Begin typing your search above and press return to search.
proflie-avatar
Login
exit_to_app
exit_to_app
be body positive
cancel
സ്വ​ന്തം ശ​രീ​ര​ത്തി​ന് എ​ത്ര​ത്തോ​ളം രൂ​പ​ഭം​ഗി​യു​ണ്ട്, മ​റ്റു​ള്ള​വ​ർ​ക്ക് അ​തേ​പ്പ​റ്റി എ​ന്ത​ഭി​പ്രാ​യ​മാ​ണു​ള്ള​ത് എ​ന്ന​തി​ലൊ​ക്കെ മി​ക്ക​വ​രും ശ്ര​ദ്ധാ​ലു​ക്ക​ളാ​ണ്. താ​ന്‍ ശ​രി​ക്കും ആ​രാ​ണ്, എ​ന്താ​ണ് എ​ന്ന​തെ​ല്ലാം മാ​ലോ​ക​രെ അ​റി​യി​ക്കാ​നു​ള്ള മു​ഖ്യ ഉ​പ​ക​ര​ണ​മെ​ന്ന നി​ല​ക്കാ​ണ് സ്വ​ശ​രീ​ര​ത്തെ മി​ക്ക​വ​രും നോ​ക്കി​ക്കാ​ണു​ന്ന​തും. അ​തു​കൊ​ണ്ടു​ത​ന്നെ, ശ​രീ​ര​ത്തി​ലെ ചെ​റു​തോ സാ​ങ്ക​ൽ​പി​കം പോ​ലു​മോ ആ​യ ന്യൂ​ന​ത​ക​ളും അ​വ​യെ​പ്പ​റ്റി​യു​ള്ള ഉ​പ​ദേ​ശ​ങ്ങ​ളും പ​രി​ഹാ​സ​ങ്ങ​ളു​മൊ​ക്കെ​യും പ​ല​ർ​ക്കും വി​ഷ​മ​ഹേ​തു​വാ​കാ​റു​ണ്ട്.

ശ​രീ​രം പ​രി​ഹ​സി​ക്ക​പ്പെ​ടു​മ്പോ​ള്‍

ഒ​രാ​ളു​ടെ ശാ​രീ​രി​ക സ​വി​ശേ​ഷ​ത​ക​ളെ വി​മ​ർ​ശി​ക്കു​ക​യോ​ക​ളി​യാ​ക്കു​ക​യോ ചെ​യ്യു​ന്ന​തി​നെ 'ബോ​ഡി​ ഷെ​യ്മി​ങ്​' എ​ന്നാ​ണ് വി​ളി​ക്കു​ന്ന​ത്. ഇ​ത് വ​ണ്ണം, നി​റം, രൂ​പം, ഹെ​യ​ര്‍ സ്​​റ്റൈ​ല്‍, വ​സ്ത്ര​ധാ​ര​ണ രീ​തി മു​ത​ലാ​യ​വ​യെ​ക്കു​റി​ച്ചാ​കാം. ബോ​ഡി ഷെ​യ്മി​ങ് ര​ണ്ടു ത​ര​ത്തി​ലു​ണ്ട്:

1. സ്വ​ന്തം ശ​രീ​ര​ത്തെ വി​മ​ർ​ശ​ന​ബു​ദ്ധി​യോ​ടെ​യോ മ​റ്റു​ള്ള​വ​രു​മാ​യി താ​ര​ത​മ്യ​പ്പെ​ടു​ത്തി​യോ സ്വ​യം വി​ല​കു​റ​ച്ചു​ കാ​ണു​ക.

ഉദാ: "അ​യാ​ളു​ടെ അ​ടു​ത്തു​നി​ൽ​ക്കു​മ്പോ​ൾ ഞാ​ന്‍ ശ​രി​ക്കു​മൊ​രു കു​ള്ള​നാ!", "എ​െ​ൻ​റ മൂ​ക്കി​െ​ൻ​റ ഓ​ട്ട​ക​ള്‍ക്കി​ത് എ​ന്തൊ​രു സൈ​സാ​ണ്?!".

2. മ​റ്റൊ​രാ​ളോ​ട് അ​വ​രെ​ക്കു​റി​ച്ച് ഇ​ത്ത​രം ക​മ​ൻ​റു​ക​ള്‍ പ​റ​യു​ക .

