സ​മാ​ന​ത​ക​ളി​ല്ലാ​ത്ത പു​ണ്യ​കാ​ലം

നോ​മ്പു​കാ​ലം ഒ​ന്നു​കൂ​ടി വ​ന്നെ​ത്തി. അ​ന്ത​രീ​ക്ഷ​ത്തി​ൽ ആ​ത്മീ​യ​ത​യു​ടെ ന​നു​ത്ത തെ​ന്ന​ലു​ണ്ട്. കാ​റ്റി​ന് വി​ശു​ദ്ധി​യു​ടെ പ​രി​മ​ള​മു​ണ്ട്. ന​മ​സ്​​കാ​ര​ത്തി​ലും സ​കാ​തി​ലും നോ​മ്പി​ലു​മ​ട​ക്കം ഇ​സ്​​ലാ​മി​ലെ മ​റ്റ് ആ​രാ​ധ​ന​ക​ർ​മ​ങ്ങ​ളി​ലു​മെ​ന്ന​പോ​ലെ, വി​ശ്വാ​സി​യു​ടെ ശ​രീ​ര​വും ആ​ത്മാ​വും ഒ​രു​പോ​ലെ പ​ങ്കെ​ടു​ക്കു​ന്നു​ണ്ട് വ്ര​ത​ത്തി​ലും. ശ​രീ​ര​ത്തി​ലെ ദു​ർ​മേ​ദ​സ്സു​ക​ളെ​യും ആ​ത്മാ​വി​ലെ ഉ​റ​ക്കു​ത്തു​ക​ളെ​യും കു​ട​ഞ്ഞൊ​ഴി​വാ​ക്കു​ന്ന ഉ​റ​യൂ​ര​ൽ പ്ര​ക്രി​യ​യാ​ണ് വി​ശ്വാ​സി​ക്ക് നോ​മ്പ്. അ​ത​യാ​ളു​ടെ ജീ​വി​ത​ത്തി​ന് സു​താ​ര്യ​ത ന​ൽ​കു​ന്നു. വ്ര​ത​മ​നു​ഷ്ഠി​ക്കു​ക; അ​തി​ന് സ​മാ​ന​ത​ക​ളി​ല്ല എ​ന്ന് ന​ബി പ​റ​യു​ന്നു​ണ്ട്.

ത​ന്റെ ജീ​വി​ത​ത്തി​ലെ ആ​ശാ​സ്യ​മ​ല്ലാ​ത്ത പ്ര​വ​ണ​ത​ക​ളെ മാ​റ്റി​യെ​ടു​ക്കാ​നു​ള്ള അ​വ​സ​ര​മാ​യി മു​സ്​​ലിം റ​മ​ദാ​ൻ​കാ​ല​ത്തെ കാ​ണു​ന്നു. ചി​ല​ർ പു​തി​യ പ്ര​തി​ജ്ഞ​ക​ളെ​ടു​ക്കു​മ്പോ​ൾ മ​റ്റു​ചി​ല​ർ പ്രാ​യോ​ഗി​ക​മാ​യി​ത്ത​ന്നെ സ്വ​യം മാ​റു​ന്നു. ആ​ത്മീ​യ​കാ​ര്യ​ങ്ങ​ളി​ൽ മാ​ത്ര​മാ​യി ഒ​തു​ങ്ങി​നി​ൽ​ക്കു​ന്നി​ല്ല ഈ ​മാ​റ്റ​ങ്ങ​ൾ. അ​തു​വ​രെ​യു​ള്ള ജീ​വി​ത​രീ​തി​ക​ളി​ൽ​നി​ന്ന് റ​മ​ദാ​നി​ലെ ശീ​ല​ങ്ങ​ളി​ലൂ​ടെ തി​രി​ഞ്ഞു​ന​ട​ക്കു​ന്ന​വ​രും കു​റ​വ​ല്ല; ആ​രാ​ധ​ന​ക​ർ​മ​ങ്ങ​ളി​ൽ, ജീ​വി​ത​ശൈ​ലി​ക​ളി​ൽ, തു​ട​ർ​രീ​തി​ക​ളി​ൽ എ​ല്ലാം.

