ചൂ​ടി​ൽ തി​ള​ച്ച് പാ​ല​ക്കാ​ട്

പാ​ല​ക്കാ​ട്: ചൂ​ടി​ന്റെ തീ​വ്ര​ത വ​ർ​ധി​ച്ച​ത് പാ​ല​ക്കാ​ട്ടു​കാ​രെ വ​ലി​യ ആ​ശ​ങ്ക​യി​ലേ​ക്ക് ത​ള്ളി​വി​ട്ടി​രി​ക്കു​ക​യാ​ണ്. ഫെ​ബ്രു​വ​രി ആ​ദ്യ​ആ​ഴ്ച​യി​ൽ ഉ​യ​ർ​ന്ന ചൂ​ട് രേ​ഖ​പ്പെ​ടു​ത്തി​യ​ത് പാ​ല​ക്കാ​ട്ടാ​യി​രു​ന്നു 40.6 ഡി​ഗ്രി സെ​ൽ​ഷ്യ​സ്. മ​ല​മ്പു​ഴ ഡാം 39.2, ​മ​ങ്ക​ര 38.9, ഒ​റ്റ​പ്പാ​ലം 38.7 ഡി​ഗ്രി സെ​ൽ​ഷ്യ​സ് ചൂ​ടും അ​നു​ഭ​വ​പ്പെ​ട്ടു.

എ​രി​മ​യൂ​രി​ൽ 40 ഡി​ഗ്രി സെ​ൽ​ഷ്യ​സ് വ​രെ ഉ​യ​ർ​ന്ന​താ​യി റി​പ്പോ​ർ​ട്ട് ചെ​യ്തെ​ങ്കി​ലും ഔ​ദ്യോ​ഗി​ക സ്ഥി​രീ​ക​ര​ണ​മി​ല്ല. കാ​റ്റി​ന്റെ ദി​ശ​യ​നു​സ​രി​ച്ച് കൂ​ടി​യ ഉ​ഷ്ണം പി​ന്നീ​ട് മ​റ്റ് ജി​ല്ല​ക​ളി​ലേ​ക്ക് മാ​റി​യെ​ന്ന​ത് തെ​ല്ല് ആ​ശ്വാ​സ​മാ​ണെ​ങ്കി​ലും ജ​ല​ക്ഷാ​മം, വ​ര​ൾ​ച്ച, വി​ള​നാ​ശം എ​ന്നി​വ​യു​ടെ ഭീ​ഷ​ണി നി​ല​നി​ൽ​കു​ന്നു.

ചൂ​ടി​ന്റെ തോ​ത് വ​ർ​ധി​ക്കു​ന്നു

ര​ണ്ടു​വ​ർ​ഷ​മാ​യി വേ​ന​ലി​ൽ ഉ​ഷ്ണ​ത്തി​ന്റെ തോ​തി​ൽ വ​ർ​ധ​ന​യു​ണ്ട്. ആ​ഗോ​ള​ത​ല അ​ന്ത​രീ​ക്ഷ മാ​റ്റ​ത്തി​നൊ​പ്പം പ്രാ​ദേ​ശി​ക ഘ​ട​ക​ങ്ങ​ളും ഇ​തി​ന് കാ​ര​ണ​മാ​ണ്. കേ​ന്ദ്ര കാ​ലാ​വ​സ്ഥ നി​രീ​ക്ഷ​ണ​കേ​ന്ദ്രം സം​സ്ഥാ​ന​ത്ത് സ്ഥാ​പി​ച്ച ഓ​ട്ടോ​മാ​റ്റി​ക് വെ​ത​ർ സ്റ്റേ​ഷ​നു​ക​ളി​ൽ​നി​ന്നു​ള്ള ഡാ​റ്റ​ക​ൾ ല​ഭ്യ​മാ​യി തു​ട​ങ്ങി​യെ​ങ്കി​ലും, തു​ട​ക്ക​ത്തി​ലു​ള സാ​ങ്കേ​തി​ക പ്ര​ശ്ന​ങ്ങ​ൾ ക​ണ​ക്കു​ക​ളെ ബാ​ധി​ക്കു​ന്നെ​ന്നാ​ണ് പ​രാ​തി. ചി​ല​തി​ൽ ഡാ​റ്റ​ക​ൾ കൃ​ത്യ​മ​ല്ല. താ​ര​ത​മ്യം ചെ​യ്യാ​ൻ ക​ഴി​ഞ്ഞ​ത​വ​ണ ഈ ​പ്ര​ദേ​ശ​ങ്ങ​ളി​ൽ അ​നു​ഭ​വി​ച്ച ഉ​ഷ്ണ​ത്തി​ന്റെ അ​ള​വും ല​ഭ്യ​മ​ല്ല വെ​ത​ർ സ്റ്റേ​ഷ​നി​ല്ലാ​ത്ത സ്ഥ​ല​ങ്ങ​ളി​ൽ ഇ​തി​ൽ കൂ​ടു​ത​ൽ ചൂ​ട് അ​നു​ഭ​വ​പ്പെ​ടു​ന്നു​ണ്ടാ​കു​മെ​ന്ന് കാ​ലാ​വ​സ്ഥ ഗ​വേ​ഷ​ക​ർ നി​രീ​ക്ഷി​ക്കു​ന്നു.

