Begin typing your search above and press return to search.
proflie-avatar
Login
exit_to_app
exit_to_app
Homechevron_rightKudumbamchevron_rightFamilychevron_rightHealthchevron_rightമനസ്സിനെ...

മനസ്സിനെ ശാ​ന്ത​മാ​ക്കാനുള്ള മനശ്ശാസ്ത്ര വിദ്യകൾ അറിയാം

text_fields
bookmark_border
മനസ്സിനെ ശാ​ന്ത​മാ​ക്കാനുള്ള മനശ്ശാസ്ത്ര വിദ്യകൾ അറിയാം
cancel
വി​കാ​ര​ങ്ങ​ളു​ടെ ക​ടി​ഞ്ഞാ​ണ്‍ കൈ​യി​ല്‍നി​ന്ന് പോ​കു​മ്പോ​ള്‍ ത​ല​ച്ചോ​റി​ല്‍ സം​ഭ​വി​ക്കു​ന്ന​ത് വൈ​കാ​രി​ക മേ​ഖ​ല​ക​ളി​ലെ അ​മി​ത ഉ​ത്തേ​ജ​ന​മാ​ണ്. ഇ​ത് നി​യ​ന്ത്രി​ച്ച്​ മനസ്സിനെ ശാ​ന്ത​മാ​ക്കാൻ മനശ്ശാസ്ത്രത്തിൽ ലളിതമായ ഒട്ടേറെ വിദ്യകളുണ്ട്. അത്തരം ചില ശാസ്ത്രീയ മാർഗങ്ങൾ ഇതാ....

'വി​കാ​ര നൗ​ക​യു​മാ​യി തി​ര​മാ​ല​ക​ളാ​ടി​യു​ല​ഞ്ഞു...' എ​ന്ന സി​നി​മാഗാ​ന​ത്തി​ലെ വ​രി​ക​ള്‍പോ​ലെ, വി​കാ​ര​ങ്ങ​ളി​ല്‍ ആ​ടി​യു​ല​യു​ന്ന മ​ന​സ്സി​െ​ൻ​റ അ​ല​ക​ള്‍ ജീ​വി​തം കൊ​ണ്ടു​ത​ന്നെ ന​മു​ക്ക് സു​പ​രി​ചി​ത​മാ​ണ്. കാ​ര​ണം, ജീ​വി​ത​ത്തി​െ​ൻ​റ ഏ​തെ​ങ്കി​ലും ഘ​ട്ട​ത്തി​ല്‍ വൈ​കാ​രി​ക പ്ര​ശ്ന​ങ്ങ​ള്‍ നേ​രി​ട്ടി​ട്ടി​ല്ലാ​ത്ത​വ​ര്‍ ഉ​ണ്ടാ​വി​ല്ല.

മ​നു​ഷ്യ​നെ​ന്ന ജൈ​വി​ക അ​വ​സ്ഥ​യു​ടെ മ​നോ​ഹ​ര​മാ​യ താ​ള​മാ​ണ് ​വി​കാ​ര​ങ്ങ​ള്‍. ജീ​വി​ത സാ​ഹ​ച​ര്യ​ങ്ങ​ള്‍, അ​ല്ലെ​ങ്കി​ല്‍ ബ​ന്ധ​ങ്ങ​ള്‍ തു​ട​ങ്ങി​യ​വ​യെ ആ​സ്പ​ദ​മാ​ക്കി ഒ​രാ​ളു​ടെ മ​ന​സ്സി​ല്‍ ഉ​യ​രു​ന്ന ആ​ന്ത​രി​ക അ​നു​ഭ​വ​ങ്ങ​ള്‍ എ​ന്നാ​ണ് നി​ഘ​ണ്ടു​വി​ല്‍ വി​കാ​ര​ങ്ങ​ള്‍ എ​ന്ന​തു​കൊ​ണ്ട് അ​ർ​ഥ​മാ​ക്കു​ന്ന​ത്. പൊ​തു​വെ മ​നോ​ഹ​ര​മാ​യ വൈ​കാ​രി​ക അ​വ​സ്ഥ പ്ര​ശ്ന​ക്കാ​രാവു​ന്ന​ത് എ​പ്പോ​ഴാ​ണ്?

•കാ​റ്റ് കൊ​ടു​ങ്കാ​റ്റ് ആ​കു​ന്ന​തു​പോ​ലെ അ​വ​യു​ടെ തീ​വ്ര​ത കൂ​ടു​മ്പോ​ള്‍.

•വി​ളി​ക്കാ​തെ വ​രു​ന്ന അ​തി​ഥി​യെപ്പോ​ലെ അ​ന​വ​സ​ര​ത്തി​ല്‍ വ​രു​മ്പോ​ള്‍.

•പ​റ​ക്കു​ന്ന പ​ട്ട​ത്തി​െ​ൻ​റ നൂ​ലി​ല്‍നി​ന്ന് പി​ടി​വി​ട്ടു​പോ​കു​ന്ന​പോ​ലെ വി​കാ​ര​ങ്ങ​ളി​ലു​ള്ള നി​യ​ന്ത്ര​ണം ന​ഷ്​​ട​പ്പെ​ടു​മ്പോ​ള്‍.

പൊ​തു​വെ സ​ങ്ക​ടം, ദേ​ഷ്യം എ​ന്നി​വ​യാ​ണ് ഇ​ത്ത​രം വൈ​കാ​രി​ക വി​ക്ഷോ​ഭ​ങ്ങളിലെ ഘ​ട​ക​ങ്ങ​ളാ​യി ക​ണ​ക്കാ​ക്കു​ന്ന​ത്. അ​മി​ത​മാ​യ ക​ര​ച്ചി​ല്‍, ദേ​ഷ്യംകൊ​ണ്ട് പൊ​ട്ടി​ത്തെ​റി​ക്ക​ല്‍ എ​ന്നി​വ​യി​ലൂ​ടെ​യെ​ല്ലാമാണ് വി​കാ​ര​വി​ക്ഷോ​ഭ​ങ്ങ​ള്‍ പ്ര​ക​ട​മാ​കു​ന്ന​ത്. സാ​ധ​ന​ങ്ങ​ള്‍ എ​റി​ഞ്ഞു​ട​ക്കു​ക, സ്വ​യം മു​റി​വേ​ൽ​പി​ക്കു​ക, മ​റ്റു​ള്ള​വ​രെ ആ​ക്ര​മി​ക്കു​ക, ആ​ത്മ​ഹ​ത്യാ​ഭീ​ഷ​ണി മു​ഴ​ക്കു​ക​യോ ആ​ത്മ​ഹ​ത്യ​ക്ക്​ ശ്ര​മി​ക്കു​ക​ തു​ട​ങ്ങി​യ​വ​യൊ​ക്കെ തീ​വ്രവൈ​കാ​രി​ക വിക്ഷോ​ഭ​ത്തി​െ​ൻ​റ ല​ക്ഷ​ണ​ങ്ങ​ളി​ല്‍ വ​രു​ന്ന​താ​ണ്.

