ഇടുക്കിയിൽ പാട്ടകൃഷി മറവിൽ ആദിവാസി ഭൂമി കൈക്കലാക്കാൻ നീക്കം

തൊ​ടു​പു​ഴ: ഇ​ടു​ക്കി ജി​ല്ല​യി​ൽ ആ​ദി​വാ​സി​ക​ൾ​ക്ക്​ സ​ർ​ക്കാ​ർ അ​നു​വ​ദി​ച്ച ഭൂ​മി പാ​ട്ട​കൃ​ഷി​യു​ടെ മ​റ​വി​ൽ കൈ​ക്ക​ലാ​ക്കാ​ൻ പു​റ​ത്തു​നി​ന്നു​ള്ള​വ​രു​ടെ നീ​ക്കം. ആ​ദി​വാ​സി വി​ഭാ​ഗ​ങ്ങ​ൾ വ​ർ​ഷ​ങ്ങ​ളാ​യി താ​മ​സി​ച്ച്​ കൃ​ഷി ചെ​യ്​​തു​വ​രു​ന്ന ഭൂ​മി പൊ​ലീ​സി​ലെ​യും രാ​ഷ്​​ട്രീ​യ​ത്തി​ലെ​യും സ്വാ​ധീ​ന​മു​പ​യോ​ഗി​ച്ച്​ നി​യ​മ​വി​രു​ദ്ധ​മാ​യി പാ​ട്ട​ത്തി​നെ​ടു​ക്കു​ക​യും പി​ന്നീ​ട്​ ഭീ​ഷ​ണി​പ്പെ​ടു​ത്തി​യും പ്ര​ലോ​ഭ​ന​ങ്ങ​ളി​ലൂ​ടെ​യും കൈ​ക്ക​ലാ​ക്കു​ക​യു​മാ​ണ്​ രീ​തി. ഒ​രു​ഭാ​ഗ​ത്ത്​ ഇ​തു​മാ​യി ബ​ന്ധ​പ്പെ​ട്ട കേ​സു​ക​ൾ നി​ല​നി​ൽ​ക്കു​േ​മ്പാ​ൾ​ത​ന്നെ മ​റു​വ​ശ​ത്ത്​ ആ​ദി​വാ​സി​ക​ളെ ചൂ​ഷ​ണം ചെ​യ്യു​ന്ന​ത്​ തു​ട​രു​ക​യാ​ണ്.

ദേ​വി​കു​ളം താ​ലൂ​ക്കി​ൽ മ​ന്നാം​ങ്ക​ണ്ടം വി​ല്ലേ​ജി​ൽ ത​ല​മാ​ലി, പെ​ട്ടി​മു​ടി, കു​തി​ര​യ​ള, കൊ​ര​ങ്ങാ​ട്ടി തു​ട​ങ്ങി​യ ആ​ദി​വാ​സി കോ​ള​നി​ക​ളി​ൽ താ​മ​സി​ക്കു​ന്ന മ​ന്നാ​ൻ, ഉ​ള്ളാ​ട​ൻ, മ​ല​അ​ര​യ​ൻ വി​ഭാ​ഗ​ക്കാ​ർ​ക്ക് 2010ലാ​ണ്​ വ​നം വ​കു​പ്പ് ഭൂ​മി അ​ള​ന്ന് തി​രി​ച്ച് കൊ​ടു​ത്ത​ത്. എ​ന്നാ​ൽ, മ​റ്റ്​ വി​ഭാ​ഗ​ങ്ങ​ളി​ൽ​പ്പെ​ട്ട​വ​ർ ഇൗ ​ഭൂ​മി​യി​ൽ വ്യാ​പ​ക​മാ​യി പാ​ട്ടം എ​ന്ന പേ​രി​ൽ കൃ​ഷി ചെ​യ്തു​വ​രു​ന്നു.

ഇ​ത്​ 1999ലെ '​കേ​ര​ള പ​ട്ടി​ക​വ​ർ​ഗ ഭൂ​മി കൈ​മാ​റ്റ നി​യ​ന്ത്ര​ണ​വും പു​ന​ര​വ​കാ​ശ സ്​​ഥാ​പ​ന​വും നി​യ​മ'​ത്തി​ന്​ വി​രു​ദ്ധ​മാ​ണ്. വ​നം, റ​വ​ന്യൂ, ആ​ദി​വാ​സി വ​കു​പ്പു​ക​ളു​ടെ മൗ​നാ​നു​വാ​ദ​ത്തോ​ടെ​യാ​ണ്​ ഇ​ത്. ഇൗ ​ഭൂ​മി​യി​ൽ ആ​ദി​വാ​സി​ക​ൾ​ക്കൊ​പ്പം ഇ​ത​ര സ​മൂ​ഹ​ത്തി​ൽ​പ്പെ​ട്ട​വ​രും കൃ​ഷി ചെ​യ്​​തു​വ​രു​ന്ന​താ​യി മൂ​ന്നാ​ർ ഡി​വി​ഷ​ന​ൽ ഫോ​റ​സ്​​റ്റ്​ ഒാ​ഫി​സ്​ അ​ധി​കൃ​ത​ർ​ത​ന്നെ വി​വ​രാ​വ​കാ​ശ മ​റു​പ​ടി​യി​ൽ സ​മ്മ​തി​ച്ചി​ട്ടു​ണ്ട്. എ​ന്നാ​ൽ, ഇ​ത്ത​ര​ക്കാ​രു​ടെ കൃ​ത്യ​മാ​യ ക​ണ​ക്ക്​ കൈ​വ​ശ​മി​ല്ലെ​ന്നാ​ണ്​ മ​റു​പ​ടി. പെ​ട്ടി​മു​ടി ​കോ​ള​നി​യി​ൽ​മാ​ത്രം പു​റ​ത്തു​നി​ന്നു​ള്ള 19 കു​ടും​ബ​ങ്ങ​ൾ കൃ​ഷി ചെ​യ്യു​ന്നു​ണ്ടെ​ങ്കി​ലും ഇ​വ​ർ​ക്കെ​തി​രെ വ​കു​പ്പു​ത​ല​ത്തി​ൽ ഒ​രു ന​ട​പ​ടി​യും ഉ​ണ്ടാ​യി​ട്ടി​ല്ല. പ​രാ​തി ഇ​ല്ലെ​ന്നാ​ണ്​ ന​ട​പ​ടി എ​ടു​ക്കാ​ത്ത​തി​ന്​ അ​ധി​കൃ​ത​ർ പ​റ​യു​ന്ന ന്യാ​യം.