എ​ല്ലാ​വ​ർ​ക്കും എ​ത്താ​വു​ന്ന സ്ഥ​ല​ത്ത് മെ​ഡി. കോ​ള​ജ് സ്ഥാ​പി​ക്ക​ണം -കെ.​ജി.​എം.​ഒ.​എ

ക​ൽ​പ​റ്റ: ആ​രോ​ഗ്യ വ​കു​പ്പി​നു കീ​ഴി​ലു​ള്ള സ്ഥാ​പ​ന​ങ്ങ​ളാ​യ മാ​ന​ന്ത​വാ​ടി ജി​ല്ല ആ​ശു​പ​ത്രി​യോ, ബ​ത്തേ​രി താ​ലൂ​ക്ക് ആ​ശു​പ​ത്രി​യോ, മ​റ്റു സ്ഥാ​പ​ന​ങ്ങ​ളോ മെ​ഡി​ക്ക​ൽ കോ​ള​ജാ​ക്കി ഉ​യ​ർ​ത്താ​നു​ള്ള നീ​ക്ക​ത്തെ അ​പ​ല​പി​ച്ച് കെ.​ജി.​എം.​ഒ.​എ. ഇ​ത് നി​ല​വി​ലു​ള്ള ആ​രോ​ഗ്യ സം​വി​ധാ​ന​ങ്ങ​ളെ ത​കി​ടം മ​റി​ക്കും.

ന​ല്ല​നി​ല​യി​ൽ പ്ര​വ​ർ​ത്തി​ക്കു​ന്ന സ്ഥാ​പ​ന​ങ്ങ​ളെ ത​ക​ർ​ക്കും. ജി​ല്ല​യി​ലെ എ​ല്ലാ ഭാ​ഗ​ത്തു​നി​ന്നും എ​ളു​പ്പ​ത്തി​ൽ സ​ഞ്ച​രി​ച്ചെ​ത്താ​വു​ന്ന ഒ​രു സ്ഥ​ല​ത്ത്, പു​തി​യ​താ​യി ഭൂ​മി ക​ണ്ടെ​ത്തി എ​ല്ലാ സൗ​ക​ര്യ​ങ്ങ​ളോ​ടെ​യും മെ​ഡി​ക്ക​ൽ കോ​ള​ജ് സ്ഥാ​പി​ക്കു​ന്ന​താ​ണ് ഉ​ചി​ത​മെ​ന്നും ജി​ല്ല പൊ​തു​യോ​ഗം ഐ​ക​ക​ണ്ഠ്യേ​ന പാ​സാ​ക്കി​യ പ്ര​മേ​യം പ​റ​യു​ന്നു.

പു​തി​യ ജി​ല്ല പ്ര​സി​ഡ​ൻ​റ് ഡോ. ​ടി.​കെ. ക​ർ​ണ​ൻ, സെ​ക്ര​ട്ട​റി ഡോ. ​ജോ​സ്​​റ്റി​ൻ ഫ്രാ​ൻ​സീ​സ് എ​ന്നി​വ​ർ സ്ഥാ​ന​മേ​റ്റെ​ടു​ക്കു​ന്ന ച​ട​ങ്ങി​ലാ​ണ് മെ​ഡി​ക്ക​ൽ കോ​ള​ജ് വി​ഷ​യ​ത്തി​ൽ പ്ര​മേ‍യം അ​വ​ത​രി​പ്പി​ച്ച​ത്. ച​ട​ങ്ങി​ൽ ജി​ല്ല മെ​ഡി​ക്ക​ൽ ഓ​ഫി​സ​ർ ഡോ. ​ആ​ർ. രേ​ണു​ക, കെ.​ജി.​എം.​ഒ.​എ സം​സ്ഥാ​ന സെ​ക്ര​ട്ട​റി ഡോ. ​ടി.​എ​ൻ. സു​രേ​ഷ് എ​ന്നി​വ​ർ പ​ങ്കെ​ടു​ത്തു.

'ജി​ല്ല ആ​ശു​പ​ത്രി​യി​ൽ തു​ട​ങ്ങ​ണം'

മാ​ന​ന്ത​വാ​ടി: മെ​ഡി​ക്ക​ൽ കോ​ള​ജ് ഉ​ട​ൻ ജി​ല്ല ആ​ശു​പ​ത്രി​യി​ൽ പ്ര​വ​ർ​ത്ത​നം ആ​രം​ഭി​ക്ക​ണ​മെ​ന്ന് സ്പ​ന്ദ​നം മാ​ന​ന്ത​വാ​ടി ആ​വ​ശ്യ​പ്പെ​ട്ടു. മെ​ഡി​ക്ക​ൽ കോ​ള​ജ് തു​ട​ങ്ങാ​നു​ള്ള എ​ല്ലാ​വി​ധ സൗ​ക​ര്യ​ങ്ങ​ളും ഇ​വി​ടെ​യു​ണ്ട്. ഇൗ ​അ​ധ്യ​യ​ന വ​ർ​ഷം ത​ന്നെ ക്ലാ​സു​ക​ൾ ആ​രം​ഭി​ക്കു​ക​യാ​ണെ​ങ്കി​ൽ താ​ൽ​ക്കാ​ലി​ക സൗ​ക​ര്യം ഒ​രു​ക്കാ​ൻ ത​യാ​റാ​ണെ​ന്നും യോ​ഗം വ്യ​ക്ത​മാ​ക്കി. പ്ര​സി​ഡ​ൻ​റ്​ ബാ​ബു ഫി​ലി​പ്പ് അ​ധ്യ​ക്ഷ​ത വ​ഹി​ച്ചു. എം.​ജെ. വ​ർ​ക്കി, കൈ​പ്പാ​ണി ഇ​ബ്രാ​ഹിം, കെ.​എം. ഷി​നോ​ജ്, കോ​മ​ത്ത് മു​സ്ത​ഫ, ജ​സ്​​റ്റി​ൻ പ​ന​ച്ചി​യി​ൽ, പി.​സി. ജോ​ൺ​സ​ൺ, വി.​ജെ. ഷാ​ജു, വി.​എ​സ്. ഗി​രീ​ശ​ൻ, കെ. ​രാ​ഘ​വ​ൻ, മ​നു മ​ത്താ​യി, എം. ​ക​രു​ണാ​ക​ര​ൻ എ​ന്നി​വ​ർ സം​സാ​രി​ച്ചു.