ഇ​വ​യു​ണ്ടാ​ക്കു​ന്ന പ്ര​ശ്ന​ങ്ങ​ള്‍ മാ​ന​സി​ക സ​മ്മ​ർ​ദ​ത്തി​ല്‍ മാ​ത്രം ഒ​തു​ങ്ങാ​റി​ല്ല. മി​ക്ക​പ്പോ​ഴും വ്യ​ക്തി​ബ​ന്ധ​ങ്ങ​ളെ​യും ഇ​വ പ്ര​തി​കൂ​ല​മാ​യി ബാ​ധി​ക്കും. തൊ​ഴി​ലി​ട​ങ്ങ​ള്‍ ഉ​ൾ​പ്പെ​ടെ​യു​ള്ള സാ​മൂ​ഹി​ക പ​രി​സ​ര​ങ്ങ​ളി​ലും പ്ര​ശ്നം പ​ട​രാ​റു​ണ്ട്. ഉ​ദാ​ഹ​ര​ണ​ത്തി​ന്:

•ജീ​വി​ത​പ​ങ്കാ​ളി​ക്ക്​ തി​ര​ക്കു​കൊ​ണ്ട്​ നി​ങ്ങ​ളെ ഫോ​ണ്‍ ചെ​യ്യാ​ന്‍ ക​ഴി​യു​ന്നി​ല്ല, രാ​ത്രി ​മു​ഴു​വ​നും നി​ങ്ങ​ള്‍ ക​ര​യു​ക​യും ഭ​ക്ഷ​ണം ക​ഴി​ക്കാ​തി​രി​ക്കു​ക​യും സ്വ​യം മു​റി​വേ​ൽ​പി​ക്കു​ക​യും ചെ​യ്യു​ന്നു.

•നി​ങ്ങ​ള്‍ ഔ​ദ്യോ​ഗി​ക ആ​വ​ശ്യ​ത്തി​നാ​യി പോ​കു​മ്പോ​ള്‍ അ​ത് ന​ട​ക്കാ​തെ വ​രു​ക​യും മ​റ്റൊ​രു ദി​വ​സം പോ​കാ​ന്‍ അ​വ​ര്‍ നി​ങ്ങ​ളോ​ട് ആ​വ​ശ്യ​പ്പെ​ടു​ക​യും ചെ​യ്യു​ന്നു. ദേ​ഷ്യ​ത്തി​ല്‍ പൊ​ട്ടി​ത്തെ​റി​ച്ച് നി​ങ്ങ​ള്‍ ഫ​യ​ല്‍ എ​ടു​ത്തെ​റി​ഞ്ഞ് പു​റ​ത്ത് ക​ട​ക്കു​ന്നു.

പ്രശ്നങ്ങൾ പലവിധം

വി​ഷാ​ദ​രോ​ഗം, ഉ​ത്ക​ണ്ഠാ​രോ​ഗം എ​ന്നിവ താ​ൽ​ക്കാ​ലി​ക​മാ​യ വൈ​കാ​രി​ക വി​ക്ഷോ​ഭ​ത്തി​ന് കാ​ര​ണ​മാ​കാം. വ്യ​ക്തി​ത്വവൈ​ക​ല്യ പ്ര​ശ്ന​ങ്ങ​ള്‍ ഉ​ള്ള​വ​ർ​ക്കും നി​ര​ന്ത​ര​മാ​യ വൈ​കാ​രി​ക വി​ക്ഷോ​ഭം നേ​രി​ടേ​ണ്ടി​വ​രാ​റു​ണ്ട്. കു​ട്ടി​ക്കാ​ല​ത്ത് നേ​രി​ട്ട ശാ​രീ​രി​ക- മാ​ന​സി​ക പീ​ഡ​ന​ങ്ങ​ള്‍, മാ​ന​സി​ക ആ​ഘാ​ത​ങ്ങ​ള്‍, അ​വ​ഗ​ണ​ന​ക​ള്‍, ജീ​വി​ത​ത്തി​ലെ പ്ര​തി​കൂ​ല സാ​ഹ​ച​ര്യ​ങ്ങ​ള്‍ എ​ന്നി​വ​യെ​ല്ലാം വൈ​കാ​രി​ക വി​ക്ഷോ​ഭ​ത്തി​െ​ൻ​റ തീ​വ്ര​ത കൂ​ട്ടാ​റു​ണ്ട്. ദേ​ഷ്യ​ത്തി​െ​ൻ​റ​യും സ​ങ്ക​ട​ത്തിെ​ൻ​റ​യും അ​മി​ത പ്ര​ക​ട​ന​ത്തിെ​ൻ​റ ബു​ദ്ധി​മു​ട്ട് മാ​ത്ര​മ​ല്ല, വി​കാ​ര​വി​ക്ഷോ​ഭം നേ​രി​ടു​ന്ന​വ​ര്‍ അ​നു​ഭ​വി​ക്കു​ന്ന​ത്.

•ഉ​റ​ക്ക​ക്കു​റ​വ്.

•വി​ക്ഷോ​ഭ​ശേ​ഷ​മു​ള്ള കു​റ്റ​ബോ​ധം.

•മ​റ്റു​ള്ള​വ​രോ​ടു​ള്ള വി​രോ​ധം മ​ന​സ്സി​ല്‍നി​ന്ന് മാ​യ്ക്കാ​ന്‍ ക​ഴി​യാ​തിരിക്കുക.

•പ്ര​ശ്ന​ങ്ങ​ള്‍ നേ​രി​ടാ​ന്‍ ക​ഴി​യാ​ത്ത​തി​നാ​ല്‍ ല​ഹ​രി ഉ​പ​യോ​ഗ​ത്തി​ല്‍ ആ​ശ്ര​യം ക​ണ്ടെ​ത്തു​ക.

•പ്ര​ശ്ന​ങ്ങ​ള്‍ ര​മ്യ​മാ​യി പ​രി​ഹ​രി​ക്കാ​ന്‍ സാ​ധി​ക്കാ​തെ വ​രു​ക.

•ചെ​റി​യ വാ​ഗ്വാ​ദ​ങ്ങ​ള്‍ പ​ർ​വ​തീ​ക​രി​ച്ച് ബ​ന്ധ​ങ്ങ​ൾ​ക്ക് വി​ള്ള​ൽ​വീ​ഴ്ത്തു​ക.

•വി​കാ​ര​വി​ക്ഷോ​ഭ​ങ്ങ​ള്‍ കാ​ര​ണം ജീ​വി​ത​ത്തി​ലെ ഉ​ത്ത​ര​വാ​ദി​ത്ത​ങ്ങ​ള്‍ കൃ​ത്യ​മാ​യി നി​ർ​വ​ഹി​ക്കാ​ന്‍ ക​ഴി​യാ​തെ വ​രു​ക.

വ​രു​തി​യി​ലാ​ക്കാ​ന്‍ വഴിയുണ്ട്

വി​കാ​ര​ങ്ങ​ളു​ടെ ക​ടി​ഞ്ഞാ​ണ്‍ കൈ​യി​ല്‍നി​ന്ന് പോ​കു​മ്പോ​ള്‍ ത​ല​ച്ചോ​റി​ല്‍ പൊ​തു​വെ സം​ഭ​വി​ക്കു​ന്ന​ത് വൈ​കാ​രി​ക മേ​ഖ​ല​ക​ളി​ലെ അ​മി​ത ഉ​ത്തേ​ജ​ന​മാ​ണ്. ഇ​വ നി​യ​ന്ത്രി​ച്ച്​ പ്ര​ശാ​ന്ത​മാ​ക്കു​ക​യും അ​തോ​ടൊ​പ്പം​ത​ന്നെ വി​വേ​ക​പ​ര​മാ​യി ചി​ന്തി​ക്കാ​ന്‍ പ്രേ​രി​പ്പി​ക്കു​ക​യും ചെ​യ്യു​ക എ​ന്ന​താ​ണ് വ്യ​ക്തി നേ​രി​ടു​ന്ന വെ​ല്ലു​വി​ളി. മ​നശ്ശാസ്ത്ര​ത്തി​ലെ അ​ന​വ​ധി തെ​റ​പ്പി​ക​ളി​ല്‍ ഇ​വ​ക്കു​ള്ള പ്ര​തി​വി​ധി​ക​ള്‍ ഉ​ൾ​പ്പെ​ടു​ത്തി​യി​ട്ടു​ണ്ട്.