പു​ല​രി​മു​ത​ൽ അ​ന്തി​വ​രെ തീ​നും​കു​ടി​യു​മു​പേ​ക്ഷി​ച്ച് ഭോ​ഗേ​ച്ഛ​യ​ട​ക്കം ആ​സ​ക്തി​ക​ളെ ത​ട​ഞ്ഞു​നി​ർ​ത്തി, നി​ഷി​ദ്ധ​വൃ​ത്തി​ക​ളി​ൽ​നി​ന്നും ആ​ത്മീ​യ​മാ​യ വി​ശു​ദ്ധി​ക്കു ചേ​രാ​ത്ത വ്യ​വ​ഹാ​ര​ങ്ങ​ളി​ൽ​നി​ന്നും ബ​ഹ​ള​ങ്ങ​ളി​ൽ​നി​ന്നു​മ​ക​ന്ന് ഏ​കാ​ഗ്ര​ചി​ത്ത​ത​യോ​ടെ അ​ല്ലാ​ഹു​വി​നെ ഉ​പാ​സി​ക്കു​ക എ​ന്ന​താ​ണ് സാ​ങ്കേ​തി​ക​മാ​യി സൗ ം ​അ​ഥ​വാ നോ​മ്പ്.

രൂ​പ​ങ്ങ​ൾ വ്യ​ത്യ​സ്​​ത​മാ​ണെ​ങ്കി​ലും ഉ​പ​വാ​സം എ​ല്ലാ സ​മൂ​ഹ​ങ്ങ​ളി​ലു​മു​ണ്ട്. പ്രാ​ക്ത​ന ഈ​ജി​പ്തി​ലെ വി​ഗ്ര​ഹാ​രാ​ധ​ക​ർ​ക്കി​ട​യി​ലും ഗ്രീ​ക്കു​കാ​ർ​ക്കി​ട​യി​ലും, വി​ശി​ഷ്യ, സ്​​ത്രീ​ക​ൾ​ക്കി​ട​യി​ൽ, റോ​മ​ക്കാ​ർ​ക്കി​ട​യി​ലും അ​ത് നി​ല​നി​ന്നി​രു​ന്നു. യ​ഹൂ​ദ​മ​തം ഉ​പ​വാ​സം അ​നു​ശാ​സി​ക്കു​ന്നു​ണ്ട്. ഉ​പ​വാ​സ​ത്തെ പ്രോ​ത്സാ​ഹി​പ്പി​ക്കു​ന്ന​താ​യും ഉ​പ​വാ​സി​യെ പ്ര​ശം​സി​ക്കു​ന്ന​താ​യും തോ​റ​യി​ൽ കാ​ണാം. മോ​ശെ പ്ര​വാ​ച​ക​ൻ നാ​ൽ​പ​തു​നാ​ൾ ഉ​പ​വാ​സ​മ​നു​ഷ്ഠി​ച്ചി​രു​ന്നു. ജെ​റൂ​സ​ലേം പ​ത​ന​ത്തി​ന്റെ ഓ​ർ​മ​ക്കാ​യി യ​ഹൂ​ദ​ർ ഇ​പ്പോ​ഴും ഒ​രാ​ഴ്ച​ക്കാ​ല​ത്തെ ഉ​പ​വാ​സം അ​നു​ഷ്ഠി​ച്ചു​വ​രു​ന്നു.

