എ​ന്റെ ബാ​ല്യ​കാ​ല നോ​മ്പു​കാ​ലം

നോ​മ്പു​കാ​ലം എ​ന്ന​ത് എ​ന്റെ ബാ​ല്യ​ത്തി​ലെ അ​തി​മ​ധു​ര​മാ​യ ഓ​ർ​മ​ക​ളി​ലൊ​ന്നാ​ണ്. അ​ത് ഒ​രു മാ​സ​ത്തേ​ക്കു​ള്ള വ്ര​താ​നു​ഷ്ഠാ​നം മാ​ത്ര​മ​ല്ല, മ​റി​ച്ച് മ​ന​സ്സി​ന്റെ ശു​ദ്ധീ​ക​ര​ണ​ത്തി​നും ആ​ത്മീ​യ ഉ​ണ​ർ​വി​നു​മു​ള്ള ഒ​രു വി​ശു​ദ്ധ​കാ​ല​മാ​യി​രു​ന്നു. ആ ​ദി​വ​സ​ങ്ങ​ൾ​ക്കാ​യി ഞ​ങ്ങ​ൾ മു​ന്നോ​ടി​യാ​യി കാ​ത്തി​രി​ക്കും. നോ​മ്പ് ആ​രം​ഭി​ക്കു​മ്പോ​ൾ ഒ​രു പ്ര​ഭാ​ത​താ​രം​പോ​ലെ കു​ടും​ബ​വു​മെ​ല്ലാം അ​തി​നെ സ്വീ​ക​രി​ക്കും.

ഉ​മ്മ അ​ടു​ക്ക​ള​യി​ൽ ഉ​ണ്ടാ​ക്കു​ന്ന വി​ഭ​വ​ങ്ങ​ളു​ടെ മ​ണ​വും ഉ​പ്പ​യു​ടെ സ​മാ​ധാ​ന​പൂ​ർ​വ​മാ​യ ഉ​പ​ദേ​ശ​ങ്ങ​ളും അ​തി​ന്‍റെ ഭാ​ഗ​മാ​യി​രു​ന്നു. നോ​മ്പ് എ​ത്ര മ​ഹ​ത്ത​ര​മാ​ണെ​ന്നും അ​തി​ലൂ​ടെ എ​ത്ര പു​ണ്യം ല​ഭി​ക്കു​മെ​ന്നു​മൊ​ക്കെ വ​ലി​യ​വ​ർ സം​സാ​രി​ച്ചു​കേ​ൾ​ക്കു​മ്പോ​ൾ ഞ​ങ്ങ​ൾ കു​ട്ടി​ക​ൾ​ക്കും അ​തി​നോ​ടു​ള്ള ആ​കാം​ക്ഷ കൂ​ടും.

ചെ​റു​പ്പ​കാ​ല​ത്ത് മു​ഴു​വ​ൻ നോ​മ്പ് നോ​ക്കാ​ൻ ക​ഴി​യി​ല്ലാ​യി​രു​ന്നു. ആ​ദ്യം ‘ഹാ​ഫ് നോ​മ്പ്’ ആ​ണ് പ്രാ​യോ​ഗി​ക​മാ​യ​ത്, ഉ​ച്ച​വ​രെ മാ​ത്രം. അ​തി​ലേ​ക്കു​ള്ള പ്ര​ചോ​ദ​ന​മാ​യി​രു​ന്ന​ത് ഉ​മ്മ​യു​ടെ അ​ഭി​ന​ന്ദ​ന​വാ​ക്കു​ക​ൾ! ‘ഞ​ങ്ങ​ളു​ടെ കു​ഞ്ഞു​മി​ടു​ക്ക​ൻ നോ​മ്പ് നോ​ക്കു​ന്നു!’ ഈ ​വാ​ക്കു​ക​ൾ കേ​ൾ​ക്കു​മ്പോ​ൾ അ​തി​ന്‍റെ ഗം​ഭീ​ര​ത മ​ന​സ്സി​ൽ നി​റ​യും.

