Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightതീപിടിത്തത്തിന്​...

തീപിടിത്തത്തിന്​ പിന്നാലെ പ്രതിഷേധം, അറസ്​റ്റ്​; സംഘർഷ ഭൂമിയായി സെക്രട്ടറിയേറ്റ്​

text_fields
bookmark_border
തീപിടിത്തത്തിന്​ പിന്നാലെ പ്രതിഷേധം, അറസ്​റ്റ്​; സംഘർഷ ഭൂമിയായി സെക്രട്ടറിയേറ്റ്​
cancel

തിരുവനന്തപുരം: സെക്രട്ടറിയേറ്റിലുണ്ടായ തീപിടിത്തത്തിന്​ പിന്നാലെ തലസ്​ഥാന നഗരി സംഘർഷഭൂമിയായി മാറി. വൈകീട്ട്​ അഞ്ചുമണിയോടെ തീപിടിത്ത വിവരം പുറത്തു വന്ന ഉടൻ ദുരൂഹത ആരോപിച്ച്​ പ്രതിപക്ഷനേതാവ്​ രമേശ്​ ചെന്നിത്തല രംഗത്തെത്തി. പ്രതിപക്ഷ രാഷ്​ട്രീയ നേതാക്കളും പ്രവർത്തകരും സെക്രട്ടറിയേറ്റ്​ പരിസരത്തേക്ക്​ കുതിച്ചെത്തി.


ചീഫ് സെക്രട്ടറിയുടെ ഓഫിസിനോട്​ ചേർന്ന പൊതുഭരണ വകുപ്പിന്‍റെ പൊളിറ്റിക്കൽ വിഭാഗം ഓഫിസിലാണ്​ തീപിടിച്ചത്​. സ്വർണക്കടത്ത്​ കേസിൽ ഇതിനകം ശ്രദ്ധാകേന്ദ്രമായ പ്രോ​ട്ടോക്കോൾ ഓഫിസും ഈ കെട്ടിടത്തിലാണ്​. ഇതോടെ സ്വർണക്കടത്ത്​ കേസിലെ തെളിവ്​ നശിപ്പിക്കാൻ മുഖ്യമന്ത്രിയുടെ അറിവോടെ തീകൊളുത്തിയതാണെന്നാണ്​ പ്രതിപക്ഷം ആരോപിച്ചു. സംഭവത്തിൽ എൻ.ഐ.എ അന്വേഷണം പ്രഖ്യാപിക്കണമെന്നും​ പ്രതിപക്ഷം ആവശ്യപ്പെട്ടു. എന്നാൽ, ടൂറിസം വകുപ്പിനു കീഴിലെ ഗെസ്റ്റ് ഹൗസുകളിലെ റൂം ബുക്ക് ചെയ്യുന്നതുമായി ബന്ധപ്പെട്ട ഫയലുകൾ സൂക്ഷിക്കുന്നിടത്താണ് തീപിടിച്ചതെന്നാണ്​ അധികൃതരുടെ വിശദീകരണം.

തീപിടിത്തം അറിഞ്ഞ്​ എത്തിയ മാധ്യമപ്രവർത്തകരോട്​ സംസാരിച്ച ബി.ജെ.പി സംസ്ഥാന പ്രസിഡൻറ്​ കെ. സുരേന്ദ്രൻ ഉൾപ്പെടെയുള്ളവരെ അറസ്​റ്റ്​ ചെയ്​തുനീക്കി. ചീഫ്​ സെക്രട്ടറി ഡോ. വിശ്വാസ്​മേത്ത എത്തി മാധ്യമപ്രവർത്തകരെ സെക്ര​േട്ടറിയറ്റിൽനിന്ന്​ പുറത്താക്കിയശേഷമാണ്​ ബി.ജെ.പി നേതാക്കളെ പൊലീസ്​ അറസ്​റ്റ്​ ചെയ്​ത്​ കൊണ്ടുപോയത്​. കെ. സുരേന്ദ്രൻ, ജന.സെക്രട്ടറി അഡ്വ. പി. സുധീർ, സെക്രട്ടറി സി. ശിവൻകുട്ടി, ജില്ലാ പ്രസിഡൻറ്​ വി.വി. രാജേഷ്​ എന്നിവരെയാണ്​ അറസ്​റ്റ്​ ചെയ്​തത്​. സെക്ര​േട്ടറിയറ്റിനുള്ളിൽ രാഷ്​ട്രീയപ്രസംഗം നടത്താൻ അനുവദിക്കാനാകാത്തതിനാലാണ്​ മാധ്യമപ്രവർത്തകർ ഉൾപ്പെടെയുള്ളവരെ പുറത്താക്കേണ്ടിവന്നതെന്ന്​ ചീഫ് ​സെക്രട്ടറി പറഞ്ഞു.


