ഫസൽ വധത്തിലെ സി.പി.എം പങ്ക് പുറത്തുകൊണ്ടുവന്ന മുൻ ഐ.പി.എസ് ഉദ്യോഗസ്ഥന് വാഹനാപകടത്തിൽ പരിക്ക്

കൊച്ചി: ഫസൽ വധക്കേസിൽ സി.പി.എം നേതാക്കളുടെ പങ്ക് പുറത്തുകൊണ്ടുവന്ന മുൻ ഐ.പി.എസ് ഉദ്യോഗസ്ഥൻ കെ. രാധാകൃഷ്ണന് വാഹനാപകടത്തിൽ പരിക്ക്. ഇടത് സർക്കാർ പെൻഷനും ആനുകൂല്യങ്ങളും തടഞ്ഞ് വെച്ചതടക്കം സി.പി.എം വേട്ടയാടുന്ന വാർത്തകൾ പുറത്തുവന്നതിന് പിന്നാലെയാണ് സംഭവം ഉണ്ടായിരിക്കുന്നത്.

Also Read: ഫസലിനെ കൊന്നത് ആർ.എസ്.എസ് അല്ലെന്ന് സി.ബി.ഐ; സി.പി.എം നേതാക്കൾക്ക് പ​ങ്ക്​, സുബീഷിന്‍റെ ​മൊഴി പൊലീസ് പറയിപ്പിച്ചത്​

എറണാകുളം തൃപ്പൂണിത്തുറയിലെ വീടിന് മുന്നിലെ റോഡ് മുറിച്ചുകടക്കുമ്പോൾ സ്കൂട്ടർ ഇടിക്കുകയായിരുന്നു. തലയ്ക്കും നടുവിനും പരിക്കുണ്ട്. തൃപ്പൂണിത്തുറ പൊലീസ് കേസെടുത്തു. സംഭവത്തിൽ ദുരൂഹതയില്ലെന്നാണ് പൊലീസിന്‍റെ നിഗമനം.

Also Read:ഫസൽ വധക്കേസിൽ തുടരന്വേഷണത്തിന്​ ഹൈകോടതി ഉത്തരവ്​

ആറു മാസം മുമ്പ് വിരമിച്ച രാധാകൃഷ്ണൻ ബംഗളൂരുവിൽ സെക്യൂരിറ്റിയായി ജോലി ചെയ്ത് വരികയാണ്. മുഖ്യമന്ത്രി പിണറായി വിജയനെ കണ്ട് തന്‍റെ പെൻഷനും ആനുകൂല്യങ്ങലും തടഞ്ഞുവെച്ചത് അറിയിച്ചപ്പോൾ പരിഗണിക്കാതെ തള്ളിക്കളഞ്ഞെന്ന് രാധാകൃഷ്ണൻ വെളിപ്പെടുത്തിയിരുന്നു. താൻ ആത്മഹത്യയുടെ വക്കിലാണെന്ന് പറഞ്ഞപ്പോൾ, അതാണ് നല്ലത് എന്നാണ് മുഖ്യമന്ത്രി പറഞ്ഞതെന്നും രാധാകൃഷ്ണൻ മാധ്യമങ്ങളോട് പറഞ്ഞിരുന്നു.