ഡ്രൈവർക്ക് ലൈസൻസില്ല; ഉല്ലാസ ബോട്ടിന്റെ ലൈസൻസ് റദ്ദാക്കി

പൊ​ന്നാ​നി: ലൈ​സ​ൻ​സി​ല്ലാ​ത്ത ഡ്രൈ​വ​റു​മാ​യി ഭാ​ര​ത​പ്പു​ഴ​യി​ൽ യാ​ത്ര ന​ട​ത്തി​യ ഉ​ല്ലാ​സ ബോ​ട്ടി​ന്റെ ലൈ​സ​ൻ​സ് തു​റ​മു​ഖ വ​കു​പ്പ് റ​ദ്ദാ​ക്കി. പൊ​ന്നാ​നി​യി​ൽ സ​ർ​വി​സ് ന​ട​ത്തു​ന്ന ‘സു​ൽ​ത്താ​ൻ’ ബോ​ട്ടി​ന്റെ ലൈ​സ​ൻ​സാ​ണ് സ​സ്പെ​ൻ​ഡ് ചെ​യ്ത​ത്. ഉ​ല്ലാ​സ ബോ​ട്ടു​ക​ളി​ൽ തു​റ​മു​ഖ വ​കു​പ്പ് ഉ​ദ്യോ​ഗ​സ്ഥ​ർ ന​ട​ത്തി​യ മി​ന്ന​ൽ പ​രി​ശോ​ധ​ന​യി​ലാ​ണ് നി​യ​മ ലം​ഘ​നം ക​ണ്ടെ​ത്തി​യ​ത്.

കോ​ഴി​ക്കോ​ട് പോ​ർ​ട്ട് ഓ​ഫി​സ​ർ ക്യാ​പ്റ്റ​ൻ ഹ​രി വാ​ര്യ​രു​ടെ നി​ർ​ദേ​ശ​പ്ര​കാ​ര​മാ​ണ് പ​രി​ശോ​ധ​ന ന​ട​ത്തി​യ​ത്. ലൈ​സ​ൻ​സു​ള്ള ഡ്രൈ​വ​ർ അ​വ​ധി​യി​ലാ​യ​തി​നെ ത്തു​ട​ർ​ന്ന് പ​ക​രം ലൈ​സ​ൻ​സി​ല്ലാ​ത്ത ഡ്രൈ​വ​ർ യാ​ത്ര​ക്കാ​രെ​യും കൊ​ണ്ട് സ​ർ​വി​സ് ന​ട​ത്തു​ന്ന​തി​നി​ടെ​യാ​ണ് തു​റ​മു​ഖ വ​കു​പ്പ് അ​ധി​കൃ​ത​ർ പി​ടി​കൂ​ടി​യ​ത്.

താ​നൂ​ർ ബോ​ട്ട​പ​ക​ട​ത്തി​ന്റെ പ​ശ്ചാ​ത്ത​ല​ത്തി​ൽ പൊ​ന്നാ​നി​യി​ലെ ഉ​ല്ലാ​സ ബോ​ട്ട് സ​ർ​വി​സ് നി​ർ​ത്തി​വെ​ച്ചി​രു​ന്നു. തു​ട​ർ​ന്ന് എ​ല്ലാ രേ​ഖ​ക​ളും ഹാ​ജ​രാ​ക്കി​യ ചി​ല ബോ​ട്ടു​ക​ൾ​ക്ക് മാ​ത്ര​മാ​ണ് യാ​ത്ര അ​നു​മ​തി ന​ൽ​കി​യ​ത്. എ​ന്നാ​ൽ സ​ർ​വി​സ് പു​ന​രാ​രം​ഭി​ച്ച​തോ​ടെ നി​യ​ന്ത്ര​ണ​ങ്ങ​ളും ച​ട്ട​ങ്ങ​ളും മ​റി​ക​ട​ക്കു​ന്നു​ണ്ടെ​ന്നാ​ണ് ആ​രോ​പ​ണം. യാ​ത്ര​ക്കാ​രു​ടെ ജീ​വ​ന് വി​ല​ക​ൽ​പി​ക്കാ​ത്ത ബോ​ട്ടു​ക​ൾ​ക്കെ​തി​രെ ക​ർ​ശ​ന ന​ട​പ​ടി സ്വീ​ക​രി​ക്കു​മെ​ന്നും പ​രി​ശോ​ധ​ന ശ​ക്ത​മാ​ക്ക​ണ​മെ​ന്നു​മാ​ണ് ആ​വ​ശ്യം.