Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right'കഞ്ഞി കുടിക്കാൻ...

'കഞ്ഞി കുടിക്കാൻ നിവൃത്തി ഇല്ലാത്തവരെ പോയി സസ്​പെൻഡ്​ ചെയ്യുക'; രൂക്ഷപ്രതികരണവുമായി കെ.എസ്​.ആർ.ടി.സി ഡ്രൈവർ

text_fields
bookmark_border
ksrtc driver jayadeep
cancel

തിരുവനന്തപുരം: കെ.എസ്​.ആർ.ടി.സി ബസ്​ വെള്ളക്കെട്ടിൽ മുങ്ങിയ സംഭവത്തിൽ സസ്​പെൻഷനിലായ ഡ്രൈവർ മേലധികാരികൾക്കെതിരെ രൂക്ഷ പ്രതികരണവുമായി രംഗത്തെത്തി. ഈരാറ്റുപേട്ട ഡിപ്പോയിലെ ഡ്രൈവർ എസ്. ജയദീപാണ്​ ഫേസ്​ബുക്കിലൂടെ സസ്​പെൻഷൻ നടപടികളെ കളിയാക്കിയത്​.

തന്‍റെ വിശദീകരണം കാര്യമാക്കി എടുക്കാതെ നടപടിയെടുത്ത അധികാരികൾക്കെതിരെയുള്ള രോഷം സാമൂഹിക മാധ്യമങ്ങളിലൂടെയാണ്​ ജയദീപ്​ പരസ്യമാക്കുന്നത്​. അവധി ചോദിച്ച് ലഭിക്കാതിരുന്ന തനിക്ക് സസ്‌പെന്‍ഷന്‍ വലിയ അനുഗ്രഹമായെന്നാണ് ജയദീപ് ഫേസ്​ബുക്ക്​ പോസ്റ്റുകളിലൂടെ വ്യക്തമാക്കുന്നത്​.

'കെ.എസ്​.ആർ.ടി.സിയിലെ എന്നെ സസ്പെൻ്റ് ചെയ്ത കൊണാണ്ടൻമാർ അറിയാൻ ഒരു കാര്യം. എപ്പോളും അവധി ആവശ്യപ്പെട്ട് നടക്കുന്ന ദിവസം അമിത പണം അധ്വാനിക്കാതെ ഉണ്ടാക്കുന്ന എന്നെ സസ്പെൻഡ്​ ചെയ്ത് സഹായിക്കാതെ വല്ലോ കഞ്ഞി കുടിക്കാൻ നിവൃത്തി ഇല്ലാത്തവരെ പോയി ചെയ്യുക.ഹ ഹ ഹ ഹാ...'-ജയദീപ് ഫേസ്​ബുക്​​ കുറിപ്പിൽ​ എഴുതി.

തനിക്ക് ചാടി നീന്തി പോകാന്‍ അറിയാഞ്ഞിട്ടില്ലെന്നും എല്ലാവരേയും പള്ളിമുറ്റത്ത് കയറ്റി രക്ഷിക്കണമെന്നതായിരുന്നു തന്‍റെ ചിന്തയെന്നും ജയദീപ് മറ്റൊരു ഫേസ്​ബുക്ക്​ പോസ്റ്റിലൂടെ വ്യക്തമാക്കി. യാത്രക്കാർ തന്നെ ചീത്ത പറഞ്ഞോ എന്ന്​ ശ്രദ്ധിക്കാനും സ്വന്തം ഇഷ്​ടപ്രകാരം ചെയ്​തതായിരുന്നെങ്കിൽ യാത്രക്കാർ ഇതിന്‍റെ വിഡിയോ ചിത്രീകരിക്കുമായിരുന്നോ എന്നും ജയദീപ്​ ചോദിക്കുന്നു.

കൂടാതെ വാഹനത്തിന്‍റെ തകരാറിനെക്കുറിച്ച് അധികൃതരെ ബോധിപ്പിക്കുന്ന ഡ്രൈവര്‍ പൂരിപ്പിച്ചു നല്‍കുന്ന ഫോം ഉള്‍പ്പെടെയുള്ള ചിത്രങ്ങളും ജയദീപ് ഫേസ്ബുക്കില്‍ പങ്കുവച്ചിട്ടുണ്ട്. ഏത് തൊഴിലും അറിയാവുന്നവനാണ് താനെന്നും പറഞ്ഞ് പിതാവിന്‍റെ മുടിവെട്ടുന്ന വീഡിയോയും പങ്കുവെച്ചിട്ടുണ്ട്​.

പൂ​ഞ്ഞാ​ർ സെൻറ്​ മേ​രീ​സ്​ പ​ള്ളി​ക്ക്​ മു​ന്നി​ലാണ്​ കെ.​എ​സ്.​ആ​ർ.​ടി.​സി ബ​സ്​​ വെ​ള്ള​ക്കെ​ട്ടി​ൽ മു​ങ്ങിയത്​. ശക്തമായ മഴയെ തുടർന്ന് പൂഞ്ഞാർ സെന്റ് മേരീസ് പള്ളിക്കുമുന്നിൽ രൂപപ്പെട്ട വലിയ വെള്ളക്കെട്ടിലൂടെ ഇദ്ദേഹം ബസ് ഓടിച്ചത്​. യാത്രക്കാരുടെ ജീവന് ഭീഷണിയും ബസിന് നാശനഷ്ടവും വരുത്തിയ ഡ്രൈവറെ സസ്പെൻഡ് ചെയ്യാൻ ഗതാഗത മന്ത്രി ആന്‍റണി രാജുവാണ്​ നിർദേശം നൽകിയത്​.

ഈ​രാ​റ്റു​പേ​ട്ട​ക്ക്​ പോ​കു​ന്ന ബ​സ്​ പ​ള്ളി​ക്ക്​ മു​ന്നി​ലെ വ​ലി​യ വെ​ള്ള​ക്കെ​ട്ട്​ ക​ട​ക്കാ​ൻ ശ്ര​മി​ക്കു​ന്ന​തി​നി​ടെ​യാ​ണ്​ പ​കു​തി​യോ​ളം മു​ങ്ങി​യ​ത്. യാ​ത്ര​ക്കാ​രെ നാ​ട്ടു​കാ​ർ ര​ക്ഷ​പ്പെ​ടു​ത്തി. പിന്നാലെ വടം കെട്ടി ബസ് വെള്ളക്കെട്ടിൽ നിന്ന് വലിച്ചുകയറ്റുകയായിരുന്നു.‌

Show Full Article
TAGS:heavy rain KSRTC Bus suspended facebook post 
News Summary - ksrtc driver's response against higher officials after suspended for driving through flooded area
Next Story