നെല്ലിയമ്പം ഇരട്ടക്കൊല: തുമ്പ് ലഭിക്കാതെ പൊലീസ്​

മാ​ന​ന്ത​വാ​ടി: പ​ന​മ​രം നെ​ല്ലി​യ​മ്പ​ത്ത് വ​യോ​ധി​ക​ദ​മ്പ​തി​ക​ളെ കു​ത്തി​ക്കൊ​ല​പ്പെ​ടു​ത്തി​യി​ട്ട് 10 ദി​വ​സം പി​ന്നി​ട്ടി​ട്ടും പ്ര​തി​ക​ളെ കു​റി​ച്ച് ഒ​രു തു​മ്പും ല​ഭി​ക്കാ​തെ പൊ​ലീ​സ് ഇ​രു​ട്ടി​ൽ​ത​പ്പു​ന്നു.

ഇ​തോ​ടെ അ​ന്വേ​ഷ​ണം ക്രൈം​ബ്രാ​ഞ്ച് ഉ​ൾ​പ്പെ​ടെ​യു​ള്ള ഏ​ജ​ൻ​സി​ക​ളെ ഏ​ൽ​പി​ക്ക​ണ​മെ​ന്ന ആ​വ​ശ്യം വി​വി​ധ കോ​ണു​ക​ളി​ൽ​നി​ന്ന്​ ഉ​യ​ർ​ന്നി​ട്ടു​ണ്ട്. ക​ഴി​ഞ്ഞ പ​ത്തി​നാ​ണ് താ​ഴെ നെ​ല്ലി​യ​മ്പം കാ​വ​ട​ത്ത് റി​ട്ട. അ​ധ്യാ​പ​ക​ൻ പ​ത്മാ​ല​യ​ത്തി​ൽ കേ​ശ​വ​ൻ മാ​സ്​​റ്റ​ർ (72), ഭാ​ര്യ പ​ത്മാ​വ​തി എ​ന്നി​വ​ർ വീ​ട്ടി​നു​ള്ളി​ൽ മു​ഖം​മൂ​ടി ധാ​രി​ക​ളു​ടെ കു​ത്തേ​റ്റ് മ​രി​ച്ച​ത്.

മാ​ന​ന്ത​വാ​ടി ഡി​വൈ.​എ​സ്.​പി എ.​പി. ച​ന്ദ്ര​െൻറ നേ​തൃ​ത്വ​ത്തി​ൽ പ്ര​ത്യേ​ക സം​ഘ​മാ​ണ് കേ​സ് അ​ന്വേ​ഷി​ക്കു​ന്ന​ത്. ഇ​തി​ന​കം നി​ര​വ​ധി പേ​രെ ചോ​ദ്യം ചെ​യ്തെ​ങ്കി​ലും കാ​ര്യ​മാ​യ തു​മ്പൊ​ന്നും കി​ട്ടി​യി​ട്ടി​ല്ല. മൊ​ബൈ​ൽ ട​വ​റു​ക​ളും സി.​സി.​ടി.​വി​ക​ളും പ​രി​ശോ​ധി​ച്ചി​ട്ടും പ്ര​തി​ക​ളെ കു​റി​ച്ച് ഒ​രു സൂ​ച​ന​യും ല​ഭി​ച്ചി​ല്ല. ആ​ക്ര​മി​സം​ഘ​ത്തി​ന് പ​രി​ക്കേ​ൽ​ക്കാ​ൻ സാ​ധ്യ​ത​യു​ണ്ടെ​ന്ന നി​ഗ​മ​ന​ത്താ​ൽ ജി​ല്ല​യി​ലെ ആ​ശു​പ​ത്രി​ക​ളി​ൽ പ്ര​തി​ക​ൾ ചി​കി​ത്സ​തേ​ടി​യി​ട്ടു​ണ്ടോ എ​ന്നും പൊ​ലീ​സ് പ​രി​ശോ​ധി​ച്ചു​വ​രു​ക​യാ​ണ്.

മു​ഖാ​വ​ര​ണം ധ​രി​ച്ച ര​ണ്ട് പേ​രാ​ണ് ആ​ക്ര​മ​ണ​ത്തി​ന് പി​ന്നി​ലെ​ന്നാ​ണ് പൊ​ലീ​സി​ന് ല​ഭി​ച്ച വി​വ​രം.

അ​ന്വേ​ഷ​ണം പ​രോ​ളി​ൽ ഇ​റ​ങ്ങി​യ​വ​രി​ലേ​ക്കും

കൊ​ല​പാ​ത​കം ന​ട​ത്തി​യ​വ​ർ ജ​യി​ലി​ൽ​നി​ന്ന്​ ഇ​റ​ങ്ങി​യ​വ​രാ​ണോ എ​ന്ന സം​ശ​യം അ​ന്വേ​ഷ​ണ​സം​ഘ​ത്തി​നു​ണ്ട്. ഈ ​നി​ല​യി​ൽ അ​ന്വേ​ഷ​ണം ന​ട​ത്തി​യി​ട്ടും കാ​ര്യ​മാ​യ പു​രോ​ഗ​തി ഉ​ണ്ടാ​ക്കാ​നാ​യി​ല്ല. കൊ​ല​പാ​ത​കം ന​ട​ന്ന വീ​ടും പ​രി​സ​ര​വും അ​രി​ച്ചു​പെ​റു​ക്കി​യി​രു​ന്നു.