മൂ​ന്നു ഘ​ട്ട​ങ്ങ​ൾ

വി​കാ​ര​വി​ക്ഷോ​ഭ​ത്തി​ന് മൂ​ന്നു ഘ​ട്ട​ങ്ങ​ളാ​ണു​ള്ള​ത്:

1. വ്യ​ക്തി​യ​നു​ഭ​വ​ങ്ങ​ൾ. അ​വ ആ​ന്ത​രി​ക​മോ (ഉ​ദാ: വി​ഷ​മ​മു​ള്ള കാ​ര്യ​ങ്ങ​ൾ ഓ​ർ​മ​വ​രുക അ​ല്ലെ​ങ്കി​ൽ ജീ​വി​ത​ത്തെ​ക്കു​റി​ച്ചു നി​രാ​ശ​യോ ആ​ശ​ങ്ക​യോ തോ​ന്നു​ക) ബാ​ഹ്യ​മോ (ദേ​ഷ്യ​ത്തി​ൽ നി​ൽ​ക്കു​ന്ന ഒ​രാ​ളെ നേ​രിടേണ്ടിവ​രുക) ആ​കാം.

2. ഈ ​അ​നു​ഭ​വ​ങ്ങ​ളെ​ക്കു​റി​ച്ചു​ള്ള ന​മ്മു​ടെ ചി​ന്ത​ക​ളാ​ണ്​ ര​ണ്ടാ​മ​ത്തെ ഘ​ട്ടം (ഞാ​ൻ എ​ന്തൊ​രു പ​രാ​ജ​യ​മാ​ണ്, എ​ന്തു മോ​ശ​മാ​യാ​ണ്​ ഇ​വ​ർ എ​ന്നോ​ടു പെ​രു​മാ​റു​ന്ന​ത്, എ​ന്നെ ആ​രും മ​ന​സ്സി​ലാ​ക്കാ​ത്ത​തെ​ന്താ​ണ് എ​ന്ന ചി​ന്ത​ക​ൾ).

3. വ്യ​ക്തി​യ​നു​ഭ​വ​ങ്ങ​ളും ചി​ന്ത​ക​ളും ഒ​ന്നു​ചേ​ർ​ന്ന് സൃ​ഷ്​​ടി​ക്കു​ന്ന പെ​രു​മാ​റ്റ രീ​തി (സാ​ധ​ന​ങ്ങ​ൾ നി​ല​ത്തെ​റി​ഞ്ഞു​ട​ക്കൽ, ആ​ളു​ക​ളോ​ട് ഉ​യ​ർ​ന്ന ശ​ബ്​​ദ​ത്തി​ൽ സം​സാ​രി​ക്ക​ൽ).

മ​ന​സ്സി​നെ അ​ച​ഞ്ച​ല​മാ​ക്കാ​ന്‍ മൈ​ൻ​ഡ് ഫുൾനെസ്

ഈ ​നി​മി​ഷ​ത്തി​ല്‍ ശ്ര​ദ്ധ​കേ​ന്ദ്രീ​ക​രി​ക്കു​ക എ​ന്ന​താ​ണ് മൈ​ൻ​ഡ്ഫു​ൾ​നെ​സ് എ​ന്ന വി​ദ്യ​യു​ടെ അ​ടി​സ്ഥാ​ന​ം. വി​കാ​ര​വി​ക്ഷോ​ഭ​ങ്ങ​ളു​ടെ വേ​ലി​യേ​റ്റ​ത്തി​ല്‍ മ​ന​സ്സി​നെ ന​ങ്കൂ​ര​മാ​ക്കാ​നു​ള്ള പ​രി​ശീ​ല​ന​മാ​ണ​ത്. അ​വ​ധാ​ന​ത​യോ​ടെ ശ്വാ​സം എ​ടു​ക്കാ​ന്‍ ശ്ര​മി​ക്കു​ക എ​ന്ന​താ​ണ് ആ​ദ്യ​പ​ടി. അ​ത് ശ​രീ​ര​ത്തെ വ​ള​രെ ​െപ​ട്ടെ​ന്ന് റി​ലാ​ക്സ്​​ഡാക്കും. ശ്വാ​സം എ​ടു​ക്കു​ന്ന പ്ര​ക്രി​യ​യി​ല്‍ ശ്ര​ദ്ധ കേ​ന്ദ്രീ​ക​രി​ക്കാ​ൻ ശ്ര​മി​ക്കു​ക​. ചെ​യ്യു​ന്ന പ്ര​വൃ​ത്തി എ​ന്താ​യാ​ലും അ​തി​ല്‍ ശ്ര​ദ്ധ കേ​ന്ദ്രീ​ക​രി​ക്കു​ക എ​ന്ന​താ​ണ് മൈ​ൻ​ഡ്ഫു​ൾ​നെ​സി​ൽ ശ്ര​ദ്ധി​ക്കേ​ണ്ട​ത്. ഇ​ത് പ​രി​ശീ​ലി​പ്പി​ക്കു​ന്ന​തി​നാ​യി ഉ​ണ​ക്ക​മു​ന്തി​രി, കാ​പ്പി എ​ന്നി​വ​ ഉപയോഗിച്ച് മ​നശ്ശാസ്ത്ര​ജ്ഞ​ര്‍ പ​രി​ശീ​ല​നം ന​ൽകാറു​ണ്ട്. കൗ​തു​ക​ത്തോ​ടെ കാ​പ്പി​യു​ടെയോ ഉ​ണ​ക്ക​മു​ന്തി​രി​യു​ടെ​യോ സ​വി​ശേ​ഷ​ത​ക​ളി​ലേ​ക്ക്​ ശ്ര​ദ്ധ​പ​തി​പ്പി​ക്കു​ക -നി​റം, മ​ണം എ​ന്നി​വ വ​ള​രെ സാ​വ​ധാ​നം ആ​സ്വ​ദി​ക്കു​ക. ചി​ന്ത​ക​ളു​ടെ​യും വി​കാ​ര​ങ്ങ​ളു​ടെയും വേ​ലി​യേ​റ്റ​ങ്ങ​ളി​ല്‍ പെ​ടു​മ്പോ​ള്‍ ഇ​തു​പോ​ലെ ചെ​യ്തു​കൊ​ണ്ടി​രി​ക്കു​ന്ന പ്ര​വൃ​ത്തി​യി​ൽ, അ​ല്ലെ​ങ്കി​ല്‍ ചു​റ്റു​പാ​ടു​ക​ളി​ല്‍ ശ്ര​ദ്ധ കേ​ന്ദ്രീ​ക​രി​ക്കാ​ന്‍ ശ്ര​മി​ക്കാം.

മ​റ്റു​ള്ള​വ​ര്‍ സം​സാ​രി​ക്കു​മ്പോ​ള്‍, അ​വ​ര്‍ സം​സാ​രി​ക്കു​ന്ന വി​ഷ​യം, ശ​ബ്​​ദ​വി​ന്യാ​സം, മു​ഖ​ഭാ​വം എ​ന്നി​വ​യി​ല്‍ ശ്ര​ദ്ധ കേ​ന്ദ്രീ​ക​രി​ക്കാം. ഇ​ത് നി​ങ്ങ​ള്‍ ഭ​ക്ഷ​ണം പാ​കം​ചെ​യ്യു​ക​യോ അ​ല​ക്കു​ക​യോ കമ്പ്യൂ​ട്ട​റി​ല്‍ ടൈ​പ്​ ചെ​യ്യു​ക​യോ ഒ​ക്കെ ചെ​യ്യു​മ്പോ​ള്‍ പ​രീ​ക്ഷി​ക്കാം. ശ്ര​ദ്ധ മു​ഴു​വ​നാ​യി ചെ​യ്യു​ന്ന പ്ര​വൃ​ത്തി​യി​ല്‍ കേ​ന്ദ്രീ​ക​രി​ക്കു​ക എ​ന്ന​തി​ലാ​ണ് കാര്യം.

