന്ദ​ര്‍ശ​ക​രു​മാ​യി വ​ന്‍ തി​ര​ക്കാ​ണ് എ​ല്ലാ​ക്കൊ​ല്ല​വും അ​നു​ഭ​വ​പ്പെ​ടു​ക.

റ​മ​ദാ​നി​ല്‍ ഇ​ഫ്താ​റി​നും ആ​രാ​ധ​ന​ക​ൾ​ക്കും സ​ന്ദ​ര്‍ശ​ക​രു​ടെ വ​ന്‍തോ​തി​ലു​ള്ള ഒ​ഴു​ക്ക് കൈ​കാ​ര്യം ചെ​യ്യാ​ന്‍ പ​ര​മാ​വ​ധി ത​യ്യാ​റെ​ടു​പ്പ് ഉ​റ​പ്പാ​ക്കു​ക​യാ​ണ് അ​ധി​കൃ​ത​ർ. ഗ്രാ​ന്‍ഡ് മോ​സ്‌​കി​ലേ​ക്ക് എ​ത്ര പേ​ര്‍ എ​ത്തി​യാ​ലും അ​വ​രെ​യെ​ല്ലാം വ​ര​വേ​ല്‍ക്കാ​ന്‍ ശൈ​ഖ് സാ​യി​ദ് ഗ്രാ​ന്‍ഡ് മോ​സ്‌​ക് സെ​ന്‍റ​ർ സ​ര്‍ക്കാ​ര്‍, സ്വ​കാ​ര്യ മേ​ഖ​ല​ക​ള്‍, സ്ഥാ​പ​ന​ങ്ങ​ള്‍ എ​ന്നി​വ​യു​മാ​യി ചേ​ര്‍ന്ന് ക​ർ​മ പ​ദ്ധ​തി​ക​ൾ ആ​സൂ​ത്ര​ണം ചെ​യ്തി​ട്ടു​ണ്ട്.

ഉ​യ​ര്‍ന്ന നി​ല​വാ​ര​ത്തി​ലു​ള്ള സേ​വ​നം ന​ല്‍കു​ക, മ​സ്ജി​ദി​ന്‍റെ അ​തി​ഥി​ക​ളെ സ്വീ​ക​രി​ക്കു​ന്ന​തി​നു​ള്ള എ​ല്ലാ ഫീ​ല്‍ഡ് ത​യ്യാ​റെ​ടു​പ്പു​ക​ളും പൂ​ര്‍ത്തി​യാ​ക്കു​ക, ഒ​പ്പം ഒ​രു സു​ഖ​ക​ര​മാ​യ അ​ന്ത​രീ​ക്ഷം സൃ​ഷ്ടി​ക്കു​ക തു​ട​ങ്ങി​യ കാ​ര്യ​ങ്ങ​ളി​ലും അ​തീ​വ ശ്ര​ദ്ധാ​ലു​ക്ക​ലാ​ണി​വ​ര്‍. പ്ര​ധാ​ന ഹാ​ളി​ലെ കാ​ര്‍പ്പെ​റ്റ് ക​ഴു​കു​ക, വൃ​ത്തി​യാ​ക്കു​ക, ആ​വ​ശ്യ​മെ​ങ്കി​ല്‍ പു​തി​യ​ത് വി​രി​ക്കു​ക, അ​തി​ന്‍റെ ഗു​ണ​നി​ല​വാ​രം സം​ര​ക്ഷി​ക്കു​ക, ഡോ​മു​ക​ള്‍ വൃ​ത്തി​യാ​ക്കു​ക, മാ​ര്‍ബി​ളി​ന്‍റെ രൂ​പ​ക​ല്‍പ്പ​ന​യും മ​നോ​ഹാ​രി​ത​യും സം​ര​ക്ഷി​ക്കു​ക. 41 എ​യ​ര്‍ ക​ണ്ടീ​ഷ​നി​ങ്, താ​പ​നി​ല നി​യ​ന്ത്ര​ണ എ​യ​ര്‍ ഹാ​ന്‍ഡ്‌​ലി​ങ്​ യൂ​ണി​റ്റു​ക​ളു​ടെ കൃ​ത്യ​മാ​യ പ​രി​പാ​ല​ന പ്ര​വ​ര്‍ത്ത​ന​ങ്ങ​ള്‍ ന​ട​ത്തു​ക, പ്രാ​ര്‍ത്ഥ​ന ഹാ​ളു​ക​ളി​ലെ ആ​രാ​ധ​ക​രു​ടെ എ​ണ്ണം അ​നു​സ​രി​ച്ച് വാ​യു സ​ഞ്ചാ​ര​വും താ​പ​നി​ല​യും ക്ര​മ​പ്പെ​ടു​ത്തു​ക തു​ട​ങ്ങി​യ​വ റ​മ​ദാ​ന്‍ ദി​ന​ങ്ങ​ളി​ല്‍ സ്ഥി​ര​മാ​യി ചെ​യ്തു​വ​രു​ന്നു. പാ​ര്‍ക്കി​ങ്, ഗ​താ​ഗ​ത സൗ​ക​ര്യ​ങ്ങ​ള്‍ ഉ​റ​പ്പു​വ​രു​ത്താ​ന്‍ രാ​ത്രി ഒ​മ്പ​ത്​ മു​ത​ല്‍ പു​ല​ര്‍ച്ചെ ര​ണ്ടു​വ​രെ 43 പ​രി​ശോ​ധ​ക​രെ​യും മേ​ല്‍നോ​ട്ട​ക്കാ​രെ​യും ഉ​ള്‍പ്പെ​ടു​ത്തി ടീ​മു​ക​ള്‍ വി​പു​ല​പ്പെ​ടു​ത്തും.