ര​ക്ത​ക്ക​റ പു​ര​ണ്ട തു​ണി, അ​ഴി​ക​ൾ എ​ടു​ത്തു​മാ​റ്റി ജ​ന​ൽ​പാ​ളി പൊ​ളി​ച്ച​ത് എ​ന്നി​വ​യാ​ണ് ആ​കെ കി​ട്ടി​യി​രി​ക്കു​ന്ന തു​മ്പു​ക​ൾ. മൊ​ബൈ​ൽ ട​വ​ർ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​ത്തി​ൽ സം​ശ​യ​മു​ള്ള​വ​രെ വി​ളി​ച്ചു​വ​രു​ത്തി ചോ​ദ്യം ചെ​യ്യു​ന്നു​ണ്ട്. ഇ​വ​രു​ടെ വി​ര​ല​ട​യാ​ള​ങ്ങ​ളും ശേ​ഖ​രി​ക്കു​ന്നു​ണ്ട്. കോ​വി​ഡ് കാ​ല​മാ​യ​തോ​ടെ സം​സ്ഥാ​ന​ത്തെ വി​വി​ധ ജ​യി​ലു​ക​ളി​ൽ​നി​ന്ന്​ ക്രി​മി​ന​ൽ പ​ശ്ചാ​ത്ത​ല​മു​ള്ള നി​ര​വ​ധി​പേ​ർ പു​റ​ത്തി​റ​ങ്ങി​യി​ട്ടു​ണ്ട്.

അ​വ​രി​ലേ​ക്കും അ​ന്വേ​ഷ​ണം നീ​ങ്ങി​യാ​ൽ മാ​ത്ര​മേ കാ​ര്യ​ങ്ങ​ൾ​ക്ക് വ്യ​ക്ത​ത വ​രു​ക​യു​ള്ളൂ എ​ന്ന് നാ​ട്ടു​കാ​രി​ൽ​നി​ന്ന്​ അ​ഭി​പ്രാ​യ​മു​യ​രു​ന്നു​ണ്ട്. കൊ​ല​പാ​ത​കം ന​ട​ന്ന​തി​നു​ശേ​ഷം കാ​വ​ടം, നെ​ല്ലി​യ​മ്പം, ന​ട​വ​യ​ൽ, കാ​യ​ക്കു​ന്ന്, പു​ഞ്ച​വ​യ​ൽ തു​ട​ങ്ങി​യ പ്ര​ദേ​ശ​ങ്ങ​ളി​ലൊ​ക്കെ ജ​ന​ങ്ങ​ൾ ഭീ​തി​യി​ലാ​ണ്.

പൊ​ലീ​സി​ലെ വി​ദ​ഗ്ധ​ർ അ​ന്വേ​ഷ​ണ​സം​ഘ​ത്തി​ൽ ഉ​ണ്ടെ​ങ്കി​ലും ഒ​രു​തു​മ്പും ഇ​തു​വ​രെ ല​ഭി​ച്ചി​ട്ടി​ല്ല. കൊ​ല​പാ​ത​കം ന​ട​ന്ന് ആ​ഴ്ച​ക​ൾ ക​ഴി​ഞ്ഞി​ട്ടും പ്ര​തി​ക​ളി​ലേ​ക്ക് എ​ത്താ​ൻ​പോ​ലും പൊ​ലീ​സി​ന് ക​ഴി​യാ​ത്ത​ത് ഇ​വ​രു​ടെ ആ​ശ​ങ്ക വ​ർ​ധി​പ്പി​ക്കു​ക​യാ​ണ്. കു​റ്റാ​ന്വേ​ഷ​ണ​ത്തി​ന് ആ​ധു​നി​ക​സം​വി​ധാ​ന​ങ്ങ​ൾ എ​ല്ലാ​മു​ള്ള പൊ​ലീ​സി​ന് ഒ​രു തു​മ്പു​പോ​ലും ല​ഭി​ക്കാ​ത്ത​ത് എ​ന്തു​കൊ​ണ്ടാ​ണെ​ന്ന ചോ​ദ്യം അ​വ​ശേ​ഷി​ക്കു​ക​യാ​ണ്. ഇ​തി​നി​ടെ നാ​ട്ടു​കാ​ർ ക​ർ​മ​സ​മി​തി രൂ​പ​വ​ത്ക​രി​ച്ച് പ്ര​ക്ഷോ​ഭ​ത്തി​ന് ഒ​രു​ങ്ങു​ന്നു​മു​ണ്ട്.