കെ.എസ്.ആർ.ടി.സി ബസ് മുങ്ങിയ സംഭവം; ഡ്രൈവർക്ക് കാരണംകാണിക്കൽ നോട്ടീസ്

തിരുവനന്തപുരം: കനത്തമഴയിൽ കെ.എസ്.ആർ.ടി.സി ബസ് വെള്ളത്തിൽ മുങ്ങിയ സംഭവത്തിൽ ഡ്രൈവർ എസ്. ജയദീപിന് മോ​േട്ടാർ വാഹന വകുപ്പിെൻറ കാരണംകാണിക്കൽ നോട്ടീസ്. ലൈസൻസ് സസ്പെൻഡ് ചെയ്യുന്നതടക്കം നടപടി സ്വീകരിക്കാനാണ്​ നീക്കം.

Also Read:'കഞ്ഞി കുടിക്കാൻ നിവൃത്തി ഇല്ലാത്തവരെ പോയി സസ്​പെൻഡ്​ ചെയ്യുക'; രൂക്ഷപ്രതികരണവുമായി കെ.എസ്​.ആർ.ടി.സി ഡ്രൈവർ

ഐ.എൻ.ടി.യു.സി ഈരാറ്റുപേട്ട യൂനിറ്റ് പ്രസിഡൻറാണ് ജയദീപ്. പൂഞ്ഞാർ സെൻറ്​ മേരീസ് പള്ളിക്ക്​ മുന്നിൽ വെള്ളക്കെട്ട് കടക്കാൻ ശ്രമിക്കുന്നതിനിടെയാണ് ബസ് പകുതിയോളം മുങ്ങിയത്. ഇവിടെ ഒരാൾപൊക്കം വെള്ളമുണ്ടായിരുന്നു.

മുങ്ങിയ ബസിൽനിന്ന് നാട്ടുകാരാണ് യാത്രക്കാരെ പുറത്തെത്തിച്ചതും വടം വലിച്ച് ബസ് കരകയറ്റിയതും. അന്നുതന്നെ ജയദീപിനെ കെ.എസ്.ആർ.ടി.സി സസ്പെൻഡ് ചെയ്തിരുന്നു.

Also Read:വെള്ളക്കെട്ടിലൂടെ ബസ്​ ഓടിച്ച കെ.എസ്​.ആർ.ടി.സി ഡ്രൈവർക്ക്​ സസ്​പെൻഷൻ

ഗതാഗത മന്ത്രി ആൻറണി രാജുവിെൻറ നിർദേശത്തെ തുടർന്നായിരുന്നു നടപടി. തനിക്കെതിരെ നടപടിയെടുത്ത ഉദ്യോഗസ്ഥരെ അവഹേളിച്ച്​ സമൂഹമാധ്യമത്തിൽ ജയദീപ് ഇട്ട പോസ്​റ്റും വിഡിയോയും വലിയരീതിയിൽ പ്രചരിച്ചിരുന്നു. 'കെ.എസ്​.ആർ.ടി.സിയിലെ എന്നെ സസ്പെൻഡ് ചെയ്ത കൊണാണ്ടൻമാർ അറിയാൻ ഒരു കാര്യം. എപ്പോളും അവധി ആവശ്യപ്പെട്ട് നടക്കുന്ന ദിവസം അമിത പണം അധ്വാനിക്കാതെ ഉണ്ടാക്കുന്ന എന്നെ സസ്പെൻഡ്​ ചെയ്ത് സഹായിക്കാതെ വല്ലോ കഞ്ഞി കുടിക്കാൻ നിവൃത്തി ഇല്ലാത്തവരെ പോയി ചെയ്യുക' എന്ന് ജയദീപ് ഫേസ്​ബുക്​​ കുറിപ്പിൽ​ എഴുതിയിരുന്നു.