മാ​ർ​ച്ചും ഏ​പ്രി​ലുംചു​ട്ടു​പൊ​ള്ളും

അ​ടു​ത്ത ര​ണ്ടു​മാ​സം പ​തി​വി​ലും കൂ​ടു​ത​ൽ ചൂ​ടു​യ​രാ​ൻ സാ​ധ്യ​ത​യെ​ന്നാ​ണ് വി​ദ​ഗ്ധ​രു​ടെ വി​ല​യി​രു​ത്ത​ൽ. പ​ക​ൽ വെ​യി​ലി​ന്റെ കാ​ഠി​ന്യം കൂ​ടു​ന്നു.

അ​ണ​ക്കെ​ട്ട് പ്ര​ദേ​ശ​ങ്ങ​ളി​ലാ​ണ് ചൂ​ട് കൂ​ടു​ത​ൽ. കേ​ന്ദ്ര കാ​ലാ​വ​സ്ഥ വ​കു​പ്പി​ന്റെ ജി​ല്ല​യി​ൽ സ്ഥാ​പി​ച്ച ഓ​ട്ടോ​മാ​റ്റി​ക് വെ​ത​ർ സ്റ്റേ​ഷ​ന്റെ (എ.​ഡ​ബ്ല്യൂ.​എ​സ്) വി​വ​ര​പ്ര​കാ​രം ഏ​റ്റ​വും ഉ​യ​ർ​ന്ന ചൂ​ട് രേ​ഖ​പ്പെ​ടു​ത്തി​യ​ത് കാ​ഞ്ഞി​ര​പ്പു​ഴ​യി​ലാ​ണ് 40.5 ഡി​ഗ്രി സെ​ൽ​ഷ്യ​സ്.

അ​തി​രാ​വി​ലെ ത​ണു​പ്പ് 16 മു​ത​ൽ 23 ഡി​ഗ്രി സെ​ൽ​ഷ്യ​സ് വ​രെ​യാ​ണ്. മ​ല​യോ​ര മേ​ഖ​ല​യാ​യ അ​ട്ട​പ്പാ​ടി, നെ​ല്ലി​യാ​മ്പ​തി, പ​റ​മ്പി​ക്കു​ളം എ​ന്നി​വി​ട​ങ്ങ​ളി​ൽ ഇ​തി​ലും താ​ഴ്ന്ന ത​ണു​പ്പ് രേ​ഖ​പ്പെ​ടു​ത്തി. പ​ക​ൽ 11 മു​ത​ൽ മൂ​ന്നു​വ​രെ​യാ​ണ് ചൂ​ട് കൂ​ടു​ന്ന​തെ​ന്ന് റി​ട്ട. കാ​ലാ​വ​സ്ഥ ഉ​ദ്യോ​ഗ​സ്ഥ​ൻ ഗോ​പ​കു​മാ​ർ ചോ​ല​യി​ൽ പ​റ​ഞ്ഞു. നി​ല​വി​ൽ സൂ​ര്യ​താ​പ​മേ​റ്റ കേ​സു​ക​ൾ രേ​ഖ​പ്പെ​ടു​ത്തി​യി​ട്ടി​ല്ല.