ഉദാ: "മീ​ശ ഇ​ങ്ങ​നെ വ​ള​ർ​ന്നാ​ല്‍ നി​ന്നെ ഒ​രു വി​മ​ൻ​സ് കോ​ള​ജി​ലും എ​ടു​ക്കി​ല്ല മോ​ളേ..."

ഷെ​യ്മി​ങ്ങി​നു പിന്നിൽ

സൗ​ന്ദ​ര്യ​ത്തെ​ക്കു​റി​ച്ച് സ​മൂ​ഹ​വും പ​ര​സ്യ​ങ്ങ​ളും മാ​ധ്യ​മ​ങ്ങ​ളു​മൊ​ക്കെ കു​റെ അ​യ​ഥാ​ർ​ഥ സ​ങ്ക​ൽ​പ​ങ്ങ​ളും വി​ക​ല ധാ​ര​ണ​ക​ളും സൃ​ഷ്​​ടി​ച്ചി​ട്ടു​ണ്ട്. ത​ടി കൂ​ട്ടാ​നും കു​റ​ക്കാ​നും മു​ടി വ​ള​രാ​നും ക​റു​പ്പി​ക്കാ​നും മു​ഖ​മോ പ​ല്ലോ വെ​ളു​പ്പി​ക്കാ​നു​മൊ​ക്കെ​യു​ള്ള ഉ​ൽ​പ​ന്ന​ങ്ങ​ളു​ടെ പ​ര​സ്യ​ങ്ങ​ളും ത​ടി​ച്ച​വ​രെ​യോ മെ​ലി​ഞ്ഞ​വ​രെ​യോ ഉ​യ​ര​ക്കു​റ​വു​ള്ള​വ​രെ​യോ ഹാ​സ്യ​ക​ഥാ​പാ​ത്ര​ങ്ങ​ളാ​ക്കു​ന്ന പ​തി​വു​മെ​ല്ലാം ഇ​വി​ടെ പ്ര​തി​ക്കൂ​ട്ടി​ലാ​ണ്. ഇ​വ​യെ​ല്ലാം കു​ത്തി​ച്ചെ​ലു​ത്തു​ന്ന 'സൗ​ന്ദ​ര്യ സ​ങ്ക​ൽ​പ​ങ്ങ​ള്‍' സ്വ​യ​മ​റി​യാ​തെ എ​ല്ലാ​വ​രും സ്വാം​ശീ​ക​രി​ച്ചു പോ​കു​ന്ന​ത് ബോ​ഡി ഷെ​യ്മി​ങ്ങി​ന്​ പ്ര​ചാ​ര​വും സ്വീ​കാ​ര്യ​ത​യും കി​ട്ടാ​ന്‍ കാ​ര​ണ​മാ​യി​ട്ടു​ണ്ട്.

അ​റി​ഞ്ഞോ അ​റി​യാ​തെ​യോ ഏ​റ്റ​വു​മ​ധി​കം ബോ​ഡി ഷെ​യ്മി​ങ്​ ന​ട​ത്താ​റ് ദൗ​ർ​ഭാ​ഗ്യ​വ​ശാ​ല്‍, അ​ച്ഛ​ന​മ്മ​മാ​രും അ​ടു​ത്ത ബ​ന്ധു​ക്ക​ളും സു​ഹൃ​ത്തു​ക്ക​ളും പ്ര​ണ​യ​ഭാ​ജ​ന​ങ്ങ​ളും സ​ഹ​പ്ര​വ​ർ​ത്ത​ക​രു​മൊ​ക്കെ​യാ​ണ്. "ഈ ​ത​ടി​യൊ​ന്നു കു​റ​ച്ചാ​ല്‍ നി​ന്നെ​ക്കാ​ണാ​ന്‍ ന​ല്ല ഭം​ഗി​യു​ണ്ടാ​കും" എ​ന്നൊ​ക്കെ​യു​ള്ള, സ്നേ​ഹ​ബു​ദ്ധ്യാ എ​ന്നു പ്ര​ത്യ​ക്ഷ​ത്തി​ൽ തോ​ന്നു​ന്ന ഉ​പ​ദേ​ശ​ങ്ങ​ള്‍ പ​ക്ഷേ, ബോ​ഡി ഷെ​യ്മി​ങ്​ ത​ന്നെ​യാ​ണ്. ഇ​തൊ​ക്കെ ന​ന്മ ​മോ​ഹി​ച്ചു​ള്ള സ്നേ​ഹോ​പ​ദേ​ശ​ങ്ങ​ള്‍ മാ​ത്ര​മാ​ണ്, അ​ല്ലെ​ങ്കി​ല്‍, സീ​രി​യ​സാ​യി എ​ടു​ക്ക​രു​താ​ത്ത വെ​റും ത​മാ​ശ​ക​ളാ​ണ് എ​ന്നൊ​ക്കെ​യു​ള്ള ധാ​ര​ണ​ക​ളും ഇ​തൊ​ക്കെ തെ​റ്റും ​വി​വേ​ച​ന​പ​ര​വും ഹാ​നി​ക​ര​വു​മാ​ണ് എ​ന്ന​തൊ​ന്നും പ​ല​രും പ​രി​ഗ​ണി​ക്കാ​റി​ല്ല എ​ന്ന​തു​മൊ​ക്കെ ഈ ​പ്ര​വ​ണ​ത​ക്ക്​ വ​ള​മാ​കു​ന്നു​മു​ണ്ട്.

