റമദാൻ കിറ്റിൽ ഈത്തപ്പഴം നിറച്ച് ബ്രിട്ടീഷ് രാജാവും രാജ്ഞിയും

ലോ​ക​മെ​ങ്ങും ഇ​സ്‍ലാം മ​ത വി​ശ്വാ​സി​ക​ൾ റ​മ​ദാ​ൻ വ്ര​ത​ക്കാ​ല​ത്തെ വ​ര​​വേ​ൽ​ക്കാ​ൻ ഒ​രു​ക്ക​ങ്ങ​ൾ ന​ട​ത്തു​ക​യാ​ണി​പ്പോ​ൾ. ഇ​തി​ന് ഐ​ക്യ​ദാ​ർ​ഢ്യം പ്ര​ക​ടി​പ്പി​ച്ച് ബ്രി​ട്ടീ​ഷ് രാ​ജാ​വ് ചാ​ൾ​സും രാ​ജ്ഞി കാ​മി​ല പാ​ർ​ക്ക​റും ല​ണ്ട​നി​ലെ പ്ര​ശ​സ്ത​മാ​യ ഡാ​ർ​ജി​ലി​ങ് എ​ക്സ്പ്ര​സ് റ​സ്റ്റാ​റ​ന്റി​ൽ ഈ​ത്ത​പ്പ​ഴം പാ​ക്ക് ചെ​യ്യു​ന്ന വി​ഡി​യോ ഇ​പ്പോ​ൾ സ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​ക്കു​ക​യാ​ണ്. ഇ​ന്ത്യ​ൻ വം​ശ​ജ​യും ഡാ​ർ​ജി​ലി​ങ് എ​ക്സ്‍പ്ര​സി​ന്റെ ഉ​ട​മ​യു​മാ​യ പ്ര​ശ​സ്ത ഷെ​ഫ് അ​സ്മ ഖാ​നാ​ണ് ആ​തി​ഥേ​യ​ത്വം വ​ഹി​ച്ച​ത്. ഇ​ഫ്താ​റി​ന് വി​ത​ര​ണം ചെ​യ്യാ​നു​ള്ള ഈ​ത്ത​പ്പ​ഴം ക​മ്യൂ​ണി​റ്റി സ​ർ​വി​സി​ന്റെ ഭാ​ഗ​മാ​യി രാ​ജാ​വും രാ​ജ്ഞി​യും ക​ഴി​ഞ്ഞ ദി​വ​സ​മാ​ണ് റ​സ്റ്റാ​റ​ന്റി​ൽ വെ​ച്ച് പാ​ക്ക് ചെ​യ്ത​ത്.

രാ​ജ​കു​ടും​ബ​ത്തി​ന്റെ ഔ​ദ്യോ​ഗി​ക എ​ക്സ് ഹാ​ൻ​ഡി​ലി​ലും വി​ഡി​യോ പോ​സ്റ്റ് ചെ​യ്തി​ട്ടു​ണ്ട്. ‘‘ഡാ​ർ​ജി​ലി​ങ് എ​ക്സ്പ്ര​സി​ൽ ഈ​ത്ത​പ്പ​ഴം പാ​ക്ക് ചെ​യ്യു​ക​യാ​ണ് രാ​ജാ​വും രാ​ജ്ഞി​യും! റ​മ​ദാ​നി​ൽ സൂ​ര്യാ​സ്ത​മ​യ​നേ​ര​ത്ത് നോ​മ്പ് മു​റി​ക്കു​മ്പോ​ൾ ക​ഴി​ക്കു​ന്ന ആ​ദ്യ ഭ​ക്ഷ​ണ​മാ​ണി​ത്. പ്ര​ദേ​ശ​ത്തെ ആ​ശു​പ​ത്രി​ക​ളി​ൽ വി​ത​ര​ണം ചെ​യ്യാ​നു​ള്ള​താ​ണി​ത്’’ -വി​ഡി​യോ​ക്കൊ​പ്പ​മു​ള്ള അ​ടി​ക്കു​റി​പ്പി​ൽ പ​റ​യു​ന്നു.

‘‘രാ​ജാ​വ് ഇ​ത്ര വേ​ഗ​ത്തി​ൽ പാ​ക്ക് ചെ​യ്യു​മെ​ന്ന് ഞാ​ൻ ക​രു​തി​യി​ല്ല’’ എ​ന്ന ഷെ​ഫ് അ​സ്മ ഖാ​ന്റെ ക​മ​ന്റി​ന്, ‘‘ഞാ​ൻ സ​മ​യം പാ​ഴാ​ക്കാ​റി​ല്ല’’ എ​ന്ന ചാ​ൾ​സി​ന്റെ മ​റു​പ​ടി​യും ര​സ​ക​ര​മാ​യി.