തീപിടിത്തം​ വിശദമായി പരിശോധിക്കുമെന്നും മേത്ത കൂട്ടിച്ചേർത്തു. നേതാക്കളെ അറസ്​റ്റ്​ ചെയ്​തതിൽ പ്രതിഷേധിച്ച്​ ബി.ജെ.പി കേന്ദ്ര നേതാവ്​ പി.കെ. കൃഷ്​ണദാസി​െൻറ നേതൃത്വത്തിൽ ബി.ജെ.പി പ്രവർത്തകരും പ്രതിഷേധവുമായി രംഗത്തെത്തി.

തീപിടിത്തം അറിഞ്ഞെത്തിയ സ്ഥലം എം.എൽ.എ വി.എസ്​. ശിവകുമാറിനെ സെക്ര​േട്ടറിയേറ്റിലേക്ക്​ കടത്തിവിടാത്തതിനെ തുടർന്ന്​ ശിവകുമാറും കെ.പി.സി.സി ജന. സെക്രട്ടറി ജ്യോതികുമാർ ചാമക്കാല, ഡി.സി.സി പ്രസിഡൻറ്​ നെയ്യാറ്റിൻകര സനൽ എന്നിവരും ക​േൻറാൺമെൻറ്​ ഗേറ്റിന്​ മുന്നിലിരുന്ന്​ പ്രതിഷേധിച്ചു. വിവരമറിഞ്ഞ്​ പ്രതിപക്ഷനേതാവ്​ രമേശ്​ ചെന്നിത്തലയും സ്ഥലത്തെത്തി. അദ്ദേഹത്തെയും ആദ്യം സെക്ര​േട്ടറിയറ്റിനുള്ളിലേക്ക്​ കടത്തിവിട്ടില്ല. തുടർന്ന്​ അദ്ദേഹവും റോഡിൽ കുത്തിയിരുന്ന്​ പ്രതിഷേധിച്ചു. മിനിറ്റുകൾക്കുശേഷം അദ്ദേഹത്തെയും എം.എൽ.എമാരായ വി.എസ്.​ ശിവകുമാർ, വി.ടി. ബൽറാം, കെ.എസ്.​ ശബരീനാഥൻ എന്നിവരെയും സെക്ര​േട്ടറിയറ്റിനുള്ളിൽ തീപിടിത്തം നടന്ന സ്ഥലം സന്ദർശിക്കാൻ അനുവദിച്ചശേഷമാണ്​ യു.ഡി.എഫ്​ പ്രതിഷേധം അവസാനിച്ചത്​.

പിന്നാലെ യൂത്ത്​ കോൺഗ്രസ്​ പ്രവർത്തകരും യുവമോർച്ച പ്രവർത്തകരും പ്രതിഷേധവുമായി തെരുവിലിറങ്ങി. ഇവർക്കുനേരെ പൊലീസ്​ ജലപീരങ്കി പ്രയോഗിച്ചു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:udfTRIVANDRUM GOLD SMUGGLINGsecretariat fireBJP
Next Story