പ​ക​ലു​ക​ളി​ലെ അ​ന്ന​പാ​നീ​യ​ങ്ങ​ളു​പേ​ക്ഷി​ച്ചും ശ​രീ​ര​തൃ​ഷ്ണ​ക​ളെ ത​ട​ഞ്ഞു​നി​ർ​ത്തി​യു​മു​ള്ള ഉ​പ​വാ​സ​മി​ല്ലെ​ങ്കി​ലും ഈ​സ്റ്റ​ർ കാ​ല​ത്ത​ട​ക്കം വ്യ​ത്യ​സ്​​ത​മാ​യ ഉ​പ​വാ​സ​ങ്ങ​ൾ ക്രൈ​സ്ത​വ​ർ​ക്കി​ട​യി​ൽ നി​ല​നി​ൽ​ക്കു​ന്നു​ണ്ട്. എ​ന്നാ​ൽ, യേ​ശു, അ​ദ്ദേ​ഹ​മു​ൾ​ക്കൊ​ണ്ട യ​ഹൂ​ദ​പാ​ര​മ്പ​ര്യ​മ​നു​സ​രി​ച്ച് നാ​ൽ​പ​തു ദി​വ​സം ഉ​പ​വാ​സ​മ​നു​ഷ്ഠി​ച്ചി​രു​ന്ന​താ​യി ബൈ​ബി​ളി​ലു​ണ്ട്. ഹൈ​ന്ദ​വ പാ​ര​മ്പ​ര്യ​ങ്ങ​ളി​ലും വ്യ​ത്യ​സ്​​ത ത​ര​ത്തി​ലു​ള്ള ഉ​പ​വാ​സ​ങ്ങ​ൾ പ്രാ​ദേ​ശി​ക​മാ​യ വ​ക​ഭേ​ദ​ങ്ങ​ളോ​ടെ കാ​ണാം. ഇ​ക്കാ​ര്യ​മാ​ണ്, ‘‘നി​ങ്ങ​ളു​ടെ മു​മ്പെ​യു​ള്ള​വ​ർ​ക്കെ​ന്ന​പോ​ലെ നി​ങ്ങ​ൾ​ക്കും നോ​മ്പ് നി​ർ​ബ​ന്ധ​മാ​ക്കി​യി​രി​ക്കു​ന്നു’’ എ​ന്ന് ഖു​ർ​ആ​ൻ സൂ​ചി​പ്പി​ക്കു​ന്ന​ത്. അ​തേ​സ​മ​യം, ജാ​ഹി​ലി അ​റ​ബി​ക​ൾ​ക്കി​ട​യി​ൽ, അ​വ​രി​ലെ ഹ​നീ​ഫി​ക​ൾ​ക്കി​ട​യി​ല​ല്ലാ​തെ നോ​മ്പ് നി​ല​നി​ന്നി​രു​ന്ന​താ​യി കാ​ണു​ന്നി​ല്ല.

ഭ​ക്ത​നാ​യി​രി​ക്കു​ന്ന​തി​നാ​യി നോ​മ്പു​കാ​ര​ൻ സ്വ​ന്തം മ​ന​സ്സി​നെ സ​ന്ന​ദ്ധ​മാ​ക്കു​ക​യാ​ണ് ചെ​യ്യു​ന്ന​ത്. അ​ല്ലാ​ഹു​വി​ന്റെ പ്രീ​തി​യും പ്ര​തി​ഫ​ല​വും ല​ഭി​ക്കാ​നാ​യി അ​യാ​ൾ ത​ന്റെ ശാ​രീ​രി​ക​മാ​യ ദു​ഷ്പ്ര​വ​ണ​ത​ക​ളെ നി​യ​ന്ത്രി​ക്കാ​ൻ ശീ​ലി​ക്കു​ന്നു. തെ​റ്റി​ലേ​ക്ക് വ​ഴു​താ​തെ സ്വ​യം​ത​ട​യി​ട​ലി​ന് മ​ന​സ്സി​നെ പ്രാ​പ്ത​നാ​ക്കു​ന്നു.