പ​കു​തി നോ​മ്പി​നു​ശേ​ഷം മു​ഴു​വ​ൻ നോ​മ്പി​ലേ​ക്ക് നീ​ങ്ങി​യ​പ്പോ​ഴാ​ണ് നോ​മ്പി​ന്‍റെ യ​ഥാ​ർ​ഥ ത്രി​ല്ല് മ​ന​സ്സി​ലാ​യ​ത്. അ​ത്താ​ഴ​ത്തി​ന് ഉ​മ്മ വി​ളി​ക്കു​മ്പോ​ൾ അ​ല​സ​ത തോ​ന്നി​യാ​ലും നോ​മ്പി​ന്‍റെ വി​ശു​ദ്ധി​യു​ടെ പേ​രി​ൽ എ​ണീ​ക്കേ​ണ്ട​തു​ണ്ട്. ഇ​ങ്ങ​നെ ഓ​രോ​നാ​ൾ ക​ട​ന്നു​പോ​കു​മ്പോ​ൾ നോ​മ്പി​നെ​പ്പ​റ്റി​യു​ള്ള ബോ​ധ്യ​വും അ​തി​ന്‍റെ ആ​ത്മീ​യ​മൂ​ല്യ​വും മ​ന​സ്സി​ലാ​കാ​ൻ തു​ട​ങ്ങി.

പ്ര​ഭാ​ത ന​മ​സ്‌​കാ​ര​ത്തി​നു​വേ​ണ്ടി പ​ള്ളി​യി​ലേ​ക്കു​ള്ള യാ​ത്ര​യി​ലാ​ണ് ദി​വ​സം ആ​രം​ഭി​ക്കു​ക. അ​ന്ന് നോ​മ്പ് നോ​ക്കു​ന്ന​തി​ൽ ഒ​രു അ​ഭി​മാ​ന​വും ഉ​ണ്ടാ​യി​രു​ന്നു. രാ​വി​ലെ കൂ​ട്ടു​കാ​രു​മാ​യി ക​ളി​ച്ചും ഉ​മ്മ​യു​ടെ ഇ​സ്‍ലാ​മി​ക ക​ഥ​ക​ൾ കേ​ട്ടും സ​മ​യം ക​ഴി​യും. ഉ​ച്ച​ക​ഴി​ഞ്ഞാ​ൽ വി​ശ​പ്പ് ശ​ക്തി​യോ​ടെ മ​ന​സ്സി​നെ വേ​ദ​നി​പ്പി​ക്കും. അ​പ്പോ​ഴേ​ക്കും ത​ള​ർ​ച്ച​യും കാ​ണാം. ചി​ല​പ്പോ​ൾ, ഉ​മ്മ​യു​ടെ പ്രോ​ത്സാ​ഹ​ന വാ​ക്കു​ക​ൾ കേ​ട്ട് ശ​ക്തി വീ​ണ്ടെ​ടു​ക്കും: ‘കു​റ​ച്ചു​കൂ​ടി സ​മ​യം മാ​ത്രം!’ വൈ​കു​ന്നേ​ര​മാ​കു​മ്പോ​ൾ അ​ടു​ക്ക​ള​യി​ൽ ന​ട​ക്കു​ന്ന ഇ​ഫ്താ​ർ ഒ​രു​ക്ക​ങ്ങ​ൾ കാ​ണു​ന്ന​തു​ത​ന്നെ ഹൃ​ദ​യം നി​റ​യ്ക്കും.

പാ​ത്തി​രി, കു​ഞ്ഞി​പ്പ​ത്തി​ൽ, നോ​മ്പു​ക​ഞ്ഞി വീ​ട്ടി​ലെ ഇ​ഫ്താ​ർ മി​ഴി​വു​ള്ള ഒ​ന്നാ​കും. കൈ​യി​ൽ കാ​ര​ക്ക​യു​മാ​യി ബാ​ങ്കി​നാ​യി കാ​ത്തി​രി​ക്കു​മെ​ങ്കി​ലും മ​ന​സ്സി​ലൊ​രു അ​ത്യ​ന്തം ആ​കാം​ക്ഷ നി​റ​യും. ആ​ദ്യ​ത്തെ തു​ള്ളി വെ​ള്ളം തൊ​ടു​മ്പോ​ഴു​ള്ള അ​ത്ഭു​തം എ​ത്ര മ​നോ​ഹ​ര​മാ​യി​രു​ന്നു!

