കാന്തപുരത്തെ സന്ദർശിച്ച് യു.ഡി.എഫ് സ്ഥാനാർഥി ആര്യാടൻ ഷൗക്കത്ത്

കോഴിക്കോട്: നിലമ്പൂരിലെ യു.ഡി.എഫ് സ്ഥാനാർഥി ആര്യാടൻ ഷൗക്കത്ത് സമസ്ത കേരള ജംഇയ്യതുൽ ഉലമ ജനറൽ സെക്രട്ടറി കാന്തപുരം എ.പി. അബൂബക്കർ മുസ്‌ലിയാരെ സന്ദർശിച്ചു. കാരന്തൂർ മർക്കസിൽ എത്തിയാണ് ഷൗക്കത്ത് അബൂബക്കർ മുസ്‌ലിയാരെ കണ്ടത്. കോഴിക്കോട് ഡി.സി.സി അധ്യക്ഷൻ അഡ്വ. പ്രവീൺ കുമാർ, കെ.പി.സി.സി ജനറൽ സെക്രട്ടറി പി.കെ. നിയാസ് അടക്കമുള്ളവർ ഷൗക്കത്തിനെ അനുഗമിച്ചു.

ഇന്നലെ ആ​ര്യാ​ട​ൻ ഷൗ​ക്ക​ത്ത്​ പാ​ണ​ക്കാ​ട്ടെ​ത്തി മു​സ് ലിം ​ലീ​ഗ്​ മ​ല​പ്പു​റം ജി​ല്ല അ​ധ്യ​ക്ഷ​ൻ അ​ബ്ബാ​സ​ലി ശി​ഹാ​ബ്​ ത​ങ്ങ​ളെ ക​ണ്ടിരുന്നു. ശി​ഹാ​ബ് ത​ങ്ങ​ളു​ടെ​യും ഹൈ​ദ​ര​ലി ത​ങ്ങ​ളു​ടെ​യും ഖ​ബ​റി​ട​ങ്ങ​ളി​ൽ പോ​യി പ്രാർഥിച്ചു. പാ​ണ​ക്കാ​ട് നി​ന്ന് ഉ​ച്ച​ഭ​ക്ഷ​ണം ക​ഴി​ച്ച ശേ​ഷ​മാ​യി​രു​ന്നു മ​ട​ക്കം. പി.​കെ. കു​ഞ്ഞാ​ലി​ക്കു​ട്ടി, പാ​ണ​ക്കാ​ട് മു​ന​വ്വ​റ​ലി ശി​ഹാ​ബ് ത​ങ്ങ​ൾ, പി.​എം.​എ സ​ലാം, ഇ​സ്​​മാ​യി​ൽ മൂ​ത്തേ​ടം, ടി.​പി. അ​ഷ്​​റ​ഫ​ലി എ​ന്നി​വ​രും കൂ​ടി​ക്കാ​ഴ്​​ച​യി​ൽ പ​​ങ്കെ​ടു​ത്തു.

പി​താ​വ് ആ​ര‍്യാ​ട​ൻ മു​ഹ​മ്മ​ദി​ന്‍റെ ഖ​ബ​റി​ട​ത്തി​ലെ പ്രാ​ർ​ഥ​ന​യോ​ടെയാണ് ആ​ര‍്യാ​ട​ൻ ഷൗ​ക്ക​ത്ത് ഇന്നലെ ​തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് തു​ട​ക്കം കു​റി​ച്ചത്. വൈ​കാ​രി​ക​ത നി​മി​ഷ​ത്തി​ലാ​യി​രു​ന്നു തു​ട​ക്കം. നി​ല​മ്പൂ​ർ മു​ക്ക​ട്ട വ​ലി​യ പ​ള്ളി​യി​ലെ ഖ​ബ​റി​ട​ത്തി​ന് മു​ന്നി​ൽ മു​ട്ടു​കു​ത്തി ത​ല​കു​നി​ച്ച് വി​തു​മ്പി​യ ഷൗ​ക്ക​ത്തി​നെ ഡി.സി.സി പ്രസിഡന്‍റ് വി.എസ്. ജോ​യി​യും മു​സ് ലിം ​ലീ​ഗ് ജി​ല്ല വൈ​സ് പ്ര​സി​ഡ​ന്‍റ് ഇ​സ്മ​യി​ല്‍ മൂ​ത്തേ​ട​വും ആ​ശ്വ​സി​പ്പി​ച്ചു.

തു​ട​ർ​ന്ന് എ​ട​ക്ക​ര ബ്ലോ​ക്ക് കോ​ണ്‍ഗ്ര​സ് ക​മ്മ​റ്റി ഓ​ഫി​സി​ലെ മു​ന്‍ ഡി.​സി.​സി.​ പ്ര​സി​ഡ​ന്‍റ് വി.​വി.​ പ്ര​കാ​ശി​ന്‍റെ സ്മൃ​തി മ​ണ്ഡ​പ​ത്തി​ലെ​ത്തി പു​ഷ്പാ​ര്‍ച്ച​ന ന​ട​ത്തി. നി​ല​മ്പൂ​ര്‍ ലി​റ്റി​ല്‍ ഫ്‌​ള​വ​ര്‍ ഫൊ​റോ​ന ച​ര്‍ച്ച്, ച​ന്ത​ക്കു​ന്ന് മാ​ര്‍ത്തോ​മ്മ പ​ള്ളി, ചു​ങ്ക​ത്ത​റ എം.​പി.​എം ഹ​യ​ര്‍ സെ​ക്ക​ന്‍ഡ​റി സ്‌​കൂ​ള്‍ എ​ന്നി​വി​ട​ങ്ങ​ൾ സ​ന്ദ​ര്‍ശി​ക്കുകയും ചെയ്തിരുന്നു.

പി​താ​വ് ചെ​യ്ത കാ​ര്യ​ങ്ങ​ൾ പൂ​ര്‍ത്തീ​ക​രി​ക്കാ​നാ​ണ് വോ​ട്ട് ചോ​ദി​ക്കു​ന്ന​തെ​ന്ന് ഷൗ​ക്ക​ത്ത് മാധ്യമങ്ങളോട് പ​റ​ഞ്ഞു. ക​ഴി​ഞ്ഞ ഒ​മ്പ​ത് വ​ര്‍ഷ​മാ​യി വി​ക​സ​ന മു​ര​ടി​പ്പാ​ണ് നി​ല​മ്പൂ​രി​ൽ. അ​തി​ന് മാ​റ്റം വ​ര​ണം. മ​ല​യോ​ര ജ​ന​ത വ​ന്യ​ജീ​വി ആ​ക്ര​മ​ണ​ത്തി​ല്‍ ജീ​വ​നും കൃ​ഷി​യും ന​ഷ്ട​പ്പെ​ട്ട് ന​ര​ക​തു​ല്യ അ​വ​സ്ഥ​യി​ലാ​ണ്. അ​വ​രു​ടെ ദു​രി​ത​ങ്ങ​ള്‍ക്ക് പ​രി​ഹാ​രം കാ​ണും. ആ​ദി​വാ​സി​ക​ള​ട​ക്ക​മു​ള്ള​വ​രു​ടെ പ്ര​യാ​സ​ങ്ങ​ള്‍ പ​രി​ഹ​രി​ക്കാ​നു​ള്ള പ​രി​ശ്ര​മ​ങ്ങ​ള്‍ ന​ട​ത്തു​മെ​ന്നും ഷൗ​ക്ക​ത്ത് വ്യക്തമാക്കി.