നിരീക്ഷിക്കാം, നങ്കൂരമിടാം

എ​ന്നാ​ല്‍, ചി​ല​പ്പോ​ള്‍ വി​കാ​ര​വി​ക്ഷോ​ഭം കൊ​ടു​ങ്കാ​റ്റാ​വു​മ്പോ​ള്‍ ഇ​വ പ്രാ​വ​ർ​ത്തി​ക​മാ​ക​ണം എ​ന്നി​ല്ല. പൊ​തു​വെ കൊ​ടു​ങ്കാ​റ്റ്​ വ​രു​മ്പോ​ള്‍ ന​മ്മ​ള്‍ എ​ന്താ​ണ് ചെ​യ്യാ​റു​ള്ള​ത്? ഉ​റ​പ്പു​ള്ളി​ട​ത്ത് നി​ല​യു​റ​പ്പി​ക്കു​ക. വി​ക്ഷോ​ഭം കൊ​ടു​ങ്കാ​റ്റാ​കു​മ്പോ​ള്‍ ചി​ന്ത​ക​ളി​ലും വി​കാ​ര​ങ്ങ​ളി​ലും ന​മ്മു​ടെ നി​ല​തെ​റ്റാ​റു​ണ്ട്. നി​ല​യു​റ​പ്പി​ക്കാ​നുള്ള ആ​ദ്യ​പ​ടി എ​ന്താ​ണെ​ന്നാ​ല്‍ ന​മ്മു​ടെ മ​ന​സ്സി​ലൂ​ടെ ക​ട​ന്നു​പോ​കു​ന്ന ചി​ന്ത​ക​ളും വി​കാ​ര​ങ്ങ​ളും ശ്ര​ദ്ധി​ക്കു​ക എ​ന്ന​താ​ണ്. ഓ​ടി​ക്കൊ​ണ്ടി​രി​ക്കു​ന്ന വ​ണ്ടി സാ​വ​ധാ​ന​ത്തി​ലാ​ക്കാ​ന്‍ ശ്ര​മി​ക്കു​ന്ന​തു​പോ​ലെ ശ​രീ​രം സ്ലോ ​ഡൗ​ണ്‍ ചെ​യ്യാ​ന്‍ ശ്ര​മി​ക്കാം. ശ്വാ​സോ​ച്ഛ്വാ​സം പ​തി​യെ ആ​ക്കാം, കാ​ലു​ക​ള്‍ നി​ല​ത്ത്​ പ​തു​ക്കെ പ​തി​പ്പി​ക്കു​ക​യും ആ ​അ​നു​ഭൂ​തി​യി​ല്‍ ശ്ര​ദ്ധി​ക്കു​ക​യും ചെ​യ്യാം. ഇ​രു കൈ​ക​ളും പ​ര​സ്പ​രം പ​തു​ക്കെ അ​മ​ർ​ത്താം.

ചു​റ്റു​മു​ള്ള​തി​ൽ ശ്ര​ദ്ധി​ക്കാം

അ​ടു​ത്ത​ഘ​ട്ടം നി​ങ്ങ​ൾ​ക്ക് ചു​റ്റു​മു​ള്ള കാ​ര്യ​ങ്ങ​ളി​ലേ​ക്ക്​ ശ്ര​ദ്ധ കേ​ന്ദ്രീ​ക​രി​ക്കു​ക എ​ന്ന​താ​ണ്.

●നി​ങ്ങ​ൾ​ക്ക് ചു​റ്റു​മു​ള്ള അ​ഞ്ചു കാ​ര്യ​ങ്ങ​ള്‍ എ​ന്തൊ​ക്കെ​യാ​ണ്?

●കേ​ൾ​ക്കാ​ന്‍ ക​ഴി​യു​ന്ന മൂ​ന്നോ നാ​ലോ കാ​ര്യ​ങ്ങ​ള്‍ ഏ​താ​ണ്?

●സ്പ​ർ​ശി​ക്കാ​ന്‍ ക​ഴി​യു​ന്ന ര​ണ്ടു കാ​ര്യ​ങ്ങ​ള്‍.

നി​ങ്ങ​ളി​ല്‍ ബു​ദ്ധി​മു​ട്ടു​ണ്ടാ​ക്കു​ന്ന ചി​ന്ത​ക​ള്‍ ക​ട​ന്നു​വ​ന്നു​കൊ​ണ്ടി​രി​ക്കും. അ​പ്പോ​ള്‍ ശ്ര​ദ്ധ വീ​ണ്ടും ചു​റ്റു​മു​ള്ള കാ​ര്യ​ങ്ങ​ളി​ലേ​ക്ക്​ മാ​റ്റാം, പ​തു​ക്കെ ശ്വാ​സം എ​ടു​ക്കു​ന്ന​തി​ലും ശ്ര​ദ്ധി​ക്കാം.

ഈ ​മാ​ർ​ഗ​ങ്ങ​ള്‍ ഒ​ന്നും കൊ​ടു​ങ്കാ​റ്റു​പോ​ലു​ള്ള വി​കാ​ര വി​ക്ഷോ​ഭ​ത്തി​ന് പ​രി​ഹാ​ര​മ​ല്ല. എ​ന്നാ​ല്‍, കൊ​ടു​ങ്കാ​റ്റ്​ ക​ട​ന്നു​പോ​കു​ന്ന​തു​വ​രെ നി​ങ്ങ​ൾ​ക്ക് സു​ര​ക്ഷി​ത​മാ​കാ​ന്‍ ഇ​വ സ​ഹാ​യി​ക്കും.

മാ​റി​നി​ൽ​ക്കാം

ഇ​നി ദേ​ഷ്യ​ത്തി​െ​ൻ​റ കൊ​ടു​ങ്കാ​റ്റാ​ണ് വ​രു​ന്ന​തെ​ങ്കി​ലോ? ഇ​വ​യോ​ടൊ​പ്പം ക​ഴി​യു​മെ​ങ്കി​ല്‍ ആ ​സ്ഥ​ല​ത്തു​നി​ന്ന് മാ​റി​നി​ൽ​ക്കാ​ന്‍ ശ്ര​മി​ക്കാം. കൊ​ടു​ങ്കാ​റ്റ് ഒ​ന്നൊ​തു​ങ്ങി​യി​ട്ട് തെ​ളി​ഞ്ഞ​മ​ന​സ്സോ​ടെ ശേ​ഷം പ്ര​തി​ക​രി​ക്കാം എ​ന്ന തീ​രു​മാ​നം എ​ടു​ക്കാം.

അ​ട​യാ​ള​പ്പെ​ടു​ത്താം

ഇ​തി​ല്‍ സ്ഥി​ര​മാ​യി നി​ങ്ങ​ളെ പ്ര​ശ്ന​ത്തി​ലാ​ക്കാ​ന്‍ വ​രു​ന്ന ചി​ല​ വി​കാ​ര​ങ്ങ​ള്‍ ഉ​ണ്ടാ​വും. പൊ​തു​വെ അ​വ വ​രു​മ്പോ​ള്‍ മു​ന്നും പി​ന്നും ആ​ലോ​ചി​ക്കാ​തെ പ്ര​തി​ക​രി​ക്കു​ക എ​ന്ന​താ​വും പ​തി​വ്. എ​ന്നാ​ല്‍, ഇ​നി ഇ​ത്ത​രം സാ​ഹ​ച​ര്യ​ങ്ങ​ള്‍ വ​രു​മ്പോ​ള്‍ മ​ന​സ്സി​ല്‍ വ​രു​ന്ന ചി​ന്ത​ക​ളെയും വി​കാ​ര​ങ്ങ​ളെയും അ​ട​യാ​ള​പ്പെ​ടു​ത്താ​ന്‍ ശ്ര​മി​ക്കാം.

