ഹ​ജ്ജി​ന് പ​രി​സ​മാ​പ്തി, മു​ഴു​വ​ൻ ഹാ​ജി​മാ​രും ഇ​ന്ന്​ മ​ട​ങ്ങും

മ​ക്ക: തീ​ർ​ഥാ​ട​ക​ർ അ​വ​സാ​ന​ത്തെ ക​ല്ലേ​റ്​ ക​ർ​മ​വും പൂ​ർ​ത്തി​യാ​ക്കു​ന്ന​തോ​ടെ ഈ ​വ​ർ​ഷ​ത്തെ ഹ​ജ്ജി​ന്​ തി​ങ്ക​ളാ​ഴ്ച പ​രി​സ​മാ​പ്തി​യാ​കും. ഹ​ജ്ജി​ലെ പ്ര​ധാ​ന ക​ർ​മ​ങ്ങ​ൾ പൂ​ർ​ത്തി​യാ​ക്കി​യ​വ​ർ ഞാ​യ​റാ​ഴ്ച വൈ​കു​ന്നേ​ര​ത്തോ​ടെ മി​ന​യി​ൽ​നി​ന്നും മ​ട​ങ്ങി. അ​വ​ശേ​ഷി​ക്കു​ന്ന​വ​ർ തി​ങ്ക​ളാ​ഴ്ച രാ​വി​ലെ മൂ​ന്ന്​ ജം​റ സ്തൂ​പ​ങ്ങ​ളി​ൽ അ​വ​സാ​ന ക​ല്ലേ​റ്​ പൂ​ർ​ത്തി​യാ​ക്കി മി​ന താ​ഴ്വാ​ര​ത്തോ​ട്​ വി​ട​പ​റ​യും.

ഹ​ജ്ജ് നി​ർ​വ​ഹി​ക്കു​ന്ന​തി​ലൂ​ടെ ശി​ശു​വി​ന്റെ പു​ത്ത​ൻ​പി​റ​വി​പോ​ലെ പ​രു​ശു​ദ്ധി​യോ​ടെ​യാ​ണ് ഹാ​ജി​മാ​ർ മി​ന​യോ​ടു യാ​ത്ര​പ​റ​യു​ക. ഫ​ല​സ്തീ​ൻ എ​ന്ന നൊ​മ്പ​ര​ത്തി​ന്റെ വി​ങ്ങ​ൽ ത​ന്നെ​യാ​യി​രു​ന്നു തീ​ർ​ഥാ​ട​ക​രു​ടെ ഹൃ​ദ​യ​ങ്ങ​ളി​ലെ​ല്ലാം നി​റ​ഞ്ഞ​ത്. ദു​രി​തം പെ​യ്യാ​ത്ത മ​ൺ​സൂ​ൺ പി​റ​ക്ക​ണം, ചോ​ര​യു​ടെ ഗ​ന്ധ​മി​ല്ലാ​ത്ത പു​തി​യ വ​സ​ന്തം വി​രി​യ​ണം, ഇ​താ​യി​രു​ന്നു ഹാ​ജി​മാ​രു​ടെ മ​ന​മു​രു​കി​യു​ള്ള പ്രാ​ർ​ഥ​ന.

ലോ​ക​ത്തി​ന്റെ വി​വി​ധ​ദി​ക്കു​ക​ളി​ൽ​നി​ന്നു​വ​ന്ന ദേ​ശ വ​ർ​ണ ഭാ​ഷ അ​തി​ർ​വ​ര​മ്പു​ക​ളി​ല്ലാ​തെ ആ​റു നാ​ൾ വി​ശ്വാ​സി ല​ക്ഷ​ങ്ങ​ൾ വി​ശു​ദ്ധ​ഭൂ​മി​യി​ൽ തീ​ർ​ത്ത സ്നേ​ഹ​ത്തി​​ന്റെ​യും സാ​ഹോ​ദ​ര്യ​ത്തി​​ന്റെ​യും മ​നോ​ഹ​ര മു​ഹൂ​ർ​ത്ത​ങ്ങ​ൾ ലോ​ക​ത്തി​നു മാ​തൃ​ക​യാ​ണ്.