റ​സ്റ്റാ​റ​ന്റി​​ന്റെ അ​ടു​ക്ക​ള സ​ന്ദ​ർ​ശി​ച്ച രാ​ജ​ദ​മ്പ​തി​മാ​ർ, സ്ഥി​രം താ​മ​സ​സൗ​ക​ര്യ​മി​ല്ലാ​ത്ത​വ​ർ​ക്ക് സൗ​ജ​ന്യ വി​ത​ര​ണം ന​ട​ത്താ​നു​ള്ള ബി​രി​യാ​ണി ത​യാ​റാ​ക്കു​ന്ന ഹെ​ഡ് ഷെ​ഫ് ആ​ശ പ്ര​ധാ​നൊ​പ്പം അ​തി​ലും പ​ങ്കു കൊ​ണ്ടു.

ഷെ​ഫ് അ​സ്മ ഖാ​നും ഡാ​ർ​ജി​ലി​ങ്എ​ക്സ്പ്ര​സും

കൊ​ൽ​ക്ക​ത്ത​യി​ൽ ജ​നി​ച്ച, ബ്രി​ട്ടീ​ഷ് ഷെ​ഫും എ​ഴു​ത്തു​കാ​രി​യും ഹോ​ട്ട​ലു​ട​മ​യു​മാ​യ അ​സ്മ ഖാ​ൻ നി​യ​മ​ത്തി​ൽ ഗ​വേ​ഷ​ണ പ​ഠ​ന​ത്തി​നാ​യി 1991ലാ​ണ് ല​ണ്ട​നി​ലെ​ത്തി​യ​ത്. ല​ണ്ട​നി​ലെ ത​ന്റെ വീ​ട്ടി​ൽ ഇ​ന്ത്യ​ൻ വി​ഭ​വ​ങ്ങ​ളു​മാ​യി ‘അ​ത്താ​ഴ ക്ല​ബ്’ ആ​രം​ഭി​ച്ചു. ഇ​തി​ന് പ്ര​ചാ​രം ല​ഭി​ച്ച​തോ​ടെ ല​ണ്ട​നി​ൽ ഡാ​ർ​ജി​ലി​ങ് എ​ക്സ്പ്ര​സ് എ​ന്ന പേ​രി​ൽ 2017ൽ ​ഇ​ന്ത്യ​ൻ റ​സ്റ്റാ​റ​ന്റ് ആ​രം​ഭി​ച്ചു. പ​ര​മ്പ​രാ​ഗ​ത ഇ​ന്ത്യ​ൻ വി​ഭ​വ​ങ്ങ​ൾ​ക്കു മാ​ത്ര​മ​ല്ല, സാ​മൂ​ഹി​ക സേ​വ​ന പ്ര​വ​ർ​ത്ത​ന​ങ്ങ​ൾ​ക്കും മു​ന്നി​ലു​ള്ള ഡാ​ർ​ജി​ലി​ങ് എ​ക്സ്പ്ര​സി​ൽ വ​നി​ത ജീ​വ​ന​ക്കാ​രാ​ണു​ള്ള​ത്.

ദ​ക്ഷി​ണേ​ഷ്യ​യി​ൽ​നി​ന്നു​ള്ള കു​ടി​യേ​റ്റ വ​നി​ത​ക​ൾ​ക്ക്, പാ​ച​ക രം​ഗ​ത്ത് പ​രി​ച​യ​മി​ല്ലാ​ത്ത​വ​രാ​ണെ​ങ്കി​ലും അ​വ​ർ​ക്ക് പ​രി​ശീ​ല​ന​വും ജോ​ലി​യും ന​ൽ​കി ശാ​ക്തീ​ക​രി​ക്കു​ന്ന അ​സ്മ ഖാ​ൻ രാ​ജ്യ​ത്ത് ഏ​റെ ആ​ദ​രി​ക്ക​പ്പെ​ടു​ന്ന സാ​മൂ​ഹി​ക പ്ര​വ​ർ​ത്ത​ക​കൂ​ടി​യാ​ണ്. ‘ടൈം’ ​മാ​സി​ക​യു​ടെ 2024ലെ ‘​സ​മൂ​ഹ​ത്തെ സ്വാ​ധീ​നി​ച്ച 100 വ​നി​ത​ക​ളി’​ൽ അ​സ്മ​യു​ണ്ടാ​യി​രു​ന്നു. നെ​റ്റ്ഫ്ലി​ക്സി​ന്റെ 2019ൽ ‘​ഷെ​ഫ്സ് ടേ​ബ്ളി’​ൽ അ​വ​ത​രി​പ്പി​ക്ക​പ്പെ​ട്ട ആ​ദ്യ ബ്രി​ട്ടീ​ഷ് ഷെ​ഫും ഇ​വ​രാ​യി​രു​ന്നു. യു.​എ​ന്നി​ന്റെ ഭ​ക്ഷ്യ​പ​ദ്ധ​തി​യു​ടെ ​ഷെ​ഫ് അ​ഡ്വ​ക്ക​റ്റു​മാ​ണ്.