●ദാ ​വ​ന്നു ദേ​ഷ്യം

●ഇ​താ കു​ട്ടി​ക്കാ​ല​ത്തെ വി​ഷ​മ​മു​ള്ള ഓ​ർ​മ

●പേ​ടി​പ്പി​ക്കു​ന്ന ചി​ന്ത​ക​ള്‍

●നെ​ഞ്ചി​ല്‍ ഒ​രു ഭാ​രം

ഇ​ത് സ്ഥി​ര​മാ​യി ചെ​യ്യാ​ന്‍ ശ്ര​മി​ക്കു​ന്ന​തി​ലൂ​ടെ നി​ങ്ങ​ളു​ടെ വൈ​കാ​രി​ക പ്ര​തി​ക​ര​ണ​ങ്ങ​ളെ തി​രി​ച്ച​റി​യാ​നും നി​യ​ന്ത്രി​ക്കാ​നും സാ​ധി​ക്കും.


ക​ടി​ഞ്ഞാ​ണി​ടാ​ൻ ഡി.ബി.ടി

ബോ​ർ​ഡ​ർ​ലൈ​ൻ പേ​ഴ്​​സ​നാലി​റ്റി ഡി​സോ​ർ​ഡ​ർ ഉ​ൾ​​െപ്പ​ടെ​യു​ള്ള വ്യ​ക്തി വൈ​ക​ല്യ​ങ്ങ​ൾ​ക്കു​ള്ള തെ​റ​പ്പി​യാ​ണ് ഡ​യ​ല​ക്‌​ടി​ക്ക​ൽ ബി​ഹേ​വി​യ​ർ തെ​റ​പ്പി (ഡി.​ബി.​ടി). വി​കാ​ര​വി​ക്ഷോ​ഭ​ങ്ങ​ളെ നി​യ​ന്ത്രി​ക്കാ​ൻ സ​ഹാ​യി​ക്ക​ലാ​ണ് ഈ ​തെ​റ​പ്പി​യു​ടെ മു​ഖ്യ അ​ജ​ണ്ട​ക​ളി​ൽ ഒ​ന്ന്. വി​കാ​ര​വി​ക്ഷോ​ഭ നി​യ​ന്ത്ര​ണ​ത്തി​െ​ൻ​റ ആ​ദ്യ​പ​ടി​യാ​യി ഡി.​ബി.​ടി കാ​ണു​ന്ന​തും വി​കാ​ര​ങ്ങ​ളെ തി​രി​ച്ച​റി​ഞ്ഞ്​ അ​ട​യാ​ള​പ്പെ​ടു​​ത്ത​ലാ​ണ്. ഒ​രു പ്ര​ശ്​​നം നി​യ​ന്ത്രി​ക്ക​ണ​മെ​ങ്കി​ൽ ആ​ദ്യ പ​ടി അ​തെ​ന്താ​ണെ​ന്ന്​ തി​രി​ച്ച​റി​യൽ ആ​ണ​ല്ലോ.

ര​ണ്ടാം​ ഘ​ട്ട​ത്തി​ൽ തി​ര​മാ​ല​ക​ൾ പോ​ലെ വി​കാ​ര​ങ്ങ​ളെ അ​നു​ഭ​വി​ക്കാ​നാ​ണ്​ ഡി.​ബി.​ടി പ​ഠി​പ്പി​ക്കു​ന്ന​ത്. ഇ​വി​ടെ ശ​രി​യും തെ​റ്റും എ​ന്ന്​ വി​കാ​ര​ങ്ങ​ളെ മു​ദ്ര​കു​ത്തു​ന്നി​ല്ല. ന​മ്മെ നി​ല​നി​ർ​ത്തു​ന്ന ഒ​രു ജൈ​വി​ക പ്ര​ക്രി​യ​യാ​യി മാ​ത്ര​മാ​ണ്​ വി​കാ​ര​ങ്ങ​ളെ കാ​ണു​ന്ന​ത്. അതു​കൊ​ണ്ട് ത​ന്നെ സ്വ​ന്തം വി​കാ​ര​ങ്ങ​ളെ വെ​റു​പ്പോ​ടെ അ​ക​റ്റിനി​ർ​ത്താ​ന​ല്ല, അം​ഗീ​ക​രി​ച്ചു​കൊ​ണ്ട് ന​മു​ക്ക് സു​ഖ​ക​ര​മാ​യ രീ​തി​യി​ൽ പ​രു​വ​പ്പെ​ടു​ത്തി എ​ടു​ക്കാ​നാ​ണ്​ തെ​റ​പ്പി​യി​ൽ ശ്ര​മി​ക്കു​ന്ന​ത്.

അ​വ തി​ര​മാ​ല​ക​ളെപ്പോലെ ന​മ്മ​ളി​ലൂ​ടെ ഒ​ഴു​ക്കു​ക​യാ​ണ്​ എ​ന്ന്​ സ​ങ്ക​ൽ​പിക്കു​ക. അ​വ​യെ ത​ള്ളി​യ​ക​റ്റുകയോ വിചാരണ ചെയ്യുകയോ തിരസ്കരിക്കുകയോ ചെയ്യേണ്ടതില്ല. കാ​ര​ണം അ​ത് അ​വ​യെ കൂ​ടു​ത​ൽ വി​ക്ഷു​ബ്​​ധ​മാ​ക്കും. ദുഃ​ഖം, പേ​ടി, ദേ​ഷ്യം എന്നിവ​യൊ​ക്കെ വേ​ദ​ന​ ത​രു​ന്ന വി​കാ​ര​ങ്ങ​ളാണ്. പ​ക്ഷേ, അ​വ മോ​ശമല്ല, എ​ല്ലാ മ​നു​ഷ്യ​ർ​ക്കുമുള്ള വി​കാ​ര​ങ്ങ​ളാണ​ത്. ഇ​ത് തി​രി​ച്ച​റി​യു​േ​മ്പാ​ഴും അ​വ​യി​ൽ അ​ള്ളി​പ്പി​ടി​ക്കാ​തിരി​ക്കു​ക. തി​ര​മാ​ല​ക​ൾ വ​രുക​യും പോ​വു​ക​യും ചെ​യ്യു​ം. അ​വ​യെ മ​ന​സ്സി​ലേ​ക്ക്​ ആ​വ​ർ​ത്തി​ച്ചെ​ടു​ക്ക​രു​ത്. വ​ലു​താ​ക്കാ​നും ശ്ര​മി​ക്കരു​ത്. എ​ങ്ങ​നെ​യാ​ണോ അ​ങ്ങ​നെ അ​വ​യെ ക​ട​ത്തി​വി​ടു​ക. തി​ര​മാ​ല​യോ​ടൊ​പ്പം ഉ​ല​ഞ്ഞാ​ലും മ​റി​ഞ്ഞുപോ​കാ​ത്ത ച​ങ്ങാ​ട​മാ​യി മ​ന​സ്സിനെ സ​ങ്ക​ൽ​പി​ക്കു​ക.

ശാ​ന്ത​മാ​യി ഇ​രി​ക്കു​മ്പോ​ൾ പ​തു​ക്കെ ശ്വാ​സം എ​ടു​ത്ത്​ ഒ​രു ധ്യാ​നംപോ​ലെ അ​ല്ലെ​ങ്കി​ൽ ദി​വാ​സ്വ​പ്​​നംപോ​ലെ ഇ​ത് പ​രി​ശീ​ലി​ക്കാം.