എ​ല്ലാ​വ​രും എ​പ്പോ​ഴും ത​ന്നെ ഉ​റ്റു​നോ​ക്കു​ന്നു​ണ്ട്, ഓ​രോ ത​വ​ണ​യും പു​റ​ത്തി​റ​ങ്ങു​മ്പോ​ള്‍ താ​ന്‍ പ​ര​സ്യ​മോ​ഡ​ലു​ക​ളെ​പ്പോ​ലി​രി​ക്ക​ണം എ​ന്നൊ​ക്കെ​യു​ള്ള മ​നോ​ഭാ​വ​ങ്ങ​ളു​ള്ള​വ​ര്‍ സ​ദാ ത​ന്നെ​ത്ത​ന്നെ നി​രീ​ക്ഷി​ക്കാ​ന്‍ തു​ട​ങ്ങു​ക​യും അ​പ്പോ​ള്‍ ശ​രീ​ര​ത്തി​െ​ൻ​റ പ​ല 'ന്യൂ​ന​ത​ക​ളും' അ​വ​രു​ടെ ദൃ​ഷ്​​ടി​യി​ൽ​പെ​ടു​ക​യും ചെ​യ്യാം. അ​തു​ള​വാ​ക്കു​ന്ന നി​രാ​ശ​യും അ​സം​തൃ​പ്തി​യും ശ​രീ​ര​ത്തെ പ്ര​തി​യു​ള്ള ആ​വ​ലാ​തി​ പി​ന്നെ​യും പെ​രു​പ്പി​ക്കാം.


പ​രി​ണതഫ​ല​ങ്ങ​ള്‍

ചെ​യ്യു​ന്ന​ത്​ താ​ൻ ത​ന്നെ​യാ​ണെ​ങ്കി​ലും മ​റ്റു​ള്ള​വ​രാ​ണെ​ങ്കി​ലും ബോ​ഡി ഷെ​യ്മി​ങ് ഉ​ത്ക​ണ്​​ഠ, സ​ങ്ക​ടം, കോ​പം, പേ​ടി, ച​മ്മ​ല്‍, ല​ജ്ജ എ​ന്നി​വ​യു​ള​വാ​ക്കാം. സ്വ​യം​മ​തി​പ്പും ആ​ത്മ​വി​ശ്വാ​സ​വും ദു​ർ​ബ​ല​മാ​ക്കാം. വ്യാ​യാ​മ​ത്തി​ല്‍ വേ​ണ്ട​തി​ലേ​റെ ​ഏ​ർ​പ്പെ​ടാ​നോ ത​ടി കൂ​ടാ​നു​ള്ള അ​പ​ക​ട​കാ​രി​ക​ളാ​യ മ​രു​ന്നു​ക​ളെ​ടു​ക്കാ​നോ പ്രേ​ര​ക​മാ​കാം. സ്വ​ശ​രീ​ര​ത്തോ​ടു​ള്ള അ​മ​ർ​ഷം അ​തി​നെ നേ​രാം​വ​ണ്ണം പ​രി​പാ​ലി​ക്കു​ന്ന​തി​ന്​ വി​ഘാ​ത​മാ​വു​ക​യും അ​ങ്ങ​നെ പ​ല അ​സു​ഖ​ങ്ങ​ള്‍ക്കും ക​ള​മൊ​രു​ങ്ങു​ക​യും ചെ​യ്യാം. ആ​ളു​ക​ളെ വി​ല​യി​രു​ത്തേ​ണ്ട​ത് അ​വ​രു​ടെ ശ​രീ​രം​വെ​ച്ചു മാ​ത്ര​മാ​ണെ​ന്ന ധാ​ര​ണ ബോ​ഡി ഷെ​യ്മി​ങ്ങി​നെ നേ​രി​ടു​ന്ന​വ​രി​ല്‍ ജ​നി​ക്കാം. അ​വ​ര്‍ മ​റ്റു​ള്ള​വ​രെ ബോ​ഡി ഷെ​യ്മി​ങ്​ ന​ട​ത്താ​നു​ള്ള സാ​ധ്യ​ത​യും കൂ​ടു​ം.