നോ​മ്പി​ന്റെ ഏ​റ്റ​വും വ​ലി​യ ല​ക്ഷ്യം ത​ഖ്‍വ അ​ഥ​വാ, വി​ശ്വാ​സി​ക​ളി​ൽ ഭ​ക്തി ബ​ല​പ്പെ​ടു​ത്തു​ക എ​ന്ന​താ​ണ്; ദു​ര​യും ഭോ​ഗ​തൃ​ഷ്ണ​യും ഇ​ല്ലാ​താ​ക്കു​ക എ​ന്ന​താ​ണ്; ക്ഷ​മ​യും സ​ഹ​ന​വും പ​രി​ശീ​ലി​പ്പി​ക്കു​ക എ​ന്ന​താ​ണ്. സ​ഹ​നം വി​ശ്വാ​സ​ത്തി​ന്റെ പാ​തി​യാ​ണ്; നോ​മ്പ് സ​ഹ​ന​ത്തി​ന്റെ​യും എ​ന്നാ​ണൊ​രി​ക്ക​ൽ പ്ര​വാ​ച​ക​ൻ പ​റ​ഞ്ഞ​ത്. സ​ഹ​ന​വും ക്ഷ​മ​യും സൂ​ക്ഷ്മ​ത​യും ഭ​ക്തി​യും പ​രി​ശീ​ലി​ച്ചെ​ടു​ക്കാ​നു​ള്ള അ​വ​സ​ര​മാ​യി അ​യാ​ൾ​ക്കു മു​ന്നി​ൽ അ​നു​ഗ്ര​ഹം​പോ​ലെ നോ​മ്പ് പ്ര​ത്യ​ക്ഷ​പ്പെ​ടു​ന്നു. അ​തു​വ​ഴി വി​ശ്വാ​സി​ക​ൾ ഭ​ക്ത​രാ​കാ​നു​ള്ള സാ​ധ്യ​ത​യു​ണ്ടെ​ന്ന് പ്ര​തീ​ക്ഷ​പു​ല​ർ​ത്തി​ക്കൊ​ണ്ടാ​ണ് (ല​അ​ല്ല​കും ത​ത്ത​ഖൂ​ൻ) വ്ര​തം നി​ർ​ബ​ന്ധ​മാ​ക്കി​ക്കൊ​ണ്ടു​ള്ള സൂ​ക്തം അ​വ​സാ​നി​ക്കു​ന്ന​ത്.

ഉ​ദ്ദേ​ശ്യ​ശു​ദ്ധി (നി​യ്യ​ത്) ഇ​ല്ലാ​തെ​യും, സ്ര​ഷ്​​ടാ​വി​ലേ​ക്ക​ടു​ക്കാ​ൻ അ​ഭി​ലാ​ഷ​മി​ല്ലാ​തെ​യും നോ​മ്പ​നു​ഷ്ഠി​ക്കു​ന്ന​ത് ഫ​ല​ശൂ​ന്യ​മാ​ണ്. ശാ​രീ​രി​ക​മാ​യ സ്വ​യം​പീ​ഡ​യി​ലൂ​ടെ ത​ങ്ങ​ളു​ടെ ആ​രാ​ധ​നാ​മൂ​ർ​ത്തി​ക​ളെ തൃ​പ്തി​പ്പെ​ടു​ത്താ​മെ​ന്നും അ​വ​യു​ടെ താ​പ​കോ​പ​ങ്ങ​ളെ പ്ര​തി​രോ​ധി​ക്കാ​മെ​ന്നും ക​രു​തു​ന്ന വി​ശ്വാ​സ​സ​മൂ​ഹ​ങ്ങ​ളു​ണ്ട്. എ​ന്നാ​ൽ, സ്വ​യം​പീ​ഡ ഇ​സ്​​ലാ​മി​ലെ വ്ര​ത​ത്തി​ന്റെ ല​ക്ഷ്യ​ങ്ങ​ളി​ലൊ​ന്നു​പോ​ലു​മ​ല്ല; മ​ന​സ്സി​ന്റെ ശി​ക്ഷ​ണ​വും വ​ള​ർ​ച്ച​യു​മാ​ണ​തി​ന്റെ ലാ​ക്ക്. വി​ശ്വാ​സി​ക്ക് ഭ​ക്തി​യാ​ൽ സു​ഭ​ഗ​നാ​കാ​നു​ള്ള മാ​ർ​ഗ​മാ​ണ​ത്. സൃ​ഷ്​​ടി​യു​ടെ ന​ന്മ​യ​ല്ലാ​തെ നോ​മ്പി​ന് മ​റ്റു ല​ക്ഷ്യ​ങ്ങ​ളൊ​ന്നു​മി​ല്ല.

