ലുബ്നയുടെ സ്വപ്നങ്ങൾക്ക് മൈലാഞ്ചിച്ചോപ്പ്

ചെ​റു​വ​ത്തൂ​ർ: മ​നോ​ഹ​ര വ​ർ​ണ​ങ്ങ​ളി​ൽ ലു​ബ്ന ഒ​രു​ക്കു​ന്ന മൈ​ലാ​ഞ്ചിക്കൂട്ടു​ക​ൾ ഇ​ട്ട് സു​ന്ദ​രി​യാ​കാ​ൻ ആ​വ​ശ്യ​ക്കാ​രു​ടെ എ​ണ്ണം കൂ​ടു​ന്നു. പി​ലി​ക്കോ​ട് ച​ന്തേ​ര​യി​ലെ എ​ൻ.​സി. ലു​ബ്ന​യെ തേ​ടി​യാ​ണ് ഇ​ത​ര ജി​ല്ല​ക​ളി​ൽ നി​ന്നുപോ​ലും ആ​വ​ശ്യ​ക്കാ​ർ എ​ത്തു​ന്ന​ത്. മ​റ്റ് രാ​സ​വ​സ്തു​ക്ക​ൾ ഒ​ന്നും ചേ​ർ​ക്കാ​തെ തീ​ർ​ത്തും ജൈ​വീ​ക​മാ​യി ഒ​രു​ക്കു​ന്ന മെ​ഹ​ന്തി​യാ​ണ് ഇ​പ്പോ​ൾ ശ്ര​ദ്ധേ​യ​മാ​യി​ട്ടു​ള്ള​ത്. വി​വാ​ഹ​ച്ച​ട​ങ്ങു​ക​ൾ, മ​റ്റ് ആ​ഘോ​ഷ​ങ്ങ​ൾ ഏ​തു​മാ​കാ​ട്ടെ ആ​ളു​ക​ൾ​ക്ക് ച​മ​ഞ്ഞൊ​രു​ങ്ങ​ണ​മെ​ങ്കി​ൽ ലു​ബ്ന​യു​ടെ മെ​ഹ​ന്തി വേ​ണ​മെ​ന്നാ​യി​ട്ടു​ണ്ട്.

രാ​ജ​സ്ഥാ​നി​ൽ​നി​ന്ന് എ​ത്തി​ക്കു​ന്ന പൗ​ഡ​ർ, ഓ​യി​ൽ എ​ന്നി​വ​ക്കൊ​പ്പം സ്വ​ന്ത​മാ​യി നി​ർ​മി​ക്കു​ന്ന ഓ​യി​ലു​ക​ൾ കൂ​ടി ചേ​ർ​ത്താ​ണ് മെ​ഹ​ന്തി കൂ​ട്ടൊ​രു​ക്കു​ന്ന​ത്. ക​ഴി​ഞ്ഞ 15 വ​ർ​ഷ​മാ​യി ഈ ​രം​ഗ​ത്ത് സ​ജീ​വ​മാ​ണ് ലു​ബ്ന. അ​റ​ബി​ക് രീ​തി​ക്കാ​ണ് ആ​വ​ശ്യ​ക്കാ​ർ കൂ​ടു​ത​ൽ.​ ഇ​ന്ത്യ​ൻ, മൊ​റോ​ക്ക​ൻ, മു​ഗ​ള​ൻ രീതി​യി​ലെ​ല്ലാം ലു​ബ്ന മെ​ഹ​ന്തി​യി​ടും. ഇ​പ്പോ​ൾ കൂ​ടു​ത​ലാ​യും വി​വാ​ഹ ഡി​സൈ​നു​ക​ൾ​ക്കാ​ണ് വ​ൻ ഡി​മാ​ൻഡ്.

ചി​ല മെ​ഹ​ന്തി​യി​ട്ടാ​ൽ ഒ​രു മാ​സ​ത്തോ​ളം സു​ഗ​ന്ധം നി​ല​നി​ൽ​ക്കും. ദു​ബൈ ക​മ്പ​നി ഉ​ദ്യോ​ഗ​സ്ഥ​നാ​യ ഭ​ർ​ത്താ​വ് വി.​വി. ശി​ഹാ​ബി​െ​ന്റ പി​ന്തു​ണ​യാ​ണ് ലു​ബ്ന​യെ ഈ ​രം​ഗ​ത്ത് പു​തു​പ​രീ​ക്ഷ​ണ​ങ്ങ​ൾ തേ​ടാ​ൻ നി​ർ​ബ​ന്ധി​ക്കു​ന്ന​ത്. തു​ട​ക്ക​ത്തി​ൽ ക​ളി​യാ​ക്കി​യ​വ​ർ​പോ​ലും ഇ​പ്പോ​ൾ ലു​ബ്ന​യു​ടെ മെ​ഹ​ന്തി​യ​ണി​യാ​ൻ കാ​ത്തു​നി​ൽ​ക്കു​ക​യാ​ണ്.

ച​ന്തേ​ര​യി​ലെ സി.​എം. ഖാ​ദ​ർ -എ​ൻ.​സി. ഖ​ദീ​ജ ദ​മ്പ​തി​ക​ളു​ടെ മ​ക​ളാ​ണ് ലു​ബ്ന. ഒ​രി​ക്ക​ൽ പോ​ലും പ്ര​തി​ഫ​ല​ത്തി​നാ​യി വാ​ശി പി​ടി​ച്ചി​ട്ടി​ല്ല എ​ന്ന​തും ലു​ബ്ന​യു​ടെ രീ​തി​യാ​ണ്. പ​രി​പാ​ടി​ക​ളേ​തു​മാ​ക​ട്ടെ, സു​ന്ദ​രി​ക​ളാ​ക്കാ​ൻ ഒ​രു വി​ളി​ക്ക​പ്പു​റ​ത്ത് ലു​ബ്ന​യു​ണ്ട്.