പ്രേ​മി​ക്ക​പ്പെ​ടാ​നോ ന​ല്ലൊ​രാ​ളെ വി​വാ​ഹം ക​ഴി​ക്കാ​നോ ത​നി​ക്ക് അ​ർ​ഹ​ത​യി​ല്ലെന്ന വി​ല​യി​രു​ത്ത​ലി​ല്‍ അ​വ​ര്‍ അ​വി​ടെ​യൊ​ക്കെ തെ​റ്റാ​യ തി​ര​ഞ്ഞെ​ടു​പ്പു​ക​ള്‍ ന​ട​ത്താം. പ്ര​സ്തു​ത ചി​ന്താ​ഗ​തി​ക​ള്‍, പ​ങ്കാ​ളി​യെ ഉ​ള്ളു​തു​റ​ന്ന്​ സ്നേ​ഹി​ക്കു​ന്ന​തി​നും ലൈം​ഗി​ക​ബ​ന്ധം ആ​സ്വ​ദി​ക്കു​ന്ന​തി​നും​കൂ​ടി ത​ട​സ്സ​മാ​കാം. പ​ങ്കാ​ളി അ​വ​ഗ​ണ​ന​യോ പീ​ഡ​ന​ങ്ങ​ളോ കാ​ണി​ക്കു​ന്നെ​ങ്കി​ല്‍, ത​നി​ക്ക് ഏ​റെ ന്യൂ​ന​ത​ക​ളു​ണ്ട​ല്ലോ എ​ന്ന മു​ൻ​വി​ധി​യാ​ല്‍, അ​തൊ​ക്കെ തി​ക​ച്ചും ന്യാ​യ​വും താ​ന്‍ അ​ർ​ഹി​ക്കു​ന്ന​തു​മാ​ണ് എ​ന്ന​വ​ര്‍ അ​നു​മാ​നി​ക്കാം.

ചി​ല മാ​ന​സി​ക ​പ്ര​ശ്ന​ങ്ങ​ൾ​ക്കു​ള്ള സാ​ധ്യ​ത​യും അ​വ​രി​ൽ അ​മി​ത​മാ​കു​ന്നു​ണ്ട്. സാ​മൂ​ഹി​ക ച​ട​ങ്ങു​ക​ളി​ല്‍ പ​ങ്കെ​ടു​ക്കാ​ന്‍ പേ​ടി​യും വി​മു​ഖ​ത​യു​മു​ണ്ടാ​കു​ന്ന സോ​ഷ്യ​ല്‍ ഫോ​ബി​യ, അ​കാ​ര​ണ​മാ​യ നി​രാ​ശ, സ​ദാ അ​നു​ഭ​വ​പ്പെ​ടു​ന്ന ഡി​പ്ര​ഷ​ന്‍, ആ​ഹാ​രം ക​ഴി​ക്കൽ വ​ല്ലാ​തെ കു​റ​ക്കു​ക​യോ പൂ​ർ​ണ​മാ​യും നി​ർ​ത്തു​ക​യോ ചെ​യ്യു​ന്ന അ​നോ​റെ​ക്സ്യ നെ​ർ​വോ​സ, എ​ടു​ക്കു​ന്ന ആ​ഹാ​രം ഉ​ട​ന​ടി മ​ന​ഃപൂ​ർ​വം ഛർ​ദി​ച്ചു​ക​ള​യു​ന്ന ബു​ളീ​മി​യ എ​ന്നി​വ ഇ​തി​ൽ​പെ​ടു​ന്നു.