മി​ന വ​ര​ച്ചി​ട്ട മാ​യാ​ചി​ത്രം നെ​ഞ്ചോ​ടു​ചേ​ർ​ത്താ​ണ്​ ഓ​രോ തീ​ർ​ഥാ​ട​ക​നും മി​ന താ​ഴ്​​വ​ര​യി​ൽ​നി​ന്ന്​ യാ​ത്ര​യാ​വു​ന്ന​ത്. ത​ങ്ങ​ൾ അ​നു​ഭ​വി​ച്ച ഏ​ക​മാ​ന​വി​ക​ത, സ​ഹോ​ദ​ര്യം, സ്നേ​ഹം എ​ന്നീ സ​ന്ദേ​ശ​ങ്ങ​ളു​ടെ ദൂ​ത​ന്മാ​രാ​യാ​ണ് ഓ​രോ ഹാ​ജി​യും മ​ക്ക വി​ടു​ക.

മി​ന​യി​ൽ​നി​ന്ന് മ​ട​ങ്ങി​യ ഹാ​ജി​മാ​ർ ഇ​നി സ്വ​ന്തം നാ​ടു​ക​ളി​ലേ​ക്ക്​ മ​ട​ങ്ങാ​നു​ള്ള തി​ര​ക്കി​ലാ​കും. ഇ​തി​ന് മു​ന്നോ​ടി​യാ​യി ക​അ്ബ​ക്ക്​ അ​രി​കി​ലെ​ത്തി ത്വ​വാ​ഫ് പൂ​ർ​ത്തി​യാ​ക്കും. മ​ക്ക​യോ​ട് വി​ട​പ​റ​യു​ന്ന, ദൈ​വ​ത്തോ​ട് ന​ന്ദി പ​റ​യു​ന്ന ത്വ​വാ​ഫാ​ണി​ത്. നാ​ട്ടി​ലേ​ക്ക് മ​ട​ങ്ങു​ന്ന തീ​യ​തി​ക​ൾ​ക്ക്​ അ​നു​സൃ​ത​മാ​യാ​ണ്​ തീ​ർ​ഥാ​ട​ക​ർ ഇ​ത് പൂ​ർ​ത്തി​യാ​ക്കു​ക.

അ​തു​കൊ​ണ്ട്​ ഇ​നി​യു​ള്ള ദി​ന​ങ്ങ​ളി​ൽ മ​ക്ക മ​സ്​​ജി​ദു​ൽ ഹ​റ​മി​ൽ ന​ല്ല തി​ര​ക്കാ​വും. പ​ല സ്ഥ​ല​ങ്ങ​ളി​ലേ​ക്ക് മ​ട​ങ്ങാ​നു​ള്ള തീ​ർ​ഥാ​ട​ക​രെ​ല്ലാം അ​വ​രു​ടെ മ​ട​ക്ക​തീ​യ​തി​ക്ക്​ അ​നു​സ​രി​ച്ച്​ ഹ​റ​മി​ലെ​ത്തി വി​ട​വാ​ങ്ങ​ൽ പ്ര​ദ​ക്ഷി​ണം ന​ട​ത്തും. ബു​ധ​നാ​ഴ്​​ച മു​ത​ൽ മ​ക്ക​യി​ലേ​ക്കു​ള്ള പ്ര​വ​ശേ​ന നി​യ​ന്ത്ര​ണ​ങ്ങ​ൾ നീ​ക്കും. വി​ദേ​ശി​ക​ൾ​ക്കു​ള്ള ഉം​റ പെ​ർ​മി​റ്റു​ക​ൾ ഈ​മാ​സം 14 മു​ത​ൽ അ​നു​വ​ദി​ക്കും. എ​ന്നാ​ൽ സൗ​ദി​ക്ക​ക​ത്തു​ള്ള​വ​ർ​ക്ക് 11 മു​ത​ലും പെ​ർ​മി​റ്റു​ണ്ട്.