നോ​മ്പു​കൊ​ണ്ട് ശ​രീ​ര​ത്തി​ലെ കൊ​ഴു​പ്പൊ​ഴി​വാ​ക്കാം എ​ന്നു ക​രു​തു​ന്ന​വ​രു​ണ്ട്. കൊ​ഴു​പ്പെ​ല്ലാം ഒ​ഴു​കി​പ്പോ​യി, ദു​ർ​മേ​ദ​സ്സി​ല്ലാ​താ​യി ഒ​രാ​ൾ​ക്ക് സ്വാ​സ്ഥ്യം ല​ഭി​ക്കു​ന്നു​വെ​ങ്കി​ൽ അ​തു ന​ല്ല​ത്. എ​ന്നാ​ൽ അ​ത് ല​ക്ഷ്യ​മ​ല്ല; ഉ​പോ​ൽ​പ​ന്നം ആ​യെ​ങ്കി​ലാ​യി എ​ന്നു​മാ​ത്ര​മാ​ണ്. ആ​രോ​ഗ്യം ലാ​ക്കാ​ക്കി ഒ​രാ​ൾ നോ​മ്പ​നു​ഷ്ഠി​ക്കു​ന്ന​ത് ക​ച്ച​വ​ടം ല​ക്ഷ്യ​മാ​ക്കി ഹ​ജ്ജ് ചെ​യ്യു​ന്ന​തു​പോ​ലെ​യേ ആ​കു​ന്നു​ള്ളൂ. ആ​ത്മീ​യ​ത​യൊ​ഴി​ഞ്ഞാ​ൽ പി​ന്നെ ഉ​പ​വാ​സം വി​ശ​പ്പും ദാ​ഹ​വും മാ​ത്ര​മാ​യി​രി​ക്കും. ‘‘വ്ര​ത​ത്തി​ന്റെ നീ​ക്കി​ബാ​ക്കി​യാ​യി പൈ​ദാ​ഹം മാ​ത്ര​മാ​യ​വ​ശേ​ഷി​ച്ച നോ​മ്പു​കാ​രെ​ത്ര!’’ എ​ന്ന് പ്ര​വാ​ച​ക​ൻ അ​തി​ശ​യി​ക്കു​ന്നു​ണ്ട്.

ശു​ണ്ഠി​യും ശ​ണ്ഠ​യു​മെ​ല്ലാം നോ​മ്പു​കാ​ര​ന്റെ നേ​ർ​വി​പ​രീ​ത ഗു​ണ​ങ്ങ​ളാ​ണ്. കാ​ര​ണ​മി​ല്ലാ​തെ വ​ക്കാ​ണ​ങ്ങ​ളി​ലേ​ർ​പ്പെ​ടു​ന്ന​വ​ർ വി​ചാ​രി​ക്കു​ന്ന​ത് അ​വ വ്ര​തം മ​നു​ഷ്യ​നി​ലു​ണ്ടാ​ക്കു​ന്ന ജൈ​വി​ക​മാ​യ മാ​റ്റ​ങ്ങ​ളാ​ണെ​ന്നാ​ണ്. അ​യാ​ൾ നോ​മ്പു നോ​റ്റ​താ​ണ്, ചൂ​ടാ​കു​ന്ന​തി​ന് കു​റ്റം​പ​റ​യാ​നാ​വി​ല്ലെ​ന്ന് ചു​റ്റു​മു​ള്ള​വ​രും പ​ല​പ്പോ​ഴും വ​ഴ​ക്കാ​ളി​യു​ടെ അ​വ​കാ​ശ​ത്തെ വ​ക​വെ​ച്ചു​കൊ​ടു​ക്കാ​റു​ണ്ട്. അ​താ​ക​ട്ടെ, നോ​മ്പി​ന്റെ യ​ഥാ​ർ​ഥ ല​ക്ഷ്യ​മാ​യ ഭ​ക്തി​യെ റ​ദ്ദ് ചെ​യ്യു​ന്ന​തോ​ടൊ​പ്പം ‘‘നോ​മ്പൊ​രു പ​രി​ച​യാ​ണ്’’ എ​ന്ന പ്ര​വാ​ച​ക വ​ച​ന​ത്തി​ന്റെ നി​രാ​സ​വു​മാ​ണ്. തി​ന്മ​ക​ളു​ടെ ശ​ര​മാ​രി​യി​ൽ​നി​ന്നും വെ​ട്ടു​കു​ത്തു​ക​ളി​ൽ​നി​ന്നും മ​നു​ഷ്യ​മ​ന​സ്സി​നെ ര​ക്ഷി​ച്ചു​നി​ർ​ത്തു​മ​ല്ലോ പ​രി​ച.