തി​രി​ച്ച​റി​വി​െ​ൻ​റ അ​ടു​ത്ത പ്ര​ധാ​ന ഘ​ട്ടം നി​ങ്ങ​ൾ നി​ങ്ങ​ളു​ടെ വി​കാ​രം അ​ല്ല എ​ന്ന്​ തി​രി​ച്ച​റി​യു​ക​യാ​ണ്. അവ നി​ങ്ങ​ളു​ടെ ഭാ​ഗം മാ​ത്ര​മാ​ണ്. വി​കാ​ര​ങ്ങ​ളി​ൽ മാ​ത്രം ഒ​തു​ങ്ങു​ന്ന​ത​ല്ല നി​ങ്ങ​ൾ എ​ന്ന വ്യ​ക്തി​യു​ടെ അ​സ്​തി​ത്വം. നി​ങ്ങ​ളു​ടെ വി​കാ​ര​ങ്ങ​ൾ​ക്കും ഉ​പ​രി​യാ​ണ്​ നി​ങ്ങ​ൾ എ​ന്ന വ്യ​ക്തി.

ഇ​നി വി​കാ​ര​വി​ക്ഷോ​ഭ​ങ്ങ​ളി​ൽ നി​ന്നു​യ​രു​ന്ന പ്ര​വൃ​ത്തി​യെ നി​യ​ന്ത്രി​ക്കു​ന്ന ഘ​ട്ട​മാ​ണ്. ഒ​രു വി​കാ​രം വ​ന്നു എ​ന്ന​തി​നാ​ൽ അ​തി​ന​നു​സ​രി​ച്ച്​ പ്ര​വ​ർ​ത്തി​ക്ക​ണം എ​ന്നി​ല്ല. ഉ​ദാ: നി​ങ്ങ​ൾ​ക്കു ദേ​ഷ്യം വ​ന്നു, എ​ന്നു​വെ​ച്ച്​ ഉ​ട​നെ ത​ന്നെ സാ​ധ​നം നി​ല​ത്തെ​റി​യ​ണം എ​ന്നി​ല്ല. അ​നു​ഭാ​വ​പൂ​ർ​വം ആ ​വി​കാ​ര​ത്തെ നി​രീ​ക്ഷി​ക്കാം. എ​ന്താ​ണ്​ നി​ങ്ങ​ൾക്ക്​ തി​രി​ച്ച​റി​യാ​ൻ ക​ഴി​യു​ന്ന​ത്. ''ദേ​ഷ്യം ദേ ​ഹാ​യ് പ​റ​ഞ്ഞു വ​ന്നി​രി​ക്കു​ക​യാ​ണ്'', പ​തു​ക്കെ ശ്ര​ദ്ധ ശ്വാ​സ​ത്തി​ലേ​ക്ക്​ കൊ​ണ്ടു​വ​രാം. ദേ​ഷ്യ​ത്തി​െൻ​റ തി​ര​മാ​ല​യാ​ണ്, ച​ങ്ങാ​ട​ത്തി​ൽനി​ന്ന് എ​ടു​ത്തുചാ​ടേ​ണ്ട​തി​ല്ല, പി​ടി​ച്ചി​രി​ക്കു​ക. അവ​യൊന്ന​ട​ങ്ങിക്കഴി​ഞ്ഞ്​ പ്ര​തി​ക​രി​ക്കാം.

വി​കാ​ര​ങ്ങ​ളെ സ്നേ​ഹി​ക്കാ​ൻ പ​രി​ശീ​ലി​പ്പി​ക്ക​ലാ​ണ്​ പ​ല​പ്പോ​ഴും തെ​റ​പ്പിയിൽ ചെ​യ്യു​ന്ന​ത്. സ്നേ​ഹ​ത്തോ​ടെ അ​വ​യെ മെ​രു​ക്കി​യെ​ടു​ക്ക​ൽ. നി​ങ്ങ​ളി​ൽ എ​ന്നോ ഒ​റ്റ​പ്പെ​ട്ട്​, മു​റി​പ്പെ​ട്ട്​, വേ​ദ​നി​ച്ചി​രി​ക്കു​ന്ന ഒ​രു കു​ഞ്ഞു​ണ്ടാ​വാം, അ​നു​ഭ​വ​ങ്ങ​ളാ​ൽ പൊ​ള്ളി​യ​ട​രു​മ്പോ​ൾ ആ ​കു​ഞ്ഞു കൈ​വി​ട്ടു പോ​കു​ന്ന​താ​ണ്​ വി​കാ​ര​വി​ക്ഷോ​ഭ​ങ്ങ​ളാ​യി പ്ര​ക​ട​മാ​കു​ന്ന​ത്.

തി​ര​മാ​ല​ക​ൾ ഉ​യ​രു​മ്പോ​ൾ കൊ​ടു​ങ്കാ​റ്റു​മു​ണ്ടെ​ങ്കി​ലോ, എ​ങ്ങ​നെ പി​ടി​ച്ചു​കെ​ട്ടും മ​ന​സ്സെ​ന്ന ച​ങ്ങാ​ട​ത്തെ?

വി​കാ​ര​ങ്ങ​ൾ​ക്കും ട്രാ​ഫി​ക് നി​യ​മ​ങ്ങ​ൾ - STOP ടെ​ക്നി​ക്

Stop-നി​ർ​ത്തു​ക

Take step back -പി​ന്നോ​ട്ട് പോ​കു​ക

Observe-നി​രീ​ക്ഷി​ക്കു​ക

Proceed mindfully-ശ്ര​ദ്ധ​യോ​ടെ മു​ന്നോ​ട്ടു പോ​കു​ക.

വ​ണ്ടി​യി​ടി​ക്കാ​ൻ പോ​യാ​ൽ ആ​ദ്യ​പ​ടി ബ്രേ​ക്ക് ച​വി​ട്ടി നി​ർ​ത്താ​ൻ ശ്ര​മി​ക്കു​കയാണ​ല്ലോ. അ​തു​പോ​ലെ വി​കാ​ര​ങ്ങ​ളു​ടെ ബ്രേ​ക്ക് പോ​യെ​ന്നു തോ​ന്നി​യാ​ൽ മ​ന​സ്സി​നെ​യും താ​ൽ​ക്കാ​ലി​ക​മാ​യി പോ​സ്​ ചെ​യ്യാൻ പ​രി​ശീ​ലി​പ്പി​ക്കു​ക. ഇ​ടി​ക്കാ​ൻ പോ​യ കാർ സ​ഡ​ൻ ബ്രേ​ക്ക് ഇ​ട്ട്​ നി​ർ​ത്തി​യി​ട്ട് ന​മ്മ​ൾ ഒ​ന്ന് ദീ​ർ​ഘ​നി​ശ്വാ​സം എ​ടു​ക്കി​ല്ലേ, എ​ന്നി​ട്ട് കാ​റി​ൽ​നി​ന്ന് ഇ​റ​ങ്ങി​ല്ലേ? അ​തു​പോ​ലെ നി​ൽ​ക്കു​ന്ന സാ​ഹ​ച​ര്യ​ത്തി​ൽ​നി​ന്നും ഒ​രു ര​ണ്ട​ടി പി​ന്നോ​ട്ടു​വെ​ക്കു​ക. ദീ​ർ​ഘ​നി​ശ്വാ​സം എ​ടു​ക്കാം. ഒ​പ്പം വെ​ള്ളം കു​ടി​ക്കു​ക​യോ ത​ൽ​ക്കാ​ലം ശ്ര​ദ്ധ തി​രി​ക്കാ​ൻ എ​ന്തെ​ങ്കി​ലും പ്ര​വൃ​ത്തി​ക​ളി​ൽ ഏ​​ർ​പ്പെ​ടു​ക​യോ ചെ​യ്യാം.