‘ജ​ാഗ്ര​തൈ’; സൂ​ര്യാ​ത​പം സൂ​ര്യാ​ഘാ​തം

നേ​രി​ട്ട് വെ​യി​ലേ​ൽ​ക്കു​ന്ന ജോ​ലി​ക​ളി​ൽ ഏ​ർ​പ്പെ​ടു​ന്ന​വ​ർ ജാ​ഗ്ര​ത പു​ല​ർ​ത്ത​ണം. അ​ന്ത​രീ​ക്ഷ​ത്തി​ൽ ചൂ​ട് കൂ​ടു​ത​ലാ​യ​തി​നാ​ൽ സൂ​ര്യാ​ത​പ​മേ​ൽ​ക്കാ​നു​ള്ള സാ​ധ്യ​ത കൂ​ടു​ത​ലാ​ണ്. അ​ന്ത​രീ​ക്ഷ​താ​പം ഒ​രു പ​രി​ധി​ക്ക​പ്പു​റം ഉ​യ​രു​മ്പോ​ൾ ശ​രീ​ര​ത്തി​ലെ താ​പ​നി​യ​ന്ത്ര​ണ സം​വി​ധാ​ന​ങ്ങ​ൾ ത​ക​രാ​റി​ലാ​കും.

താ​പ​നി​ല പ​തി​വി​ലും ഉ​യ​രു​മ്പോ​ൾ വ​റ്റി​വ​ര​ണ്ടു ചു​വ​ന്നു​ചൂ​ടാ​യ ശ​രീ​രം, ശ​ക്ത​മാ​യ ത​ല​വേ​ദ​ന, ത​ല​ക​റ​ക്കം, പേ​ശീ​വേ​ദ​ന, മ​ന്ദ​ഗ​തി​യി​ലു​ള്ള നാ​ഡീ​മി​ടി​പ്പ്, അ​സ്വ​സ്ഥ​മാ​യ മാ​ന​സി​കാ​വ​സ്ഥ, അ​ബോ​ധാ​വ​സ്ഥ എ​ന്നി​വ​യു​ണ്ടാ​കു​ന്നു. ചൂ​ട് മൂ​ല​മു​ണ്ടാ​കു​ന്ന ചെ​റി​യ അ​സ്വ​സ്ഥ​ത​ക​ൾ പോ​ലും അ​വ​ഗ​ണി​ക്ക​രു​ത്. ഇ​ത്ത​രം അ​വ​സ്ഥ​ക​ളു​ണ്ടാ​യാ​ൽ അ​ടി​യ​ന്ത​ര​മാ​യി ഡോ​ക്ട​റെ കാ​ണ​ണം.

മുന്നറിയിപ്പുമായി ഡി.​എം.​ഒ

ജി​ല്ല​യി​ൽ അ​ന്ത​രീ​ക്ഷ​താ​പ​നി​ല വ​ർ​ധി​ച്ചു​വ​രി​ക​യാ​ണെ​ന്നും സൂ​ര്യാ​ഘാ​ത​മേ​ൽ​ക്കാ​തി​രി​ക്കാ​ൻ ജ​ന​ങ്ങ​ൾ ശ്ര​ദ്ധി​ക്ക​ണ​മെ​ന്നും ജി​ല്ല മെ​ഡി​ക്ക​ൽ ഓ​ഫി​സ​ർ (ആ​രോ​ഗ്യം) ഡോ. ​കെ.​ആ​ർ. വി​ദ്യ അ​റി​യി​ച്ചു.