വി​ശ്വാ​സി​ക്കും ദൈ​വ​ത്തി​നു​മി​ട​യി​ലു​ള്ള ര​ഹ​സ്യ ഇ​ട​പാ​ടാ​ണ് വ്ര​തം. ഒ​രാ​ൾ വ്ര​ത​മ​നു​ഷ്ഠി​ക്കു​ന്നു​ണ്ടോ ഇ​ല്ലേ എ​ന്ന​ത് അ​യാ​ൾ​ക്കും അ​ല്ലാ​ഹു​വി​നും മാ​ത്രം അ​റി​യാ​വു​ന്ന കാ​ര്യ​മാ​ണ്. മാ​സ​മു​റ​യി​ലൂ​ടെ ക​ട​ന്നു​പോ​കു​ന്ന സ്​​ത്രീ​ക​ൾ ​പ​ര​സ്യ​മാ​യി ഭ​ക്ഷ​ണം​ക​ഴി​ക്കാ​ൻ മ​ടി​കാ​ണി​ക്കും. മ​ത​ത്തി​ന്റെ ബാ​ഹ്യ​ചി​ഹ്ന​ങ്ങ​ൾ സൂ​ക്ഷി​ക്കു​ന്ന​തി​നെ കു​റ്റ​പ്പെ​ടു​ത്തേ​ണ്ട കാ​ര്യ​മി​ല്ല. ആ​രോ​ഗ്യ​പ​ര​മാ​യ കാ​ര​ണ​ങ്ങ​ളാ​ൽ നോ​മ്പ​നു​ഷ്ഠി​ക്കാ​ൻ പ്ര​യാ​സ​മു​ള്ള​വ​രും പ​ര​സ്യ​മാ​യി ഭ​ക്ഷ​ണം ക​ഴി​ക്കു​ന്ന​ത് ഒ​ഴി​വാ​ക്കു​ന്ന​തും ഇ​തേ ഗ​ണ​ത്തി​ൽ​പെ​ടും.

പ​ക​ൽ വ്ര​ത​വും ഖു​ർ​ആ​ൻ പാ​രാ​യ​ണ​വും, രാ​ത്രി ന​മ​സ്​​കാ​ര​വും പ്രാ​ർ​ഥ​ന​ക​ളു​മാ​യി സ​ജീ​വ​മാ​കേ​ണ്ട​താ​ണ് റ​മ​ദാ​നി​ലെ പ​ക​ലി​ര​വു​ക​ൾ. ന​ന്മ​ക്കോ​രോ​ന്നി​നും ഇ​ര​ട്ടി​യി​ലി​ര​ട്ടി​യി​ൽ പ്ര​തി​ഫ​ലം ല​ഭി​ക്കു​ന്ന പു​ണ്യ​മാ​സ​ത്തി​ൽ ദാ​നം​ചെ​യ്ത് ഇ​ര​ട്ടി ലാ​ഭം​കൊ​യ്യാ​നു​ള്ള അ​സു​ല​ഭ സ​ന്ദ​ർ​ഭ​മാ​യി റ​മ​ദാ​നി​നെ കാ​ണു​ന്ന വി​ശ്വാ​സി​ക​ളാ​ണ് സ​മ​ർ​ഥ​ർ. ദാ​ന​ധ​ർ​മ​ങ്ങ​ളെ പേ​ർ​ത്തും​പേ​ർ​ത്തും പ്രോ​ത്സാ​ഹി​പ്പി​ക്കു​ന്ന ഖു​ർ​ആ​ൻ അ​വ​ത​രി​ച്ച മാ​സ​ത്തെ, ആ ​ഗ്ര​ന്ഥം പാ​രാ​യ​ണം ചെ​യ്തും ദാ​നം​നി​ർ​വ​ഹി​ച്ചും പ്രാ​ർ​ഥ​ന​ക​ൾ ന​ട​ത്തി​യും സ​ജീ​വ​മാ​ക്കു​ക.