പാ​ര്‍ക്കി​ങ് മേ​ഖ​ല​ക​ളി​ലും ടെ​ന്‍റു​ക​ളി​ലു​മു​ള്ള പ​രി​ശോ​ധ​ക​രു​ടെ മാ​ര്‍ഗ​നി​ര്‍ദേ​ശ​ങ്ങ​ള്‍ക്ക​നു​സ​രി​ച്ചു വേ​ണം ആ​രാ​ധ​ന​യ്ക്കെ​ത്തു​ന്ന​വ​രും വ്ര​ത​മ​നു​ഷ്ടി​ക്കു​ന്ന​വ​രും ഇ​ഫ്താ​ര്‍, ത​റാ​വീ​ഹ് നി​സ്‌​കാ​ര കേ​ന്ദ്ര​ങ്ങ​ളി​ലെ​ത്തേ​ണ്ട​ത്. ഭി​ന്ന​ശേ​ഷി​ക്കാ​ര്‍ക്കും മു​തി​ര്‍ന്ന പൗ​ര​ന്മാ​ര്‍ക്കു​മാ​യി പ്ര​ത്യേ​ക പാ​ര്‍ക്കി​ങ് സൗ​ക​ര്യം ഒ​രു​ക്കും. ക​ഴി​ഞ്ഞ ത​വ​ണ ശൈ​ഖ് സാ​യി​ദ് ഗ്രാ​ന്‍ഡ് മ​സ്ജി​ദി​ല്‍ റ​മ​ദാ​നി​ലെ 27-ാം രാ​വി​ല്‍ നി​സ്‌​കാ​ര​ത്തി​നെ​ത്തി​യ​ത് 70000ത്തി​ലേ​റെ വി​ശ്വാ​സി​ക​ളാ​ണ്. അ​തേ​സ​മ​യം, ശൈ​ഖ് സാ​യി​ദ് മോ​സ്‌​കി​ല്‍ രാ​ത്രി​കാ​ല​ങ്ങ​ളി​ലും സ​ന്ദ​ര്‍ശ​നം അ​നു​വ​ദി​ച്ചി​ട്ടു​ണ്ട് അ​ധി​കൃ​ത​ര്‍.

രാ​ത്രി 10 മു​ത​ല്‍ രാ​വി​ലെ 9 വ​രെ കൂ​ടി സ​ന്ദ​ര്‍ശ​ക​രെ അ​നു​വ​ദി​ക്കാ​ന്‍ തീ​രു​മാ​നി​ച്ച​തോ​ടെ 24 മ​ണി​ക്കൂ​റും പൊ​തു​ജ​ന​ങ്ങ​ള്‍ക്ക് മോ​സ്‌​ക് ചു​റ്റി​ക്കാ​ണാ​നാ​വും. രാ​ത്രി​കാ​ല​ങ്ങ​ളി​ല്‍ കൂ​ടി സ​ന്ദ​ര്‍ശ​നം അ​നു​വ​ദി​ച്ച​തോ​ടെ പ​ള്ളി​യു​ടെ അ​റ്റ​കു​റ്റ​പ്പ​ണി​ക​ളും ശു​ചീ​ക​ര​ണ ജോ​ലി​ക​ളു​മൊ​ക്കെ ആ​ളു​ക​ള്‍ക്ക് കാ​ണാ​നാ​വും. പു​രാ​ത​ന​വും സ​മ​കാ​ലി​ക​വു​മാ​യ ക​ലാ​സൃ​ഷ്ടി​ക​ള്‍, ശാ​സ്ത്രീ​യ​വും വൈ​ദ്യ​ശാ​സ്ത്ര​പ​ര​വു​മാ​യ കൈ​യെ​ഴു​ത്തു​പ്ര​തി​ക​ള്‍, അ​ല​ങ്കാ​ര​ങ്ങ​ള്‍, കാ​ലി​ഗ്രാ​ഫി, ലോ​ഹം, മ​രം, മാ​ര്‍ബി​ള്‍ ക​ലാ​സൃ​ഷ്ടി​ക​ള്‍, തു​ണി​ത്ത​ര​ങ്ങ​ള്‍ തു​ട​ങ്ങി​യ​വ ഉ​ള്‍പ്പെ​ടു​ത്തി​യി​ട്ടു​ള്ള ‘ലൈ​റ്റ് ആ​ന്‍ഡ് പീ​സ് മ്യൂ​സി​യം’ അ​ബൂ​ദ​ബി ശൈ​ഖ് സാ​യി​ദ് ഗ്രാ​ന്‍ഡ് മോ​സ്‌​കി​ലെ ആ​ക​ര്‍ഷ​ണ​ങ്ങ​ളി​ല്‍ ഒ​ന്നാ​ണ്. അ​പൂ​ര്‍വ​മാ​യ പു​സ്ത​ക​ങ്ങ​ളും ഇ​സ് ലാ​മി​ക സം​സ്‌​കാ​ര​ത്തി​ന്റെ സ​മ്പ​ന്ന​ത ആ​ഘോ​ഷ​മാ​ക്കു​ന്ന കൈ​യെ​ഴു​ത്തു​പ്ര​തി​ക​ള്‍ അ​ട​ക്ക​മു​ള്ള ല​ഭി​ക്കു​ന്ന അ​ല്‍ ജാ​മി ലൈ​ബ്ര​റി​യും മ​സ്ദി​ലെ​ത്തു​ന്ന സ​ന്ദ​ര്‍ശ​ക​ര്‍ക്ക് സ​ന്ദ​ര്‍ശി​ക്കാ​വു​ന്ന​താ​ണ്.