മീന്‍ ചുട്ടത് (ഗ്രില്‍ഡ് ഫിഷ്)

ആവശ്യമുള്ള സാധനങ്ങൾ: 

• ദശ കട്ടിയുള്ള മീന്‍ - ഒരു കിലോ
• പച്ചമുളക് - നാലെണ്ണം
• ചെറിയ ഉള്ളി - അഞ്ചെണ്ണം
• മുളകുപൊടി - മൂന്ന് ടീസ്​പൂണ്‍
• മഞ്ഞള്‍പ്പൊടി - ഒരു ടീസ്​പൂണ്‍
• ഉലുവപ്പൊടി - അര ടീസ്പൂൺ
• കുരുമുളകുപൊടി - ഒന്നര ടീസ്​പൂണ്‍
• ചെറുനാരങ്ങ - ഒരെണ്ണം
• ഉപ്പ് - പാകത്തിന്
• ഇഞ്ചി - ചെറിയ ഒരു കഷണം
• വെളുത്തുള്ളി - ഒരു കുടം
• വെളിച്ചെണ്ണ - 100 ഗ്രാം
• ടൊമാറ്റോ പേസ്​റ്റ്​ - അര ടീസ്പൂൺ

ഉണ്ടാക്കുന്ന വിധം:

ഒരു പാത്രത്തിലേക്ക് നാരങ്ങ പിഴിഞ്ഞ് നീരൊഴിക്കുക. അതിലേക്ക് ടൊമാറ്റോ പേസ്​റ്റ​ും മുളകുപൊടിയും മഞ്ഞൾപൊടിയും കുരുമുളകുപൊടിയും ഉലുവപ്പൊടിയും ചേർത്തിളക്കി വെക്കുക. ചെറിയ ഉള്ളിയും പച്ചമുളകും വെളുത്തുള്ളിയും ഇഞ്ചിയുംകൂടി മിക്സിയിലിട്ട് അരച്ചെടുക്കുക. നേര​േത്ത തയാറാക്കി വെച്ചിരിക്കുന്ന മിശ്രിതത്തിലേക്ക് അരച്ചു വെച്ചിരിക്കുന്ന കൂട്ട് കൂടി യോജിപ്പിക്കുക. വൃത്തിയാക്കി വരഞ്ഞുവെച്ചിരിക്കുന്ന മീൻപീസിലേക്ക് അരപ്പ് നന്നായി തേച്ചുപിടിപ്പിച്ച് ഒരു മണിക്കൂർ വെക്കുക.

ചുടാനുള്ള കനൽ ചൂടാകുമ്പോൾ ഗ്രില്ലര്‍ ഉപയോഗിച്ച് രണ്ടു വശവും കുറേശ്ശ വെളിച്ചെണ്ണ തൂവി സ്വർണ നിറമാകുന്നതു വരെ നന്നായി ഗ്രില്‍ ചെയ്‌തെടുത്ത് ചൂടോടെ വിളമ്പുക. ഇത് ചപ്പാത്തി, ചോറ്, കപ്പ എന്നിവയോടൊപ്പം കഴിക്കാൻ ഏറെ രുചികരമാണ്.

കുറിപ്പ്: കനൽ കിട്ടാൻ ബുദ്ധിമുട്ട് ആണെങ്കിൽ ഗ്യാസ് സ്​റ്റൗവി​​​​​​​െൻറ ടോപ്പിൽ അലൂമിനിയം ഫോയിൽ ഇടുക. അതിനു ശേഷം അടുപ്പി​​​​​​​െൻറ ഭാഗം മാത്രം മുറിച്ചുമാറ്റി അതിനു മുകളിലേക്ക് ഗ്രിൽ വെച്ചും ഗ്രിൽ ചെയ്തെടുക്കാം. അതുപോലെ വീട്ടില്‍ ഗ്രില്ലറില്ലെങ്കില്‍ ദോശക്കല്ലിലോ തവയിലോ മീൻ അനായാസം ഗ്രില്‍ ചെയ്‌തെടുക്കാവുന്നതാണ്.

തയറാക്കിയത്: അജിനാഫ