കടമാൻതോട് പദ്ധതി: ലിഡാർ സർവേ അന്തിമഘട്ടത്തിലേക്ക്

പു​ൽ​പ​ള്ളി: നി​ർ​ദി​ഷ്​​ട ക​ട​മാ​ൻ തോ​ട് പ​ദ്ധ​തി​യു​ടെ ലൈറ്റ് ഡിറ്റക്ഷൻ ആൻഡ് റേഞ്ചിങ്ങ് (ലി​ഡാ​ർ) സ​ർ​വേ അ​ന്തി​മ​ഘ​ട്ട​ത്തി​ലേ​ക്ക്. പ​ദ്ധ​തി ന​ട​പ്പാ​ക്കാ​ൻ ഉ​ദ്ദേ​ശി​ക്കു​ന്ന ആ​ന​പ്പാ​റ​യി​ലും പ​രി​സ​ര​ങ്ങ​ളി​ലും റി​സ​ർ​വോ​യ​ർ ഏ​രി​യ​യി​ലുമാണ് സ​ർ​വേ ന​ട​ത്തി​യ​ത്. 15 ഇ​ട​ങ്ങ​ളി​ലാ​യി​ട്ടാ​ണ് ബ​ഞ്ച് മാ​ർ​ക്ക് ചെ​യ്യു​ന്ന​ത്.

ഇ​തി​ന്റെ ഭാ​ഗ​മാ​യി താ​ഴെ അ​ങ്ങാ​ടി, മീ​നം​കൊ​ല്ലി, ആ​ന​പ്പാ​റ തു​ട​ങ്ങി​യ സ്ഥ​ല​ങ്ങ​ളി​ലാ​ണ് സ​ർ​വേ ന​ട​ത്തി​യ​ത്. അ​ടു​ത്ത ര​ണ്ടാ​ഴ്ച​ക്കു​ള്ളി​ൽ പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​കു​മെ​ന്നും ബ​ന്ധ​പ്പെ​ട്ട​വ​ർ പ​റ​ഞ്ഞു. അ​തി​നു​ശേ​ഷം മു​ഖ്യ​മ​ന്ത്രി​യു​ടെ ഓ​ഫി​സി​ലേ​ക്ക് സ​ർ​വേ റി​പ്പോ​ർ​ട്ട് കൈ​മാ​റും. സ​ർ​വേ ത​ട​യു​മെ​ന്ന മു​ന്ന​റി​യി​പ്പി​നെ​ത്തു​ട​ർ​ന്ന് വ​ൻ പൊ​ലീ​സ്​ സം​ഘം സ്ഥ​ല​ത്ത് എ​ത്തി​യി​രു​ന്നു. സ​മ​ര​സ​മി​തി അം​ഗ​ങ്ങ​ളും പ്ര​തി​ഷേ​ധ​വു​മാ​യി എ​ത്തി​യി​രു​ന്നു.

ക​ഴി​ഞ്ഞ ഒ​രു മാ​സ​മാ​യി സ​ർ​വേ പ്ര​വ​ർ​ത്ത​ന​ങ്ങ​ൾ തു​ട​രു​ക​യാ​ണ്. കാ​വേ​രി പ്രോജ​ക്ട് എ​ക്സി​ക്യൂ​ട്ടി​വ് എ​ൻ​ജി​നീ​യ​ർ ഷം​സാ​ദ, അ​സി. എ​ൻ​ജി​നീ​യ​ർ പി. ​സു​ർ​ജി​ത്ത് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് സ​ർ​വേ. ഡ​ൽ​ഹി​യി​ൽ നി​ന്നു​ള്ള വി​ദ​ഗ്ധ സം​ഘ​മാ​ണ് സ​ർ​വേ ജോ​ലി​ക​ൾ ഏ​റ്റെ​ടു​ത്തി​രി​ക്കു​ന്ന​ത്.