തെരഞ്ഞെടുപ്പ് പ്രചാരണത്തിനിടെ ഗൃഹനാഥൻ കുഴഞ്ഞു വീണ് മരിച്ചു

മാനന്തവാടി: ഗൃഹനാഥൻ കുഴഞ്ഞു വീണ് മരിച്ചു. മാനന്തവാടി മൈസൂർ റോഡ് ഡി.എം. കോൺവെന്‍റിന് സമീപം ചന്ദ്രത്തിൽ പരേതരായ ജേക്കബ്ബിന്‍റെയും മേരിയുടെയും മകൻ പോൾസി ജേക്കബ്ബ് (66) ആണ് മരിച്ചത്. തെരഞ്ഞെടുപ്പ് പ്രചാരണത്തിനെത്തിയ ഒ.ആർ. കേളു എം.എൽ.എയോടും പ്രദേശ വാസികളോടുമൊപ്പം സംസാരിക്കുന്നതിനിടെയാണ് കുഴഞ്ഞുവീണത്.

ഉടൻ എം.എൽ.എയുടെ വാഹനത്തിൽ ജില്ല ആശുപത്രിയിലെത്തിച്ചെങ്കിലും മരണപ്പെടുകയായിരുന്നു. ഭാര്യ: ആൻസി പോൾ (തേക്കനാൽ കുടുംബാംഗം), മക്കൾ: ക്രിസ് പോൾ, പരേതനായ ടോണി പോൾ. മരുമകൾ: സുനിഷ ജേക്കബ്ബ്.