'അന്ന്​ അച്ഛ​െൻറ പരാജയ വാർത്ത, ഇന്ന്​ അമ്മയുടെ മരണവാർത്ത' ഒരു മാധ്യമപ്രവർത്തക​െൻറ ജീവിതം

കൊച്ചി: 2006 ൽ കേരളം നിയമസഭ ഇലക്ഷൻ റിസൾട്ട്​ എണ്ണുകയാണ്​. പുനലൂർ മണ്ഡലത്തിൽ യു.ഡി.എഫ്​ സീറ്റിൽ മത്സരിക്കാനെത്തിയത്​ എം.വി രാഘവൻ. സി.പി.ഐ യുടെ കെ.രാജുവി​​നോട്​ തോറ്റ വാർത്ത കേരളത്തെ അറിയിച്ചത്​ ഇന്ത്യാവിഷൻ ചാനലായിരുന്നു. അന്ന്​ ടി.വി സ്​ക്രീനിലൂടെ ആ വാർത്ത അറിയിച്ചത് എം.വി രാഘവ​െൻറ മകനും മാധ്യമപ്രവർത്തകനുമായ​ എം.വി നികേഷ്​ കുമാർ ആയിരുന്നു.

15 വർഷങ്ങൾ കഴിഞ്ഞു. തെരഞ്ഞെടുപ്പും നിരവധി കഴിഞ്ഞു. ഇന്ത്യാവിഷൻ എന്ന ചാനൽ ഇതിനിടയിൽ അസ്​തമിച്ചു. എം.വി നികേഷ്​കുമാർ റി​പ്പോർട്ട്​ ചാനൽ തുടങ്ങി. 2021 മെയ്​ 2 ന്​ കേരളത്തിൽ മറ്റൊരു നിയമ സഭ തെരഞ്ഞെടുപ്പി​െൻറ ഫലം എണ്ണുകയാണ്​.​ കേരളത്തിൽ പിണറായി സർക്കാർ ചരിത്ര വിജയത്തോടെ തുടർ ഭരണത്തിലേക്ക്​ കയറാൻ പോകു​േമ്പാൾ തെരഞ്ഞെടുപ്പ്​ വാർത്തകൾ എത്തിക്കാൻ ചാനൽ സ്​ക്രീനിലുണ്ട്​ നികേഷ്​ കുമാർ എന്ന മാധ്യമ പ്രവർത്തകൻ.

വ്യക്​തിപരമായി ജീവിതത്തിലെ ഏറ്റവും വലിയ വേദനയുമായാണ്​ ആ മാധ്യമ പ്രവർത്തകൻ ഇന്ന്​ തെരഞ്ഞെടുപ്പ്​ ഫലങ്ങൾ റിപ്പോർട്ടർ ചാനലിലൂടെ കേരളത്തെ അറിയിച്ചുകൊണ്ടിരുന്നത്​. അന്ന്​ രാഷ്​ട്രീയ നേതാവായ അച്ഛ​െൻറ പരാജയ വാർത്തയായിരുന്നുവെങ്കിൽ ഇന്ന് പുലച്ചെ വിടപറഞ്ഞ ​ അമ്മയുടെ മരണവാർത്തയുടെ വേദനകൾ പേറിയായിരുന്നു ആ മാധ്യമപ്രവർത്തകൻ ഇന്ന്​ ലൈവിലിരുന്നത്​.

കണ്ണൂർ കൂവോടുള്ള മകളുടെ വസതിയിൽ വച്ച് ഞായറാഴ്​ച രാവിലെയായിരുന്നു എം.വി. രാഘവ​െൻറ പത്നി സി.വി. ജാനകിയമ്മ (80) നിര്യാതയായത്​. സംസ്കാരം തിങ്കളാഴ്​ച രാവിലെ