മൂ​ന്നാ​മ​ത്തെ പ​ടി അ​പ​ക​ട​സ്ഥ​ല​ത്ത് നി​രീ​ക്ഷ​ണം ന​ട​ത്തു​ന്ന പൊ​ലീ​സു​കാ​രെ​പ്പോ​ലെ​യോ അ​സു​ഖം പ​രി​ശോ​ധി​ക്കു​ന്ന ഡോ​ക്​​ട​റെ​പ്പോ​ലെ​യോ പു​റ​ത്തു​ള്ള സാ​ഹ​ച​ര്യ​ങ്ങ​ളെ​യും ഉ​ള്ളി​ലു​ള​ള അ​നു​ഭ​വ​ങ്ങ​ളെ​യും വ​സ്​​തു​നി​ഷ്​​ഠ​മാ​യി നി​രീ​ക്ഷി​ക്കു​കയാണ്. തി​ക​ച്ചും നി​ഷ്​​പ​ക്ഷ​മാ​യി ഒ​രു കാ​ഴ്​​ച​ക്കാ​രനെ​പ്പോ​ലെ അ​നു​ഭ​വ​ങ്ങ​ളെ മ​ന​സ്സി​ലൂ​ടെ ക​ട​ത്തി​വി​ടു​ക. എ​ന്നി​ട്ട് കാ​ര്യ​ങ്ങ​ൾ സ​മാ​ധാ​ന​മാ​യി അ​വ​ലോ​ക​നം ന​ട​ത്തു​ക. വി​കാ​ര​ങ്ങ​ളു​ടെ ഏ​റ്റു​മു​ട്ട​ൽ ഉ​ണ്ടാ​യ ട്രി​ഗ​ർ എ​വി​ടെ​നി​ന്നാ​യി​രു​ന്നു, എ​ങ്ങ​നെ​യൊ​ക്കെ പെ​രു​മാ​റാ​നു​ള്ള സാ​ധ്യ​ത​യാ​ണ്​ ഉ​ള്ള​ത്​? അ​തി​െ​ൻ​റ വ​രും​വ​രാ​യ്​​ക എ​ന്തൊ​ക്കെ​യാ​ണ്? ഇ​ങ്ങ​നെ എ​ല്ലാ വ​ശ​വും യു​ക്തിപ​ര​മാ​യി പ​രി​ശോ​ധി​ച്ച്​ ജീ​വി​ത​ത്തി​ൽ ദീ​ർ​ഘ​കാ​ല സ​മാ​ധാ​നം ന​ൽ​കു​ന്ന പോം​വ​ഴി തി​ര​ഞ്ഞെ​ടു​ക്കാം. ഇ​തിനാ​യി തീ​രു​മാ​ന​ങ്ങ​ൾ അ​ടി​ച്ചേ​ൽ​പി​ക്കാ​ത്ത വി​ശ്വ​സ്​​ത​രോ​ട്​ ഉ​പ​ദേ​ശം തേ​ടാ​വു​ന്ന​തു​മാ​ണ്.

ഉ​രു​ള​ക്കു​പ്പേ​രി ചികിത്സ

ത​കി​ടം മ​റി​ക്കു​ന്ന വി​കാ​ര​ങ്ങ​ളെ നി​യ​ന്ത്രി​ക്കാ​നു​ള്ള ഒ​രു വി​ദ്യ​യാ​ണി​ത്. വി​കാ​ര​വി​ക്ഷോ​ഭം വ​രു​േ​മ്പാ​ൾ അ​ത്​ പ്ര​ക​ട​മാ​കു​ന്ന ഒ​രു പെ​രു​മാ​റ്റ​രീ​തി ഉ​ണ്ടാ​വും എ​ല്ലാ​വ​ർ​ക്കും. ആ ​സ​മ​യം ഒ​ന്നും ചെ​യ്യാ​തെ ഇ​രി​ക്കാ​ൻ പ​റ​ഞ്ഞാ​ൽ വ​ല്ലാ​ത്ത ഇ​രി​ക്ക​പ്പൊ​റു​തി​യി​ല്ലാ​യ്​​മയായി​രി​ക്കും. അ​തി​ൽ​നി​ന്ന്​ വി​രു​ദ്ധ​മാ​യ പ്ര​വൃ​ത്തി ചെ​യ്യു​ക എ​ന്ന​താ​ണ്​ ഒ​രു പോം​വ​ഴി. അ​വ മ​ന​സ്സ്​​ സ​മാ​ധാ​ന​മാ​യി ഇ​രി​ക്കു​േ​മ്പാ​ൾ നേ​ര​​േത്ത തീ​രു​മാ​നി​ച്ചുവെക്കാം. ഉ​ദാ: ദേ​ഷ്യം വ​ന്നാ​ൽ സാ​ധ​നം എ​ടു​ത്തെ​റി​യു​ന്ന സ്വ​ഭാ​വക്കാർക്ക് സാ​ധ​ന​ങ്ങ​ൾ അ​ടു​ക്കി​പ്പെ​റു​ക്കി​വെ​ക്കാ​ൻ പ​രി​ശീ​ലി​ക്കാം. അ​തു​പോ​ലെ ദേ​ഷ്യം വ​രു​േ​മ്പാ​ൾ ഒ​ച്ച​കൂ​ട്ടി സം​സാ​രി​ക്കു​ന്നവർ പ​ക​രം ശ​ബ്​​ദം കു​റ​ച്ചു സം​സാ​രി​ക്കാ​ൻ ശ്ര​മി​ക്കാം. വി​ഷ​മം വ​രു​േ​മ്പാ​ൾ സ്വ​യം വേ​ദ​നി​പ്പി​ക്കു​ന്ന പ്ര​വ​ൃത്തി​ക​ളി​ൽ ഏ​ർ​പ്പെ​ടു​ന്ന​വ​ർ ​പ​ക​രം സ്വ​യ​ര​ക്ഷ പ്ര​വ​ൃത്തി​ക​ളി​ൽ ഏ​ർ​പ്പെ​ടാം. ഉ​ദാ: ത​ല മ​സാ​ജ്​ ചെ​യ്യ​ൽ, നെ​യി​ൽ പോ​ളി​ഷ്​ ഇ​ടു​ക എ​ന്നി​വ.

വൈ​കാ​രി​കാ​രോ​ഗ്യം മെച്ചപ്പെടുത്താൻ

എ.ബി.സി ​പ്ലീ​സ് ടെ​ക്​​നി​ക്​

A.B.C ​എ​ന്നാ​ൽ:

A-Accumulate positive emotions

B-Build mastery

C-Cope ahead

മ​ഴ​ക്കാ​ല​ത്ത്​ അ​പ​ക​ടം കു​റ​ക്കാ​ൻ റോ​ഡും ക​ട​ൽ​ത്തീ​ര​വും ഒ​ക്കെ സം​ര​ക്ഷി​ക്കു​ന്ന​തുപോ​ലെ ന​മ്മു​ടെ വൈ​കാ​രി​ക ആ​രോ​ഗ്യം സം​ര​ക്ഷി​ക്കാ​നും ചി​ല പോം​വ​ഴി​ക​ൾ പ​രീ​ക്ഷി​ക്കാം. നി​ങ്ങ​ൾ​ക്ക്​ പോ​സി​റ്റിവാ​യ വി​കാ​ര​ങ്ങ​ൾ ന​ൽ​കു​ന്ന പ്ര​വ​ൃത്തി​ക​ളി​ൽ ഏ​ർ​പ്പെ​ടു​ക- ചാ​യ കു​ടി​ക്കു​ന്ന​തോ ഇ​ഷ്​​ട​മു​ള്ള സ്ഥല​ങ്ങ​ളി​ൽ യാ​ത്ര പോ​കു​ന്ന​തോ പ്രി​യ​പ്പെ​ട്ട​വ​രോ​ട്​ സം​സാ​രി​ക്കു​ന്ന​തോ ഒ​ക്കെ​യാ​വാം. ഇ​ങ്ങ​നെ നി​ങ്ങ​ൾ​ക്ക്​ ഇ​ഷ്​​ട​മു​ള്ള ആ​ക്​ടിവി​റ്റി​ക​ൾ ഉ​ൾ​പ്പെ​ടു​ത്തി ലി​സ്​​റ്റ്​ ഉ​ണ്ടാ​ക്കു​ക​യും അ​തി​ൽ ഉ​ള്ള ഒ​ന്നോ ര​ണ്ടോ കാ​ര്യ​ങ്ങ​ളെങ്കി​ലും ദി​വ​സേ​ന ഉ​ൾ​പ്പെ​ടു​ത്താ​ൻ ശ്ര​മി​ക്കു​ക​യു​മാ​വാം. ഇ​തോ​ടൊ​പ്പം നി​ങ്ങ​ളു​ടെ വൈ​ദ​ഗ്​​ധ്യം കൂ​ട്ടാ​ൻ സ​ഹാ​യി​ക്കു​ന്ന ഹോ​ബി​ക​ളും ഉ​ൾ​പ്പെ​ടു​ത്താം. വാ​യ​ന, പാ​ച​കം, വാ​ദ്യോ​പ​ക​ര​ണ പ​രി​ശീ​ല​നം, ഡ്രൈ​വി​ങ്​ എ​ന്നി​ങ്ങ​നെ ആ​സ്വാ​ദ​ന​ത്തോ​ടൊ​പ്പം നൈ​പു​ണ്യ​വും പ്ര​ദാ​നം​ചെ​യ്യു​ന്ന പ്ര​വ​ൃത്തി​ക​ൾ ഉ​ൾ​പ്പെ​ടു​ത്താം. ഇ​ത്​ സ​ന്തോ​ഷ​ത്തി​നൊ​പ്പം ആ​ത്മവി​ശ്വാ​സം കൂ​ട്ടാ​നും സ​ഹാ​യി​ക്കും.

എ​ന്തു​കാ​ര്യ​വും ന​ന്നാ​യി ചെ​യ്യാ​ൻ അ​ത്യാ​വ​ശ്യം റി​ഹേ​ഴ്​​സ​ൽ ആ​വ​ശ്യ​മാ​ണ്. പ്ര​തി​സ​ന്ധി ഘ​ട്ട​ങ്ങ​ളി​ൽ വി​കാ​ര​ങ്ങ​ളെ നി​യ​ന്ത്രി​ക്കുന്നതിന് പ​ടി​പ​ടി​യാ​യു​ള്ള പ്ലാ​ൻ മു​​േമ്പ ത​യാ​റാ​ക്കി വെ​ക്കാം. ആ ​സാ​ഹ​ച​ര്യം സ​ങ്ക​ൽ​പി​ച്ച്​ എ​ങ്ങ​നെ പ്ര​തി​ക​രി​ക്കുമെന്ന്​ റി​ഹേ​ഴ്​​സ​ൽ ചെ​യ്​തുവെ​ക്കാം. വി​കാ​ര​വി​ക്ഷോ​ഭം നി​യ​ന്ത്രി​ക്കാ​നു​ള്ള കാ​ര്യ​പ്രാ​പ്​​തി കൂ​ട്ടാ​ൻ ഇ​ത്​ സ​ഹാ​യി​ക്കും.

PLEASE എ​ന്ന ചു​രു​ക്കെ​ഴു​ത്തുകൊ​ണ്ട് ഉ​ദ്ദേ​ശി​ക്കു​ന്ന​ത്:

Pl-Physical illness

E -balanced eating

A -Avoid mood altering substance

S -Sleep

E -exercise

ഒ​പ്പം ശാ​രീ​രി​ക പ്ര​ശ്​​ന​ങ്ങ​ൾ ഉ​ണ്ടെ​ങ്കി​ൽ അ​തി​ന്​ കൃ​ത്യ​മാ​യ ചി​കി​ത്സ തേ​ടു​ക. പ​ല​പ്പോ​ഴും ശാ​രീ​രി​ക അ​സു​ഖ​ങ്ങ​ൾ വൈ​കാ​രി​കാ​രോ​ഗ്യ​വും ത​ക​ർ​ക്കാ​റു​ണ്ട്. ഒ​പ്പം കൃ​ത്യ​മാ​യി ഭ​ക്ഷ​ണശീ​ലം പാ​ലി​ക്കു​ന്ന​തും ശ​രി​യാ​യി ഉ​റ​ങ്ങു​ന്ന​തും വ്യാ​യാ​മം ചെ​യ്യു​ന്ന​തുമെല്ലാം വൈ​കാ​രി​ക ആ​രോ​ഗ്യ​ത്തി​നും മു​ത​ൽ​ക്കൂ​ട്ടാ​വും. ല​ഹ​രി​പ​ദാ​ർ​ഥ​ങ്ങ​ൾ ഒ​ഴി​വാ​ക്കാ​ൻ ശ്ര​ദ്ധി​ക്ക​ണം. ഇ​ത് സ്ഥി​ര​മാ​യി ചെ​യ്യാ​ൻ ശ്ര​മി​ക്കു​ന്ന​തി​ലൂ​ടെ നി​ങ്ങ​ളു​ടെ വൈ​കാ​രി​ക പ്ര​തി​ക​ര​ണ​ങ്ങ​ളെ തി​രി​ച്ച​റി​യാ​നും നി​യ​ന്ത്രി​ക്കാ​നും സാ​ധി​ക്കും.

വ​ള​രെ ല​ളി​ത​മാ​യ​തു​കൊ​ണ്ടു ത​ന്നെ ഇ​തൊ​ക്കെ ചെ​യ്താ​ൽ വ​ല്ല മാ​റ്റ​വും വ​രു​മോ എ​ന്ന​ത്ഭു​ത​പ്പെ​ടു​ന്ന​വ​രു​ണ്ടാ​വും. എ​ന്നാ​ൽ, ഇ​ത്ത​രം ടെ​ക്നി​ക്കു​ക​ൾ നി​ര​ന്ത​ര​മാ​യി പ​രി​ശീ​ലി​ക്കു​ന്ന​ത് വി​കാ​ര​ങ്ങ​ളെ നി​യ​ന്ത്രി​ക്കാ​ൻ സ​ഹാ​യി​ക്കു​ം. ഇ​നി ഇ​തൊ​ക്കെ ചെ​യ്തി​ട്ടും വി​കാ​ര​വി​ക്ഷോ​ഭ​ങ്ങ​ള്‍ കൈ​യി​ല്‍ ഒ​തു​ങ്ങു​ന്നി​ല്ലെ​ങ്കി​ലോ? അ​തി​സ​ങ്കീ​ർ​ണ​മാ​യ ജീ​വി​ത​ചു​റ്റു​പാ​ടു​ക​ളോ മാ​ന​സി​ക ആ​ഘാ​ത​ങ്ങ​ളോ ഒ​ക്കെ​യാ​വാം കാ​ര​ണം. മ​നോ​രോ​ഗ​വി​ദ​ഗ്ധ​രെ കാ​ണു​ക​യും അ​വ​രു​ടെ വി​ദ​ഗ്ധ വി​ശ​ക​ല​ന​ങ്ങ​ളു​ടെ അ​ടി​സ്ഥാ​ന​ത്തി​ൽ കൗ​ൺ​സ​ലി​ങ് തെ​റ​പ്പി, മ​രു​ന്ന് എ​ന്നീ ചി​കി​ത്സാരീ​തി​ക​ൾ പി​ന്തു​ട​രു​ക​യും ചെ​യ്യാം.

ലൈഫ്​ സ്പേസ്​ മെൻറൽ ഹെൽത്ത് ക്ലിനിക്കിൽ ക്ലിനിക്കൽ സൈക്കോളജിസ്​റ്റാണ് ലേഖിക

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Madhyamam kudumbamPeace of Mind
News Summary - How to Get Peace of Mind
Next Story