വ​ണ്ണ​ക്കൂ​ടു​ത​ലു​ള്ള​വ​രെ പ​ല​രും ബോ​ഡി ഷെ​യ്മി​ങ്​ ന​ട​ത്താ​റ്, ത​ടി കു​റ​ക്കാ​ന്‍ അ​ത​വ​ർ​ക്കൊ​രു പ്ര​ചോ​ദ​ന​മാ​കും എ​ന്ന സ​ദു​ദ്ദേ​ശ്യ​ത്തി​ലാ​ണ്. എ​ന്നാ​ല്‍, ബോ​ഡി ഷെ​യ്മി​ങ്​ മ​നോ​വൈ​ഷ​മ്യ​ങ്ങ​ള്‍മൂ​ലം അ​വ​രു​ടെ വ​ണ്ണം പി​ന്നെ​യും കൂ​ടു​ക​യാ​ണ്​ പ​തി​വ്.

എ​ങ്ങ​നെ നേ​രി​ടാം

●ന്യൂ​ന​ത​യേ​തു​മി​ല്ലാ​ത്ത ശ​രീ​രം ഒ​രാ​ൾ​ക്കു​മി​ല്ല എ​ന്നോ​ർ​ക്കു​ക. എ​ത്ര​യോ മേ​ക്ക​പ്പും കോ​സ്​​മെ​റ്റി​ക് സ​ർ​ജ​റി​ക​ള്‍ പോ​ലും ക​ഴി​ഞ്ഞു​വ​രു​ന്ന​വ​രാ​ണ് അ​ഭി​നേ​താ​ക്ക​ളും മോ​ഡ​ലു​ക​ളു​മ​ട​ക്കമെന്നോർക്കുക.

●മ​റ്റു​ള്ള​വ​രു​മാ​യി സ്വ​യം താ​ര​ത​മ്യ​പ്പെ​ടു​ത്തു​ന്ന ശീ​ല​ം അ​വ​സാ​നി​പ്പി​ക്കു​ക.

●സ്വ​ന്ത​മാ​യു​ള്ള, ശാ​രീ​രി​ക​മോ അ​ല്ലാ​ത്ത​തോ ആ​യ ഗു​ണ​ങ്ങ​ളെ​ക്കു​റി​ച്ച് ഇ​ട​ക്കി​ടെ സ്വ​യം ഓ​ർ​മി​പ്പി​ക്കു​ക ('എ​നി​ക്ക് ന​ല്ല ആ​രോ​ഗ്യ​മു​ണ്ട്', 'ആ​വ​ശ്യ​ത്തി​ന് മേ​നീ​ബ​ലം എ​നി​ക്കു​ണ്ട്').

●ദി​വ​സ​വും ജീ​വി​പ്പി​ച്ചു​നി​ർ​ത്തു​ന്ന​തി​നും പ​ല രീ​തി​ക​ളി​ലും ത​ന്നെ സം​ര​ക്ഷി​ക്കു​ന്ന​തി​നും ശ​രീ​ര​ത്തോ​ട് ന​ന്ദി പ​റ​യു​ന്ന​ത്​ ശീ​ല​മാ​ക്കു​ക.

●ഒ​റ്റ​ക്കി​രു​ന്ന്, ആ​വ​ശ്യ​മെ​ങ്കി​ല്‍ ക​ണ്ണാ​ടി​യി​ല്‍ സ്വ​ന്തം ശ​രീ​രം നോ​ക്കി​ക്ക​ണ്ട്, സ്വ​ശ​രീ​ര​ത്തെ​ക്കു​റി​ച്ച്​ മ​ന​സ്സി​ൽ സൂ​ക്ഷി​ക്കു​ന്ന വി​മ​ർ​ശ​ന​ ചി​ന്ത​ക​ൾ പ​റ​യു​ക.​ അ​പ്പോ​ള്‍ തൊ​ട്ടു​പി​റ​കെ മ​ന​സ്സി​ലും ശ​രീ​ര​ത്തി​ലും അ​സ്വ​സ്ഥ​ത​ക​ള്‍ ഉ​ള​വാ​കു​ന്ന​ത്​ പ്ര​ത്യേ​കം ശ്ര​ദ്ധി​ക്കു​ക. ഇ​ത്, ഇ​ത്ത​രം ചി​ന്താ​ഗ​തി​ക​ള്‍ എ​ത്ര​ത്തോ​ളം വൈ​ഷ​മ്യ​ജ​ന​ക​മാ​ണെ​ന്ന​ ബോ​ധ്യം ത​രും.