ഇ​ഫ്താ​റി​നു​ശേ​ഷം പ​ള്ളി​യി​ലേ​ക്കു​ള്ള യാ​ത്ര മ​റ്റൊ​രു മ​ധു​ര​സ്മ​ര​ണ. കൂ​ട്ടു​കാ​രോ​ടൊ​പ്പം പ​ള്ളി​യി​ലേ​ക്കു​ള്ള വ​ഴി​യി​ൽ ത​മാ​ശ​ക​ളും ക​ളി​ക​ളും. ത​റാ​വീ​ഹ് ന​മ​സ്‌​കാ​ര​ത്തി​ന്‍റെ ഭ​ക്തി​സാ​ന്ദ്ര​മാ​യ മു​ഹൂ​ർ​ത്തം അ​നു​ഭ​വി​ച്ചു, വി​ശു​ദ്ധ ഖു​ർ​ആ​ന്‍റെ മ​നോ​ഹ​ര​മാ​യ ഖി​റാ​അ​ത്ത് കേ​ട്ട​പ്പോ​ൾ മ​ന​സ്സി​ൽ ഒ​രേ വി​ശ്ര​മം. ചി​ല​പ്പോ​ൾ കൂ​ട്ടു​കാ​രു​ടെ ക​ണ്ണു​ക​ളി​ലേ​ക്കു നോ​ക്കി ചി​രി​ച്ചു, മ​ന്ദ​ഹ​സി​ച്ച് വീ​ണ്ടും ഇ​ബാ​ദ​ത്തി​ൽ മു​ങ്ങി.

ഇ​ന്ന് ബാ​ല്യ​കാ​ല​ത്തെ നോ​മ്പു​കാ​ലം ഓ​ർ​ത്തു​നോ​ക്കു​മ്പോ​ൾ മ​ന​സ്സി​ൽ നി​റ​യു​ന്ന​ത് അ​തി​ന്റെ ആ​ത്മീ​യ സൗ​ന്ദ​ര്യ​വും സ്നേ​ഹ​ബ​ന്ധ​ങ്ങ​ളും ത​ന്നെ​യാ​ണ്. അ​ന്നോ​ർ​ത്ത​ത് ഇ​ന്ന് വ​ലി​യൊ​രു പാ​ഠ​മാ​യി മാ​റി​യി​രി​ക്കു​ന്നു. നോ​മ്പ് അ​ന്ന് വി​ശ​പ്പി​ന്റെ പ​രീ​ക്ഷ​യാ​യി​രു​ന്നു. ഇ​ന്ന് മ​ന​സ്സി​ലാ​വു​ന്ന​ത് അ​തി​ലേ​റെ​യാ​ണെ​ന്നാ​ണ്.

സ​ഹ​ന​ത്തി​ന്‍റെ പാ​ഠം, ആ​ത്മ​നി​യ​ന്ത്ര​ണ​ത്തി​ന്‍റെ മ​ഹ​ത്വം, ജീ​വി​ത​ത്തി​ന്‍റെ യ​ഥാ​ർ​ഥ മൂ​ല്യ​ങ്ങ​ൾ എ​ന്നി​വ തി​രി​ച്ച​റി​യാ​ൻ ഒ​രു അ​വ​സ​ര​മാ​ണ് നോ​മ്പ്. എ​ന്റെ ബാ​ല്യ​കാ​ല നോ​മ്പു​കാ​ലം ഒ​രു ആ​ക​സ്മി​ക അ​നു​ഭ​വ​മ​ല്ല, മ​റി​ച്ച് ജീ​വി​തം മു​ഴു​വ​ൻ ഓ​ർ​മി​ക്കാ​ൻ ക​ഴി​യു​ന്ന അ​തി​മ​ധു​ര​മാ​യ അ​നു​ഭ​വ​മാ​ണ്!