തൊ​ഴു​പ്പാ​ടം ഗ്രാ​മ​ത്തി​ൽ ഔ​ഷ​ധ​ക്ക​ഞ്ഞി​ക്ക് വ​ൻ​തി​ര​ക്ക്

ചെ​റു​തു​രു​ത്തി: ക​ടു​ത്ത ചൂ​ടും റ​മ​ദാ​നും എ​ത്തി​യ​തോ​ടെ ഔ​ഷ​ധ​ക്ക​ഞ്ഞി കു​ടി​ക്കാ​ൻ വ​ൻ​തി​ര​ക്കാ​ണ് തൊ​ഴു​പ്പാ​ടം ഗ്രാ​മ​ത്തി​ൽ. കോ​വി​ഡ് കാ​ല​ത്തെ റ​മ​ദാ​ൻ മാ​സ​ത്തി​ലാ​ണ് പാ​ഞ്ഞാ​ൾ പ​ഞ്ചാ​യ​ത്തി​ലെ തൊ​ഴു​പ്പാ​ടം മ​ഹ​ല്ല് കൂ​ട്ടാ​യ്മ​യു​ടെ നേ​തൃ​ത്വ​ത്തി​ൽ ചെ​റു​പ്പ​ക്കാ​ർ കൊ​ണ്ടു​വ​ന്ന ആ​ശ​യം അ​ഞ്ച് വ​ർ​ഷ​ങ്ങ​ൾ ആ​വു​മ്പോ​ഴും പു​രോ​ഗ​തി​യി​ലാ​ണ്.

ഔ​ഷ​ധ​ക്ക​ഞ്ഞി 500ഓ​ളം വീ​ടു​ക​ളിൽ എ​ത്തി​ക്കു​ന്നു​ണ്ട്. ഇ​ത​ര മ​ത​സ്ഥ​രാ​യ സ​ഹോ​ദ​രി സ​ഹോ​ദ​ര​ന്മാ​രും വൈ​കു​ന്നേ​ര​ങ്ങ​ളി​ൽ ഔ​ഷ​ധക്കഞ്ഞി​ക്ക് കാ​ത്ത് നി​ൽ​ക്കു​ക​യാ​ണ്. വൈ​കീ​ട്ട് നാ​ലു​മ​ണി​യോ​ടു​കൂ​ടി തൊ​ഴു​പ്പാ​ടം പ​ള്ളി​യ​ങ്ക​ണ​ത്തി​ൽ ഉ​ണ​ങ്ങ​ല്ല​രി, ന​ല്ല​ജീ​ര​കം, ഉ​ലു​വ, നാ​ളി​കേ​രം, മ​ഞ്ഞ​ൾ​പൊ​ടി, ചെ​റി​യ ഉ​ള്ളി, ചെ​റു​പ​യ​ർ, സ​വാ​ള, ക​റി​വേ​പ്പി​ല, ഉ​പ്പ് എ​ന്നി​വ ചേ​ർ​ത്ത് പ്ര​ത്യേ​കം ത​യാ​റാ​ക്കി​യ മ​രു​ന്നു​ക​ഞ്ഞി ര​ണ്ടു ഗു​ഡ്സ് വ​ണ്ടി​യി​ൽ വ​ലി​യ ചെ​മ്പി​ലാ​ക്കി​യാ​ണ് കൊ​ണ്ടു​പോ​യി കൊ​ടു​ക്കു​ന്ന​ത്.

റ​മ​ദാ​നി​ലെ എ​ല്ലാ​ദി​വ​സ​വും ഇ​ത് മു​ട​ങ്ങാ​തെ കൊ​ടു​ക്കു​ന്നു​ണ്ട്. വി​വി​ധ സ്ഥ​ല​ങ്ങ​ളി​ൽ വ​ണ്ടി പോ​യി നി​ന്നാ​ൽ, സ്ത്രീ​ക​ളും കു​ട്ടി​ക​ളും മു​തി​ർ​ന്ന​വ​രും ജാ​തി​ഭേ​ദ​മ​ന്യേ ക​ഞ്ഞി വാ​ങ്ങി​ച്ചു കൊ​ണ്ടു​പോ​കു​ന്നു​ണ്ട്. ഇ​തു​കൂ​ടാ​തെ പ​ള്ളി​യി​ൽ നോ​മ്പു​തു​റ​ക്കാ​ൻ എ​ല്ലാ​വ​ർ​ക്കും സൗ​ക​ര്യം ഒ​രു​ക്കി​യി​ട്ടു​ണ്ടെ​ന്ന് ഗ്രാ​മ​പ​ഞ്ചാ​യ​ത്ത് വാ​ർ​ഡ് അം​ഗം പി.​എം. മു​സ്ത​ഫ പ​റ​ഞ്ഞു.