ഷെ​യ്മി​ങ്​ ചി​ന്ത​ക​ളെ പു​റ​ന്ത​ള്ളാ​ന്‍ മൂന്നു സ്​റ്റെപ്പുകൾ

1. ശ​രീ​ര​ത്തെ താ​ഴ്ത്തി​ക്കെ​ട്ടു​ന്ന എ​ന്തൊ​ക്കെ​ത​രം ചി​ന്ത​ക​ള്‍ വ​രാ​റു​ണ്ടെ​ന്ന​തു കു​റി​ച്ചു​വെ​ക്കു​ക ('എ​നി​ക്ക് മു​ടി വ​ല്ലാ​തെ ക​യ​റി​യി​ട്ടു​ണ്ട്, ക​ഷ​ണ്ടി​ക്കാ​ര​നാ​ണെ​ന്ന് എ​ല്ലാ​വരും ക​രു​തും').

2. അ​വ​യി​ലെ പൊ​ള്ള​ത്ത​രം വ്യ​ക്ത​മാ​ക്കു​ന്ന, കൂ​ടു​ത​ല്‍ വാ​സ്ത​വി​ക​വും പോ​സി​റ്റി​വു​മാ​യ മ​റു​വാ​ദ​ങ്ങ​ള്‍ ക​ണ്ടു​പി​ടി​ക്കു​ക. ഉ​ദാ​: ''എ​ത്ര​ത്തോ​ളം മു​ടി​യു​ണ്ട് എ​ന്ന​തു​വെ​ച്ച​ല്ല ഒ​രാ​ളു​ടെ വ്യ​ക്തി​ത്വം അ​ള​ക്കു​ന്ന​ത്. ലേ​ശം മു​ടി ക​യ​റി​യ​ത് എ​നി​ക്ക് പാ​ര​മ്പ​ര്യ​ത്തി​െ​ൻ​റ ഭാ​ഗ​മാ​യി സം​ഭ​വി​ക്കു​ന്ന​താ​ണ്, അ​ല്ലാ​തെ എ​െ​ൻ​റ പി​ഴ​വു​ക​ള്‍മൂ​ല​മോ രോ​ഗ​ത്തി​െ​ൻ​റ ഭാ​ഗ​മാ​യോ അ​ല്ല. സ​മൂ​ഹ​ത്തി​ല്‍ എ​ത്ര​യോ പേ​ര്‍ തീ​രെ മു​ടി ഇ​ല്ലാ​ഞ്ഞി​ട്ടും സ​ന്തോ​ഷ​ത്തോ​ടും അ​ഭി​മാ​ന​ത്തോ​ടെയും ജീ​വി​ക്കു​ന്നു​ണ്ട്." ഇ​ത്ത​രം മ​റു​വാ​ദ​ങ്ങ​ള്‍ സ്വ​ന്തം​നി​ല​ക്ക്​ രൂ​പ​പ്പെ​ടു​ത്താ​നാവു​ന്നി​ല്ലെ​ങ്കി​ല്‍ ആ​രു​ടെ​യെ​ങ്കി​ലും സ​ഹാ​യം തേ​ടാ​വു​ന്ന​താ​ണ്.

3. മോ​ശം ചി​ന്ത​ക​ള്‍ ത​ല​പൊ​ക്കു​മ്പോ​ഴൊ​ക്കെ ഇ​ങ്ങ​നെ ന​ല്ല​ചി​ന്ത​ക​ള്‍ പ​ക​രം ഉ​യ​ർ​ത്തു​ക.

പെ​രു​മാ​റ്റ​ം ആ​രോ​ഗ്യ​ക​ര​മാ​ക്കാം

●ശാ​രീ​രി​ക ന്യൂ​ന​ത​ക​ളെ​ക്കു​റി​ച്ചു​ള്ള വേ​വ​ലാ​തി​യാ​ൽ ജീ​വി​ത​രീ​തി​ക​ളി​ല്‍ എ​ന്തെ​ങ്കി​ലും പ​രി​ഷ്ക​ര​ണ​ങ്ങ​ള്‍ വ​രു​ത്തി​യി​ട്ടു​ണ്ടോ? ന​ല്ല ഹൈ ​ഹീ​ലു​ള്ള ചെ​രി​പ്പ്​ മാ​ത്രം ധ​രി​ക്കു​ക, എ​പ്പോ​ഴും പി​ൻ​നി​ര​യി​ല്‍ത​ന്നെ ഇ​രി​ക്കു​ക എ​ന്നൊ​ക്കെ​പ്പോ​ലെ? എ​ങ്കി​ല്‍ അ​വ ക്ര​മേ​ണ പി​ൻ​വ​ലി​ക്കു​ക. ഉ​ദാ​ഹ​ര​ണ​ത്തി​ന്, ഓ​രോ​രോ നി​ര​യാ​യി മു​ന്നി​ലോ​ട്ട്​ ക​യ​റി ഇ​രി​ക്കാ​ന്‍ തു​ട​ങ്ങാം.

●ആ​ളു​ക​ളു​ടെ രൂ​പ​ത്തി​നും ശ​രീ​ര​ത്തി​നും വ​ലി​യ പ്രാ​ധാ​ന്യം ക​ൽ​പി​ക്കാ​ത്ത​വ​രും അ​വ​യെ​ക്കു​റി​ച്ച് മോ​ശം ക​മ​ൻ​റു​ക​ള്‍ പ​റ​യാ​ത്ത​വ​രും സ്വ​ശ​രീ​ര​ത്തി​ലെ ന്യൂ​ന​ത​ക​ളെ വി​മ​ർ​ശ​ന​ബു​ദ്ധ്യാ കാ​ണാ​ത്ത പ്ര​കൃ​ത​മു​ള്ള​വ​രു​മൊ​ക്കെ​യാ​യി കൂ​ടു​ത​ല്‍ സ​മ​യം ചെ​ല​വി​ടു​ക.

●രൂ​പ​ത്തി​നും ഭം​ഗി​ക്കും ക​ൽ​പി​ക്കു​ന്ന​തി​ലും കൂ​ടു​ത​ല്‍ പ്രാ​ധാ​ന്യം ആ​രോ​ഗ്യ​ത്തി​ന്​ കൊ​ടു​ക്കു​ക. ആ​രോ​ഗ്യ​ക​ര​മാ​യ ഭ​ക്ഷ​ണം ക​ഴി​ക്കാ​നും ആ​വ​ശ്യ​ത്തി​ന്​ വെ​ള്ളം കു​ടി​ക്കാ​നും വ്യാ​യാ​മം ചെ​യ്യാ​നും ശ​രീ​രം വൃ​ത്തി​യാ​യി സൂ​ക്ഷി​ക്കാ​നു​ം ശ്ര​ദ്ധി​ക്കു​ക.

●ബോ​ഡി ഷെ​യ്മി​ങ്​ ന​ട​ത്തു​ന്ന​വ​രോ​ട്, അ​ത്തരം ​ക​മ​ൻ​റു​ക​ള്‍ ത​നി​ക്ക് ഇ​ഷ്​​ട​മ​ല്ല എ​ന്നും അ​ത്ത​രം കാ​ഴ്ച​പ്പാ​ടു​ക​ള്‍ അ​വ​ർ​ക്കു​ത​ന്നെ വി​ന​യാ​കാം എ​ന്നും ഓ​ർ​മി​പ്പി​ക്കു​ക. അ​തേ​സ​മ​യം, വി​ശ​ദീ​ക​ര​ണ​ങ്ങ​ള്‍ക്കോ സം​വാ​ദത്തിനോ തു​നി​യ​രു​ത്. അ​വ​രു​ടെ നി​ർ​ദേ​ശ​ങ്ങ​ൾ​ക്ക​നു​സരിച്ച് ഒ​രു​മാ​റ്റ​വും ജീ​വി​ത​രീ​തി​യില്‍ വ​രു​ത്താ​തി​രി​ക്കു​ക. അ​വ​രെ സം​തൃ​പ്ത​രാ​ക്കാ​നാവില്ല. അ​വ​ര്‍ തു​റ​ന്നു​കാ​ണി​ക്കു​ന്ന​ത് നി​ങ്ങ​ളു​ടെ ശ​രീ​ര​ത്തി​ലെ​യ​ല്ല, അ​വ​രു​ടെ​ത​ന്നെ മ​നഃ​സ്ഥി​തി​യി​ലെ പോ​രാ​യ്മ​ക​ളാ​ണ്‌.

●സോ​ഷ്യ​ല്‍ മീ​ഡി​യ​യി​ല്‍ ബോ​ഡി ഷെ​യ്മി​ങ്​ ക​മ​ൻ​റു​ക​ളോ പോ​സ്​​റ്റു​ക​ളോ നി​ര​ന്ത​രം ഇ​ടു​ന്ന​വ​രെ അ​ൺ​ഫോ​ളോ ചെ​യ്യു​ക​യോ ബ്ലോ​ക്ക് ചെ​യ്യു​ക​യോ ചെ​യ്യു​ക. നേ​രി​ൽ പ​രി​ച​യ​മു​ള്ള​വ​രോ​ട് അ​തി​നു​മു​മ്പ് കാ​ര്യം ച​ർ​ച്ച ചെ​യ്യു​ക​യു​മാ​കാം.

ഇ​തൊ​ക്കെ​ക്കൊ​ണ്ടും മ​നോ​വൈ​ഷ​മ്യ​ങ്ങ​ള്‍ പ​രി​ഹൃ​ത​മാ​കു​ന്നി​ല്ലെ​ങ്കി​ല്‍ അ​ടു​ത്ത സു​ഹൃ​ത്തു​ക്ക​ളോ​ട് തു​റ​ന്ന്​ ച​ർ​ച്ച​ചെ​യ്യു​ക. മ​ന​ശ്ശാ​സ്ത്ര ചി​കി​ത്സ​ക​ള്‍ തേ​ടു​ന്ന​തും പ​രി​ഗ​ണി​ക്കു​ക. വി​ദ​ഗ്ധ സ​ഹാ​യ​ത്തോ​ടെ പ​രി​ഹ​രി​ക്കാ​വു​ന്ന പ്ര​ശ്ന​ങ്ങ​ൾ​ക്കാ​ണ് ബോ​ഡി ഷെ​യ്മി​ങ്​ നേ​രി​ടു​ന്ന​തെങ്കി​ല്‍ (അ​മി​ത​വ​ണ്ണം, വാ​യ്നാ​റ്റം, ത്വ​ഗ്​​രോ​ഗ​ങ്ങ​ള്‍ തു​ട​ങ്ങി​യ​വ) അ​ത​ത്​ സ്പെ​ഷ​ലി​സ്​​റ്റു​ക​ളെ സ​മീ​പി​ക്കു​ക. എ​ന്നാ​ല്‍, ബോ​ഡി ഷെ​യ്മി​ങ്ങു​കാ​രു​ടെ വാ​യ​ട​പ്പി​ക്കു​ക​യ​ല്ല, മ​റി​ച്ച് സ്വ​ന്തം ആ​രോ​ഗ്യം മെ​ച്ച​പ്പെ​ടു​ത്തു​ക​യാ​ണ് ല​ക്ഷ്യം എ​ന്നു മ​റ​ക്കാ​തി​രി​ക്കു​ക.

സ​മൂ​ഹം ശ്ര​ദ്ധി​ക്കാ​ന്‍

●കൊ​ച്ചു​വ​ർ​ത്ത​മാ​ന​ങ്ങ​ള്‍ അ​റി​യാ​തെ​പോ​ലും ത​ടി​യെ​യോ മു​ടി​കൊ​ഴി​ച്ചി​ലി​നെ​യോ കുറിച്ചൊ​ന്നും ആവാ​തി​രി​ക്കാ​ൻ ശ്ര​ദ്ധി​ക്കു​ക.

●സോ​ഷ്യ​ല്‍ മീ​ഡി​യ​യി​ലോ അ​ല്ലാ​തെ​യോ ആ​രെ​ങ്കി​ലും ബോ​ഡി ഷെ​യ്മി​ങ്​ നേ​രി​ടു​ന്ന​താ​യും അ​തി​ല്‍ വി​ഷ​മി​ക്കു​ന്ന​താ​യും ക​ണ്ടാ​ല്‍ അ​വ​രെ സ​പ്പോ​ർ​ട്ട് ചെ​യ്യു​ക.

●നി​റം, ഉ​യ​രം, വ​ണ്ണം, സൗ​ന്ദ​ര്യം തു​ട​ങ്ങി​യ​വ​ക്ക്​ അ​തീ​ത​മാ​യി സ്നേ​ഹ​വും ബ​ഹു​മാ​ന​വും ല​ഭി​ക്കാ​ന്‍ എല്ലാവ്യ​ക്തി​കൾക്കും അ​വ​കാ​ശ​മു​ണ്ട് എ​ന്നോ​ർ​ക്കു​ക.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:positivebody shaming
News Summary - be body positive
Next Story